Historical corpus of the Mongolian language

erten=ü qad=un ündüsülegsen törö yosun=u (ulus=un nom=un) jokiyal=i tobčilan quriyaγsan Altan Tobči kemekü orosibai #

uva suvasdi siddam # erkin bodisung=nar=un törölkiten erdemtü degedü qad=un ijaγur=i Enedkeg Töbed=eče ündüsülegsen=i edüi tedüyiken quriyan ögülesügei # orčilang=un kümün amitan=dur onoju üyiledkü ügei=yin tulada Ori-burqan=u jayaγabar Ma-X=a-Samadi olan=a ergügdegsen qaγan kemen aldarsiγsan yosun anu # erte tere čaγ=tur jambutyib=un kümün anu qubilju töröyü diyan=u idegen ideyü öber=ün bey=e=eče gerel badarayu ridi qubilγan=iyar oγtarγui=bar yabuyu čaγlasi ügei nasutu buyu tere čaγ=tur teden=ü dotora amtan=dur tačiyaγčid jarim=ud anu γajar=ača γaruγsan bal=un amtatu čaγan öngge=tü rasiyan=u sim=e nere=tü idegen=i idegsen=dür bey=e=yin gerel anu ügei boluγad qab qarangγui boluγsan=dur yerüngkei amitan=u jayaγabar tngri=yin köbegün naran saran oγtarγui=bar γarču dörben tyib=üd=i geyigülbei tegün=ü qoyina tere idegen=i yeke idegsed maγu öngge=tü boluγad öčüken idegsed sayin öngge=tü boluγad minu öngge sayin čin=u öngge maγu kemen nigen nigen=iyen doromjilaγsan=iyar tere idegen anu ügei bolbai tegün=i qoyina ulburi öngge=tü bal=un

amtatu γajar=un tosu kemekü idegen γarču tere idegen=i ideged basa kü uridu yosuγar ügei bolbai tegün=i qoyina uqaγan=u oi kemekü idegen γarču basa kü ügei bolbai tegün=i qoyina ese tariγsan salu neretü tuturγ=a γarču idebei tere idegen serigün büküi=yin tula burtaγ=ud γarqui=yin oron terigüten γaruγad er=e em=e=yin belges γaruγsan=dur nigen nigen=tür=iyen tačiyalduγsan=iyar er=e em=e bolulčaqui yosun anu tendeče bolbai # tedeger amitan anu tere tuturγ=a=yi buliyaldun quriyan abuγsan=tur basa kü baraγdabai tendeče tariyan tariqui čaγ boluγsan=tur nigen nigen=iyen tariγsan=i buliyaldun temečeldübei tere čaγ=tur tedeger irgen anu eyedün jöbleldüjü teden=ü dotora nigen sayin aγasi=du öngge sayitu teyimü nigen kümün=i noyan bolγan ergübei tere noyan bar ünen qudal qoyar=i ilγaju jasaγlaγsan=iyar tedeger qamuγ arad anu tere noyan=i masi yeke=de ergün kündülegsen=iyer Enedkeg=ün eng terigün Maq=a-Samadi-qaγan kemen aldarsibai # qad=un ijaγur anu tegün=eče bolbai tere qaγan=u köbegün anu Üjesgüleng-Gerel=tü kemekü qaγan tegün=ü köbegün Buyan=tu-qaγan tegün=ü köbegün Tedkün-Asaraγči-qutuγ=du-qaγan

buyu # tegün=ü köbegün Namai-Kökö kemekü dörben tyib=i ejelegči Altan-Kürdütü-qaγan tegün=ü köbegün üjesgüleng=tü γurban tyib=i ejelegči Mönggön-Kürdütü-qaγan tegün=ü köbegün masi üjesgüleng=tü qoyar tyib=i ejelegči Jes-Kürdütü-qaγan tegün=ü köbegün sayin üjesgüleng=tü nigen tyib=i ejelegči Temür-Kürdütü-qaγan tegün=ü köbegün Tegüs-Üjesgüleng=tü-qaγan buyu tede tabun Čakravarti-qaγan kemen aldarsibai # Tegüs-Üjesgüleng=tü-qaγan=u köbegün Talbiγči-qaγan tegün=ü köbegün Talbin-Bariγči-qaγan tegün=ü köbegün $egüni-qaγan tegün=ü köbegün Güsi-qaγan tegün=ü köbegün Yeke-Güsi-qaγan tegün=ü köbegün Sayin-Üjegči-qaγan buyu Maq=a-Samadi-qaγan=u altan uruγ=ača inaγsi saluγsan Girgi-qaγan buyu tegün=ü köbegün Sayin-Töröl=tü-qaγan tere qaγan=ača ulam ulam jerge=ber saluγsan qad=un ečüs Arslan-Oγočitu-qaγan buyu # tegün=ü köbegün Ariγun-Idegetü-qaγan Čaγan-Idegetü-qaγan Tangsuγ-Idegetü-qaγan Rasiyan-Idegetü-qaγan ede dörben buyu Ariγun-Idegetü-qaγan=u köbegün Burqan-baγsi Üjesgüleng=tü-Nandi qoyar buyu Čaγan-Idegetü-qaγan=u köbegün Nasun=a-Tegülder-Ilaγuγči

kiged Tegüs-Sayin qoyar buyu Tangsuγ-Idegetü-qaγan=u köbegün Nasun=a-Tegülder yeke neretü kiged Ülü-Doroyitaγči qoyar buyu Rasiyan-Idegetü-qaγan=u köbegün Davadad Ananda qoyar buyu Sikamuni=yin köbegün Raquli buyu Raquli toyin boluγsan=u tula Ariγun-Idegetü-qaγan=u ijaγur tasuraba gekü olan sudur=ud=tur tasuraγsan ügei kemen nomlabai # Burqan nirvan=tur nökčijü mingγan ilegü jil boluγsan=u qoyina Maq=a-Samadi-qaγan=u altan uruγ=ača dorona časutu oron=tur delgeregsen anu eyin buyu Enedkeg=ün Megede=yin Küsala-qaγan=u köbegün Sarba neretü qaγan=u tabun köbegün=ü odqan inu törölki kiris üsütü γar köl inu qabtaγai nidün inu doora=ača degegside aniqu buyu ene uridaki töröl=tür adali busu kemeldüjü jis <jes> qaγurčaγ=tur kijü Gangga-mören=tür oγorbai # Balbu Töbed qoyar=un jabsar=a Töbed=ün nigen ebügen mören=ü kijaγar=ača qaγurčaγ=i oluγad negejü üjebesü γou=a üjesgüleng(=tü) nigen köbegün ajuqu arban jirγuγan nasutu bolju Časutu-Sambu-aγula dörben qari γajar=i uqaju nutuγlay=a gejü iretele Töbed=ün kümün učaraju qamiγ=a=ača irekü kümün buyu gejü asaγba degegside

jiγabai ene keüken tngri=deče jayaγatu buyu ma=nu Töbed ulus qaγan ügei buyu gejü küjügün=tür=iyen ergün abču irebei Töbed=ün eng terigün Küjügün-Sandali=tu-qaγan tere buyu # tegün=ü köbegün Kümün-Sandali=tu-qaγan tegün=ü köbegün Kiy=a-Jarbu-Sibaγun-Sandali=tu-qaγan tegün=ü köbegün Nayidulγ=a-Arbai-Sandali=tu-qaγan tegün=ü köbegün Küri-Külüg-Γal-Bolor-Sandali=tu-qaγan tegün=ü köbegün Gün-Sobin-Morin-Sandali=tu-qaγan tegün=ü köbegün Dalai-Sobin-Altan-Sandali=tu-qaγan buyu edeger erkin doloγan sandali=tu qaγan kemen aldarsibai # tere qaγan=ača salju arban yisün üy=e boluγsan=tur Lxa-Dotori-Ismtan-Sal neretü qaγan=u čaγ=tur burqan=u šasin=u ekin=i oluγsan aju tere qaγan=ača salju tabun üy=e boluγsan=tur Srong-Sang-Rγambo-qaγan törögsen buyu tere qaγan anu Kitad=un γajar=ača Noγoγan-Dara-bodisung Jau-Sikamuni terigüten=i jalaγad Balbu=yin γajar=ača čaγan Dara-bodisung Jau-Aγašubi-burqan terigüten=i jalaju süm=e keyid=i bayiγulju Tomi-Sambuda kemekü tüsimel=i Enedkeg=dür ilegejü bičig=üd=i ačiraju Töbed=ün Ananda-bandida Tomi-Sambuda kelemürčin=iyer nom=ud=i orčiγulju

nom=un törö yosun=i γarγaju geyilgebei # tere qaγan=ača ulam salju tabun üy=e boluγsan=tur Di-Srung-Dabčan-qaγan anu Amurliγsan-Dalai neretü blam=a Badm=a-Sambau=a baγsi ba Gemelesile terigüten bandida=yi jalaju ireged Viročan=a terigüten olan kelemürčid=iyer nom=ud=i orčiγulju šasin=i yeke=de delgeregülbei tere qaγan=ača γurban üy=e boluγsan=tur Üsün-Sandali=tu-qaγan anu Enedkeg=eče Mida kemekü blam=a=yi jalaju erte orčiγuluγsan nom=ud=i jasan ese orčiγuluγsan nom=ud=i orčiγulju burqan=i šasin=i yekede delgeregülbei tedeger ačitu qad=un ači=bar burqan=u šasin edüge kürtel=e delgeregülügsen ajuqu # Burqan nirvan=tur nökčijü γurban mingγan qoyar jaγun tabin ilegü jil boluγsan=tur umara Mongγol=un γajar=tur anu boγda Činggis-qaγan törögsen yosun eyimü buyu Töbed=ün eng terigün Küjügün-Sandali=tu-qaγan=ača saluγsan Dalai-Sobin-Altan-Sandali=tu- qaγan=u köbegün anu γurban buyu aq=a anu Boroču ded anu Sibaγuči odqan inu Börte-Čino=a buyu öber jaγuraban maγulalduju Börte-Čino=a umara jüg tenggis dalai ketüljü jad=un γajar=a ireged er=e ügei Γou=a-Maral

neretü ökin=i abču jad=un γajar=a nutuγlan Mongγol oboγ=tan bolba # deger=e tngri=yin jayaγabar tenggis dalai=yi ketüljü iregsen Börte-Čino=a Γou=a-Maral qoyar Burqan-Qaldun=a nutuγlaju aγsan ajuqu tere qoyar=ača Bata-Čaγan töröbe , Bata-Čaγan=u köbegün Tamačin neretü bölüge Tamačin=u köbegün Qoričar-Mergen bölüge Qoričar-Mergen=ü köbegün Uγujam-Buγurul bölüge Uγujam-Buγurul=un köbegün Sali-Qalčaγu bölüge Sali-Qalčaγu=yin köbegün Yeke-Nidün neretü bölüge Yeke-Nidün=ü köbegün Sem-Soči neretü bölüge Sem-Soči=yin köbegün Qaračus neretü bölüge Qaračus=un köbegün Burqan-Qaldun=u ebür eteged orosqu Botaγan(Buda)-Boγorčin=u terigün=e törögsen Borjigidai-Mergen Mongγoljin-Γou=a gergei=tü bölüge Mongγoljin-Γou=a=tača törögsen Torγoljin-Bayan Boroγčin-Γou=a gergei=tü Boroldai Qubilai jalaγu=tu (köbegün=tü) dayir boro qoyar külüg=üd mori=tu bölüge Boroγčin-Γou=a=tača törögsen Dou=a-Soqor Dobu-Mergen qoyar bölüge Dou=a-Soqor manglai dumda γaγča nidütü bögetele γurban negüri (negüdel) γajara üjem bölüge

nigen edür aq=a degü qoyaγula görögeleged Burqan-Qaldun=a degere γarbasu toyiran (oi siγui=yin) gerü=teče (ger=eče) Tünggileg-γoroqun (Čünggür-tala-tököm) uruγu nigen bölög irgen negüjü ayisuqui(ireküi)=yi aq=a inu Dou=a-Soqor üjejü ögülerün tere Tünggeling-γoroqun (Čünggür-tala-tököm) uruγu negüjü ayisuqui (ireküi) irgen=ü dotora nigen qarqutai (segür) tergen=ü öljigede (ködegei aral=tur) saγuγsan nigen ökin=ü öngge ger=e (gerel) endeče üjegdemü kümün=e ese ögdegsen bögesü degüü=degen čimada γuyisu kemejü Dobu-Mergen=i üjere (aγuljar=a) ilegebe tede irgen=tür kürbesü ünen kü kümün=e ese ögdegsen γou=a sayin ner=e aldar yeketei Alun-Γou=a neretü ökin ajuqu # tede irgen Barγujin-Tümed=ün ejen Qorildai-Mergen=ü Barγujin-Γou=a=tača törögsen Alun-Γou=a tere ajuqu Qorildai-Mergen Tümed=ün γajar=tur(=iyan) bulaγad (bulaγ) kerem=üd görögö γajad qurilaju qurilalduju (esergü tesergü) öber jaγuraban maγuγalin (maγu) bolulčaju Qorilar=un omoγ=tan bolba Burqan-Qaldun=a görögöli (görögesün) ola=tu bui kemen Burqan-Qaldun=a=ača burγan Uriyangqai Singsing-Bayan=tur negüjü ayisun (iren) ajuqu Qori-Tümed=ün Qorildai-Mergen=ü ökin ariγ usun=a törögsen Alun-Γou=a=yi Dobu-Mergen=ü abuγsan yosun teyimü bölüge # Alun-Γou=a

Dobu-Mergen=tür irejü Belgünütei (Begünütei) ner=e=ten qoyar köbegün töröbei Dou=a-Soqor dörben köbegün=tei bölüge tedüi atala Dou=a-Soqor ügei boluγsan=u qoyina dörben köbegün inu Dobu-Mergen abaγ=a=yuγan uruγ=a (töröl=e) ülü toγan doromjilaju qaγaju (orkiγad) negübe Dörben omoγ=tan bolba Dörben=ü (Dörböd=ün) ebüges tede bölüge # tegün=ü qoyina Dobu-Mergen nigen edür dobočaγ öndör degere görögelen odbasu oi dotor=a nigen kümün čau (čökü) buγu alaju ebdeged abid (buγuni) qabirγ=a inu siraju saγun ajuqu Dobu-Mergen kürčü nökör sirolγ=a (ireküi=eče) kemeged yaγun kümün bui či kemebesü tere kümün ögülerün bi Uriyangqan=u kümün bui kemeged aγušgi=tu jüyil=tü <jülde> arasun inu abču busu bügüde miqan=i anu Dou-Bu-Mergen=e ögbe Dobu-Mergen tere miqan=i abču qariju ayisuqui=tur (ireküi=tür) jaγura nigen yadanggi kümün öčüken köbegün=iyen köteljü ayisun (iren) ajuqu Dobu-Mergen ögülerün či yaγun kümün bui kemebesü tere kümün ögülerün Maγaliγ-Bayaγudai=yin kümün bui eyin yadaju yabun amu bi ene köbegün=iyen čimada ögsü tere miqan=ačaγan nada öggömü či kemebesü Dobu-Mergen tere čau (čökü) buγu=yin örögösün γuy=a inu quγulju

ögčü tere köbegün=i inu ger dotor=a jaruqu bölüge tedüi atala Dobu-Mergen ügei bolba # Dobu-Mergen ügei boluγsan=u qoyina Alun-Γou=a er=e ügei yabuju Buqu-Qatagi Buquči-Salji Bodančar-Mungqaγ nereten γurban köbegün töröbei Belgünütei Begünütei qoyar köbegün inu eke=yügen ede köbegüd=i töröbei kemen ečin=e (dalda) ögüleldür=ün aq=a degü üy=e qay=a kümün ügei bölüge ede köbegüd kenükei bolba ene Maγaliγ-Bayaγudai kümün ger=ün daruγ=a bölüge tegün=ükei bui j=a kemen kemeldüküi(ögüleldüküi)=yi Alun-Γou=a uqaju qabur=un nigen edür ügüče kögsimel (kögsin) qonin=u miq=a činaju tabun köbegün=iyen quriyaju jergelegüljü saγulγaγad nijeged mösün=i bariγulju köbegüd quγuluγtun kemen ögbesü köbegün inu quγulju orkiba basa jiči tabuγad mösün qamtu čuγlaju ögbesü ese quγulbai tendeče eke inu Alun-Γou=a ögülerün qoyar köbegüd minu sereküi tan=u ede γurban köbegüd=i töröbei kemen ken=ü yaγun=u köbegün bui kemen seremüi j=a sereküi=ber tan=u jöb bui šöni büri sira čegüken kümün irejü kegeli minu ilbijü ger=de erüke totaq=a=yin ger=e=lüge oroju naran saran gilbaran (mandun)

γarqu čaγ=tur sira noqai bolju silmeljijü γarču odum bölüge tegüber uqabasu temdeg inu tngri=yin köbegün bui j=a kemen sanam bölüge bi qaraču kümün=dür qanidqan (adalidqan) büü ögüledkün mön=e qoyina qari=yin qad ulus=un ejen bolbasu tende man=a uqaqun(medekü bui) j=a ta qara terigütü kümün busu bui j=a yaγun čigi bolbasu (yambar ču bolba) ta qoyar=un nökör següder tan=u boltuγai kemebesü qoyar köbegüd inu ese dongγodba (daγun ese γarba) basa Alun-Γou=a köbegüd=tegen surγal ögüler=ün tabun köbegüd minu ta γaγča kebeli=eče töröbei j=a ta tabuγula ey=e öber=e=ten bolbasu tuγar=un γaγča mösün metü kilbar ilaγdaqun ta tere (talaγsan) čuγ mösün metü nigen ey=e=tü bolbasu ken=e=ber yakin bolγun (daruγdaqu) ta kemebe tedüi atala Alun-Γou=a ügei bolba # eke=yügen ügei boluγsan=u qoyina aq=a=nar degüü=ner aduγun=iyan qubiyaju abulčaba Belgünütei Begünütei Buqu-Qatagi Buquči-Salji dörben aq=a=nar inu qubi abulčabai angqan=u degüü Bodančar=i mungqaγ bidaγu buyu kemen uruγ=a (töröl=e) ülü toγan qubi ese ögbe Bodančar qubi ese kürtejü eyin atala yaγun kemejü γool daγari=tu γodoli segül=tü oroγ singqula=yi unuju ükübesü abasu jayaγan minu medetügei kemen Onan-mören

uruγu odba oduγad Onan=u belčir aral=a kürčü ebesün embüle (görömel) gerkijü tende aba (saγuba) aγsan (saγuγsan) üjügür=e (γajar=un öndör=e) nigen edür boroγčin qarčaγai qara quru bariju idekü=yi üjejü γool daγari=tu γodoli segül=tü oroγ singqula=yin segül=ün kilγasu=bar urγalaju bariju asara=ba (qarčaγai=yi tejiyebe) tendeče ideküi idegen ügei bolju börte-čino=a=yin γundur qorγoγaluγsan görögesün=i mariyaju qarbuju alaγad öber=iyen=ber ideged qarčaγai=yuγan=bar tejiyeged tere on γarba qoyitu on irejü qabur bolbasu nuγud γalaγud irebesü qarčaγai=yuγan tataju oγorbasu (talbibasu) qojiγula tutum qongsiγun öni (deleddüged öni saγula) ögčigüle tutum öngsigün ünüstetele nuγud γalaγud=i bariγulju iden büküi=tür toyiran (oi=yin) ger=üd=eče Tünggelig(Čünggür-tököm)-γoroqan uruγu nigen bölög irgen negüjü ayisuqui(ireküi)=yi Bodančar üjejü qarčaγai=yuγan bariγad tede irgen=tür odču edür bariγuluγsan nuγusun=ača ögčü üsüg umdaγan odču <uuju> šöni embüle(ebesün görömel)=tür=iyen qariju qonoqu bölüge tede irgen Bodančar=un qarčaγai γuyibasu ese ögbe tede irgen Bodančar=i kenükei bui yuγan=uqai bui kemen asaqu ügei Bodančar bar tede irgen=i yaγun irgen kemekü ügei yabulčabai tedüi atala Buqu-Qatagi

aq=a inu degüü minu Bodančar ene mören uruγu oduluγ=a esen=ü ükübeü kemen erin odbasu tede Tünggelig-γoroqan=a (Čünggür-tököm=e) bükü irgen=eče teyimü nigen kümün teyimü mori=tu bölüge kemen surabasu tede irgen ögüler=ün morin kümün=ber činu suraqui=tur adali teyimü kümün bui edür büri man=tur irejü nuγusun=ečegen ögčü üsüg umdaγan odču <uuju> odumu šöni maq=a (manaγar) qamiγ=a qonomu nigen boroγčin qarčaγai=tu bui öröne umara=ača kei bolbasu tere qarčaγai=yuγan bariγuluγsan nuγud γalaγud=un ödüd burγaliγ čisun <časun> metü budaraču keyisčü iremü bi ber qarčaγai inu γuyibasu ese ögbe edüge irekü čaγ inu bolba qorom=qan küliy=e kemebe tedüi atala Tünggelig-γoroqan ögöde nigen kümün ayisun (irebei) irebesü Bodančar mön ajuqu aq=a inu Buqu-Qatagi degüü=yügen Bodančar=i üjeged taniju abuγad ülü ögüleldün qarin qataribasu Bodančar aq=a=yuγan qoyina=ača daγaju yabuju ögüler=ün bey=e terigütei degel jiq=a=tai sayin kemebe aq=a inu ese dongγodba (daγun ese γarba) basa qorom=qan yabulčas kijü (yabulčaju) mön üge=ben ögülebe ese dongγodba (daγun ese γarba) basa mön üge=ben ögülebesü aq=a inu ögüler=ün

tuγar=ača yambar üge ögülemü kemebesü Bodančar ögüler=ün ta aq=a=nar qubi abulčaju nadur ülü ögkü=yi ker medemü ene üge=yi ker ese medebe kemeged tuγar=un irgen yeke öčüken ügei ekin terigün ügei kilbar bui bida teden=i taγuluy=a (dobtoluy=a) kemebesü Buqu-Qatagi ögüler=ün teyin kiküi=yi aq=a=nar degüü=ner=luγa eyedüldüy=e kemeldüjü ger=tür=iyen kürčü aq=a=nar degüü=ner=lüge eyedeldüjü mön Bodančar=i γajarčilaγulju tede irgen=i taγuliqui(dobtolqui)=tur Bodančar nigen tomun (büdügün) kegeli=tü em=e=yi bariba yaγun kümün bui kemebesü tere em=e ögüler=ün angqan=u nengdegsen Jarčiγud Uriyangqadai=yin kümün bui kemebe tere dumda kegeli=tü em=e Bodančar=tur irejü nuγun köbegün töröbe jad irgen=ükei gejü Jurčidai kemen nereyidbe tere Jurčidai=yin köbegün Tügüdei-neretü bölüge Tügüdei=yin köbegün Büri-Bulisiqu Büri-Bulisiqu=yin köbegün Qara-Qadaγan neretü bölüge Jarjirad omoγ=tan bolba Jajiran=u ebüges tede bölüge # qoyina Bodančar=ača köbegün töröbe bariju abuγsan em=e=eče törögsen köbegün kemen Baγaridai gejü nereyidbe Baγaridai=yin köbegün Čiduqul neretü bölüge tegün=ü köbegün inu maq=a metü töröbe Maq=a-Baγarin

omoγ=tan bolba Baγarin=u ebüges tere bölüge # Dobu-Mergen=ü Begünütei=yin uruγ (töröl) Begünüd omoγ=tan bolba Belgünütei=yin köbegüd Belgünüd omoγ=tan bolba Buqu-Qatagi=yin köbegün Qatagin omoγ=tan bolba Qatagin=u ebüges tere bölüge Buquči-Salji=yin köbegün Saljiγud omoγ=tan bolba Saljiγud=un ebüges tere bölüge Bodančar=un abalin em=e=teče törögsen Barim-Siger=e=tü-Qabiči-baγatur neretü bölüge Borjigin omoγ=tan bolba Borjigin=u ebüges tere bölüge # Barim-Siger=tü-Qabiči-baγatur=un eke=yin inje em=e=yi Bodančar tataju bölüge tere inje=teče törögsen Jegüriy=e=tei neretü bölüge Bodančar büküi=tür (daruγ=a) jükeli=tür bölüge Bodančar=i ügei boluγsan=u qoyina nengdegsen Uriyangqadai kümün ger=ün daruγ=a bölüge tegün=ükei bui j=a kemen jükeli=teče γarγ=a=luγ=a Jegüriyed omoγ=tan bolba Jegüriyed=ün ebüges tere bölüge Barim-Siger=tü-Qabiči-baγatur=un köbegün Begir-baγatur=un köbegün Maq=a-Todun neretü bölüge Maq=a-Todun=u Nomalun(torγun gergei)=ača doloγan köbegün töröjükü angqan=u aq=a inu Qači-Külüg Qačin Qačiγu Qačila Qaraldai Qačiγun Način-baγatur ner=e=ten ede doloγan bölüge Qači-Külüg=ün

