The Edict Of Jibe Temür
Reconstruction, not a copy of the monument: the Mongolian-script text is generated automatically from the transcription in modern Unicode spelling. The orthography of pre-classical documents differed; consult the facsimile and the edition.
1
ᠮᠥᠩᠬᠡ ᠲᠩᠷᠢ ᠶᠢᠨ ᠬᠦᠴᠦᠨᠳᠦᠷ ᠬᠠᠭᠠᠨ ᠤ ᠰᠤᠤ ᠳᠤᠷ ᠵᠢᠪᠡ ᠲᠡᠮᠦᠷ ᠦᠭᠡ ᠮᠠᠨᠤ ᠢᠷᠭᠡᠨ ᠦ ᠨᠣᠶᠠᠳ ᠲᠠ ᠪᠠᠯᠠᠭᠠᠳ ᠤᠨ ᠳᠠᠷᠤᠭᠠᠰ ᠳᠠ ᠨᠣᠶᠠᠳ ᠲᠠ ᠶᠣᠷᠴᠢᠬᠤᠨ ᠶᠠᠪᠤᠬᠤᠨ ᠢᠯᠴᠢᠨᠡ ᠴᠡᠷᠢᠭᠦᠳ ᠦᠨ ᠨᠣᠶᠠᠳ ᠲᠠ ᠴᠡᠷᠢᠭ ᠠᠷᠠᠨᠠ ᠤᠷᠢᠳᠠᠨ ᠤ ᠪᠡᠷ ᠵᠷᠯᠭ ᠲᠤᠷ ᠡᠳᠦᠭᠡ ᠪᠡᠷ ᠬᠠᠭᠠᠨ ᠤ ᠵᠷᠯᠭ ᠲᠤᠷ ᠲᠣᠶᠢᠳ ᠡᠷᠬᠡᠭᠦᠳ ᠱᠢᠩᠱᠢᠩᠦᠳ ᠳᠠᠱᠮᠠᠳ ᠠᠯᠢ ᠪᠡᠷ ᠠᠯᠪᠠ ᠭᠤᠪᠴᠢᠷᠢ ᠦᠯᠦ ᠦᠵᠡᠨ ᠲᠩᠷᠢ ᠶᠢ ᠵᠠᠯᠪᠠᠷᠢᠵᠤ ᠢᠷᠦᠭᠡᠷ ᠥᠭᠦᠨ ᠠᠲᠤᠭᠠᠢ ᠬᠡᠮᠡᠭᠰᠡᠳ ᠵᠷᠯᠭ ᠤᠨ ᠶᠣᠰᠤᠭᠠᠷ ᠴᠠᠭᠠᠨ ᠪᠠᠯᠠᠭᠠᠰᠤᠨ ᠳᠤᠷ ᠮᠢᠩ ᠵᠢᠤ ᠳᠦᠷ ᠬᠦᠢ ᠭᠠᠩ ᠬᠢᠨ ᠳᠦᠷ ᠮᠡᠭᠦ ᠳᠦᠷ ᠪᠦᠬᠦᠨ ᠳᠤᠩ ᠵᠢᠨ ᠸᠠᠨ ᠱᠢᠤ ᠭᠦᠩᠵᠢᠦ ᠲᠡᠷᠢᠭᠦᠲᠡᠨ ᠭᠦᠩ ᠳᠦᠷ ᠠᠬᠤᠨ ᠴᠠᠩ ᠴᠤᠨ ᠶᠠᠨ ᠳᠠᠣ ᠵᠢᠤ ᠭᠢᠤ ᠵᠢᠨ ᠢᠨ ᠮᠤᠨ ᠬᠠ ᠴᠤᠩ ᠬᠦᠦ ᠬᠤᠩ ᠭᠢᠤ ᠵᠢᠨ ᠢᠨ ᠶᠠᠩ ᠵᠢ ᠵᠢᠨ ᠲᠤᠤ ᠲᠢ ᠰᠢᠰᠢ ᠲᠤᠩ ᠵᠢᠨ ᠳᠠᠢᠰᠢ ᠲᠢᠲᠡᠮ ᠰᠤᠨ ᠵᠢ ᠭᠢᠤ ᠲᠡᠷᠢᠭᠦᠲᠡᠨ ᠱᠢᠩᠱᠢᠩᠦᠳ ᠲᠡ ᠪᠠᠷᠢᠵᠤ ᠠᠬᠤ ᠠᠯ ᠲᠠᠮᠭᠠᠲᠠᠢ ᠪᠢᠴᠢᠭ ᠥᠭᠪᠡᠢ
01. [Möngke] tngri-yi:n küčündür 02. qaγa:n-u suu-dur 03. [Jibe Temür] üge manu 04. [irgen]-ü [noyad]-ta 05. balaγad-un daruγas-da noyad- 06. ta yorčiqun yabuqun 07. ilčin-e [čerigü:d]-ün [noyad]-ta [čerig] aran-a [uridan]-u ber 08. jrlγ-tur edüge: ber 09. qaγa:n-u jrlγ-tur [toyid erkegü:d] šingšingü:d [dašmad ali] ber alba γubčiri [ülü] üjen 10. tngri-yi jalbariju irüge:r ögün atuγai keme:gsed 11. jrlγ-un yosuγa:r Čaγa:n balaγasun-dur ming jiu-dür [küi] gang kin-dür megü-dür bükün 12. dung [jin van] šiu güngjiü [terigü:ten] güng-dür aqun čang čun yan dao [jiu giu] jin 13. [žin mun] q-a čung küü qung [giu] jin žin yang [ji jin] tuu [ti] sisi tung jin 14. daisi titem sun ji giu terigü:ten [šingšingü:d-te bariju] aqu al tamγatai [bičig] ögbei.