köbegün Qayidu neretü bölüge ömüsig aburi=tu=yin tula Öyekin omoγ=tan bolba Öyekin=ü ebüges tere bölüge Qačiγu=yin köbegün Barildai neretü bölüge idegen=i baruqun tula Barlaγ omoγ=tan bolba Qačila=yin köbegün idegen=e baruqun=a yeke bey=e=tü=yin tula Yeke-Barula kemen nereyidbe Barulaskü omoγ=tan bolba erdem=tü Barla-Tüdeken terigüten Barulas=un ebüges tere bölüge Qarildai=yin köbegün buda metü qadqulaγči eki terigün ügei=yin tula Budaγad omoγ=tan bolba Budaγud=un ebüges tere bölüge Qačiγun=u köbegün Adarke=tei neretü bölüge (...) aq=a degüü jaγura ende tende kelejü jenggügči(olkiyan ögülegči)=yin tula omoγ jaγura aduruγči bui Muqur-Saγurin terigüten Adarkin omoγ=tan bolba Adarkin=u ebüges tere bölüge Način-baγatur=un köbegün Urγudai Mangγudai ner=e=ten bölüge Urγudai=yin köbegün Uruγud bölüge Mangγudai=yin köbegün Mangγud omoγ=tan bolba Uruγ=ud Mangγud=un ebüges tere bölüge Način-baγatur=un abalin gergei=eče törögsen Sisiqutai Doγolqu=tai qoyar bölüge Sisiγ=ud Doγolqud omoγ=tan bolba teden=ü ebüges tere bölüge Qayidu=yin

köbegün Bar-Singqor-Doγsin Čirqai-Linqu=a Čaujin-Örtegei γurban bölüge Bai-Singqor-Doγsin=u köbegün Tumbiqai-Sečen neretü bölüge Čirqai-Linqu=a=yin köbegün Singgüm-Belge neretü bölüge Singgüm-Belge=yin köbegün Isalai-qaγan terigüten Tayičiγud omoγ=tan bolba Tayičiγud=un ebüges teyimü bölüge Čirqai-Linqu=a köbegün=ükei=eče törögsen Besüd neretü bölüge Besüd omoγ=tan bolba Besüd=ün ebüges tede bölüge Čaujin-Örtegei=yin köbegün Uruγar Qongqotan Aralun Sönid Qabdurqad Keyid Kerges=ün ebüges tede bölüge Tumbaqai-Sečin=ü köbegün Qam-Qačula Qabul-qaγan qoyar bölüge Qam-Qačula=yin köbegün Bultaču-baγatur neretü bölüge Bultaču-baγatur=un köbegün Mergen-Sečen bölüge Qabul-Sečen=ü doloγan köbegün=i angqan=u aq=a inu Ökin-Baraγ Bartan-baγatur Qutuγtu-Möngkür Qutala-qaγan Qulan-baγatur Tödegen Qadaγan ede doloγan bölüge Ökin-Barqad<=un> köbegün Jurq=a=tu-Jürke neretü bölüge köbegün inu Sečen-beki Tayiču qoyar bölüge Jürken omoγ=tan bolba Jürken=ü ebüges tede bölüge Bartan=u-baγatur=un köbegün Yisükei-baγatur Negün-tayiji Mengge=tü-kiy=a Mergen-Yeke=tei Daridai-Odčigin

tede tabun bölüge Süčigel-Üjin=eče töröjükü Süčigel-Üjin Mongγol Tarγujin Tarčiγujin jisütei=yin ökin ajuqu Qutuγ=tu-Möngkür=ün köbegün Büri-Böke Onan=u tün(siγui)=tür Jürken=lüge qurimlaqui=tur Belgütei-noyan=u mörö qaγ=a čabčiγsan tere bölüge Qutula-qaγan=u köbegün Joči Kirmiγu Altan γurban bölüge Üyeged omoγ=tan bolba Qulan-baγatur=un köbegün Yeke-Čeren bölüge Badai Kisiliγ qoyar Darqud=un noyan tere bölüge Qadaγan Tödegen qoyar uruγ (töröl) ügekün bölüge qamuγ Mongγol=i Qabul-qaγan meden yabuba Qabul-qaγan=u qoyina Qabul-qaγan=u üge=ber doloγan köbegün inu bögetele Tayičiγud=un Senggüm-Belge=yin köbegün Amaγar-qaγan meden yabuba Bunir-naγur Kölen-naγur qoyar=un jaγura urusqu mören=e bükün uruγ noyan Buyiruγ=ud Tatar irgen=e Amaγar-qaγan ökin=iyen ögčü öbesüben üdejü odqu bolγan Tatar irgen Čui=yin irgen kiyad (öste) Amaγar-qaγan=i bariju Kitad=un Altan-qaγan=tur abču odqui=tur Amaγar-qaγan Besüdei Balγaγči neretü elči=ber=iyen ögüljü ilegerün Qabul-qaγan=u doloγan köbegün=ü dotora Qutula=da (bügede=tür) ögüle minu arban köbegüd=ün dotora Qadaγana-tayisi=da ögüle kemen ögülejü

ileger=ün qamuγ=un qaγan ulus=un ejen bolju bögetele öbesüben (öber=ün) ökin=iyen üde=kü bolun Amaγar gegdekün (neretü bi) Tatar irgen=e bariγdaba tabun quruγud=iyan kimul tamtutala arban quruγud=iyan kimul qatudtala ači=yi minu aburan quriyadqun kemejü ilegejükü tere čaγ=tur Bartan-baγatur=un köbegün Yisükei-baγatur Onan-mören=e sibaγulan büküi=tür Merged=ün Yeke-Čiledü Olγunud irgen=eče ökin=i abču egüsgejü ayisuqui=tur jolγaju tergen=tür inu önggeyijü üjebesü öngge jisün busitai (sayitai) ökin qatun=i üjejü ger=tür=iyen qariju aq=a=yuγan Negün-tayisi=yi degüü=yuγan Daridai-Odčigin=i uduridču kürküi=lüge Čiledü ayuju qurdun quba=yuγan γuy=a deleddüged qoburi (γurbi) alus buruγuduluγ=a qoyina=ača inu γurbaγula udaγarid=un (daru) qataribasu Čiledü qosiγu qočiju (öndeyin qatariju) tergen=tür=iyen irebesü Ögelen-Üjin ögülerün tuγar=un γurban arad=i uqabau či tede kümün=ü čirai čirai busu bui amin=tur činu qoor kürgekü medege ügei irgen bui amin ele činu bolbasu qarγ=a (šegür tergen) tutum qatud öljige (ködegei aral) tutum ökid bui j=a minu metü öngge=tü=yi oldaqun j=a busu daki ner=e=tei kümün učirabasu Ögelen nereyiddüyü j=a či amin=iyan quriyaγad (qurin) jorči (yabu)

quruγ ünür=i minu ünüsčü yabuu kemen čamčaban möltöljü öggölüge morin degere=eče aruyiju abqui=dur qoyina=ača inu aq=a=nar degüü=ner γurbaγula qosiγu qočilduju (öndeyin qatarin qočiγulju) irebesü Čiledü ayuju qurdun quba=yuγan deleddüged Onan-mören ögede juqus dutaγaju talbiba (urulduba) qoyina=ača inu doloγan γurbi dabatala nekejü güyičen yadaju qariju ireged Yisükei-baγatur Ögelen-Üjin=ü delbege(čilbuγur)=eče bariju aq=a inu Negün-tayisi uduridču degüü inu Daridai-Odčin temegen gelijü ayisuqui=tur Üjin eke yeke daγun=bar uyilaju ögülerün aq=a minu Čiledü kei ögede gekül=iyen keyisügseger keger γajar=a kegeli=ben ölösügseger bölüge edüge ker ele kisü bi kemen qoyar sibelger=iyen nigen=te aru degere nigen=te ebčigün degere oγorču (orkiju) ker ele kijü oduy=a kemeged Onan-mören dolgistala oi büri daγuristala yeke daγu=bar uyilaju ayisuqui(ireküi)=tur Daridai-Odčigin jegerčejü <jergečejü> yabuγad ögülerün tabariqu <teberikü> čin=u dabaγ=a olan dababa uyilaqu čin=u usun olan getülbe qayilabasu ülü sonosqu qarabasu ülü üjegdem sem bol (daγun büü γar) kemen idqaba Ögelen-Üjin=i Yisükei-baγatur=un abuγsan yosun eyimü bölüge # Amaγar-qaγan Qadaγan

Qutala qoyar=i nereyiddügsen=ber qamuγ Mongγol Tayičiγud Onan=u Qorqoγ-Jigür=tür Qutala=yi qaγan bolγaba Qadaγan=i tayisi (tayisa) bolγaba (Qadaγan-tayisi bar) Mongγol=un ebüdüg=eče ülegü boltala debsebei Amaqai-qaγan=u ös abun (abuy=a kemen) Qutala-qaγan Qadaγan-tayisi qoyar Tatar irgen=tür čireg=len morilaju Tatar=un Küyiten-Barq=a-baγatur Tümüjin=lüge Qoribuγ=a Jilibuγ=a terigüten Tatar=tur arban γurban=ta qadqulduju Amaqai-qaγan=u ösil ösin kisal kisan yadaba kemebe Küdei-Sečen ögülerün ta Amaqai-qaγan=u arban köbegün sonos # atarq=a=tu aγula=yi abalam ta arγali uγuljin=i alam ta arγali uγulja=yin miqan=i qubilan qubiyaqui=ača ulam alaldun teskildün qaγačam ta # budang=tu aγula=yi abalam ta buγu soγo alam ta buγu=yin miq=a=yi qubilan qubiyaqui=ača ulam butaraldun teskildün qaγačam ta # čilaγu=tu čöl=i abalam ta čikitei jegeren=i alam ta čikitei jegeri=yin miq=a=yi qubilan qubiyaqui=ača ulam čabčilaldun gübsileldün qaγačam ta tere Qabul-qaγan=u doloγan köbegüd=ün ay=a yabudal inu eyimü buyu # γurbiqan γajar=i abalam tede qularayiγan injaγan=i alam tede qularayiγan injaγan=iyan miq=a=yi qubilan

qubiyaju abqui=taγan qurimlaldun takilduy=a kemeged qutuγ=tu buyan=tu boltuγai kemejü tarqaldum tede # küde=tü aγula=yi abalam tede küderi görögesün=i alam tede küderi görögesün(=iyen) miq=a=yi qubilan qubiyaju abqui=taγan kündüleldün dayilalduy=a kemejü küsekü metü sayiqan üge=ben ögüleldüged tarqaldum tede # dabalγ=a=tu γool=i abalam tede taulai kirγuγul=i alam tede taulai kirγuγul=iyan miq=a=yi qubilan qubiyaju abqui=taγan takildun kündüleldey=e kemejü taγalalduqui metü sayiqan üge=ben ögüleldüged tarqaldum tede # ta Amaqai-qaγan=u arban köbegüd aburi jang tan=u maγui aqu albatu qaračus bolqu ta tede Qabul-qaγan=u doloγan köbegüd ey=e ebtei=yin küčün=tür qamuγ=un qaγan ulus=un ejen bolumui j=a ta namayi maγu ötege ebügen=i kelebe gejü büü ayimas (kilingle) ta aq=a=nar degüü=ner amuraldun sayiqan yabuγtun ta kemen ögülegsen ajuqu # tede Yisükei-baγatur Tatar=un Tümüjin Qoribuq=a terigüten Tatari taγuliju (dobtolju) irebesü tede Ögelen-Üjin köl kündü bölüge Onan=u Deligün-boldaγ=a büküi=tür qara morin jil=un jun=u terigün sarayin arban jirγuγan=a ulaγan tergel edür=ün

edür döli čaγ=dur Činggis-qaγan töröbe töröküi=tür=iyen baraγun γar=tur=iyan šaγai=yin tedüi qara nöjin=i adqun töröbe gekü bayar miliyaquu=tur Tatar=un Tümüjin=ükei=yi abču iregsen=tür töröbe kemen temür ölögei=tür ölögeyidüjü Tümüjin gejü nereyiddügsen yosun eyimü bölüge # Činggis-qaγan töröged doloγan qonoγsan=u qoyina dalai=yin qoyiγ dotora qarabtur sibaγun kürü qara čilaγun degere naran jöbsiyereküi=e ergijü γurban edür dongγodbai Yisükei-baγatur ene nigen belge=tü sibaγun bolbai kemejü tere qara čilaγun=i qaγalju üjebesü altan tamaγ=a üjegdeged tngri=tür nisčü γarbai mön tere čilaγun uridu yosuγar bütüjü tere sibaγun basa uridu yosuγar dongγodbai basa qaγalbasu mönggön tamaγ=a üjegdeged dalai=tur orobai basa tere čilaγun bütüjü tere sibaγun basa dongγodbasu Yisükei-baγatur ögülerün ene köbegün töröged ene qarabtur sibaγun nigen belge=tü bui gejü basa tere čilaγun=i qaγalju üjebesü dotora inu qasbuu=a tamaγ=a ajuqu abču irejü ariγun=a kündülejü küji jula tülejü saγun atala tere qarabtur sibaγun

erüken degere inu saγuγad činggis činggis gejü dongγodbai tere sibaγun=u daγun γaruγsan siltaγan=iyar Činggis-qaγan kemen nereyiddügsen teyimü bölüge # tegün=luγa tusiyaγsan blam=a inu Saska=yin Gungga-Bsningbu bölüge tere blam=a=yin jarliγ=iyar Esru=a=yin neretü qoton=u qoyitu qaγalaγ=a=yin tus qoyar lavar (ber=e) γajar=un üjügür=e Dalai-Daγurisqui neretü süm=e bosaγaba sütü boγda Činggis-qaγan döčin tabun nasun=a qan oro saγuba tere Činggis-qaγan tabun öngge dörben qari ulus ekilen jambutyib=un γurban jaγun jiran nigen omoγtan doloγan jaγun qorin keleten ulus=un alba γubčiγur abču γar γajara köl kösere amurliγulju Čakiravarti-qaγan metü aldarsibai # Burqan nirvan=tur nökčijü γurban mingγan qoyar jaγun tabin ilegüü jil boluγsan=u qoyina suu=tu boγda Činggis-qaγan=i töröküi=yin urida jambutyib=un yirtinčü=tür arban qoyar maγu qad töröjü qamuγ amitan masi dengsel=ün yabuqui=tur erketü Sikamuni-burqan=tur Yivanggirid ögdejü badarangγui Esrua-tengri=yin qubilγan suu=tu boγda Činggis-qaγan=i ene jambutyib=un

amitan=i medegülün töröküi=tür=i qamuγ ulus=i ülü medegüjei kemen γurban on=u urida Saskiy=a=yin Gungga-Sningbu-blam=a jarliγ bolurun deger=e tengri=teče jayaγabar čing joriγtu čindamani metü boγda Činggis-qaγan törökü qamuγ=i medegči tere bolqu bui kemejü Kitad=un Ilisida-Siku Bi-Ba neretü qoyar kümün=ber Burqan-Qaldun=a ulaγan čilaγun=a bidün=tür (čabčiju) bičibei Činggis-qaγan degere Sikamuni-burqan=a Yivanggirid ögdejü door=a Nandi-Uba-Nandi luus=un qaγan qasbuu=a tamaγ=a γarγaju öggögsen tere bölüge # Yisükei-baγatur=un Ögelen-Üjin=eče törögsen Tümüjin Joči Qasar Qačiγu Tümüge Odčigen tede dörben bölüge Tümülen neretü nigen ökin bölüge Tümüjin yisün nasutu büküi=tür Joči-Qasar doloγan nasutai bölüge Qačuγun tabun nasutai büküi=tür Tümüge-Odčigin γurban nasutai bölüge Tümülün ölögei=tü bölüge Yisükei-baγatur=un nögöge gergei Sučigel eke=eče törögsen Begter Belgetei qoyar bölüge Yisükei-baγatur Tümüjin=i (yisün) nasutu büküi=tür Ögelen-Üjin=ü Törküd Olγunud irgen=eče ökin γuyisu kemejü Tümüjin=i abuγad jorčibai (odbai) oduγad Čigčer

Čuγurqu qoyar=un jaγura Qonggirad=un Deyi-Sečen jolγaba Deyi-Sečen ögülerün Yisükei quda qamiγ=a odumu či kemebesü Yisükei-baγatur ögülerün ene köbegün=tegen naγaču=nar Olγunud irgen=eče ökin γuyisu kemen irelüge bi kemebe Deyi-Sečen ögülerün köbegün čin=u nidün=tür=iyen γal=tu niγur=tur=iyan gerel=tü köbegün buyu Yisükei quda bi jegüdün jegüdülebe ene qoyar šöni čaγan šongqor naran saran qoyar=i adqun nisčü irejü γar degere minu baγuba ene jegüdü=ben kümün=e ülü ögülen ajuqu bi naran saran qoyar=i qaraju üjegden (üjen) bölüge edüge ene šongqor adquju irejü γar=tur minu gegen čaγan bolγaba yambar ele sayin=i üjekü kemelüge bi yaγun bolbasu šongqor anu tan=u Kivad irgen=ü sülde irejü jiγasun (jaγasan) ajuqu bida Qongγorad irgen erte edür=eče # qari ulus=i ülü temečin qačar γou=a ökin=iyen qaγan boluγsan=dur tan=u qasaγ tergen=tür unuγulju qara buγur=a kölgejü qatariγulju odču qatud=un saγurin=tur qamtu saγulγan bölüge # ulus irgen=i ülü temečin öngge sayin ökin=iyen öljigetei tergen=tür unuγulju öle buγura kölgejü egüsgejü odču öndör

saγurin=u örögele eteged tan=u saγulγan bölüge # erte edür=eče bida Qonggirad irgen qačar γou=a qatud=tai öngge sayin ökid=tü bölüge jige jisüten ökin öngge=ten bölüge nuγun köbegün man=u nutuγ=iyan qarayu ökin uruγ man=u öngge=ben üjügülüyü Yisükei-baγatur quda ökin minu öčüken bui ger=tür minu odču üjetügei kemejü ger=tür=iyen baγulγaba ökin=i inu üjebesü nidün=tür=iyen γal=tai niγur=tur=iyan gerel=tei ökin=i üjejü oyin=tur=iyan oroγulba Tümüjin=eče inu nigen nasun (ilegü) eke=ečegen arban nasutu ajuqu Börte neretei ajuqu šöni qonoju manaγarsi anu γuyibasu Deyi-Sečen ögülerün olan=ta γuyilγaju ögbesü degejiledekü čögöken=te γuyilγaju ögbesü doromjilaγdaqu ökin kümün=ü jayaγan törögsen egüden=tür ötelkü yosun ügei ajuqu ökin=iyen ögsügei bi köbegün=iyen kürgen=i (minu) ta talbiju od kemebesü j=a kemejü quda bolulčaba Yisükei-baγatur ögülerün köbegüd=iyen kürged=te talbiju odsuγai köbegün minu noqai=ača čočimtaγai bui büü čočiγul kemeged kötel morin=iyan beleg ögčü Tümüjin=i kürged=te talbiju odba

Yisükei-baγatur qariju ireküi jaγura Čegčer-Sira-kegere Tatar irgen=dür umdaγasur=un qurim=tur anu baγubasu tede erte dayisun ajuqu Yisükei kevad (östen) irebe kemen erten=ü taγuliγdaγsan(dobtoluγdaγsan)=iyan kegesülen duradču ösleldün qoor=a qoliju ögčiküi jaγura maγui odur=un (=bar yabun) γurban qonoγ yabuju ger=tür kürčü yekede čilegerkebe Yisükei-baγatur ögülerün minu dotora maγui bui oyira dergede ken bui kemebesü Qongqotan=u Čirq=a ebügen=ü köbegün Menglig oyira bui kemebesü uriju iregüljü ögülerün čaq=a (köbegün) minu Menglig köbegün öčögüketü bölüge bi köbegün=iyen Tümüjin=i kürged=te talbiju qariju ayisuqui(ireküi)=tur jaγura Tatar irgen qurimlan ajuqu umdaγasur=un baγuluγ=a bi ösiyelegdebe dotora minu maγui bui öčüken qočoruγsan degüü=ner=iyen belbesün berged=iyen ker asaraqui či mede köbegün=i minu Tümüjin=i ödterken odču abču ir=e čaq=a (nilq=a) minu Menglig kemeged nökčibei Yisükei-baγatur=un üge=yi busu ülü bolγan Menglig odču Deyi-Sečen=e ögülerün Yisükei aq=a Tümüjin=i masi mörögedčü örö=ben (jirük=e) ebedümü Tümüjin=i abura irebe bi kemebe Deyi-Sečen ögülerün quda köbegün=iyen mörögedkü bolbasu

odtuγai ödter üjejü ödter iretügei kemebe Menglig Tümüjin=i abuγad irebesü Yisükei-baγatur tngri boluγsan=tur Tümüjin γajar=tur uruγu unan kebtejü masi γasalqui=tur Qongqotan=u Čirqa sergügen ögülegsen ajuqu # tulu jiγasun metü yakin tulbarin γasalamui či tuγurγ=a čerig=yügen bekiley=e ese kü kemeldülügei üü # laγar jiγasun metü yakin layibarin γasalamui či narmai ulus=iyan bayiγulqui ese kü kemeldülügei üü # kemen ögülebesü qayilaqui=ban usaduγsan ajuqu , tere qabur Amaqai-qaγan=u qatun Örbei , Qoγatai , qoyar qatun yeke iraγu (daγu) γarču aqui=tur Ögelen-Üjin qojid odbasu Örbei Qoγatai (daγu) γaruγsan inu idegen=eče qojidaγulbasu Ögelen-Üjin Örbei Qoγatai qoyar=a ögülerün Yisükei=yi minu ükübe kemen köbegüd=i minu yeke ülü bolqui=ača yekes=ün kesig bilegür sarqud=ača yakin qojidaγulumui ta üjeged odču ülü serigülün ölisüged negükün bolbai ta kemebe tere üge=tür Örbei Qoγatai qoyar qatun ögülerün Amaqai=yi ükübe kemen Ögelen=e kürtele eyin kemegdekü bolba uriju ülü ögtekü mör=tei či učarabasu idekü yosu=tai či kürgejü

ülü ögtekü mör=tei či kürtebesü idekü yosu=tai či ede ekes köbegüd=i nutuγ=tur gegejü negüdkün büü böged abču yabudqun kemen manaγarsi edür=eče Tayičiγud Onan-mören ögede Tarqutai-Kiraltuγ , Tödegen , gerte=ten ködeler=ün (ger=iyen abun ködeljü yabuγad) Ögelen-Üjin eke köbegüd=i nutuγ=tur gegejü negügter=ün (negübei) Qongqatan=i Čirq=a ebügen odču idqan ögüleküi=dür Tödegen ger=den ögülerün čegel usun čeüken niduraluγ=a čilaγun čaraluγ=a kemeged negüjüküi Čirq=a ebügen=i ker idqaqu bölüge či kemejü qoyina=ača inu jida=bar suγu γudus inu jidalaju Čirq=a ebügen yara=tu bolju ger=tür=iyen irejü berke kebteküi=tür Tümüjin üjere odbasu tende Čirq=a ebügen ögülerün sayin ečige=yin čin=u quriyaγsan bida bürin ulus=i Tayičiγud aq=a degüü tan=u abču negügter=ün (negüküi=tür) idqabasu (idqasuγai) kemen oduluγ=a eyin kigdebe bi kemejükü tere üge=tür inu Tümüjin uyilaγad γarču jorčiba (odba) tende Ögelen-Üjin irgen=iyen abču negügter=ün (negür=ün) bey=e=ber=iyen morilaju jarim=ud irgen=i idqačuqu tede=ber irgen ülü toγtan Tayičiγud=un qoyina=ača negüjüküi Tayičiγud

aq=a degüü anu Ögelen-Üjin belbesün öčüken önöčin=i eke köbegüd=i nutuγ=tur gegejü negüjüküi # Ögelen-Üjin em=e mergen töröjü önöčin köbegüd=iyen tejiyerün örnitele boγtalaju nökčitele büseljü Onan-mören ögede erte güyijü üliyesün moyilsun tegüjü edür šöni qoγolai=ban tejiyebe # sülder=tei törögsen Üjin eke suu=tan köbegüd=iyen tejiyeger=ün čögörsün siro=a bariju södün gičigen=e uquju šöni edür nökčiyebei # qatun törögsen Üjin eke qad köbegüd=iyen tejiyer=ün qayilasun siro=a bariju qaldud temkün güyijü qayilasun manggirsun uquju qantala čadtala idegüljü tejiyebei # jarčim=dai törögsen Üjin eke jayaγatan törögsen köbegün=iyen tejiyerün jaba γool=i ülü üleden čadqasun tömösün uquju jarčim=tai=a (sayitur) tejiyebei # γou=a törögsen Ögelen-Üjin eke qutuγ=tan törögsen köbegüd=iyen tejiyer=ün γool jaba ülü üleden γoγorsan manggirsun=iyar tejiyebe Γou=a-Üjin eke=yin γoγod manggir=iyar tejiyegsen köbegüd inu qutuγ=tan sayid bolur=a kürbe # qatun Üjin=ü (eke=yin) qaliyarsun manggirsun=iyar tejiyegsen köbegüd inu qad sayid bolur=a

kürbe # sütei Üjin=ü södün gečigen=e=ber tejiyegsen köbegüd inu sölsüten sečed bolur=a kürbei # jarčim=dai törögsen Üjin eke=yin čadqasun tömesün=iyer tejiyegsen köbegüd inu jayaγ=a=tan sayid bolur=a kürbei # er=e sayid bolun baraju erkün umdaγan=i eriy=e kemeldüjü eke=yin ači qariγulur=un # elgügür γoke bariju eke Onan=u ergi degere saγuju eremdeg jemdeg jiγasun γokilaju # jegüber elgügüljü jamaγ dotora kü jedkün γokilaju gülmi γubčiγur uyaju jirmud jiγasun=i sigüjü jiči eke=yi ačilan tejiyebei # nigen edür Tümüjin Qasar , Begter Belgetei , dörbegüle qamtu saγuju γoki tataqui=tur nigen gegegen soγosun oroju Tümüjin Qasar qoyar=ača Begter , Belgetei , qoyar buliyaju yabuba Tümüjin , Qasar , qoyaγula ger=tür=iyen irejü Üjin eke=tür ögülerün öčügüdür nigente buljuqui=i qotalidču (kereldün) mön teyin buliju <buliyaju> abuluγ=a edüge basa gegegen soγosun γoki jaγuγsan=i Begter Belgetei aq=a degüü qoyar bulibai ker aldaqun bida kemebe tere üge=dür Üjin eke ögülerün yegüči bütügei (yaγun=u tula) aq=a=nar degüü=ner yakin teyin

kildümü ta següder=eče busu nökör ügei segül=eče öbere čöčige ügei tere Tayičiγud aq=a degügi=yin γasiγun berke aju ken aburaqun kemejü bölüge erten=ü Alun-Γou=a=yin tabun köbegüd metü yakin ey=e tan=u öbere bolbai ta bütügei (teyimü büü üyiled) kemebe köbegüd inu ese dongγodba egüden orkiγad jorčiba Begter olqun degere siraγ=a aγta=tan yisün morid=iyan qaraju saγun ajuqu Tümüjin umara=ača Qasar emüne=eče daldulalduju sumuban solbičiju kürküi=lüge Begter üjeged ögülerün aq=a degüü=lüge alalduqui=tur nökör kümün=lüge orolduqui=tur nökör següder bolulčay=a següder=eče busu nökör ügei segül=eče busu čöčige ügei bölüge nökör kümün=ü γasiγun berke ese kü bölügei üü edüge yakin namayi ta aman=u qoγosun (qalisun) nidün=ü sormusun bolγamui bi yakin eyin aγtaba γolomta=yi minu büü bürlegedkün γaγča Belgütei=yi minu büü tebčidkün kemen jabilaju külčibei Tümüjin Qasar ta emüne qoyina=ača inu ötör malaju <alaju> odbai ger=tür=iyen qariju irebesü Üjin eke köbegün=iyen čirai uqaju ögülerün # qani=ban baraγsad qataγujin saγunam qalaγun=ača

minu qaγal=un γarur=un qara čisun γar=tur=iyan adqun törögsen bölüge # qarbisu=ban qajiqu noqai metü qadan=tur dobtolqu salbar metü aγur=iyan darun yadaqu arslan metü amidu=yi jalgiqu mangγus metü # següder=tür=iyen dobtolqu šongqor metü sem=iyer jalgiqu čuraq=a metü botaγan=iyan burgin qajaqu buγura metü boroγan edür dobtolqu čino=a metü # juljaγan=iyan gelin yadaju idekü anggir metü kebtesi=yügen köndebesü ömögerkü čögöbüri metü bariju ülü saγaraqu bars metü balamad dobtolqu baruq metü baram=a ele ta # següder=eče busu nökör ügei segül=eče busu čöčige ügei Tayičiγud aq=a degüü=yin γasiγun daγus=un yadan büküi=tür ker ay=a kemejü eyin kildün bui (kimüi) ta kemen köbegüd=iyen öteges üge üriyedkün qaγučin üges qadaγulun masi maγuyilan ögülebe tedüi atala Tayičiγud=un Tarγutai , Kiraltuγ , Torγaγ=ud=iyan uduridču irejü qolaqun , qojiji , silügen , siberjikü irejüküi tedüi ayuju Ögelen-Üjin eke köbegüd aq=a=nar degüü=ner Onan=u siγui oi=tur sirγulaju Belgetei modun quγur=a tatalaju sibege (küriy=e) bariba Qasar qarbulalduju Qačuγun

Temüge , Temülün γurban=i jibe jaγura dürüjü bulqaldun (dayilan) büküi=dür Tayičiγud daγudaju ögüler=ün aq=a=yuγan Tümüjin=i ilege busud tan=u kereg ügei kemegdejü Tümüjin=i morilaγulju sem=iyer buruγudqan oi dutaqun ilegekü=yi Tayičiγud üjejü üldeküi=tür tegün=e öndör=ün siγui=tur orobasu Tayičiγud oron yadaju siγui orčin=a sakiba Tümüjin siγui dotora γurban qonobasu (edüge) γarsu kemen morin=iyan köteljü ayisuqui(ireküi)=tur morin=ača emegel inu möltörijü qočorčuqu qaraju üjebesü kömöldürge kömöldür kelegseber olang olanglaγsabar möltörijü qočorčuqu tedüi dotoraban sedkirün olangčiki (batu) boltuγai (bolbasu) kömöldürge ker möltörkü bölüge == tngri minu idqan amui uu kemen sedkijü emegel=iyen toqoγad oroju basa γurban qonoba basa γarsu kemen ayisuqui=tur siγui=yin amsar=a qosiliγ=un tedüi čaγan kürü (čilaγu) amsar=i inu böglen tosču tngri minu idqan aqui uu kemen basa γurban qonoba yerü yisün qonoγ idegen ügei aju ner=e ügei=ber ker ükükü bui kemen γarču irejü tere qosiliγ=un tedüi čaγan kürü(čilaγu)=yin orčin bükü qarbasu ülü bolqu modun=i sumuči kituγ=a=bar oγtačiju

morin=iyan kötel=ün qalturiγuluγad γarqui=luγ=a Tayičiγud sakiju saγun ajuqu bariju abuγad odču Tarγutai-Kiraltuγ=tan ulus irgen=tür=iyen kürčü jasaγ ögüleldejü Tümüjin=i ayil tutum=tur=iyan nijeged qonoγulju bedügülün (kesün) yabuqui=tur jun=u terigün sarayin arban jirγuγan=a ulaγan tergel edür Tayičiγud Onan=u ergi degere qurimlalduju naran singgebesü ele tarqabai tende Tümüjin=i tere qurim=tur kilbara keüked kümün=iyer sakiγulju bölüge qurim=un narin<aran>=i tarqaγuluγad tere kilbar=a keüked kümün=i ginji baqu=bar=iyan ekin=i inu deledüged güyijü Onan=u tün(siγui)=tür orobai oroju kebtejü üjegdeküi=eče ayuju usun=u qargi=dur gedergü kebtejü baqu=ban usun uruγu urusγaju niγur=iyan ile kebtebe tere aldaγsan kümün yeke daγu=bar (ginjitü) bariy=a=tu kümün=i aldaba kemen qayilaqui=tur tarqaγsan Tayičiγud quraju irejü edür metü saraγur=a Onan=u tün=i bederibei (siγui=yi temečebei) bederibesü (eribesü) usun=u qargi=tur gedergü kebtejü büküi=tür Süldütei=yin Torqan-Sira jöb taγariju üjejü ögülerün usun=a čilmai ügei oγtarγui=a mör ügei qamiγasi odbai kemeged aq=a degüü čin=u sidün aman bilegüdüjü ayisui

jöb ele kebtejüküi eyimü arγ=a=tu=yin tula nidün=tür=iyen γal=tu niγur=tur=iyan ger=e=tü bui kemen idqan ajuqu či teyin kü kebte bi ülü jiγaju ögkü kemen nökčibe (önggeregülbe) Tayičiγud bederibesü (eribesü) bederijü (erijü) yadaju qariju mön mör=iyer qarin bederey=e (eriy=e) kemeldüjü mör=iyer qarin bederijü (erijü) ayisuqui(ireküi)=tur basa Torγan-Sira ögülerün Tayičiγud noyad bida gegen čaγan edür=iyer köbčin kümün=i aldaba qarangγui šöni ker olqu möd=iyer=iyen yabuγad γajad=iyan yegüdken bederijü (erijü) tarqaju manaγar edür čiγulun bederibesü (eribesü) qamiγ=a odqu kemegdejü teyin boltuγai kemeldüjü teyin bederiküi=tür Torγan-Sira taγariju ögülerün edür bederiged tarqaju manaγar bederiy=e kemeldüjü tarqaba namayi üje=lüge kemen kümün=e büü ögüle edüge man=i tarqaγuluγad eke degüü=ner=iyen erin od kemen ögülejü qaribai teden=i tarqaγuluγad dotora=ban sedkir=ün öčüken ayil bidegülün (kesün) asaraqui(tejiyeküi)=tur Torγan-Sira=yin ger=tür qonobasu Čimbai , Čilaγun , qoyar köbegün anu örö jirüke=ben ebedčü šöni ginji baququ=yi minu suladqaju qonoγulum bölüge edüge basa Torγan-Sira namayi üjejü ülü jiγan jorčiba (odba)

minu amin=i mön kü tede aburmuyu kemen Torqan-Sira=yin ger=i erin Onan-mören ögede jorčibai ger=ün belge inu gegün=ü sün tüsürügsen üsüg(ayiraγ)=iyen šöni döli boltala bülikü bölüge tere belge=ber bayin bayin sonosču bolγuγad kürčü ger=tür inu oroqui=luγ=a Torγan-Sira ögüler=ün eke degüü=ner=iyen erin od ese kelegsen buyu esekü kemelügei üü (ese kelegsen buyu) ende yakin irebe kemebesü Čimbai Čilaγun qoyar köbegün inu ögülerün sibaγuγan doroqun=a doromtay=a (doroqun=a) üldegdejü butan=tur qorγalabasu butabar aburayu silaγud=un iregsen kümün=i yakin teyin kememü či kemeged ečige=yügen ülü taγalan ginji baququ=yi anu čučalju γal=tur tülejü qoyitu ungγasutu qara tergen=tür niγuju kümün=tür ülü kelen Qadaγan neretü ökin degüü=tür=iyen asaraγulba γutaγar edür Tayičiγud irejü ene baququ=tu kümün qamiγ=a odqu bida jaγura bolbai j=a nökör jaγura bolbai j=a nökör jaγura=ban nengjileldüy=e kemejü ayil büri nengjigseger kü Torqan-Sira=yin ger tergen iseri=yin alam=tur kürtele üjejü ese olju tere ungγasutu qara tergen=tür onoju (nengjijü) amsar=a büküi ungγasun tatalaju köl=tür inu kürküi=tür

Torqan-Sira ögülerün yerü basa eyimü qalaγun=a ungγasun dotora kebtegsen kümün ker daγusqu ajuqu sedkil=tür=iyen adali boltala eri kemebesü tere nengjigül baγuju irebe tere nengjigül=i oduγsan=u qoyina Torqan-Sira ögülerün namayi ünesü=ber keyisgen aldaba či edüge=ber bögesü eke degüü=ner=iyen erin od kemejü ama čaγan ermeg qulaγčin=i unuγulju tel (qonin) eke=tü quraγ=a bolγaju kökör namuγ=a jasaju emegel kete anu öggön nigen numu qoyar sumu ögčü talbiju ilegebe Tümüjin tere oyitun (oi siγui) sibegelejü qorγalaγsan γajar=tur=iyan kürčü ebesün=i nalurqai=bar möškijü Onan-mören ögede möškiged öröne=eče Kimurγ=a-γoroqan oroju iren ajuqu tere ögede möškiged Kimurγ=a-γoroqan=u Beder-qosiγun=a Qorčaγur-boldaγ=a büküi=tür jolγalduba tende neyileldüjü tendeče odču Burqan-Qaldun=u ebür=e Kürelkü dotora Senggür-γoroqan=u Qara-Jirüken=ü Köke-naγur=a nutuγlaju büküi=tür tarbaγ=a güčügün=e alaju iden bölüge nigen edür sirγ=a aγta naiman morid ger=ün dergede bayiju büküi=tür degeremčin irejü üjetele degeremdčü odbai

yabaγad=iyar üjejü qočorbai Belgütei oγotor darki qongγor=i unuju tarbaγ=a=čilar=a oduγsan ajuqu üdesi naran singgegsen=ü qoyina Belgütei darki qongγor=tur tarbaγ=a ačiju isγalačiγul=un yabaγan köteljü irebesü sirγ=a aγta bidan=i degerm=e abču odba kemebesü Belgütei ögülerün bi nekesü kemebe Qasar ögülerün či ülü čidaqu bi nekesü kemebe Tümüjin ögüler=ün ta qoyar ülü čidaqu bi nekesü kemejü darki qongγor=i unuju sirγ=a aγta=tan=i ebesün=i nalurqai=bar möškijü γurba qonoγ yabuju manaγar erte nigen olan sürüg aduγun=tur nigen keüked kümün gegün=i saγan büküi=tür jolγaju sirγ=a aγta=tan=i surabasu tere köbegün kümün ögüler=ün ene manaγar erte naran γarqui=yin urida sirγ=a aγta=tan naiman morid=i egüber üldejü jorčiba mör inu bi jiγaju ögsügei kemeged oγotor darki qongγor=i talbiγulju oroγ singqula=yi Tümüjin=e unuγulba öber=iyen quba=yuγan unuju ger=tür=iyen ülü odun ečige eke=tür=iyen ülü ögülen namaγ=a (qoboγ=a) saγulaγ=a=ban keger=e talbiju nökör či mengdejü ayisui (iregsen) ajuqu er=e=yin

eril ele bögesü nigen bui j=a bi čimadur nököčesü ečige minu Naqu-bayan kemegdemü bi γaγča köbegün inu Boγorči neretü bi kemeged sirγ=a aγta=tan=i mör=iyer möškijü γurban qonoju üdesi naran qubar (dalda) tasin büküi=tür nigen yeke küriy=e irgen=tür kürbesü sirγ=a aγta anu tere küriy=e=ü kijaγar=a ebesün idejü bayiqui=yi üjeged Tümüjin ögülerün nökör či ende ber <bai> sirγ=a aγta man=u tere bui bi oroju üldejü γarγasuγai kemebesü Boγorči ögülerün nököčesü kemen irelüge bi edüge ende yakin bayiqu bi kemeged qamtu dobtolju oroγad sirγ=a aγta=tan=i üldejü γarbai qoyina=ača inu ubur subur (ulam sulam) nekejü ayisun (iren) nigen singqula mori=tu ulaγan degel=tü kümün urγ=a=ban bariju γaγčaγar nekejü güyičijü irebe Boγorči Tümüjin=e ögülerün nökör numu sumu nada ača bi qarbulaldusu kemebesü Tümüjin ögülerün nökör minu tulada či erüsdegüjei bi qarbulaldusu kemejü qarbulalduba tere čaγan mori=tu ulaγan degel=tü kümün urγ=a=bar=iyan dokiju bayiju qočorba qoyitu nököd inu ubun subun güyičejü ireküi=lüge naran

qubiri (dalda) tasin singgejü odba tügüsin (bürüi) bolju qoyitu nököd inu baraγ=a bultaju bayiju qočorba tere šöni döliged γurban edür šöni dölijü ger=ün oyira bolbasu Tümüjin ögülerün nökör bi čim=a=ača anggida morid=iyan ker abqui bölüge bi kedüi=yi inu abqu bui či kedüi=yi anu abunam kemebesü Boγorči ögülerün sayin nökör mengdejü irebe kemejü tusa bolsu kemen irelüge bi oljilalčaju abasu kemebesü ečige=yin minu Naqu-bayan=u jögegsen γaγča köbegün=tür inu nada tögetele bui (barasi ügei) tusa boluγsan minu yaγun bolqu kemejü ese abuba Naqu-bayan=u ger=tür kürbe Naqu-bayan köbegün=iyen Boγorči=yi jabanaju nisun nilbusun=bar aju saγuqui=tur genedte Boγorči kürbe Naqu-bayan nigen=te dongγoddumui nigen=te inigemüi köbegün minu Boγorči ögüle yaγun bolba kemebesü Boγorči ögülerün ene ken=ü sayin nökör mengdejü odun ajuqu nököčejü oduluγ=a bi edüge irebe kemeged aγulju odču keger=e talbiγsan namaγ=a saγulγ=a=ban abču irebe Tümüjin=e tel quraγ=a alaju künesü öggöged namaγ=a degürge jasaju künesülegülbei Naqu-bayan ögüler=ün qoyar jalaγus bui ta nököčeldüdkün mön=e qoyina büü

tebčileldüdkün kemebe Tümüjin tedü odču γurban šöni edür jorčiju Senggür-γoroqan=a ger=tür=iyen kürbe Ögelen eke Qasar kiged degüü=ner inu erüjü saγun ajuqu üjejü bayasba # tende Tümüjin Belgütei qoyar Deyi-Sečen=ü ökin Börte-Üjin=i yisün nasutai büküi=tür üjejü iregsen=ber qaγačaju bölüge Kerülen-mören=uruγu erin odbai Čegčer Čiγurqu qoyar=un jaγur=a Deyi-Sečen Qonggirid tende ajuqu Deyi-Sečen Tümüjin=i üjeged bayasču ögülerün Tayičiγud aq=a degüü ayidumu (iyadumu) kemen medejü masi erüjü čökelei (čökürebei) naran=i üjebei bi čimai=yi kemeged Börte-Üjin=i neyilegülüged egüsgebei egüsgen ayisur=un (ireküi=tür) Deyi-Sečen Kerülen=ü Jol-nuγuda=ača mariyan qalaγun bolju Kerülen ögede qariba Börte-Üjin=ü eke Jotan ner=e=tei bölüge ökin=iyen üdejü Kürlekü dotora Senggür-γoroqan=a büküi=tür kürgejü irebei Jotan=i qariγulun Belgütei=yi ilegejü Boγorči=yi nököčey=e kemen uriju ilegebe Boγorči Belgütei=yi kürügelüged ečige=tür=iyen ülü kelen bögötör qongγor=i unuju boro örmegen jangčin=iyan bögtörüged Belgetei=lüge irebe tere nököčegseber

nököčegsen yosun anu teyimü buyu tendeče Senggür-γoroqan=ača negüjü Kerülen-mören=ü terigün=e Bürge-ergi=tür nutuγlan baγuju Jotan eke=yin sidkül (emüsgel) kemen qara bulγan daqu emüsgejü bölüge tere bulγan daqu=yi Tümüjin Qasar Belgütei γurbaγula abču odču erte edür qaγan ečige=lüge man=u Kereyid irgen=ü Ong-qaγan anda kemeldügsen ajuqu ečige=lüge man=u anda kemeldügsen ečige metü bui j=a Ong-qaγan tusatu buyu kemen medejü Turqula=yin Qara-tün=e (siγui=a) büküi=tür odču Ong-qaγan=tur Tümüjin köbegün ögüler=ün erte edür ečige=lüge manu anda kemeldügsen ajuqu ečige kü buyu kemen gergei baγulγaju irelüge emüsgel qara bulγan daqu ačiraba kemen ögülebe Ong-qaγan masi bayasču ögüler=ün , qara bulγan daqu=yin čin=u qariγu qaγačaγsan ulus=i činu qamtudqaju ögsügei bulγan daqu=yin činu qariγu butaraγsan ulus=i činu bütügelgejü böger=e=yin bögsen čigere=yin čegejin=tür atuγai kemebe # tendeče qariju ede üges=i eke=te ögülejü bügüdeger bayasulčabai # Kerülen=ü Bürge-irge=te büküi=tür Uriyangqadai kümün Jarčiγudai ebüge körge<kögerge>=ben

ügürčü Jelm=e neretü köbegüd=iyen uduridču irejü ögüler=ün terigün Onan=u Deligün-boldaγ=a büküi=tür Tümüjin čimayi töröküi=tür bulγan öligei öggölüge bi ene köbegün=iyen Jelm=e=yi öggölüge bi öčüken kemen abču oduluγ=a edüge Jelm=e=yi emegel=iyen toqoγul egüden=iyen sekegül kemejü ögbe mön tende Kerülen=ü terigün=e Bürge-ergi=de büküi=tür nigen manaγar erte gerel sirel edür (ger=e serge ür) geyin büküi=tür Ögelen eke=yin ger dotora ködelküi (yaruqui) Qonoγčin emegen bosču ögülerün eke eke ödter bos bos γajar delberimüi töberige sonosdamui jalqamsiγ=tan Tayičiγud ayisun aju (iren amu) , eke ödter bos kemebesü Ögelen eke ögülerün köbegüd=i serigülüdkün kemeged Ögelen eke ödter kü bosbai Tümüjin=ten köbegüd ödterlen kü bosoγad morin=iyan bariju Tümüjin nigen morin unuba Ögelen eke nigen morin unuba Qasar nigen morin unuba Qačuγu nigen morin unuba Belgütei nigen morin unuba Boγorči nigen morin unuba Jelm=e nigen morin unuba Temülün=i Ögelen eke degürbe nigen morin kötelbe Börte-Üjin morin=i dutaba Tümüjin aq=a=nar degüü=ner erte

böged Burqan-Qaldun=a=tu γarbai Qonoγčin emegen Börte-Üjin=i qarqutai tergen=tür saγulγaju ed barγan(baraγan)=ban oroγulju bey=e=ben tergen=tür saγuju bögere alaγ üker=tür külüged aγula=tur jorčiqui=tur Tünggülge-γoroqan=a (Čünggür-tököm=e) ayisun büküi erü baruda edür geyin büküi=tür esergü=eče čerig=ün arad (kümün) qatariju ergijü irejü yaγun kümün či kenükei bui kemen asaγba Qonoγčin emegen ögülerün bi Tümüjin=ükei bui yeke ger=tür qonin kirγar=a irelüge bi edüge ungγasun tegejü ger=tür=iyen qariju ayisui kemejüküi tende=eče tede čerig ögülerün Tümüjin ger=tür buyu uu ügei üü ger kejige (kedüi kiri) bui kemebesü Qonoγčin emegen ögüler=ün ger=či oyir=a bui Tümüjin=i bui ügei=yi ese medebe bi qoyina=ača bosoγad irelüge bi kemeküi=tür tede čerig=üd tedüi qatariba Qonoγčin emegen böger=e alaγ üker=iyen deledüged ödter=ken nekekü bolγan tergen=ü tengkeli quγuraču odbai tenggeli=ben quγuraγdaju yabaγan=iyar oi=dur kürčü oroy=a kemeldütele daručan mön čirig=üd Belgütei=yin eke=yi sundalaγulju qoyar köl=i inu čerbečegüljü

kürčü ireged ene tergen dotor=a yaγun bui kemebe Qonoγčin emegen ögüler=ün ungγasun tegejü amu kemebe tede čirig=üd=ün aq=a=nar inu ögüler=ün degüü=ner köbegüd baγuju üjidkün kemebe degüü=ner köbegüd inu baγuju tergen=ü qaγalaγ=a negebesü dotora inu qatun kümün saγun aju tergen=eče čirčü baγulγaju Qonoγčin emegen qoyar=i sundalaγulju abuγad Tümüjin=ü qoyina Burqan-Qaldun=a γurban=ta qoči qolju (dobtolju) erüsün (ilaγad) yadaba eyin teyin buljabasu (kögebesü) embü siber berke oi inu čadqulang moγai sirγubasu ülü bolqu berke siγui bölüge qoyina=ača inu daγaju erüsün (ilaγad) yadajuqui # tede γurban Merged kemebesü Uduyid-Merged=ün Toγtaq=a Uγas-Merged=ün Dayir-Usun Asaqun-Merged=ün Qaγatai-Darmala ede γurban Merged erten=ü Ögelen eke=yi Yeke-Čiledü=eče buliyaju abuluγ=a kemen edüge tere ösil ösin iregsen ajuqu tede Merged ögüler=ün Ögelen=i ači aburan edüge ami=yi anu ebüges ečiges=ün ači(ösil)=yi abubai bida kemeldüjü Burqan-Qaldun=a=ača baγuju ger=tür=iyen qariba tede Börte-Üjin=i Čiledü=yin degüü Čilger-Bökö=te asaraγulba # Tümüjin