2
ᠡᠳᠡᠨ ᠦ ᠭᠦᠩ ᠳᠦᠷ ᠬᠡᠶᠢᠳ ᠲᠦᠷ ᠠᠨᠤ ᠢᠯᠴᠢᠨ ᠪᠣᠯᠤᠨ ᠪᠦᠦ ᠪᠠᠭᠤᠲᠤᠭᠠᠢ
Eden- 15. ü güng-dür keyid-tür anu ilčin bolun büü baγu:tuγai.
4
ᠭᠠᠵᠠᠷ ᠤᠰᠤᠨ ᠠᠷᠠᠨ ᠠᠳᠤᠭᠤᠰᠤᠨ ᠶᠠᠭᠤᠳ ᠬᠡᠳᠢ ᠠᠨᠤ ᠶᠣᠰᠤ ᠦᠭᠡᠢ ᠬᠦᠴᠦ ᠬᠦᠷᠭᠡᠵᠦ ᠪᠤᠯᠢᠵᠤ ᠲᠠᠲᠠᠵᠤ ᠪᠦᠦ ᠠᠪᠲᠤᠭᠠᠢ
γajar [usun] aran [aduγu:sun yaγu:d] kedi anu yosu ügei küčü [kürgejü] buliju tataju [büü] 17. abtuγai.
5
ᠡᠳᠡ ᠪᠡᠷ ᠱᠢᠩᠱᠢᠩᠦᠳ ᠪᠢᠴᠢᠭᠲᠡᠨ ᠬᠡᠮᠡᠵᠦ ᠡᠮᠴᠦᠰ ᠪᠣᠯᠭᠠᠨ ᠦᠵᠡᠬᠦᠨ ᠠᠷᠠᠨ ᠢ ᠡᠰᠡ ᠬᠠᠭᠤᠯᠵᠤ ᠠᠷᠠᠨ ᠤ ᠭᠠᠵᠠᠷ ᠡᠰᠡ ᠲᠡᠮᠡᠴᠡᠨ ᠶᠡᠬᠡ ᠵᠷᠯᠭ ᠳᠠᠭᠠᠨ ᠶᠠᠪᠤᠰᠤᠭᠠᠢ
Ede ber [šingšingü:d] bičigten keme:jü [emčüs bolγan] üjekün aran-i ese [...] qaγulju 18. [aran]-u γajar ese temečen 19. [yeke] jrlγ [daγan] yabusuγai.
7
ᠪᠢᠴᠢᠭ ᠮᠠᠨᠤ ᠦᠬᠡᠷ ᠵᠢᠯ ᠥᠪᠦᠯ ᠦᠨ ᠲᠡᠷᠢᠭᠦᠨ ᠰᠠᠷᠠ ᠢᠨ ᠵᠢᠷᠭᠤᠭᠠᠨ ᠱᠢᠨᠢ ᠳᠡ ᠦᠩᠵᠡᠩᠸᠦ ᠳᠡ ᠪᠢᠴᠢᠪᠡᠢ
20. Bičig manu 21. üker jil öbül-ün terigü:n 22. sara-i:n jirγuγa:n šini- 23. de Üngjengvü-de bičibei.