tende γurban Merged maγad buyu ger=tür=iyen qaribasu esebesü kemen qoyina=ača Belgütei Boγorči Jelm=e γurban=i γurban qonoγ taγulju Merged=i kögelgejü Tümüjin Burqan-Qaldun=a degere=eče baγuju ebčigüben mökölidčü ögüler=ün # Qonoγčin eke=yi solongγ=a bolju sonosqu=yin tula ün=e bolju üjeküyin tula bütün bey=e buruγuγud=un bögey=e mör=tü buγu=yin orom oromlaju burγasun ger gerlen Burqan-Qaldun=a degere γaruluγ=a bi # γaγča amin=iyan qayiralan qara mör=tü qandaγai=yin orom oromlan qalγasun ger gerlen Qaldun=a degere γarba bi # Burqan-Qaldun=a bögesün=ü tedüi amin=iyan buljiγuldaba Qaldun=a-Burqan=a qariyači=yin tedüi amin=iyan qalγalaγdaba bi edüge Burqan-Qaldun=i manaγar büri maniyasun üdesi büri üjisügei uruγ=un uruγ minu uqatuγai kemen naran esergü büse=ben küjügün=tegen elgüjü malaγ=a=yi γar=tur=iyan segeldürčü γar=iyan ebüdüg=tür=iyen daruju Qaldun=a jüg yisün=te sögödčü öčin sačuli sačuba tedüi kelelejü (kelelčejü) Tümüjin Qasar Belgütei γurbaγula Kereyid=ün Ong-qaγan=tur Tuγulan-mören=ü Qara-Tün(siγui)=e büküi=tür odču ögülerün γurban Merged genen büküi=dür

irejü em=e köbegüd=i minu taγuliju odba qaγan ečige minu aburaju em=e köbegüd=i ködeljü negülgejü ögtügei kemen irebe bi kemebesü tere üge=yin qariγu Toγoril-ong-qaγan ögüler=ün bi urida čimadur ese kü ögülelügei üü bulγan daqu abču irerün ečige=yin čaγ=un anda kemeldügsen ečige minu bui j=a kemen emüsgel emüsgegdebesü tende bi ögüler=ün bulγan daqu=yin čin=u qariγu butaraγsan ulus=i čin=u bütügeldüjü ögsügei qara bulγan daqu=yin činu qariγu qaγačaγsan ulus=i činu qamtudqaju ögsü kemen čegere=yin (jeger=e) čegejin böger=e(taulai)=yin bögsen=tür atuγai ese kü kemelügei üü bi edüge tere ügen=tür=iyen kürčü bulγan daqu=yin činu qariγu bügüde Merged=i büreltele aγulju Börte-Üjin=i činu nekegüljü ögsü qara bulγan daqu=yin činu qariγu qamuγ Merged=i qaltačiju qatun Börte=yi činu qariγulju abču iresü bida či Jamuq=a degüü=te kele gejü ilegebe Jamuq=a degüü (edüge) Qorqoγ-Jigür=e bui j=a bi ende=eče qoyar tümen bolju jegün γar bolun morilasu Jamuq=a degüü tendeče qoyar tümen bolju baraγun γar bolun morilatuγai bidan=u boljaγ=a Jamuq=a degüü=teče boltuγai kemebe

tedüi Tümüjin Qasar Toγoril-qaγan=ača qariju irejü ger=tür=iyen kürčü Tümüjin Jamuq=a=tur , Qasar , Belgütei , qoyar=i ileger=ün Jamuq=a anda=tur kürčü ögüle kemen ögülejü ileger=ün # γurban Merged irejü örö=ben oγtarqu (ebedkü) bolba bi ömeg nigeten busuγu bida ösil=iyen ker ösikü bida # ebür=iyen emteldebe bi eligen=ü uruγ busuγu bida ači=yuγan ker abqun bida kemejü Jamuq=a=ta ögülejü ilegegsen üge edüi buyu basa Kereyid=ün Toγoril-ong-qaγan=u ögülegsen üge=yi Jamuq=a=ta ilegerün erte edüi Yisükei qaγan ečige inu tusa sayin kigsen=i sedkijü bi qoyar tümen bolju baraγun γar bolun morilasu Jamuq=a degüü=te kelelejü ilege Jamuq=a degüü qoyar tümed jegün γar bolun morilatuγai qamtudqu boljoγa Jamuq=a degüü=teče boltuγai kemebe kemebesü ede üges=i daγusγan baraju Jamuq=a ögüler=ün Tümüjin anda=yin örö oγtarqu (ebedkü) bolba kemen medejü örö minu ebedbe ebür emteribe kemen medejü elige minu ebedbe ösil=iyen ösin Uduyid , Uγas-Merged=i ülidkejü Üjin-Börte=yi aburay=a # qamuγ Asaqun-Merged=i qaltačiju qatun Börte-Üjin=i qariγulan aburay=a ači=yuγan

aburan edüge gölme=iyen dabsiqui=tur kenggerge=yin daγun bolγaju kökedeg Toγtaq=a Buγur=a-keger=e bui j=a qui dayibaljuqui=tur dayijiγči Dayir-Usun iren Selengge qoyar=un jaγur=a=tu Siγa(jiq=a)=ta Dalun(ködöge)-aral=a bui j=a qamqaγulsun keyisküi=tür qara oi temečegči Qaγatai-Darmala edüge Qaraču-keger=e bui j=a edüge bida tödölen Silqu-mören oroju saγal bayan esen atuγai sal uyaju oroy=a tere kökedeg Toγtaq=a=yin erüge degere=eče inu oroju erken eke=te inu embürü daγariju em=e köbegüd=i inu ečültele aγuluy=a qutuγ eke=te inu quγuru daγariju qotala ulus=i inu qoγosun boltala aγuluy=a # Jamuq=a basa ögülerün Tümüjin anda Toγoril-qaγan aq=a qoyar=a ögüle kemen ögülejü ileger=ün qaraγa=tu tuγ=iyan sačuba bi qara buγ=a=yin arasun=iyar bürigsen bürkiren büküi daγu=tu kenggerge=ben deledbe bi qara qurdun=iyan unuba bi qataγu degel=iyen emüsbe bi qatan jida=ban bariba bi qadqur=a=tu sumu=ban ödülebe bi qalaqun Merged=tür qadquldun morilay=a edüge böged kemen ögüle # urtu qaraγa=tu tuγ=iyan sačuba bi üker=ün

arasun=iyar bürigsen ödken daγu=tu kenggerge=ben deledbe bi oroγ qurdun=iyan unuba bi üdegesütü quyaγ=iyan emüsbe bi üker=tü ildü=ben bariba bi onitu sumu=ban onilaba bi Uduyid Merged=tür üküldüy=e bi böged kemen ögüle # Toγoril-qaγan aq=a morilar=un Burqan-Qaldun=u ebür=iyer Tümüjin anda=yi ta Onan-mören=ü terigün=e Botoqan=Boγorči=da boljaγal (boljay=a) tende boltuγai bi ende=eče Onan-mören ögede Botoqan=Boγorči=ta boljaγal γajar=a neyileldüy=e kemen ögülejü ilegebe Jamuq=a=yin ede üges=i inu Qasar Belgütei qoyar Tümüjin=e ögülejü Toγoril-ong-qaγan=a kele kürgebei Toγoril-qaγan Jamuq=a=yin ede üges=i kürgegülüged sača qoyar tümed (tümen čerig=üd) morilabai Toγoril-qaγan morilar=un Burqan-Qaldun=u ebür Kerülen=ü Bürge-ergin jorin ayisui kemen Tümüjin Bürge-ergi=de bürün mör=tür bui kemen jayilaba Tünggülig ögede negüjü Taγ-γoroqan=a Burqan-Qaldun=u ebür=e buγuju Tümüjin tende čerig egüsgejü Toγoril-qaγan=u Jiq=a-Gambuu nigen tümen Toγoril-qaγan nigen tümen Kimurq=a-γoroqan=a ayil qaralda baγuju büküi=tür neyilen baγubai Tümüjin

Toγoril-qaγan Jiq=a-Gambuu γurbaγula qamtudču tendeče ködeljü Onan=u terigün Botoqan=Boγorči=ta kürbesü Jamuq=a boljaγal γajar=a γurban edür urida kürjüküi Jamuq=a ede Tümüjin Toγoril-qaγan Jaγ=a-Gambuu=tan=u čirig=üd=i üjeged Jamuq=a qoyar tümen čerig=iyen jasaju bayijuqui ede=ber Tümüjin Toγoril Jaq=a-Gambuu=tan čerig=üd=iyen jasaγad kü morilan jiči neyileldüjü tanilduju Jamuq=a ögüler=ün boroγan=bar bögesü boljaγal(boljiyan)=tur qura=bar bögesü qural=tur büü qojiday=a ese kü kemelügei üü (kemen ese kelebei üü) bida Mongγol j=a andaγar=tan busuγu (bisiü) qojiγdaγsan=i jerge dede γarγay=a (kemen) kü ese kü kemelügei üü (ögülebeü) kemebe Jamuq=a=yin ene üge=tür Toγoril-qaγan ögülerün boljaγal γajar=a γurban edür qojid bolba kemen γutuγulqu=yi (doroyitaγulqu) čimarlaqu=yi (buruγusiyaqui) Jamuq=a degüü medetügei kemebe boljaγal=un (boljiyan=u) čimar (jim=a) edüi bolγan ögüleldüjü Botoqan=Boγorči=tača ködeljü Kilγo-mören=e kürčü sal uyaju getülüged Buγur=a-keger=e Toγtaq=a-beki=yin erüge degere=eče # erkin eke=de inu embürü daγariju em=e köbegüd=i inu ečültele taγulibai qutuγ eke=te inu quγuyu daγariju qotala ulus=i inu qoγosun boltala taγulibai # Toγtaq=a-beki=yi

kebtege bögetele kürküi bölüge Kilγo-mören=e bükün jiγasučin bulγaγčin görögečin talbiγsan tere jisun jaman (=dur) šöni dölin od=čuqui tere kelen kürgegülüged Uduyid Merged=ün Toγtaq=a-beki Uγas-Merged=ün Dayir-Usun qoyar qamtudču Kilengge Selengge uruγu čöken beyes=iyen dutaγan buruγudčuγui Merged ulus Kelgei uruγu šöni=de dörbejü yabuqui=tur bidan=u čerig=üd dörbejü yabuqun Merged=i šöni=de kü taγulin (dobtol=un) talan yabuqui=tur Tümüjin dörbejü ayisuqun (iregsen) irgen=tür Börte Börte kemen daγudaju yabuqui=tur učiraju Börte-Üjin tede dörbegüljin irgen=tür büküi Tümüjin=i daγu sonosču taniju tergen=eče baγuγad güyijü irejü Börte-Üjin Qonoγčin qoyar Tümüjin=i jiloγa čulbuγur=ača barijuqui saraγur (edür) bölüge üjebesü Börte-Üjin=i taniju teberildün jolγaldubai tende Tümüjin=ber Toγoril-qaγan Jamuq=a qoyar=a mön šöni böged ögülejü ileger=ün erikü kereg=iyen olba bi šöni büü döliy=e ende baγuy=a bida kemejü ilegebei Merged=ün ulus=un dörbijü asuqu(ireküi)=yi šöni=de sandurču jaγura mön tende baγuju qonobai Börte-Üjin=iyen jolγalduju

Merged=eče abuγsan yosun eyimü buyu # terigün urida Uduyid-Merged=ün Toγtaq=a-beki Uγas-Merged=ün Dayir-Usun Asaqun-Merged=ün Qaγatai-Darmala ede γurban Merged ekilen γurban jaγun aran (kümün) edür=iyer Toγtaq=a=yin degü Yeke-Čiledü=eče Yisükei-baγatur Ögelen=i buliyaγduju (buliyaju) abtalai (abubai) kemen tegün=i ösil (ösiy=e) ačiran (abur=a) odču Tümüjin=i Burqan-Qaldun=a=ta γurban=ta qojiγulqui(dobtol=un kögeküi)=dur Börte-Üjin=i tende örösčü (bariju) Čiledü=yin degü Čilger-Bökede asaraγuluγsan ajuqu tere asaraγsabar anu Čilger-Böke dayijiju γar=un ögülerün # qara keriy=e qalisu körisü idekü yosutu bögetele γalaγun toγoruγud=i idesü kemen jasan ajuqu qadar maγu Čilger qatun Üjin=tür qalaqu bolun qamuγ Merged=e buruγu bolγaba qaraču maγu Čilger qara terigün=tür=iyen kürtekü bolba γaγčaqan amin=iyan qurγalan qarsu qabčila sirγusu qalq=a ken boldaquyu (bolumuqu) # qulatu maγu sibaγun quluγun=a güčügün=e idekü jayaγatu bögetele qun toγoruγud idesü kemen jasan ajuqu qoyar maγu bi Čilger qutuγ=tai sutai Üjin=e quričaju erikü bolun qotala Merged=e buruγu bolba qokir maγu Čilger qokimai terigün=tür=iyen kürtekü bolba bi qoγosun=u (quγursun=u)

tedüi amin=iyan qoriγad quraγtu qarangγui qabčil=a sirγun daldalasu qoγosun(quγursun)=u tedüi amin=i minu qorin ken ele bolγayu (bolγamu) kemeged dayijin dutaγaju Qaγatai-Darmala=yi erüsbe (öröbe) qolčir=tu qabtasun baqu emüsgejü qaltačaju jorčiγulbai (yabuγulbai) Belgütei eke=yügen abur=a odču ger=tür inu baraγun egüde=ber oroqui=luγa eke inu nabtarqai nekei degel=tei jegün egüde=ber γaruγad busu kümün=e ögüler=ün köbegüd minu qad boljuqu kemegdemüi bi ende maγu kümün=tür učaraju amu köbegüd=iyen čirai ker üjekü kemeged güyijü siγui oi=tur sirγujuqui tedüi ese oldaluγ=a Belgetei-noyan Merged=tei=yin kümün=i üjebesü eke=yi minu abču ir=e kemejü qotalidqu bölüge (olan=a daγurisqaba) Burqan-Qaldun=a=tur qočilduγsan (dobtoluγsan) γurban jaγun Merged=i uruγ=un uruγ=a kürtele ünesü=ber keyisgen ülidkebei ülegsen em=e köbegün=i anu ebüridkü (asaraqu) metüs=i ebüridbei (asarabai) egüden=tür saγulγaqun metüs=i egüden=tür=iyen oroγulbai Toγoril-qaγan Jamuq=a qoyar=i Tümüjin bisiren ögüler=ün qaγan ečige minu Jamuq=a anda qoyaγula nököčegdejü tngri γajar=a küčü auγ=a nemegden erketü tngri=de nereyidčü eke etüken=e

kürbečü er=e neretü Merged irged=i ebür ba anu oγtarqu (ebečitü) bolγabai ali ba anu emtelbei bida örö ba anu oγtarqu (ebečin) bolγabai uruγ=un ba kümün=i ülidkebei bida ülegsen=i ba anu arbilabai bida Merged irgen=i tedüi busangγaju ničuy=a (talq=a bolγaju qariy=a) kemeldübei Uduyid Merged dörber=ün bulaγan malaγ=a=tu maral=un γodon γutultu ilgen jarqas usun=u qaliγun qaliγuluγsan (köbegelegsen) degel=tü tabun nasutu Küčü neretü nidün=tür=iyen γal=tu köbegüken=i bidan=u čirig=üd nutuγ=tur qočoraγsan=i olju abčiraju (abču) Ögelen eke=de sadq=a (tejiy=e) kemen ögbe Tümüjin Toγoril-qaγan Jamuq=a γurbaγula qamtudču Merged=ün čorqan ger čoqorilaju čuγ em=e köbegüd=i arbilaju Orqon Selengge qoyar=un sinay=a Talad-aral(Kiq=a tala ködege)=ača ičürün (qaribai) Tümüjin Jamuq=a qoyar qamtudču Qorqoγ-Jibur jorin ičübei Toγoril-qaγan ičür=ün Burqan-Qaldun=i kerübei Üker=tü-Jibur daγarin Qoγor=a=tu-Ebe=yin Uliy=a=tu-qabčil daγarin göröged=i inu abalaγad Tuγula=yin-qara-tün (siγui) jorin ičübei (qaribai) Tümüjin Jamuq=a qoyar Qorqoγ-Jibur=a neyilen baγuju erten=ü anda bolulčaγsan=iyan duradulčin anda dongγoduldun (bolquy=a ögülen) amuralduba # angq=a urida anda bolulčar=un Tümüjin arban nigen

nasutai büküi=tür Jamuq=a γuralduγ šaγai Tümüjin=e ögčü Tümüjin=ü činggel=tür=tü (naγadun=tur anu) šaγai=bar anda bolulčaju Onan=u mösün=tür šaγalčaqui=tur tende anda kemeldülüge tegün=ü qoyina qabur alanggir numu=tan qarbayaldun (temečeldün) büküi=tür buγu=yin eber=iyer egüdügsen daγu=tu jur(numun)=iyan Tümüjin=e ögčü Tümüjin=ü arča manglai=tu γodoli araljilduju andalaldubai nögöge=de anda kemeldügsen yosun anu urida öteges=ün andačilaqui üge sonosču anda kümün amin nigen ülü tebčildün amin=u arača (abural) boluyu kemen amaralduqui yosun teyimü buyu edüge basa ende dongγosulduju (ögüleldüjü) amuralduy=a kemeldüjü Tümüjin Merged=ün Toγtaq=a=yi arbilaju (degejilejü) abuγsan altan büse=yi Jamuq=a=ta büselegülbe Toγtaq=a=yin negekei qaliγun=i Jamuq=a=da oroγulba (ögbe) Jamuq=a qariγu inu Uγas-Merged=ün Dayir-Usun=i arbilaju abuγsan altan büse=yi Tümüjin=e büselegülbei Dayir-Usun=i kü ebür=tü ünügün čaγan=i Tümüjin=e unuγulba Qorqos-Jibur=un γool=ta Eker-Qun=u ebür=e saγalγar modun=a anda kemeldüjü amaralduju qurimlan dayilan jirγalduju šöni könjilen=tegen

qamtu qonolduqun bölüge Tümüjin=e Jamuq=a qoyar amuraldur=un nigen on bolju nögöge on=u jarim amuralduju tere aγsan nutuγ=ača nigen edür negüy=e kemeldüjü negür=ün jun=u terigün sarayin arban jurγan=a ulaγan tergel edür negübe Tümüjin Jamuq=a qoyar qamtu tergen=ü urida yabuju ayisur=un (oduγad) Jamuq=a ögüler=ün Tümüjin anda aγula siqam baγuy=a aduγučin=u bidan=u γal čoγ=a kürtügei ai jöb üü γool siqam baγuy=a qoničin qurγačin bidan=u qoγolar=a kürtügei qoriγ ügei busuγu uu (bisiyü) kemebe Tümüjin Jamuq=a=yin ene üge=yi uqan yadaju sem=iyer bayiju qočorču negüri (negüdel) dumda terged=iyen küliyejü Tümüjin ber Ögelen eke=de ögüler=ün Jamuq=a anda eyin ögülemü aγula siqam baγuy=a aduγučin bidan=u γal čoγ=a kürtügei ai jöb üü γool siqam baγuy=a qoničin qurγačin bidan=u qoγolar=a kürtügei qoriγ ügei busiγu uu kemen ögülemü bi ene üge=yi inu uqan yadaju qariγu inu yaqu ba ese ögülebe eke=teče asaγuy=a kemen irebe kemebesü Ögelen eke=yi dongγaduγ=a edüi (ögüleküi=yin urida) Börte-Üjin ögüler=ün Jamuq=a anda uyidumuqai kemegden bölüge

edüge bidan=ača uyidqu čaγ inu bolba tuγar=un Jamuq=a anda=yin kelelegsen kelen bidan=tur böged jigsikü metü üge buyu bida ende büü baγuy=a ködölügsen=ber siluquy=a qaγča šöni dölin ködöliy=e kemebe Börte-Üjin=ü üge=yi jöbsiyejü ülü baγun šöni dölin ködeljü ayisuqui=tur jaγura mör=tür Tayičiγud=i daγariba Tayičiγud bar kögejü mön šöni jöričin Jamuq=a jüg ködelbe kü Tayičiγud=un Besüd=ün nutuγ=tur nigen öčüken Kökečü neretü köbegün=i nutuγ=tur qočoruγsan=i bidan=uqai abču irejü Ögelen eke=de ögbe Ögelen eke ger=tür=iyen tejiyebe tere šöni dölijü edür geyibesü üjebesü Jalayir=un Qačuγun-tuquraqun , Qarqai-tuquraqun , ede γurban tuquraqun aq=a=nar degüü=ner šöni dölildüjü ayisun (iren) ajuqu basa Darqud=un Qadaγan Daldurγan aq=a=nar degüü=ner tabun Darqud ayisun ajuqu basa Mengge=tü-Kiy=a=nu köbegün Ügküi=ten Čangsiγud Bayaγud=iyar ayisun ajuqu Barlas=ača Qubilai Qutuγ aq=a=nar degüü=ner irebei kü Mangγud=ača Jedei , Doγolqu-čerbi (türügüü=noyan) , aq=a degüü qoyar irebei kü Boγorči=yin degüü Egüle-čerbi ,

Arlun=ača qaγačaju aq=a=tur=iyan Boγorči=tu neyilen irebei kü Jelm=e=yin degüü Čorγan , Sübegedei-baγatur Uriyangqan=ača qaγačaju Jelm=e=tür neyilen irebei Besüd=eče Tekei , Küčügür aq=a degüü qoyar irebei kü Suldun=ača Čilgüdei Taqai , Tayičiγud=ača aq=a=nar degüü=ner irebei kü Jalayir=un Sira-Domoγ , Arqai , Qasar Bala , köbegüd=iyer=iyen irebei kü Qongqatan=ača Süyike=tü-čerbi (türügüü noyan) irebei Sükiken=ü Jekei , Qongdaγar=un köbegün Sükei Jegün irebei Negüdei-Čaγan-Γou=a irebe Olγunud=tai , Kingke=tei Qorlun=ača Sečegür , Dörben(Dörbed)=eče Moči , Bidügün , irebe Ikeres=eče Budu göreged=de (görögelen) yabuγsabar irebei kü Üyeken=eče Jüngkei irebei Uruγur=ača Jirγuγan irebei kü Barlaγ=ača Γou=a-Sečen , Qaračar köbegüd=lüge=ben irebe basa Baγarin=u Qorči , Usun ebügen , Köke-Čoγ Maq=a-Baγarin=iyar irebei Qorči irejü ögüler=ün Bodančar boda(boγda)=iyan bariju abuγsan em=e=teče törögsen ba Jamuq=a=luγ=a kegeli nige=ten γaγča=tan bölüge Jamuq=a=tača ülü qaγačaqun bölügei bi jaγarin irejü nadur nidün=tür üjügülbei qoqoγčin ünige <üniy=e> irejü Jamuq=a=yi orčiju (orčin toγorin) yabuju ger

tergen=i inu mörgölüged Jamuq=a=yi mörgöjü örögele eber=iyen quγuraču soljir eber=tü bolju eber=i minu ača kemen Jamuq=a=yin jüg mörgölen mörgölen sirui sačun sačun bayimu qoγ=a üker yeke ger gerlüge (baraγan=i) degere ergüjü (ačiju) küljü jidküjü Tümüjin=ü qoyina=ača yeke dergegür=iyer mögören mögören ayisur=un (iremüi) tngri γajar neyilejü Tümüjin=i ulus=un ejen boltuγai kemen ulus tegejü ayisuqui (iremüi) kemen jaγarin nidün=tür üjügüljü nadur jiγamu Tümüjin či ulus=un ejen bolbasu namayi jiγaγsan=u tula kerkijü jirγaγulqu či kemebe Tümüjin ögüler=ün ünen teyin ulus medegülbesü tümen=ü noyan bolγasu kemebe elige=tü törö=yi jiγaγsan kümün namayi tümen=ü noyan bolγasu yaγun jirγalang bui tümen=ü noyan bolγaγad ulus=un γoγas (γou=a) sayin ökid=i abqaγulju γučin ba em=e=tü bolγ=a basa kelelegsen (ögülegsen=i) minu kü sonos kemebe γoγas (Γou=a) terigüten Keniges nigen küriy=e (ayimaγ) irebe basa Daridai-Odčigen nigen küriy=e (ayimaγ) irebei kü Jandiran=ača Muqul=a-Ququ irebe Üjin-Saγurin nigen küriy=e irebei kü Jamuq=a=da=ača

qaγačan ködelüged Kimurγ=a-γoroqan=u ayil qaraγ=a (üjel=de) baγuju büküi=tür Sečen-beki Tayiču qoyar nigen küriy=e basa Tayisi=yin köbegün inu Altan Qučir-beki , nigen küriy=e basa Qutala-qaγan=u köbegün Altan-Odčigen nigen küriy=e Jamuq=a=tača qaγačan ködeljü Tümüjin=i Kimurγ=a-γoroqan=u ayil qaraγ=a=ta baγuju büküi=tür neyilen baγuju tendeče negüjü Kürelkü dotora Senggür-γoroqan=u Qara-Jirüken=ü Köke-naγur=tu baγuju Altan Qučir Sečen-beki bükün eyedüleldüjü Tümüjin=e ögülerün # čimayi=yi qaγan bolγay=a čimayi qaγan bolγabasu olan dayin(dayisun)=tur ayalaju aγulju öngge sayin ökid jindü (tere) ordo ger qari irgen=ü qačir γou=a qatun γarγam sayin aγta qatari=γulju abču ireji ögsü # oroγ=a görögesün=i abalabasu otaraju ögsü oi=yin görögesün=i bederibesü aγudalju γarγan ögsü # keger=ün görögesün=i kegeli inu nigedtele siγaju ögsü kebčeg siγam=dur anu genedtel ügei ürgügen ögsü # γun=u <γuu=yin> görögesün=i γuy=a inu nigedtele siγaju ögsü γurbi=yin görögesün=i qadqulaju γarγan ögsü bi # qadqulduqui edür (inu) qalq=a činu bisi

bolγabasu qara siri=eče manu qaγačaγulju qara terigün=i manu kösör=tür=ber gegejü od # engke edür ey=e=yi čin=u ebdebesü iren qara=tača em=e köbegüd=eče man=u erügüljü ejen ügei γajar=a gegejü od edüi üge barilduju eyin aman aldaju # deger=e möngke tngri=tür sačuli=ban sačuju yisün költü čaγan tuγ=iyan qadqun bayiγulju Tümüjin anu erte töröged sača luus(Nandi)=un qaγan qasbuu=a tamaγ=a γarγaju ögküi=tür qarabtur sibaγun erüken=ü degere saγuju činggis činggis kemen dongγodduluγ=a tere sibaγun=u daγun γaruγsan siltaγan=iyar Činggis-qaγan ner=e ögčü qaγan bolγabai # döčin tabun nasun=tur=iyan bing bars jil=tür Onon-mören=ü terigün=e yisün köl=tü čaγan tuγ=iyan bayiγulju qaγan yeke oro saγubai # tengri=yin köbegün Tümüjin-Činggis-qaγan delekei dakin=i tegüs quriyaju tenggis dalai=a kürtele tegsi bolγaγad degedü oro bariγsan=i terigün=eče ögüley=e # Činggis-qaγan boluγad Boγorči=yin degüü Egüle-čerbi qoor (qorumsaγ saγadaγ) aγsaba Qačuγun-tuquraqun qoor aγsaba Enggür Süyike=tü-čerbi

Qadaγan-Dalduraγan , γurban ögüler=ün manaγar=un undan büü meküdegülsügei (dutaγulsuγai) üde=yin undan büü osoldasuγai kemen baγurčin bolba # Tekei ögüler=ün sineken irege <irge> , silün bolγaju manaγar büü medegülsü qonoγ=tur büü qojidaγulsu alaγčiγud qonid=i aduγulaju alam dügürgesü qonoγčiγud qonid=i aduγulaju qotan dügürgesü qoγolančir maγu bölügei bi qonin adulaju čaγan miq=a idesü kemen qonin aduγulabai # (degüü inu Küčügür ögülerün) čegürketei tergen=i činu büü čügüdegülsü tegesütei tergen=i dergegür degere büü tegedegülsü kemejü tergečü bolbai Tödei-čerbi ger dotora ger=yin dotqar=i <dotoraki=yi> bekilesügei kemebe Qubilai Čekülketei Qarqai-tuquraqun γurbaγula Qasar=luγ=a nige bolun üldüs küčürkegčid=i küjügün=i anu kergegdekün (oγtaluγtun) omurγaγad=i omuriqud=i anu öngelčidkün kemebe Belgütei Qaraldai-tuquraqun qoyar=i aγta bariqu aγtačin boltuγai kemebe Tayičiγud=tai-Qudu Mori=tu Bulγalaqu γurbaγula=yi aduγun aduγulatuγai kemebe Arqai-Qasar Taqai , Sükei , Čaquraqan dörbegüle=yi qola=yin qonočaγ (qonoγ) oyir=a=yin otor=a (uduridqal γajarči) boltuγai kemebe # Sübegedei-baγatur

ögülerün quluγan=a bolju quriyaldusu qara keriy=e bolju qatuγun bükün=i qurimladasu amuri=a šejegei (šajaγai) metü amuralaldun γuyisuγai keriske šejegei (keriy=e šajaγai) bolju ger jüg gerisleldün (gerlen) quriyasu kemebe # tendeče Činggis-qaγan qaγan bolju , Boγorči Jelm=e qoyar=a ögüler=ün ta qoyar namayi següder=eče busu nökör ügei=tür següder bolju sedkil=i minu amuγulbai j=a ta sedkil=tür atuγai segül=eče busu čöčige ügei=dür segül bolju jirüken=i minu amuγulbai j=a ta čegeji dotor=a minu atuγai ta qoyaγula urida bayiγsan=bar ede bükün=i sanaju ülekü aqun ta kemebe basa Činggis-qaγan jarliγ bolurun tngri γajar=a küčü nemegdejü ibegegdebesü ta Jamuq=a anda=ača namayi kemen sedkijü nökčesü kemen iregsed öteges öljei=ten nökör=ün inu ülekü boludqun ta kemebe (degedü tedeger nököčeldügsen arad eyin kemejü) jüg jüg=eče tüsibei Činggis-qaγan=i qaγan bolγabai kemen Kereyid=ün Toγoril-qaγan=tur Taqai , Sükei qoyar=i elči ilegebe Toγoril-qaγan ögüler=ün Tümüjin köbegün=i minu qaγan bolγaqu tan=u ai jöb ta Mongγol qaγan ügekün ker aqun ta ene ey=e ben büü ebderedkün ey=e

janggi=ban büü tayiludqun (jang=iyan büü aldarγuludqun) aq=a=ban (bar=iyan) tarquludqun kemejü ilegejüküi Arqai-Qasar , Čaqurqan qoyar=i Jamuq=a=tur elči ilegebesü Jamuq=a ögüler=ün Altan Qučar , Sečen-beki , qoyar=a ögüle kemejü ögülejü ileger=ün Altan Qučar , Sečen-beki , ta qoyar Tümüjin anda , bida qoyar=un jaγura sübege sečijü (čičijü) qabirγ=a qadquju yakin qaγačaγulba ta anda bida qoyar=i ülü qaγačaγul=un qamtu büküi=tür Tümüjin anda=yi qaγan yakin ese bolγabai ta edüge yambar ele sedkil sedkijü qaγan bolγabai ta Altan Qučar , Sečen-beki ta qoyar ögülegsen üges=tür=iyen kürün anda minu sedkil=i amuγulju anda ta inu sayitur nököčejü öggödkün kemejü ilegejüküi tegün=ü qoyina Jamuq=a=yin degüü Tičer , Alma=yin ebür=e Ölgei-bulγ=a bürün bidan=u Saγari-Keger=e bükü Čoči-Darmala=yin aduγun degeremdür=e odču Tičer Čoči-Darmala=yin aduγun degeremdčü abču odčuqui Čoči-Darmala aduγu=ban degeremdčü odduju nököd=iyen jirüke yadaγadaju mön Čoči-Darmala nekejü odču šöni aduγun=iyan kijaγar=a kürčü morin=iyan del degere elige=ber=iyen kebtejü

kürčü Tičer=ün niruγun=i quγur=a qarbuju alaγad aduγu=ban abuγad irejüküi degüü=ben Tičer alaγdaba kemen Jamuq=a terigüten Jajirin arban γurban qari nököčejü γurban tümen bolju Alaγud Turγaγud=iyar dabaju Činggis-qaγan=tur morilaju ayisui (iremüi) kemen Ikeres=eče Mölege-Totoq=a , Boroldai qoyar=a Činggis-qaγan=i Kürelküde büküi=tür kelen kürgen irejüküi ene kelen (üge=yi) medeged Činggis-qaγan arban γurban küriyed (ayimaγ) bölüge γurban kü tümed bolju Jamuq=a=yin esergü inu morilaju Dalan-Baljud=a bayilduju , Činggis-qaγan , Jamuq=a=tan=i ködelgegdejü (kögen) Onan=u Čarqan-qabčiqay=a qurabai Jamuq=a ögülerün Onan=u Čarqan-qabčiqay=a qurabai bida ergijü qarir=un kemeged Čanus=un köbegüd=i dalan toγan(toγoγ=a)=dur bučalaju Negüdei-Čaγan-Γou=a=yin terigün=i inu oγtalju , morin=u segül=tür čirčü odbai Jamuq=a=yi tendeče qariγuluγad Uruγud=un Jurčidai Uruγud=iyan uduriduγad Mangγud=un Quyildur Mangγud=iyan uduriduγad Jamuq=a=ača qaγačaju Činggis-qaγan=tur irebei Qongqatan=u Menglig ečige Jamuq=a=da aju

doloγan köbegün=lüge=ben irebei Činggis-qaγan öber=tür=iyen ulus irebei kemen bayasču Ögelen-Üjin Qasar , Jürken=ü Sečen-beki , Tayiču=tan bügüde eyedüldün jöbsiyeldüjü Onan=u tün=tür qurimlay=a kemeldüjü qurimlaqui=tur urida Jürken=ü Sečen-beki , Tayiču=tan Ögelen eke terigülen Činggis-qaγan=i jalaba töröl törögsen bidan=u öber=e bisi nigen bile maγu maγu=bar yabuqu buyu gejü jalaqui=tur Ögelen eke jarliγ bolba qoor=tan dayisun=i čögen qoor=a=tu moγai=yi narin gejü büü sana itegel ügei sereltei bui kemebesü Boγda-Ejen jarliγ bolba Qabutu-Qasar či saγadaγ qadaγala böke Belgütei či jasaγul bai Qačuγu či mori qadaγala oyitu Očigen či minu dergede saγu yambar ba üyile medege ügei buyu gejü jarliγ bolba Jürken maγu sedkijü nüke uquju degere inu esegei debisügsen ajuqu ejen esegei=yin dumda saγuquy=a jabduγsan=tur Očigin ejen=ü bey=e=eče tataγad debisger=ün jiq=a=du saγulγaba Činggis-qaγan=a Ögelen-Üjin=e , Qasar γurban=a Sečen-beki nigen tüsürge tüsürjüküi basa Sečen-beki=yin öčüken eke

Ebekey=e terigülen nigen tüsürge tüsürkü=yin tula Qoričan-qatun Quγuγčin-qatun qoyar man=a ülü terigülen ker tüsürüyü kemen baγurči Sikürči=yi askičiqu baγurči Sikürči ögüler=ün Yisükei-baγatur Negün-tayisi qoyar=i ügei=yin tula eyin askiγdaqu man=u yaγun kemeged yeke daγu=bar uyilajuqui tere qurim=i bidan=ača Belgütei jasaγad Jürken=eče Büri-Böke tere qurim=i jasan bölüge Činggis-qaγan=u aγta Qačuγun bariju bayin bölüge Jürken=eče nigen em=e kümün doγolju ireged jöbdeki döröge=yi oγtalju abču odqui=yi Belgütei üjeged tere em=e=yin köl=i inu quγu tasiju orkiba tendeče Büri-Böke tere qulaγayiči=ban ömögüren Belgütei=luγa nasuda abuldar=un (nočolaldubai) Belgetei baraγun qančuban möltöljü ničügün yabuqu bölüge tere möltölügsen ničügen mörö inu Büri-Böke ildü=ber qaγ=a čabčijuqui , Belgetei teyin čabčiγdaju bögötele yaγun=a=bar ülü bolγan ülü sengkeren čisun čuburiγulju yabuqu=yi Činggis-qaγan següder=tür saγuju qurim dotora=ača üjejü γarču irejü ögüler=ün ker eyin kigden

bölüge bida kemeküi=tür Belgütei ögüler=ün manaγar edürei čabčiγsan bölüge minu tulada aq=a degüü=tür eyedüldün büküi=tür bütügei (büü üyiled) bi ülü aljiqu ilaγari bui kemebe Belgetei tedüi idqabasu ülü bolun modun=u gesigün=i quγur=a tatalaju idügesün bülegür čuγučiju abču askilalduju Jürken=i ilγaju Quγuγčin-qatun Qoričan-qatun qoyar=i buliju abubai Qasar sumu toγolaju bayiba tere keregül=tür Belgetei namaγatu ayiraγ=iyar čokilalduju yabuγsaγar ejen=i Qorčin=u Toγtaqu=yin ermeg čaγaγčin=tur soloγai γar=iyar unuγulba Toγtaqu=yi darqalaba tegün=eče Darqad omoγ=tan bolba üjejü bayiju dörögeben oγtalγaba gejü Qačiγu=yi maγu küriy=e modun döröge kemen jimedkebei gekü tedüi Tayičiγud Belgetei=yi bariγad qasaγ=tur külijü talbibai untaγsan=u qoyina qasaγ=i ügürügseger qariju irebei (tendeče Boγda-Ejen eyin kemer=ün) Tayičiγud=un keregür=tür Belgütei namayi ülü toγoqu metü jegün γar=iyar unuγulbai gejü qoriγlabai tegün=tür Qasar Belgetei qoyar , ene ejen josun ügei jasaγ jarliγ bolai ni Qasar=un qabu Belgetei=yin böke küčü=ber tabun

öngge dörben qari yeke ulus=i erke=tür=iyen oroγulbai j=a kemen kelelčin yabuqu=yi ejen medeged eden=i omoγ=i daruγuluy=a kemen door=a=tu ebügen kümün bolun nigen ürtaγčin sira numu bariju qudalduy=a kemen surγalan yabubai tendeče Qasar Belgetei qoyar eyimü ese üjegdegsen qamiγ=a=ača iregsen kümün bui gejü asaγba tere ebügen ögüler=ün bi yadanggi kümün bui numu qudalduju yabun amu kemebei tendeče tere qoyar ene numu=ban ab kemekü buyu či gejü doromjilabai tende=eče tere ebügen ögüler=ün maγu ču bolba köbčilejü medegesei gebe tedüi Belgetei abuγad köbčilejü ese čidabai tere ebügen köbčilejü Qasar=tu ögbe Qasar delijü ese daγabai tedüi tere ebügen köke qaljin lausa unuγsan buγurul kümün boluγad ürtaγčin sira numun=tur altan toγona=ban (sumu=ban) onilaju qada qadatala qarbuγad Boγda-Ejen=ü Qabutu-Qasar , böke Belgetei gegči degüü inu ta qoyar buyu yeke ögületele yeke=de ümkü gele gejü dongγod=un (ögüleged) yabubai tedüi tere qoyar degüü inu emiyejü ejen=ü sülde ene bui j=a kemen ögüleldübei

tegün=ü qoyina teden=ü teyimü üge bayiluγ=a # Jürken jiči mön jokilduy=a kemeldüjü Quγuγčin-qatun Qoričan-qatun=i ničuγču (dakiju) jokilduy=a kemen ničuγču ikečeleldün jokildun büküi tere učar=a Kitad=un irgen=ü Altan-qaγan Tatar=un Megüjin-Segül=tü=yi ey=e=tür=iyen ülü oroγtar=un (ese orobai kemen) Ongging-čingsang=i čirig=üd=iyen jasaju büü saγar=a kemejü ilegejükü Ongging-čingsing Megüjin-Segül=tü terigüten Tatar=i taγulin Ulja jorin aduγu idegen selte=yi türijü ayisui kemen medebei tere kelen=i medeged Činggis-qaγan ögüler=ün erte edür=eče Tatar irgen ebüges ečiges=i baraγsan östen kistan irgen bölüge edüge=yin qasalq=a=tur qabsay=a bida kemeged Toγaril-qaγan=tur elči ileger=ün Altan-qaγan=u Ong-ging-čingsang Tatar=un Megüjin-Segül=tü terigüten tedeger Ulja ögede türijü (kürčü) ayisui kememüi ebüges ečiges=i bidan=i baraγsan Tatar=i qabsay=a bida Toγaril-qaγan ečige ödter iretügei kemen kelen kürgen elči ilegebei , kelen kürgegülüged Toγaril-qaγan ögüler=ün köbegün jöb kelejü ilegejüküi qamsay=a bida kemeged γutaγar edür čerig=iyen

čuγulγaju čirig egüsgejü Toγoril-qaγan ödterlen irejü Činggis-qaγan Toγoril-qaγan qoyar Jürüken=ü Sečen-beki Tayiču terigüten Jürken=e kelelčejü ileger=ün erte edür=eče ebüges ečiges=i bidan=u baraγsan Tatar=i edüge ene qaqalq=a=tur qamsay=a qamtu morilay=a gejü ilegejüküi Jürken=i iregdeküi=eče (iremü kemen) jirγuγan edür külčejü (küliyen) yadaju Činggis-qaγan Toγoril-qaγan qoyar qamtu čirig egüsgejü Ulja uruγu Ongging-čingsang=luγa qamsan ayisuqui=dur Ulja=yin qosiγun=tu Sitügen neretü Sitügen=e Tatar=un Megüjin-Segül=tü Tatar tende qoraγ=a barijuqui Činggis-qaγan Toγoril-qaγan qoyar qorγulaγsan Megüjin-Segül=tü=yi qoroγan=ača inu bariju Megüjin-Segül=tü=yi tende alaju mönggön ölegei tanatu könjile=yi inu Činggis-qaγan tende abuluγ=a Megüjin-Segül=tü=yi alaba kemen Činggis-qaγan Toγoril-qaγan qoyar Ong-ging-čingsang=un esergü odbai Ong-ging-čingsang Megüjin-Segül=tü=yi alajuqu kemen medejü masi bayasču Činggis-qaγan=a Čaγ=un-Törö ner=e ögbe Kereyid=ün Toγoril-qaγan=a ong ner=e ögbe

Ong-ging-čingsang=un nereyiddügseber tendeče (nereyidügsen tegün=eče) bolbai Ong-ging-čingsang ögüler=ün Megüjin-Segül=tü=yi qabsaju alaγsan tan=u Altan-qaγan=a öčimüi bi egün=eče yeke ner=e jeu-dau ner=e ögkü=yi Altan-qaγan medetügei kemebe Ong-ging-čingsang tendeče tedüi bayasču ničübe (qariba) Činggis-qaγan , Ong-qaγan qoyar tende Tatar=i toliju (tegsi) qubiyalduju abulčaju ger=tür=iyen baγubai ner=e=tü Sitügen=e baγuγsan nutuγ=tur taγuliqui(bayilduqui)=tur nigen ničügün köbegüken=i gegegsen=i bidan=i (man=u) čirig=üd nutuγ=ača olju altan negemer dörbeljitü taji torγan bulγan=iyar dotarlaγsan elegebeči=tü köbegün=i abči irejü Ögelen eke=de sauq=a <sadq=a> (asar=a) kemen ögbe Ögelen eke ögüler=ün sayin kümün=ü köbegün ajuqu j=a nökör sayitu kümün=ü uruγ bui j=a tabun köbegün=tegen degüü jirγuduγar köbegün bolγan Siki-Qutuγ kemen nereyidčü eke asaraba # Činggis-qaγan=u aγuraγ Arγalitu-naγur=tur bölüge aγuraγ=tur qočoruγsan tabun aran(kümün)=i qubčin (degeremčin) tonojuqui arban aran=i alajuqui Jürken=e teyin kigdebei kemen bidan=u (man=u) aγuraγ=tur qočoruγsad Činggis-qaγan=a jiγabasu ene kelen (üge) sonosuγad

ayimas ču kilinglen ögüler=ün ker eyin kigden bölüge bida Onan=u tün=tür qurimlaqui=tur Belgetei=yin mörö mön kü čabčibai jokilduy=a kemebesü Quγuγčin-qatun Qoričan-qatun qoyar=i ničuγču (qoriba) ögbe bida tegün=ü qoyina erten=ü östen kistan bidan=u ečiges ebüges=i baraγsan Tatar=i qabsan morilay=a kemen Jürken=i jirγuγan edür külčejü (küliyejü) ese kü iregdebei (irelüge) edüge basa dayisun dayisun=tur siγan dayisun mön kü boluyu kemeged Činggis-qaγan Jürken=tür morilaba Jürken=i Kerülen=ü Ködege-aral=un Doloγan-boldaγ=ud=ta büküi=tür Jürken=i taγulibai Sečen-beki Tayiču qoyar čögen beyes=iyen dutaγabai qoyina=ača anu nekejü Tal=tu-amsar=a güyičejü Sečen-beki Tayiču qoyar=i baribai Činggis-qaγan Sečen-beki Tayiču qoyar=a ögüler=ün erte edür bida yaγu kemeldülge <kemeldülüge> kemebesü Sečen-beki Tayiču qoyar ögüler=ün ögülegsen ügen=tür=iyen ese kürbe üge manu kürge kemeged üges=iyen mederejü tüsijü ögbei üges=i inu mederegüljü üges=tür anu kürgen bütügejü mön tende kibei (alabai) Sečen-beki Tayiču qoyar=i bütügeged (alaγad) qariju Jürken irgen ködelküi=tür Jalayir=un Telgetü-Bayan=u

köbegün Kümün-Γou=a Čilaγun-Qayiču Jebege tede Jürken=tür ajuqu Γou=a Muqali Buγ=a qoyar köbegün=iyen aγulju (abču) ögüler=ün bosoγ=a=yin čin=u boγol boltuγai bosoγ=a=tača čin=u buljibasu borbi anu oγtal egüden=ü čin=u emčü boγol boltuγai egüden=eče čin=u eyilbesü <jayilabasu> eliged anu edkejü kidekün kemejü ögbe Čilaγun-Qayiču Tüge Qasar qoyar köbegüd=iyer=iyen basa Činggis-qaγan=tur aγuljaju ögüler=ün altan bosoγ=a=yi činu sakiju atuγai kemen ögbe bi altan bosoγ=a=tača činu anggida odbasu amin inu tasulju kidkün egüden=i činu ergüjü ögtügei kemen ögbei bi örgen egüden=eče čin=u öbere odbasu örö inu itüljü kidkün kemen Jebege=yi Qasar=a ögbei Jürken=ü nutuγ=ača Boroqul neretü öčüken köbegün=i Jebege abču irejü Ögelen eke=te ögbe Merged=ün nutuγ=ača oluγsan Küčü neretü köbegün=i Besüd=ün nutuγ=ača oluγsan Kökečü neretü köbegün=i Tatar=un nutuγ=ača oluγsan Siki-Qutuγ=tu neretü köbegün=i Jürken=ü nutuγ=ača oluγsan Boroqul neretü köbegün=i ede dörben=i ger dotor=a tejiyer=ün Ögelen eke asaraba köbegüd=tegen

edür üjekü=yin nidün šöni sonosqu=yin čikin bolγayu kemen ger dotor=a tejiyebei ede irgen=ü Yosun-Jürken bolurun Qabul-qaγan=u doloγan köbegüd=ün aq=a angq=a Ökin-Baraγ bölüge köbegün inu Joraγtu-Jürbi bölüge Qabul-qaγan=u köbegüd=ün aq=a kemejü irgen=üken dotora=ača ilγaju eligen=tür sülsütü erekei=tür onči=tu aγušgi dügüreng jirüketü aman dügüreng aγar=tan eres tutum erdem=ten böke küčüten=i ilγaju ögčü aγur=tan kiling=ten omoγ=tan jorgimaγ kemegdekü teyimü teyimüd eyimü eyimün omoγ=tan irgen=i Činggis-qaγan er=e=yin er=e töröjü doroyitaγulju Jürken omoγ=tan=i ülidkebei (doroyitaγulbai) tere ulus=i inu Činggis-qaγan öber=ün emčü (dotoγadu) irgen bolγabai nigen edür Büri-Böke=yi uriju Belgetei qoyar=i abulduγuluy=a (barilduγuluy=a) kemebei Büri-Böke Jürken bölüge urida Belgetei=yi örögelen γar=iyan bariju örögelen köl=iyer tüyidčü unaγaju ülü ködelgen daruqu bölüge Büri-Böke Belgetei qoyar=i abulduγulbai Büri-Böke ülü ilaγdaqu kümün unaju ögbe Belgetei daru yadaju möridejü saγari (köl) degere γarču Belgütei kinčas gejü Činggis-qaγan=i üjeküi=lüge

Činggis-qaγan ilükei(bebekei)=ben jaγuba Belgütei unan odqui degere inu aγdalaju (bayitala ) qoyar aq=a inu solbin tataju ögčü niruγun inu ebüdügelejü quγulju alaba Büri-Böke niruγun=iyan quγuraču ögüler=ün Belgetei=e ülü ilaγdaqu bölüge qaγan=ača ayuju arγadan unaju ariyaqu (emiyekü) bolun amin=tur=iyan kürtebe bi kemeged ükübe Belgetei niruγun inu quγur=a tataju čirčü orkiγad jorčiba Qabul-qaγan=u doloγan köbegüd=ün aq=a Ökin-Baraγ bölüge udaγ=a=tu (ded) Bartan-baγatur bölüge köbegün inu Yisükei-baγatur bölüge tegün=ü udaγa=tu (ded) Qutuγ=tu-Möngkür bölüge köbegün inu Büri-Böke bölüge barilduq=a Bartan-baγatur=un köbegün=eče alus Barlaγ=un omoγ=tan köbegüd=tür nököčekü bolun Büri-Böke ulus=un böke bögetele Belgetei=e niruγun=iyan quγuldaju ükübe # tegün=ü qoyina takiy=a jil=e Qatagin=u Baqu-Čorokü Saljaγud=un Irkitei-baγatur Dörben=ü Qačuγun-beki Tatar=un Elči Tatar Jali Buq=a Ikeres=ün Tüge-Maq=a Qongγarid=un Terke-Emel Alqui Qorlos=un Čindan-Čaγan Naiman=u Buyiruγ-qaγan Merged=ün Toγtaq=a-beki=yin köbegün Qudu

Oyirad=un Qutuγ=a-beki Tayičiγud=un Tarγutai-Kirultuγ Qoton- Ürčig Mongγol Naγaču-baγatur terigüten edün qaris (ayimaγ) qamtudču alaqui bulq=a (alalduqui čirig) čiγulju eyin kemen Jarjiradai-Jamuq=a=yi qaγan ergüy=e kemen ajirγ=a gegü čabčin alaju (adaγar aman abču) tendeče Ergün=e-mören uruγu negüjü Qati-mören Ergün=e=tü čidququ Siri=yin aqu uquda (uqud=a) , Jamuq=a=da Güür=se (qaγan ner=e) ergübei qaγan ergüged bida Činggis-qaγan Ong-qaγan qoyar=dur morilay=a kemeldübei morilay=a kemeldügsen=i Qorlos=un Qoridai Činggis-qaγan=a Kürelküde büküi=dür ene kelen (üge=yi) kürgen irebei ene kelen kürčü ireged Činggis-qaγan , Ong-qaγan=a ene kelen kürgen ilegebei Ong-qaγan ene kelen kürgegülüged Ong-qaγan čirig egüsgejü ödterlen irejü Činggis-qaγan=tur kürčü irebe Ong-qaγan=i iregülüged Činggis-qaγan Ong-qaγan qoyar qamtudču Jamuq=a=yin esergü inu morilay=a kemeldüjü Kerülen-mören uruγu morilar=un Činggis-qaγan bar Altan Qučir Daridai , γurban=i manglai yabuγulbai Ong-qaγan , Senggüm , Jiq=a-Gambu , Belge-beki γurban=i manglai yabuγulbai ede manglai=ača uruγsi=da basa qaraγul

ilegerün Küyildü=de nigen saγurin qaraγul talbiba tegün=ü čiγan=a Čegečer=e nigen saγurin qaraγul talbiba tegün=ü čiγan=a Čuqurqu=da nigen saγurin qaraγul talbiba bidan=u manglai Altan , Qučar , Senggüm=ten Edüküy=e kürčü baγuy=a kemeldün büküi=tür Čuqurqu=da talbiγsan kümün aγuljaju irejü dayin (dayisun) ayisuqui kemen kelen kürgen irebe tere kelen ireged ülü baγun teyin kü esergü kelen abuy=a kemen yabuγulju kürülčejü kelen abču ken buyu kemen asaγbai Jamuq=a=yin manglai Mongγol=ača Naγaču-baγatur Naiman=u Buyiruγ-qaγan Merged Toγtaq=a-beki=yin köbegün Qudu Oyirad=un Qutuγ=a ede dörben Jamuq=a=yin manglai yabuju bidan=u manglai teden=tü ungsilduju jilda bultaju (ögüleldüjü nigen küriy=e bolju) manaγar qadqulday=a kemejü ečejü γool=tur neyilen qonobai manaγarsi yabuγulju kürülčejü küyildün bayilduju doroγsi degegsi niγurildun jöbsiyerelčin büküi=tür mön Buyiruγ-qaγan Qutuγ=a qoyar jida meden bayildun ajuqu jidalaqu bolun jida inu urbaju mön degere jida boljiqu (kürčü) mön yabun yadaju üres=tür qoladaγad tngri=de ese taγalaγdaba bida kemeged butarajuqui

Naiman=u Buyiruγ-qaγan Alta=yin ebür Uluγ-Taγ jorin qaγačan ködelbei Merged=ün Toγtaq=a-beki=yin köbegün Qudu Selengge jorin yabubai Oyirad=un Qutuγ=a-beki oi temečin Sigsig jorin ködelbei Tayičiγud=un Naγaču-baγatur Onan-mören jorin ködeljüküi Jamuq=a öber=iyen Güür=se (qaγan) ergügsen irgen=i toliγad (daγaγul=un) Ergün=e-mören jorin qarin ködeljüküi Ong-qaγan Ergün=e uruγu Jamuq=a=yi nekebe Činggis-qaγan Onan jüg Tayičiγud=un Naγaču-baγatur=i nekebe Naγaču-baγatur ulus=tur=iyan kürüged ulus=iyan dürbegüljü ködelüged (yabuγul=un) Naγaču-baγatur Qutuγ-Üge=de Tayičiγud Onan=u činači eteged Ulqud-Turaγ=tur čirig=üd=iyen jasaju qadqulduy=a kemen jasaju bayijuqui Činggis-qaγan kürüged Tayičiγud=luγ=a qadquldubai masi egeger=ün (ergigül=ün) egeger=ün qadqulduju jilda bultaju (küriy=e tataju) mön qadqulduγsan γajar=a sitüldüjü qonobai ulus ba dörbejü ayisur=un mön tende čirig=üd=lüge qamtu küriyelejü qonobai Činggis-qaγan tere qadqulduγsan=tur qubčisun=ban silürdejü (sibkirčü) čisun düridkebesü ülü bolun aduriγdur=un

naran singgegülün mön tede sitüldüjü baγuju böglegsen čisun=i Jelm=e simin simin amaban čisudaju Jelm=e kümün=i ülü itegen sakilduju saγuju šöni döli boltala böglegsen čisun=i amabar=iyan tungγaγan asγaγad jalgiγad šöni döli nökčibesü Činggis-qaγan dotoraγan sergüjü ögüler=ün čisun anaju masi berke umdaγasumui bi kemebe tendeče Jelm=e malaγ=a γodosun degel qubčisun=iyan bügüde=yi tayilju γaγča dotoγaji=tai čiraman ničügün sitüldüjü bükü teyin dotaγur güyijü (üjebesü) čiγan=a küriyelegsen irgen=ü tergen=tür niγuju üsüg nerejü yadaju dörber=ün gegün=iyen ülü saγan talbiγsan ajuqu nigen yeke bürige sutai taraγ tergen=eče inu abču örgöjü irebe jaγura edür=ün irged kümün=e ese üjegdebe tngri kü üjegdebei j=a taraγ bürige=tü=yi abču ireged mön Jelm=e öbesüben kü usun erijü abčiraju (abču) taraγ jiγur=a=ju qaγan=a uuγulγaba γurban=ta amuju uuju qaγan ögüler=ün dotor=a minu nidün geyibe kemeged öndöyijü saγutala edür čayiba tere saγuγsan orčin Jelm=e=yin simin simin bögeljigsen

čisun asγaγsan orčin γajar=a amaran (ama=bar) bögeljigsen=i Činggis-qaγan üjejü ögüler=ün ene yaγun bolumu qola asγabasu yambar ajuqu kemebe tendeče Jelm=e ögüler=ün čimayi (ami čiquldar=un büküi=tür) aduriγdar=un qola odbasu čimača aljiyaqui=ača ayuju yaγariču jalgiqu=yi jalgiγad asγaqui=yi asγaγad manduriču (yaγariču) kebeli=tür minu kedüi oroba kemebe Činggis-qaγan basa ögüler=ün namayi eyimün bolju kebten bögetele ničügün yakin güyijü oroba či bariγdabasu namayi=yi eyimüi(eyin kigdekü)=yi ülekü jaγaqu bölügei üü či kemebe Jelm=e ögüler=ün minu sedkil eyin buyu ničügün odur=un ker=ber bariγdabasu bi tan=a oroju irekü duratu bölüge tegüni minu medejü namayi bariju alay=a kemen qubčisun bügüde=yi tayilju γaγča dotaγaji tayiluγ=a edüküy=e möltö aldaγulju irebe bi kemekü bölüge namayi ünen bolγaju qubčisun ögčü asaraqu bölüge bi morin unuγad üjetele ödter jaγura ülekü (türgen) irekü bölüge bi teyin sedkijü qaγan=u angγaγsan sedkil=i ürüsügei (amuγulsuγai) kemen nidün qara (üjelte) oduluγ=a bi kemebe Činggis-qaγan ögüler=ün edüge yaγun j=a kemekü erte edür γurban

Merged irejü Burqan-Qaldun=a=tu γurban=ta qočiγulqui=tur amin=i minu nigen=te abču γaruluγ=a či edüge basa angγaju büküi čisun=i amaγar simejü amin=i minu jalγabai či basa angγaju andurin büküi=tür amin=iyan küčerejü dayisun kümün=tür nidün qara oroju umdaγan γarγaju amin=i minu oroγulbai ede γurban tusa=yi čin=u sedkil dotora atuγai kemen jarliγ bolba edür geyin barabasu sitüldüjü qonoγsan čirig=üd šöni böged butarajuqui küriyelegsen irgen könggen (deyilün) ülü čidaqun kemen küriyelegsen γajar=ača ese ködeljüküi dörbegsed ulus=i ačaray=a kemen Činggis-qaγan qonoγsan γajar=ača morilaju dörbekün irgen=i ničuqun (qariγul=un) yabuqui=tur dabaγan deger=e nigen ulaγan degel=tü em=e kümün Tümüjin kemen yeke daγu=bar qayilan uyilan bayiqui=yi Činggis-qaγan sonosču yaγun kümün=ü em=e teyin qayilan bui kemen asaγur=a ilegebesü tere em=e kümün ögüler=ün Torqan-Sira=yin ökin bi Qadaγan neretü ere=yi minu ede čirig=üd bariju alan buyu er=e=yügen alaγdar=un Tümüjin er=e=yi minu aburatuγai

kemen ungsiju (daγudan) qayilan uyilaba bi kemebe tere kümün irejü Činggis-qaγan=a ene üge=yi inu ögülejü ögbe Činggis-qaγan sonosuγad qatariču kürčü baγuju teberildübe er=e=yi inu bidan=u čirig=üd urida alaqu boluγujai kemejü tede irgen=e ilegejü er=e=yi anu aburabai ede irgen=i ničuγad (ničuγuluγad) Činggis-qaγan yeke čirig mön tende kü qonobai Qadaγan=u er=e=yi anu uriju irejü derge=tegen saγulγabai manaγar edür Torqan-Sira Jebe qoyar Tayičiγud=un Tüdüge=yin arad ajuqu tede qoyar bar irebei Činggis-qaγan Torγan-Sira=tur ögülerün küjügün deki kündü modun=i kösöre oγoruγsan jiq=a daki jerge=yin modun=i jayilaγuluγsan ta ečiges köbegüd=ün tusa ajuqu j=a yakin undabai <udabai> ta kemebe Torqan-Sira ögüler=ün bi dotora=ki itegel=tü sedkil bölüge yakin yaγaraqu yaγaraču irebesü Tayičiγud=un noyad minu qočoruγsan em=e köbegün aduγun idegen=i minu ünesü=ber keyisgeküi tede kemejü ülü yaγaran edüge qaγan=tur=iyan neyilen edüge irebe bi kemebesü jöb kemebe

Činggis-qaγan ögüler=ün küyildün bayilduju niγurildun jöbsiyerelčin büküi=tür tede niruγun degere=eče sumun irejü minu jebelekü (quyaγlaqu) ama čaγan qula=yin aman niruγu inu quγu qarbuγsan ken bölüge kemebe tere üge=tür Jebe ögüler=ün aγulan degere=eče bi qarbuluγ=a edüge qaγan namayi ükügüldebesü alaγan=u tedüi γajar=a üküjü qočorqu soyorqabasu qaγan=u emün=e čegel usun=i niduru čeüken čilaγun=i čuru dobtolju ögsü kür kemegsen γajar=a köke kürü quγu qal kemegsen γajar=a qara kürü qamγaru dobtolju ögsü kemebe Činggis-qaγan ögüler=ün dayisun=a yabuγsan kümün alaγsan=iyan dayisurγaγsan=iyan bey=e=ben niγuju keleben bučaju aju (ögüleyü) mön bürin kemebesü morin alaγsan=iyan dayisurγaγsan=iyan ülü bučan mön jiγan buyu nököčeltü kümün buyu Jirγuγadai neretü ajuqu jebelekü ama čaγan qula=yi minu aman niruγun inu qarbuγsan=u tula Jebe kemen nereyidčü jebeley=e čimayi kemen dergede minu yabuu kemen jarliγ bolba Jebe Tayičiγud=ača iregsen yosun teyimü bölüge # Činggis-qaγan tede

Tayičiγud=i uruγ=un uruγ=a kürtele ünesü=ber keyisgen kiduba ulus irgen=i anu ködelgejü irejü Činggis-qaγan Qubaqai=a ebüljebei # # sodu boγda Činggis-qaγan jaq=a nutuγ nutuγlaju yabuqui=tur=iyan dotoγadu yisün sayid=iyan abču mör qaraju baraγ=a qaraju yabuqui čaγ=dur ejen jarliγ bolurun yerü ali ba jüg=eče dayisun bolquy=a medege ügei yisün sayid manu ta γurban qubi bol gejü jarliγ bolba ejen=iyen jarliγ=iyar Jelm=e Čuu-Mergen Siki-Qutuγ ene γurbaγula nigen qubi bolba Boγorči , Boqorul , Muqulidai ene γurbaγula nigen qubi bolba Suldur=dai=yin Torqon-Sira , Besüdtei=yin Jebe , Oyirad=un Qara-Kiru ene γurbaγula nigen qubi bolju ger=de saγuba tedüi ejen jirγuγan sayid=iyan abču mör qaraju baraγ=a qaraju Čaγarai-Qan=i arulaju Jelemen-Qan=i ölgülejü <ölügeyilejü> yabutala , ejen=ü door=a=ača qaltar teke bosun güyiküdü <güyükü> tedüi ejen tolbatu boro morin=iyar=iyan arulan dobtolun güyičejü aldalan telijü altan toγonulji=bar aturitala qarbuju alaba tedüi jirγuγan sayid baγuγad abču γanjuγulam geküi=tür ejen jarliγ bolba ta

egün=i ödter öbčijü sir=a bi tere sir=a debseng degere γarču baraγ=a qaray=a gejü jarliγ boluγad ejen tedüi sira debseng degere γarču baraγ=a qaraγalju bayitala ejen noyir kürčü tolbatu boro morin=iyan del degere inu tasiγur=iyan tulju ürgilebe tere ürgileküi=degen jegüdülebe tedüi baγuju ireged tere jegüdün=iyen jirγuγan sayid=daγan jarliγ bolurun ene jegüdün=tür minu boro jirüken minu bol bol kibe boγoni qabisu minu sir sir kibe γurban köteri=yin čaγadu sira debseng degere γurban qara tuγ=tai γurban jaγun dayisun jolγam tegün=i qosiγučin=i jeger=de qaljin mori=dai jemegelgen qajiyartai čegeken mončaγtai jalaγuqan qara kümün bitegü qara saqal=tai öbči ulaγan quyaγ=tai teyimü kümün jolγam tegün=i jayi čilüge üjegdekün=i jegü metü jermeljijü utasu metü ulaljiju üjegdenem tere jegüdün minu ünen bolbasu jirγuγan sayid minu ta yaγakiqu buyi gejü asaγba asγaqui=dur Siki-Qutuγ kelebe bi qola qaradaγ bile Mongγol bolbau bolγaju ögsü Merged bolbau medejü ögsü

Tayičiγud bolbau taniju ögsü gebe Jelm=e kelebe ükükü ami ügeyirekü mal=iyan tal büü qarasu köndölen tegesün=i ildü bariju orosu mör tegeki<degereki>=yin jam γartala čabčisu γurban qara tuγ bariγsan kümün=i nigen=i čabčiju alaγad tuγ=kini <tuγ=i inu> buliyaju abču darui öndör degere γarču tuγ=un terigün=i doroγsi qadquju dalai metü yeke tügürig tataju ögsü bi gebe Čuu-Mergen kelebe bi aγuliqai <uyilaqai> bile čočimaγar dutaγaqu bui ta namai jakirču jangdaju daγu=da bi ergijü irejü ejen=iyen jaγaγsan jayi čilüge=yi büü aldasu gebe Boγorči kelebe emüne=eče irekü dayisun=i böglesü ayuqu amin=tu tusa bolsu ejen=iyen altan jiloγ=a qamiyasi bolbasu büü qaγačasu gebe Boqorul kelebe qarbuqu sumun=du qalγabči bolsu šurkiraju irekü sumun=du sarabči bolsu ejen=iyen altan beyen=dü sumun büü kürgesü gebe Muqulidai kelebe dayisun=i tan=i darulčasu olja=yi tan=i oroγululčasu morin=iyan segül=tü budang tatasu del degereni naran γarγasu dayisun=u mör=i tögörigüljü bultaril ügei yabuju küčün=iyen ögsü gebe # ejen jirγuγan sayid=iyan üge=yi inu

abču siraγsan teke=yin miqan=ača yaγaraču idejü singqun sirqul morin=iyan Siki-Qutuγ=tu baγuju ögčü jegüdün=i minu boljiy=a γurban köteri=yin (kötel=ün) čaγadu sira debseng degere bile bolγuγaju ire gejü ilegebe Siki-Qutuγ singqun sirqul morin unuju taladun=i <tal=a=du inu> talbiju tayiγandun=i <tayiγ=a=tur inu> tataju oduγsaγar kürüged sira debseng degere čočimaγar γarqui=tur γurban qara tuγ=tai dayisun bačimaγar jolγan Siki-Qutuγ=i ejen=ü bayiγsan γajar=tur kürtele kögejü irebe ejen Siki yaγu bi gejü asaγba Siki-Qutuγ kelebe sira debseng degere čočimaγar γarqudu bačimaγar γurban jaγun dayisun jolγan namai kögebe Tayičiγud bolbau taniju yadaba Merged buyu medejü yadaba Mongγol buyu bolγuju yadaba qoyinaγsi=ban γaγčaqan kilam kijü üjeküi=tür minu ejen=ü jegüdün=ü boljiy=a mön metü bayinam Merged bolqula medege ügei baγatur bile Mongγol bolqula moqosi ügei baγatur bile Tayičiγud metü bayinam tarqaju ayisui gebe tedüi činggeküi=tü jirγuγan sayid baγuju toqom=ud=iyan abču büselejü bayitala čaγadu

dayisun siqaju kürčü ireküi=tü Boγorči sor saγaral morin=iyan unuju uγtuju oduγad asaγba ta yaγuči irged bui bida yosutu ejen tan=i bui ödter ta yosutu kümün buyu yosu=ban kele neretü kümün buyu nereben kele geküdü mantur yambar sayin ner=e bui ödter uruldunam gebe činggiküi=dü Boγorči kelebe tere üge tan=dtur ülü jokiqu bui yambar naγadun bui naran=i γaltai=ača naγaduy=a gejü jangdaju jakirču bayiba činggiküi=tür čaγadu kümün kelebe mandu yambar sayin ner=e jiγasučin tarbaγačin gebe činggiküi=tür Siki-Qutuγ kelebe tegün=eče yambar sayin üge asaγunam taniγsan Tayičiud bayinam tatal ügei oroy=a gebe Jelm=e köndölen tegesen=i ildü bariju oroba mör tegekin<degereki>=iyen jam γartala čabčiju tuγtun=i oroju γurban qara tuγ bariγsan kümün=i nigeyikini inu čabčiju orkiju tuγ=kini <tuγ=i inu> buliyaju abču darui öndör degere γarču tuγ=un terigün=i doroγsi qadquju dalai metü yeke tögerig tataju bayiba Čuu-Mergen dutaγaba Boγorči uruγsi=ban alalduju yabuju

qoyinaγsi=ban qaraju üjeged üi Čuu-Mergen bayija ejen=iyen emüne inggejü yabuju küčün=iyen öggödeg buyu nüken=eče γaruγsan alaγ daγ=a metü γodkin dutaγaqu činu yaγubi gejü daγudaba Čuu-Mergen ergin inegejü ejen minu jebe qataγadui bile jeben=ečegen ača gebe ejen altan saγadaγ=ečegen singqutu jebeben suγulju ögbe Čuu-Mergen suγulin dobtolju suniyan telijü ejen=i jaγaγsan jai čilüge=yi aldal ügei gegen kümün=i kömökei=yin doγoγur körbetele sayin kümün=i saγaldurγ=a=yin doγoγur sandaratala qarbuju alaγad jegerde qaljin mori=yi inu neküjü abču γarču ireged ejen=dü unuγulba ejen=i unuγsan qoyina niskü keyiskü metü bayiba ejen iniyejü bayiba jöričekü dayisun čöges bolba qadqulduqu dayisun qaγas bolba činggejü bayitala Boroqul=yin toloγai=tu sumun tusba unaγad bosču temtürkilejü bayiju numun=iyan kičir tulju geldürkilejü toqom=i aldal ügei qalaqabči bariju bayiqui=tur Boγorči uruγsi=ban alalduju qoyinaγsi=ban qaraju üjeged kü

üi Boroqul ere kümün γaγčaqan sumun=a unadaγ buyu eber=iyen čokiγsan esige metü derdes ged unaqu činu yaγubi gebe ejen=iyen emün=e inggejü yabuju küčün ögüdeg buyu geküi=tür Boroqul morin=iyan buruγu degegür alabkijü unuγad qalaqabči=ban bariju qayiqurul ügei bariju bayiba tedüi degere činadu dayisun alaγdaγsan kümün=iyen yasun=i abun buruγu qanduba tedüi degere ejen jarliγ bolba buruγu qanduγsan dayisun=i yaγakiqu bile geküi=tür Boγorči kelebe burqan boluγsan sayid=i buyan=iyar üdem gele buruγu qanduγsan dayisun=i jir jebes=iyer üdem gele nekey=e gejü kelebe tere üge=yi jöbsiyejü nekebe Čayitu=yin čaγan taladu güyičejü olan qonin=du čin=o oroγsan metü yabuju čabčiju nigen jaγun kümün=i alaju qoyar jaγun kümün dutaγaju γarba jaγun morin tabin quyaγ abuba Muqulidai dayisun=i darulčaju olja=yi oroγululju morin=iyan del degere naran γarγaju segül degeren=i budang talbiju dayisun=i mör=i tögerigüljü bultaril ügei yabuju küčün=iyen ögbe tasuraqai utasu quγuraqai

sigineg ese gegelgejü yabuju esen mendü ger=tegen qariju ireküi=tür ejen degere tngri ečige=tegen mörgöy=e gejü öndör dobučaγ degere γarču toqom=iyan delgejü büse=ben küjügün=tegen elgüjü ejen jalbarin öčibe eremegei sayin=iyar ejen ese bolula bi ečige tngri=teče jayaγatai bolula bi γayiqamsiγ=tai sayin=iyar qaγan ese bolula bi qan tngri ečige=teče jayaγatai bolula bi qaritan dayisun=i minu daruju ögbe gejü mörgöjü bürün mordaju yabuqui čaγ=tur ejen jirγuγan sayid=iyan maγtaju daγulaba ekilejü Siki-Qutuγ=i maγtaba Merged=i medejü Mongγol=i bolγaju Tayičud=i taniju öggögsen tuγuluγsan Tatarin sayin Siki-Qutuγ minu gejü maγtaba Jelm=e=yi maγtaba oroγo görögesün=i otulγ=a boluγsan orongγatan dayisun=i qosiγu=čin=i boluγsan unuqu morin ügei yabuqui=tur morin abču irejü öggögsen umdaγasaqui čaγ=tur umda taraγ abču irejü öggögsen untal ügei noyir=tu uyidul ügei sanaγatu ulus=un urida küčü=ben öggögsen Urangqan=u sayin Jelm=e minu gejü maγtaba Čuu-Mergen=i

maγtaba jarliγ=iyar minu jaγaγsan jai čilüge=yi aldal ügei gegen kümün=i kömökei=ber sayin kümün=i saγaldurγ=a=bar sandatala qarbuju jegerde qaljin morin=i elgüjü abču (γarču) iregsen jorčegči (jöričegči) dayisun=i čöges bolγaγsan qadqulduγsan dayisun=i qaγas bolγaγsan Jürčid=ün Čuu-Mergen minu gejü maγtaba Boroqul=i maγtaba qarbuqu sumun=tu qalqabči boluγsan šurkiraqu sumun=tu sarabči boluγsan toloγai=taγan sumun tustala dörbel ügei qayiqural ügei toqom=iyan bariju bariγsan güsin=ü (töbsin) sayin Boroqul minu gejü maγtaba Muqulidai=yi maγtaba dayisun=i darulčaγsan olja=yi oroγululčaγsan morin=iyan del degere naran γarγaju segül degere budang talbiju dayisun=u möri tögerigüljü esen mendü abču iregsen Jalayir=un sayin Muqulidai minu gejü maγtaba Boγorči=yi maγtaba naiman siraγ=a morin=i nekeküi=tür naran=i giltuskijü γarqui čaγ=tur učiraju nasun büri küčü=ben öggögsen Naqu-bayan=u köbegün sayin külüg Boγorči minu # ayil jaγura yabuqui=tur alaγ biraγu metü aγasitu alalčaqui dayisun=tu amin bey=e=ben ülü

qayirlaγči külüg Boγorči minu # qanilaqui čaγ=tur qašang qara biraγu metü aγasi=du qaritan dayisun=tur qarčaγai sibaγun metü toγolin dobtolun oroγči külüg Boγorči minu # iniyeldün yabuqui čaγ=tur idem qara biraγu metü aγasi=tu idebkiküi dayisun=tur idelkü sibaγun metü toγolin dobtolun iregči külüg Boγorči minu # naγadun iniyeldün yabuqui čaγ=tur nilq=a unaγan metü aγasitu naγadu čaγadu=luγ=a qadqulduqui=tur način šongqor metü toγolin dobtolun oroγči külüg Boγorči minu # qataγu dayisun=tu qaril bučal ügei yabuju qan ejen=iyen bey=e=eče qarin qola ülü ečigči arγ=a sayitu külüg Boγorči minu gejü ejen jirγuγan sayid=iyan maγtaju daγusču mordaju yabuqui čaγ=dur ejen=iyen emüne Boγorči sor saγaral morin unuju singqutu jibe=ben dürüjü šoγ šoγ qatarin yabuju ejen=iyen maγtaju daγulaba Yisükei-baγatur ečige=tü Ögelen-qatun eke=tü yisün örlög=üd tüsimel=tü yerü tabun öngge dörben qari ulus=i erkedür=iyen oroγuluγsan sodu Činggis-qaγan ejen minu

Ögelen-qatun eke=tü Ögedei Tolui qubilγan köbegüd=tü ösiyeten dayisun=i ölmi=tegen gisgigsen sodu qaγan=i bayidu <bayiqu=du> yaγun=ača qayiqaraqu bile qamtu=bar yabubasu qaritan dayisun=ača yaγun=tu ayuqu bile qun=i juljaγan metü büü γuyibaljay=a qudalči maγu kümün=ü ügen=tür büü orolčay=a qadqulduqui dayisun=tur amin bey=e=ben büü qayirlalčay=a anggir=yin juljaγan metü büü ayibaljay=a aliy=a maγu kümün=i ügen=tür büü orolčay=a alalčaqui dayisun=tur amin bey=e=ben büü qayirlalčay=a külüg Boγorči=yin daγulaγsan daγu ene bui sodu boγda Činggis-qaγan=u üde jaγur=a yabuju γurban jaγun Tayičud=i daruju esen mendü ger=tegen kürčü irejü engke amuγulang saγuba # basa sodu boγda Činggis-qaγan Naqu-bayan=u köbegün külüg Boγorči qoyaγula Töbed=ün γajar=yin terte <tertege> Enedkeg=ün γajar=yin ente <enetege> nutuγ üjejü yabutala Jil neretü noyan qula qaljin mori , kerem=ün degel ülügči gegün unaγatai ene γurban beleg=i bariju jolγaba tere γurban beleg=i Boγorči=tu ese ögčü ger=de=eče uγtuju ečegsen Üle-Jandan=du ögbe Boγorči tedüi ger=tegen qariju

irebe Boγorči=yin iregsen qoyina=ača qan ejen Učir-Sečen=i tangnaγul ilegebe Učir-Sečen tedüi ečijü ger=ün tuγurγan=i jabsar=a čingnaju saγuba Boγorči em=e=yi asaγba ejen=i daγaγsan Boγorči=tu öglige soyorqal yaγubi gejü asaγba Boγorči ögüler=ün Jil neretü noyan qula qaljin mori kerem=ün degel ülügči gegün unaγatai tere γurban beleg=i bariju jolγaba tere γurban beleg=i nada ese ögčü Üle-Jandan=tu ögbe gebe Boγorči=yin tere ügendün=i <ügen=dü inu> em=e inu ögüler=ün qubiyaju qočorqu Üle-Jandan=tu qula qaljin mori ögkün=i yaγubi quraγ=yin daγaγsan Boγorči minu yambar gem=iyen oladaba qutuγ=tu Činggis-qaγan=i jusur aγasi tere bisi yaγun ajuqu # kemkerejü qočorqu Üle-Jandan=tu kerem=ün degel ögkün=i yaγubi keb kejiy=e daγaju yabuγsan Boγorči minu yambar gem=iyen oladaba kesig tügen Činggis-qaγan=i jusur aγasi tere bisi yaγun ajuqu # ögirečü qočorqu Üle-Jandan=tu ülügči gegün unaγatai ögkün=i yaγu bi ösbüri daγaγsan Boγorči minu

yambar gem=iyen oladaba öljei tügen Činggis-qaγan=i jusur aγasi tere bisi yaγun ajuqu # Boγorči tere ügendün=i em=e=tegen qariγu ögüler=ün urtu degel=tü uyitan sanaγatu em=e kümün gegči ene bayinam qubiraču qočorqu Üle-Jandan=du qula qaljin mori ögbe yaγu bile qutuγ=tu Činggis-qaγan=i minu altan oγosurni beki boltuγai (bolbasu) qubisqul ügei daγaju yabuqula qubi soyorqal=tu kürteküjele (kürteküjei) # kemkerijü qočorqu Üle-Jandan=tu kerem=ün degel ögbe yaγubile kesig Činggis-qaγan=u minu altan oγosurni beki boltuγai keb kejiy=e daγaju yabuqula kesig soyorqal=tuni kürteküjele ögerečü qočorqu Üle-Jandan=tu ülügči gegün unaγatai ögbe yaγu bile öljei=tü Činggis-qaγan=i minu altan oγosurni beki boltuγai önide daγaju yabuqula öglige soyorqal=tur kürteküjele # tere üge=yi Učir-Sečen ečijü qaγan ejen=dü kelebe qaγan ejen tegün=eče qoyinaγsi=da Boγorči=yi öni=de masi qayiralaba ejen jarliγ bolurun em=e kümün=i maγu üge=yi er=e kümün surγaγdaqui üge=yi onon medegči Učir-Sečen buyu , tegün=ü qoyina ničügün Baγarin=u

Sirgetü ebügen Alaγ Nayaγ=γa köbegüd=lüge=ben Tayičiγud=un noyan Tarγutai-Kiriltuγ=i üyimejü büküi=tür östü kümün bölüge kemen morin ülü čidaqu Tarγutai=yi bariju tergen=tür unuγulju Baγarin=u Sirgetü ebügen Alaγ Nayaγ=γa köbegüd=lüge=ben Tarγutai-Kiriltuγ=i bariju ayisuqui=tur Tarγutai-Kiriltuγ=un degüü=ner köbegüd minu buliyaju abuy=a kemen güyičejü irejüküi köbegüd degüü=ner=i inu güyičejü ireküi=lüge Sirgetü ebügen bosun yadaqu Tarγutai=yi tergen degere unaγulju gedergü degere inu aγdalan saγuju kituγ=a γarγaju ögüler=ün köbegüd degüü=ner činu čimai buliyaju abur=a irebei čimai=yi ese deki alabasu qaγan=iyan qardaba kemen alaqu alabasu deki mön kü alaγdaqu bi mön ele üküküi=türiyen dere abun üküsü kemeged deger=e inu aγdalaju yeke kituγ=a=bar=iyan qoγolai anu oγtolur=a kürküi=dür Tarγutai-Kiriltuγ yeke daγu=bar degüner köbegüd=tür=iyen qayilaju keleler=ün Sirgetü namayi alan buyu alan barabasu ükügsen bui amin ügei bey=e=yi minu abču odču yaγu kiküi ta namayi alar=a edüküy=e

ödter qaridqun Tümüjin namayi ülü alaqu Tümüjin öčüken čaγ=tur nidün=tür=iyen γal=tu niγur=tur=iyan gerel=dei bölüge ejen ügei nutuγ=tur qočorču amui kemen abura odču abču irejü surγabasu surqu metü bui kemen qarin örö jirüken metü surγaju surγan soyon yabuluγ=a ükügülbesü ükügülün yadaqu (čidaqu) bölügei üü bi edüge oi inu oroju amu sedkil inu sengkerejü amu kemegdemüi Tümüjin namayi ülü ükügülkü köbegüd degüü=ner minu ödter qaridqun Sirgetü namayi alaju (alaqui) öterejüküi (oyiratuba) kemen yeke daγubar qayilaba köbegüd degüü=ner inu ögüleldür=ün ečige=yügen amin aburay=a kemen irebei bida Sirgetü ebügen ečige=yi bidan=u ükügülbesü qoγosun amin ügei bey=e inu yaγun kikü bida munda alaγ=a edüküy=e ödter qariy=a kemeldüjü qariba teden=i ireküi=tür aγuljaγsad Alaγ-Nayaγ=a=tan irebei teden=i iregülüged ködeljü ayisur=un (ireküi) jaγura Qudqul-nuγuda (nuγud=da) kürbesü Alaγ-Nayaγ=a ögüler=ün bida ene Tarγutai=yi bariju kürbesü , Činggis-qaγan bidan=i tus qaγan=iyan qardaju iregsen yaγun itegel(ügei)=ten arad ede bidan=tur basa

ker nököčekün nököčel ügegün arad buyu tus qaγan=iyan qardaγsan aran=i mökörigülüdkün (maγu bolγadqun) kemen mökörigüldekü bida munda Tarγutai=yi talbiju ilegejü bida beyes=iyen Činggis-qaγan=a küčün öggör irebei bi kemejü oduy=a Tarγutai=yi bariju ayisulali kemebesü tus qaγan=iyan tebčin yadaju üjeged ker ükügülkü kemeged talbiju ilegejü bi küčün ögsü kemen irebei kemey=e kemebe Nayaγ=a=yin ene üge ečiges köbegüd jöbsiyeldüjü Tarγutai-Kiriltuγ=i Qudqul-nuγu=ača talbiju ilegejü mön Sirgetü ebügen Alaγ-Nayaγ=a köbegün=lüge=ben irebesü jigen (nigen) kümün irejü kemebe Sirgetü ebügen Činggis-qaγan=a ögülerün Tarγutai-Kiriltuγ=i bariju ayisur=un jiči tusa qaγan=iyan üjeged ker ükügülkü kemejü tebčin yadaju talbiju ilegejü Činggis-qaγan=a küčün ögsü kemen irebe kemebe tegün=tür Činggis-qaγan ögüler=ün tus qaγan=iyan Tarγutai-Kiriltuγ=i qardaju iregsen bögesü tus qaγan=iyan qardaγsan aran=i tan=i yaγun qarγaγdaqu bölüge tan=i uruγ=iyar mökörigülkün (doroyitaγulqun) bölüge ta tus qaγan=iyan tebčin yadaγsan sedkil tan=u

jöb bui kemen Nayaγ=a=yi soyorqaba # tegün=ü qoyin=a Činggis-qaγan=tur Kereyid=ün Jiq=a-Gambu Darqud=ta büküi=tür nököčer=e irebe tere iregsen=tür Merged qadquldura irebesü Činggis-qaγan Jiq=a-Gambu qoyar qadqulduju ničuγ=a=bai (darubai) tede tümen Töbegen olan Tongγuyid butaraγsan Kereyid irgen ber Činggis-qaγan=tur oroju irelüge Kereyid=ün Ong-qaγan böged urida Yisükei-baγatur=tur sayitur qanilaγsan=dur Yisükei-baγatur=luγ=a anda kemeldügsen ajuqu anda kemeldügsen yosun inu Ong-qaγan ečige=yügen Qurčuqus-Buyiruγ-qaγan degüü=ner=iyen alaqu=yin tula Kür-qaγan abaγ=a=luγ=a=ban bulq=a (dayisun) bolulčaju Qarqud-qabčil sirγulduju jaγun kümün γarču Yisükei-baγatur=tur irebesü Yisükei-baγatur namayi (tegüni) öber=tür=iyen iregdejü (irebe kemen) öbesüben čirig morilaju Kür-qaγan=i Qasin jüg üldejü irgen urγun=i inu Ong-qaγan=a abču öggögsen=ü tula tende anda bolulčabai tere tegün=ü qoyina Ong-qaγan=u Erke-Qar=a aq=a=taγan alaγdar=un buruγudču odču Naiman=u Inača-qaγan=tur orojuqui Inača čirig=üd ilegejü jiči Ong-qaγan γurban

balaγad bidün joriju Qar=a-Kitad=un Kür-qaγan=tur oroγsan ajuqu tendeče bulaq=a bolun Uyiγud=un Tangγud=un balγad daγarin tabun imaγ=a sirgülejü (aduγulan) saγalduju (saγaju) temegen=ü čisun qanaju ideged yadaju Güseküi-naγur=a irebesü Činggis-qaγan urida Yisükei-baγatur=luγ=a anda kemeldügsen yosuγar Deki-baγatur Sükei Negün qoyar=i elči ilegeged Kerülen=ün terigün=e Činggis-qaγan öbesüben esergü odču ölösčü turuju irebei kemen Ong-qaγan=i γubčaγur γubčiju küriyen dotora oroγulju tejigebe tere ebül jerge=ber negüjü Qubaqai=a=yi ebüljibe # tende Ong-qaγan=u degüü=ner noyad ögüleldür=ün ene qaγan aq=a bidan=u ügekün aburi=tu ömekei elige ebüridčü yabuyu aq=a degüü=ni baraba Qara-Kitad=tur oroba ulus=i jobaγaba egün=i ker kikün bida erte edür kemebesü doloγan nasutu=yi Merged irged toγoliju odču qara alaγ esigen daqu emüsgejü Selengge=yin Buγur=a-keger=e aqu=tu ödübekü (terigülebekü) Qurčaqus-Buyiruγ-qaγan ečige inu jiči Merged irgen=tür aγulju köbegün=iyen tende aburaju irebesü basa Tatar=un Aji-qaγan arban

γurban nasutu büküi=tür eke selte=yi taγuliju odču temeged=iyen aduγulaγulun yabuqui=tur Aji-qaγan=i qoniči abuγad irebei j=a basa tegün=ü qoyina Naiman=ača ayuju buruγudču Sartaγul γajar=a Čui-mören=e Qara-Kitad=un Kür-qaγan=dur odbai j=a tende nigen on ülü daγusun jiči dayijin ködeljü Uyiγud=un Tangγud=un γajar=iyar bidüjü yaburun yadaju tabun imaγan=i sirgülejü saγan temegen=ü čisun qanaju idejü γaγčan soqor qaliγun mori=tai yadaju Tümüjin=tür irebesü γubčaγur=i γubčiju tejigebei j=a edüge Tümüjin köbegün=tür teyin yabuγsan=iyan umartaju ömekei elige öbörlejü yabumu ker kikün bida kemeldübei eyin ögüleldügsen üges=i Altan-Esüg Ong-qaγan=ača ayalγulju Altan-Esüg ögüler=ün bi ber ene ey=e=tür orolduluγ=a kü jiči qaγan=iyan čimayi tebčin yadaba kemejü tende Ong-qaγan Ilaγburi Alin-tayisi=tan degüü=ner=iyen noaad<noyad>=iyan bariγuljaqui degüü=ner=eče Jiq=a-Gambu buruγudču Naiman=tur orojuqui teden=i ber=iyen(iyer) selte oroγulju (göbsigüljü) Ong-qaγan ögüler=ün Uyiγun Tangγud=un γajad=iyar ayisuqui=tur yaγu kemeldülügei

tan=u metü yaγu sedkikü kemen niγur=tur inu nilbuju bariyas=i anu talbiγulba qaγan=a ele nilbuγdaba kemejü ger=tür ele bükün aran (kümün) bügüdeger bosču nilbujuqu tere ebül ebüljijü bölüge # noqai jil=ün namur inu Činggis-qaγan Čaγan-Tatar Elči-Tatar Dutaγid-Tatar Aruqai-Tatar tede Tatar=tur Dalan-Nemürgen=e qadquldaqu=yin urida Činggis-qaγan jasaγ ögüleldür=ün dayisun kümün=i darubasu olja=tur büü bai=ja darun barabasu tere olja bidan=uqai bui j=a qubiyaldum j=a bidan=u nökör kümün=e ničuγaγdabasu terigün=ü dobtoluγsan γajar=a egegerüy=e terigün=ü dobtolγan=tur ese egerügsen kümün=i mökörigülüy=e kemen jasalaldubai Dalan-Nemürgen=e qadqulduju ködelgen daruju Ulqui-Silgegčid=eče ulus=tur anu neyilegüljü taγulibai Čaγan-Tatar Elči-Tatar Dutaγid-Tatar , Aruqai-Tatar , erkin irgen=i tende moqodqaju jasaγ ögüleldügsen üges=tür Altan Qučir , Daridai , γurbaγula üge=tür=iyen ülü kürün olja=tur bayijuqui üge=tür=iyen ese kürbe kemen Jebe Qubilai qoyar=i

ilegejü oljalaγsad aduγun yaγuba abuγsad=i bügüde=yi abqaγulba Tatar=i moqodqaju taγulin bariju ulus irgen anu ker kikün kemen Činggis-qaγan yeke ey=e uruγ=iyar=iyan γaγča ger=tür oroju eyedüldübei erte edür=eče Tatar irgen ečiges ebüges=i bidan=u baraγsan bölüge ečiges ebüges=ün ösil ösijü kisal kisaju čigün=tür ülijü kiduju alaju öggöy=e ülidtele kiday=a ülegsed=i boγoliduy=a jüg jüg qubiyalduy=a kemen ey=e baralduju ger=teče γarbasu Tatar=un Yeke-Čerü Belgütei=eče yambar ey=e eyedüldübei kemen asaγbasu Belgütei ögüler=ün tan=i bükü bügüde=yi čigün=tür ülijü kiduy=a kemeldübei kemejüküi Belgütei=yin ene üge=tür Yeke-Čerü Tatar=tur=iyan tungqaγ talbiju qoraγuljuqui qoraγuluγsan Tatar=tur bidan=u čirig=üd egegerekün bolun masi šamsijuqui (ergečen irejü masi ečülgebei) qoraγuluγsad Tatar=a jobaju oroγulju čigün=dür ülijü ülidken kiduqui=tur Tatar ögüleldür=ün kümün tutum qančun=tur=iyan kituγ=a qančulaju dere abun üküy=e kemeldüjüküi masi kü šamsiyajuqui (erüsdejüküi) tedüi Tatar=i čigün=tür ülijü kidun baraju tende

Činggis-qaγan jarliγ bolba bida uruγ=iyar=iyan yeke ey=e barilduγsan=i Belgütei jiγaqu=yin tula bidan=u čirig=üd masi šamsibai (erüsdebei) egün=ü qoyina yeke ey=e=tür Belgütei büü orotuγai ey=e barildutala γadan=a bükün=i jasatuγai jasaγ=un keregür qulaγai qudal üyile=ten=i jarγulatuγai ey=e barabasu umdan uuγsan qoyina Belgütei terigüten tende orotuγai kemen jarliγ bolba tende Tatar=un Yeke-Čerü=yin ökin Yisügen-qatun=i Činggis-qaγan abuba taγalaγdar=un Yisügen-qatun ögüler=ün nadača egeči Yisüi neretei nadača deged (deger=e) qaγan kümün=e jokiqui ajuqui j=a sayi kürgen küregelen bölüge edüge man=a ene buduliγan=tur qamiγasi jorčibai kemebe ene üge=tür Činggis-qaγan ögülerün egeči činu čim=a=ača sayin bögesü erigüljü abčirabasu (abču irebesü) egeči=yügen irebesü jayilaju ögküi üü či kemebe Yisügen-qatun ögülerün qaγan soyorqabasu egeči=yügen ele üjebesü egeči=tegen jayilasu kemebe ene üge=tür Činggis-qaγan jarliγ tungqaju erigülebesü ögdegsen kürgen=lüge=ben uyilaju yabuqui=yi bidan=u čerig=üd jolγajuqui er=e inu dutaγajuqui Yisüi-qatun=i abču

irejüküi tende Yisügen-qatun egeči=yügen üjeged urida ögülegsen ügen=tür=iyen kürün bosču saγuγsan saγurin=tur=iyan saγulγaju mön öbesüben doora saγujuqu Yisügen-qatun=u üge=tür adali boldaju Činggis-qaγan oyin=tur=iyan oroγulju Yisüi-qatun=i abču jerge=tür saγulγaba Tatar irgen=i taγulin baraju nigen edür Činggis-qaγan γadan=a saγuju umdalalduqui=tur Yisüi-qatun Yisügen-qatun=u dumda saγuju umdalaldun büküi=tür Yisüi-qatun yekede següresülebe tende Činggis-qaγan dotora=ban sedkijü Boγorči Muqulitan noyad=i uriju ögülerün ta ende ele čiγuluγsad kümün=i kü öbere ayimaγ ayimaγ bayilγaγdaqun öber=eče busu ayimaγ=un kümün=i öbere bolγan tegüsgegdekün kemen jarliγ bolba tedüi ayimaγ ayimaγ=iyar=iyan bayibasu nigen jalaγu gürmele kümün ayimaγ=ača öbere bayiba či yaγun kümün kemen asaγbasu tere kümün ögülerün Tatar=un Yeke-Čerü=yin Yisüi neretei ökin ögdegsen küregen bölüge bi dayisun=a taγuliγdar=un ayuju buruγudču yabuju bölüge edüge amurlibai j=a kemen sedkijü irejü olan aran (kümün) dotora yaγu taniqu

kemejü yabuluγ=a kemebe ene üge=yi Činggis-qaγan=a öčibesü qaγan jarliγ bolurun mön kü dayisun sedkijü oγorčaγ bolju yabujiqu edüge yaγu kürer=e (küreger=e) irejükü ene metüs=i čigün=tür ülibei yaγun saγaramui nidün ečen=e kigdekün kemebe tedüi kü mökörigülbe (maγu bolγaba) # tegün=ü qoyin=a mön noqai jil=e Činggis-qaγan Tatar irgen=tür morilaγsan=tur Ong-qaγan Mergen iregen=tür morilaju Toγtaq=a-beki=yi Barγujin-tököm jüg üldejü Toγtaq=a=yin yeke köbegün Tegüs-beki=yi alaju Toγtaq=a=yin Qatuγ=tai Čaγlalun qoyar qatud inu abču Qudu Čilaγun qoyar köbegün irgen selte=yi toliju (oljalaju) Činggis-qaγan=a ese ögbe tegün=ü qoyin=a Činggis-qaγan Ong-qaγan qoyar Naiman=u Küčügüd=ün Buyiruγ-qaγan=tur morilaju Uluγ-Taγ=un Qosuγ-usun=a büküi=tür kürčü Buyiruγ-qaγan bayildun yadaju Altai daban ködelbe Qosuγ-usun=ača Buyiruγ-qaγan=i nekejü Altai dabaγul=un Qumsiger-Ürünggü uruγu üldejü yabuqui=tur Yidei-Tabaluγ neretü noyan anu qaraγul yabuju bidan=u qaraγul=a üldegdejü aγulan ögede

dutaγaqui bolun olang=iyan tasuraju tende bariluγ=a Ürünggü uruγu üldeged Qučalbas-naγur=a güyičejü Buyiruγ-qaγan=i tende moqodqaba (ečülgebe) tendeče Činggis-qaγan , Ong-qaγan qoyar qariju ayisuqui=tur Naiman=u qadqulduγči Küngsekü-Sabaraγ Bayidaraγ-belčer čerig jasaju Bayidaraγ-belčer čerig jasaju qadqulduqu bolun ajuqu Činggis-qaγan Ong-qaγan qoyar qadqulduy=a kemen čirig jasaju kürčü jilda bultaju (küriy=e tataju) manaγar qadqulduy=a kemen jerge jasaju qonoba tede Ong-qaγan bayidal=tur=iyan γal=ud tülegüljü šöni böged Qara-Segül ögede ködeljüküi tende Jamuq=a Ong-qaγan=luγ=a qamtu ködeljü yabur=un Ong-qaγan=a Jamuq=a ögülerün Tümüjin anda minu urida=ača Naiman=dur elči=tü bölüge edüge ese irebe qaγan qaγan anu qayiruγan bui j=a ačiraqu biltaγur anda minu buyu Naiman=tur odčuqui j=a uruγu bolun quγurba kemejüküi Jamuq=a=yin tere üge=tür Uručičidai-Gürüs-baγatur ögülerün jisuridču yakin teyin siluγui (sidurγu) aq=a degüü=yi olkin (qaγčaγul=un) ögüleyü či kemejüküi Činggis-qaγan šöni mön tende qonoju

qadqulduy=a kemebesü edür geyigülüged üjebesü Ong-qaγan bayidal=tur=iyan γal ügei bultaju endeči namayi=yi (minu) tülesin ajuqu kemeged tendeče ködeljü Adar-Altai=yin belčir=iyer ködeljü tere ködelügseber ködeljü Saγari-keger=e baγuba tende Činggis-qaγan Qasar qoyar Naiman=u tubun uqan arγ=a ese toγoluγsan=i (güyičegsen=i) Köngsekü-Sabaraγ Ong-qaγan=u qoyina=ača nekejü Senggüm=ün em=e köbegün irgen urγun selte=yi toliju abču Ong-qaγan=u Delgetü-amasar=a büküi=tü jarim=ud aduγun idegen=i toliju abuγad qarijuqui tere qoγor(jabsar)=tur Merged=ün Toγtaq=a=yin Qudu Čilaγun qoyar köbegün tende bürün irgen=ben abuγad qaγačaju ečige=tür=iyen neyilen Selengge uruγu ködeljüküi Köngsekü-Sabaraγ=a taγuliγdaju (daruγdaju) Ong-qaγan , Činggis-qaγan=tur elči ileger=ün Naiman=a irgen urγun=ban em=e köbegün=ben taγuliγdaba bi köbegün=ečegen dörben külüg=üd=i čin=u γuyiju ilegesügei bi irgen urγun=i minu aburaju ögtügei kemejü ilegejükü Činggis-qaγan tende Boγorči , Muquli , Boroqul , Čilaγun-baγatur ede dörben külüg (=üd=iyen) čerig jasaju ilegebe ede dörben

külüg=üd=i kürkü=yin urida Ulaγan-Qud=ta Senggüm bayilduqu bolun morin=daγan quyuγdaju abtaqu bolju büküi=tür ede dörben külüg=üd kürčü aburaγad irgen urγun em=e köbegün bügüde=yi aburaju ögbei tende Ong-qaγan ögüler=ün erte sayin ečige=de inu ene metü odun baraγsan ulus=iyan aburaju ögtebe edüge basa köbegün odun baraγsan ulus=i minu dörben külüg=üd=iyen ilegejü aburaju ögtebe ači qariγulqu=yi tngri γajar=un ibegel medetügei kemeged basa Ong-qaγan ögülerün Yisükei-baγatur anda minu odun baraγsan ulus=i minu nigen=de aburaju ögbe Tümüjin köbegün edüge basa oduγsan ulus=i minu aburaju ögbe ede ečige köbegün qoyar odun baraγsan ulus=i nada quriyaju öggör=ün ken=ü emüne quriyaju öggön jobamui bi ber edüge ötelbe namayi öteljü öndöd=te qojidču qadud=ta γarbasu qamuγ ulus=i minu ken medekü degüü=ner minu aburi ügekün bui γaγča köbegün minu ügei sidü γaγča bui Tümüjin köbegün=i Senggüm=ün aq=a bolγaju qoyar köbegüd=tü bolju amusuγai kemejü Činggis-qaγan=luγ=a Ong-qaγan Tuγula=yin Qara-Tün=e quraju ečige köbegün

kemeldübei ečige köbegün kemeldükü yosun urida erte edür Yisükei-baγatur ečige=lüge Ong-qaγan anda kemeldügsen yosuγar ečige köbegün kemeldekü yosun eyin üge ögüleldür=ün üle dayisun=tur aγular=un qamtu=bar oroγ=a görögesün=tür abalarun nigen=e kü qamtu abalay=a kemeldübei basa Činggis-qaγan Ong-qaγan qoyar ögüleldürün bida qoyar neyidebesü sidütü moγai=a sidürdebesü sidürgen=tür büü oroy=a sidü=ber amabar olulčaju bisirey=e arγ=a=tu moγai=a adardabasu adurγan=tur inu büü oroy=a amabar sidüber olulčaju bisirey=e kemen teyin üge barilduju amaraγlan yabubai # tegün=ü qoyina amaraγ degere dabqur amaraγ boluy=a kemen Činggis-qaγan sedkijü Joči=ta Senggüm=ün düi <degüü> Čaqur-beki=yi γuyur=un Senggüm=ün köbegün Tasaγ=ta bidan=u Qojin-beki=yi ariljin öggöy=e kemen γuyubasu tende Senggüm öber=iyen yekečilen sedkijü ögülerün bidan=u uruγ teden=tür odbasu alus=a bayiju egegte <engnegtü> qoyimar=a qarqu ajuqu teden=ü uruγ mandur irebesü qoyimar=a saγuju alus=a qaran ajuqu kemen öber=iyen yekečilen

sedkijü bidan=i doromjilan ögülejü Čaqur-beki=yi ülü öggön ese taγalaldujuqui tere üge=tür Činggis-qaγan dotoraγan Nilq=a-Senggüm=tür duur=a qočorčiqui kemen sedkibei teyin duur=a qočoruγsan=i Jamuq=a uqaju γaqai jil=ün qabur Jamuq=a , Altan , Qučir , Kirtaqubai Ebügejin Onggin Sükegedei , Toγoril Qačiγun beki , ede bolun nigen ey=e=ten bolju negüjü odču Jejeger-öndör=ün kiruda Berke-Alun=ta Nilq=a-Senggüm=tür odču Jamuq=a olkin ögüler=ün Tümüjin anda minu Naiman=u Dayang-qaγan=tur keletü (kelekü) elči=tü buyu aman inu ečige köbegün kemejü amu aburi inu öbere buyu itegejü amu ta ese uqabasu tan=a yaγu bolqu Tümüjin anda=tur morilabasu bi köndelen=e oroldusu kemejüküi tendeče Altan Qučir , qoyar ögülerün ba Ögelen eke=yin köbegüd=i aq=a=yi alaju degüü=yi teskijü öggöy=e kemejüküi Ebügejin-onggin-Kirtaγtai ögülerün γar inu γardaju köl inu köldejü ögsügei kemebe Toγoril ögüler=ün arγača (arγalay=a) kemebesü odču Tümüjin=ü ulus=i abuy=a ulus=iyan abtabasu ulus ügekün bolbasu yakiqun tede kemejüküi Qačuγun-beki ögülerün

Nilq=a-Senggüm köbegün čimayi yaγun sedkibesü urtu=yin üjügür=e gün=ü iruγar=a kürülčesü kemejüküi ede üges ögülegüljü Nilq=a-Senggüm ečige=tür=iyen Ong-qaγan=tur tedeger üges Sayiqan-Tüdüger=iyer ögülejü ilegejükü edeger üges ögülegdejü Ong-qaγan ögülerün köbegün=i minu Tüüljin=tür yakin teyin maγu sedkimü tngri=te ülü taγalaγdaqu bida Jamuq=a yabudaγ keletü (qudal olkiyan) bölüge jöb üü dab (buruγu) uu ögülen buyu kemen ese taγalaju ilegejüküi basa Senggüm ögülejü ilegerün amatu keletü kümün ögülen bögetele yakin ülü bisiregdekü kemen jiči kümün=e ögülejü ilegeged yadaju öbesüben beye=ber odču ögüler=ün bal čimayi edü büküi=tür bidan=i yaγun=a=bar ülü bolγan buyu ene=ber qaγan ečige čimayi čaγan=a čačabasu qara=ta qaqabasu Qurčaqus-Buyiruγ-qaγan ečige=yin činu joban edüi quriyaju aγsan ulus=i čin=u man=a kü medegülkü ügei ken=e=ber yakin medegülkü kemejüküi tere üge=tür Ong-qaγan ögülerün čaγ=a (nilq=a) köbegün=ben tebčijü ečige=yin uruγ (töröl) ime (eyimü) qari bolju maγui sedkibesü ker jokiqui tngri=te ülü taγalaγdaqu bida kemejüküi tere üge=tür köbegün inu Nilq=a-Senggüm maγulaju

egüden orkiju γarčuqui jiči köbegün=yügen Senggüm=ün duran qayiralaju uriju iregüljü Ong-qaγan ögülerün tngri=te man=i taγalaγdaqu uu bida köbegün=i ker tebčisü kememü ta čidan ele üyiledkü=ben ta mededkün kemejüküi tendeče Senggüm ögülerün mönlü bidan=u Čaqur-beki=yi γuyun bölüge edüge boγoljar ider=e iredkün kemen edür boljaju uriju iregüljü tende bariy=a kemeldüjüküi j=a kemen ey=e barilduju Čaqur-beki=yi öggöy=e boγoljar ider=e iredkün kemen ilegebei uriγdaju (urin jalabasu) Činggis-qaγan arban aran ayisurun (kümün odur=un) jaγura Menglig ečige=yin ger=tür qonobasu tende Menglig ečige ögülerün Čaqur-beki=yi γuyubasu mönlü bidan=i doromjilaju ülü öggön bölüge edüge ker bodoquy=a boγoljar ider=e kemen urijuqui öber=iyen yekečilekün aran buruγuy=a (qudal=iyar) ögsü kemen uriqun bölüge jöb üü dab uu sedkil bui köbegün uqaju odqu bui qabur bolba aduγun bidan=u turaqan bui aduγun=iyan tejigesügei kemen siltaju irey=e kemejü ülü odun Buγatai Kičiγutai qoyar=i boγoljar ider=e ilegey=e kemen ilegejüküi Činggis-qaγan Menglig ečige=yin ger=teče ger=tegen qaribai Kičiγutai Buγatai qoyar=i

kürküi=lüge seregdebe bida manaγar erte bosču bariy=a kemeldüljü teyin (erte) bosču bariy=a kemen barilduγsan=i Altan=u degüü Yeke-Čeren ger=türiyen irejü ögülerün manaγar erte Tümüjin=i bariy=a kemeldübe ene üge=yi Tümüjin=e kelen kürügegsen kümün=i ele yambar bolγaγdaqu kemejüküi teyin ögüleküi=dür em=e inu Alaqud keleler=ün tere delem=e üge činu yaγun bolumu aran (kümün) ba ünemsiyegüjei kemen teyin keleküi=tür aduγuči inu Badai sün kürger=e irejü ene üge=yi sonosču qariba Badai qariju nökör aduγuči Kisiliγ=a Čeren=ü ögülegsen üges ögülejüküi Kisiliγ ögüler=ün bi qariju uqasuγai kemejü ger=tür odčuqui Čeren=ü köbegün Narin-Gegen γadan=a saγuju sumud=iyan urun <ürün> saγuju ögülerün tuγar bida yaγu kemeldülügei keleben abtaqun ken=ü aman idqaqun kemejüküi teyin kemeged Narin-Gegen basa aduγuči Kisiliγ=a ögüler=ün Merged=dei-čaγan aman čaγan keger qoyar=i bariju abču ire uyaju ene šöni erte morilasu kemejüküi Kisiliγ jorčiju Baday=a ögüler=ün tuγar=un kelečin=ü (ögülegči) maγad bolba edüge bida qoyar Tümüjin=e kelen kürgen jorčiy=a

kemen üge barilduju Merged=dei-čaγan aman čaγan keger qoyar morid=i bariju irejü uyaju üdesi böged qonin=tur=iyan oroju nigen quraγ=a=ban alaju isiri=ber=iyen bolγaju šöni=te jorčiju (Činggis-)qaγan=a šöni kürčü ger=ün umara=ača Badai Kisiliγ qoyar ögüler=ün Yeke-Čeren=ü ögülegsen üges (kiged) köbegün anu Narin-gegen sumud=iyan ürün saγuju ögülegsen üges=i Merged=tei-čaγan aman čaγan keger qoyar aγta bariju uya kemegsen üges bügüde=yi ögülejü ögbei basa Badai , Kisiliγ qoyar ögüler=ün Činggis-qaγan soyorqabasu ariyal ügei bui bučiju bariy=a kemen üge barilduba kemebe teyin ögülegdejü Činggis-qaγan Badai , Kisiliγ qoyar=un üges biserejü šöni böged dergede bükün itegel=ten=e kelen kiged (ögülejü) könggelen keüked=iyen gegeged buruγuyilan šöni böged ködelbei Maγu-öndör=ün kiru=bar ködelür=ün Maγu öndör=ün kiruda Uriyangqadai-Jelm=e Γou=a=yi itejü qoyina=ban činduγulsun bolγasun qaraγulsi=iyan (čingduγul manul bolγan qaraγul) talbiju ködeljü tere ködelügseber manaγarsi edür döli naran kelbei=gülüged <kelbeyigülüged> Qalqajin-Alad=ta kürčü üderin (üdelen) baγubai üderidčü

baγuγad büküi=tür Alčidai=yin aduγun aduγulaγsad Čegetei , Jider qoyar ögülerün jüyil=e (jülge) jüyile=tür aγta=iyan aduγulan yabuqui=tur qoyina Maγu-öndör=ün ebür=iyer Ulaγan-Burγad (burγasun) daγarin ayisuqui (ireküi) dayisun=u toγosun=i üjejü dayin kürbei (dayisun kürčü irebei) kemejü aγta=iyan üldeged irejü teyin kürbei kemegdejü üjebesü Maγu-öndör=ün ebür=iyer Ulaγan-Burγad daγarin toγosun γarču Ong-qaγan tere nekejü ayisun (iren) ajuqu kemejü tende Činggis-qaγan toγosun=i üjeged aγta=iyan bariγuluγad ačiyalaju morilabai tedüi ese üjebesü genen bölüge tere ayisuqui=tur Jamuq=a Ong-qaγan=luγ=a qamtu ayisulčan ajuqu tende Ong-qaγan Jamuq=a=ača asaγčuγui Tümüjin köbegün=tür qadqulduqun metüs ken bui kemen asaγbasu Jamuq=a ögüler=ün tede Uruγud Mangγud kemekü irgen bui tede irgen inu qadquldumui j=a toγoriqu tutum töb jokiqu tegelkü tutum tem (tes) jokiqu öčügüken=eče ildü jidan=tur daduγsan irgen tede qaraγčiγud (qara) alaγčiγud (alaγ) tuγ=tan bui tede serel=ten irgen bui j=a kemejüküi tere üge=tür

Ong-qaγan ögüler=ün teyin bögesü bida teden=tür Jürken baγatud=iyan Qadan=i tusiyaldun Jürken baγatud=iyan dobtolγay=a Jürken=ü gejige Tümen-Tümegen=ü köbegün Način-Sirün=i dobtolγay=a Način-Sirün=ü gejige olan Donggiyad baγatud=i dobtolγay=a Donggiyad=un gejige Ong-qaγan=u mingγan turγud=un gejige udurid=un Qori-Silmün tayisi dobtoltuγai mingγan turγud=un gejige bida yeke γool dobtoluy=a kemejüküi basa Ong-qaγan ögülerün Jamuq=a degüü bidan=u čirig=i či jasa kemejüküi tere üge=tür Jamuq=a öber=e (ončuyilan) bultayildaju γarču nököd=tür=iyen ögülerün Ong-qaγan ene čirig=iyen namayi jasa kememüi anda=tur bi qadqulduju yadan yabuluγ=a ene čirig=i namayi jasa kememüi Ong-qaγan nada=ača dölede činaru čaγ=tu nökör buyu anda=tur kele oroγuluy=a anda qataγujituγai kemejü Jamuq=a duraqun Činggis-qaγan=tur kele oroγulju ögülejü ilegerün Ong-qaγan nada=ača asaγba Tümüjin köbegün=tür qadqulduqun metüs ken bui kemen asaγbasu bi ögülerün Uruγud Mangγud=i tombilaγ (serel=tei kemen) ögülebe minu üge=tür mön Jürken

baγatud=iyan manglayilan jasaldubai Jürken=ü gejige Tümen- Tümegen=ü köbegün Način-Sirün=i kemeldübei Tümegen=ü köbegün Način-Sirün=ü gejige olan Dongkiyad=i kemeldübei Dongkiyad=un gejige Ong-qaγan=u mingγan turγud=un Qori-Silmün-tayisi=yi kemeldübei tegün=ü gejige mön Ong-qaγan=u yeke γool čirig=iyen bayisu kemeldübei basa Ong-qaγan ögülerün Jamuq=a degüü ene čirig=i či jasa kemen namayi=yi tüsin ögülebei egüber uqabasu čaγ=tu nökör buyu čirig=iyen jasaldun yaγun čidaqu erte anda=tur bi qadqulduju yadan yabuluγ=a Ong-qaγan nadača čaγ=tu ajuqu büü ayu qataγuji kemejü ilegebei ene kelen (üge) iregülüged Činggis-qaγan ögülerün Uruγud=un Jurčidai či yaγun kememü manglayilan čimayi=yi jasaba kemebe Jurčidai=yin urida Quyildur ögülerün anda=yin emüne bi qadquldusu mön=e qoyina önečin köbegün=i minu asaraqui=yi medetügei kemebe Jurčidai ögülerün Činggis-qaγan=u emün=e bi Uruγud Mangγud=iyar qadquldusu kemejüküi teyin kemeged Jurčidai Quyildur qoyar Uruγud Mangγud=iyar=iyan Činggis-qaγan=u

emüne jasaju bayiba bayiqui=luγ=a teyin Jürken manglayilaju kürčü irebe ireküi=lüge Uruγud Mangγud esergü dobtolju Jürken=i darubai daruju ayisuqui=tur Tümen-Tümegen köbegün Način-Sirün dobtolba dobtolju Način-Sirün=tür Quyildar qaγdaju qadan=tur baγujiqu Mangγud Quyildar=un degere egerjiküi (ergičebei) Jurčidai Uruγud(iyar=iyan) Tümen-Tümegen=i darubai daruju ködelgejü ayisuqui=tur olan Dongkiyad esergü dobtolba Jurčidai basa Dongkiyad=i daruba daruju ayisuqui=tur Qori-Silmün-tayisi mingγan turγud=iyar dobtolba Jurčidai basa Qori-Silmün-tayisi=yi ničuγaju (qariγul=un) daruju ayisuqui=tur Ong-qaγan=ača ey=e ügei Nilq=a-Senggüm esergü dobtolqu bolun engkesge qačar=iyan qaγdaju Senggüm mön tende unajuqui Senggüm=i unaγdaju Kereyid bügüdeger Senggüm=ün degere egerčü (ergičejü) bayibai eyin daruju singgeküi naran qubari (dalda) tasin büküi=tür bida=uqai egerčü (ergijü) Quyildar=i unaγsan γajar=ača yara=tu=yi abuγad γarču qariju Činggis-qaγan=tur bida=uqai Ong-qaγan=ača qadqulduγsan γajar=ača qaγačiju

üdesi=de ködeljü qaγačan qonobai bayiju qonoju edür geyigülüged bögedkebesü (büridkebesü) Ögedei , Boroqul , Boγorči ede γurban ügei ajuqu Činggis-qaγan ögülerün Ögedei=lüge , itegel=dei Boroqul , Boγorči qoyar qočorču ajuqu ba üküjü yaγu qaγačaqun tede kemebe bidan=uγai šöni=de aγtan=iyan bariju qonoju Činggis-qaγan ögülerün qoyina=ača bidan=u nekejü irebesü qadqulduy=a kemen jasaju bayiba edür geyin bolγaju üjebesü qoyina=ača nigen kümün ayisuqui kürčü irebesü Boγorči ajuqu Boγorči=yi kürčü iregülüged Činggis-qaγan ögülerün möngke tngri medetügei kemejü ebčigüben mökölidbe (deledbe) Boγorči ögülerün dobtolqui=tur morin=iyan qaγdaju yabuγan güyijü yabuqui=tur mön Kereyid=ün Senggüm=ün degere egerčü (ergičejü) bayin büküi qoγor (jabsar) čöle=tür ačiy=a=tu morin ačiy=a=ban kelbeyigüljü bayin büküi=i ačiy=a inu oγtalju inggerčaγ(qangγai)=tur unuju γarču bidan=u qaγačiju (salaju) qariγsan mör=iyer möšgin yabuju mör olju edüi irebe bi kemebe basa qorom=ud atala basa nigen kümün ayisuqui kürčü ayisuqui=tur doora inu üjebesü köl=iyen unjilčaju γaγča kümün metü buyu

iren barabasu Ögedei=yin qoyina=ača Boroqul aman=u jabaji=bar čisun čuburiγulju kürčü irebe Ögedei qubčisu=ban sumun=a tusdaju čisun anu aγdar=un Boroqul böglegsen čisun=i simejü jabajin=iyar čisun čuburiγulju irebe Činggis-qaγan üjejü nidün=eče=gen nilbusun čuburiγulju duran inu aljiyaγad γal ödter tülegülüdkün kemejü γal tülejü qalaγu daγaγulun Ögedei=e umdan öggögüljü dayisun irebesü qadqulduy=a kemejü bölüge Boroqul ögülerün dayisun=u toγosun činaγsi Maγu-öndör=ün ebür=iyer Ulaγan-Burγad=un (jüg) toγosun urtu=ta γarču činaγsi jorčibai kemebe Boroqul=un tere üge=tür irebesü qadqulduqun bölüge teyin buruγulan ködelbesü bida čirig=iyen jöbsirejü qadqulduy=a kemejü ködelbei ködölür=ün Ulqui-Silegečin ögede ködölüged Dalan-Nemürgen kürbei qoyina=ača Qadaγan-Dalduraγan em=e köbegün=ečegen qaγačin irebe (irejü) Ong-qaγan=u üge kemen ögüler=ün Ong-qaγan köbegün=ben Senggüm=i üjejü manaγar engkesge qačir=iyan oγtalun qaγdaju degere inu egegerčü (ergijü) tende üküjüküi ilaγdaqu metü=tür ilaγdaba qalqu metü=tür qalqu bolun

qayiran köbegün=ü minu qačar=tur qadaγasun qadaba köbegün=ü amin=i arasun (alaγčilan) dobtoluy=a kemebesü tegün=tür Način-Sirün ögülerün qaγan bütügei (teyimü busu) ečin=e bükü köbegün engker=ün nilbusun jelm=e kijü ebür ba bui kemen enerin jalbaribai bida edün türün baraγsan köbegün Senggüm=i γarγay=a Mongγol=un olangkin Jamuq=a=luγ=a Altan Qučir=luγ=a bidan=tur bui Tümüjin=lüge dayijiju γaruγsan Mongγol qamiγ=a odqon tede=nüüde <tede=nügüd> modun=i nemürete (qorγ=a) bolbai teden=i ese irebesü odču morin jutaγul (qomoγol) metü qormayilaju abčiraqun j=a (ačaraqu) bida tedeger=i kemebe Način-Sirün=ü ene üge=tür Ong-qaγan ögülerün j=a teyin bögesü köbegün aljuγujai köbegün=i ülü dengselgen asaradqun kemeged qadqulduγsan γajar=ača qarin ničübei kemebe tendeče Činggis Dalan-Nemürgen=eče Qalq=a uruγu ködölür=ün toγ=a toγalalduju toγalabasu qoyar mingγan jirγuγan jaγun arad bolbai nigen mingγan γurban jaγun arad Činggis-qaγan=luγ=a Qalq=a=yin öröne=či eteged=iyer negübei nigen mingγan γurban jaγun Qalq=a=yin jegün eteged=iyer Uruγud Mangγud negübei teyin negüjü

ayisuqui=tur görögesün=e abalan yabuqui=tur Quyildur yaran=iyan anaγ=a edüküy=e Činggis-qaγan idqabasu ülü bolun görögesün=tür dobtolqu bolun ügderečü nökčibe tende Činggis-qaγan Qalq=a=yin uruγu=yin Keltegei-qada=da Quyildur=un yasun inu talbiγulba Qalq=a=yin Buyir-naγur=tur čidququ ijaγur=a Or-Mel=ten Qonggirad bui kemen Jurčidai=yi Uruγud=iyar ilegerün # Jurčidai=yi öndör aγula=yin nemüre metü sedkijü yabuqu bölüge bi tere odču Baljun=a-naγur usular=a kürbei j=a jiči Baljun=a naγur=ača morilar=un Jurčidai , Arqai-Qasar qoyar=i aminčiγulju (öberčilejü) Kereyid=tür morilaju tngri γajar=a küčü nemegdejü Kereyid irgen=i moqodqaju tolibai (ejüngejü oljilaba) erkin ulus nököčildüjü (alalduju) Naiman Merged čirebes (jir jibes) quγuraču bayildun yadaju busangγaγdabai(tarqabai) j=a Merged Naiman=i busangγaqu qoγor=tur (taraqaγaqui jabsar) Kereyid=ün Jiq=a-Gambuu qoyar ökid=ün siltaγabar öberün qariy=a=tu ulus=tur=iyan dumda aγsan ajuqu nögöge=te dayisun bolun qaγačaγsan=i Jurčidai odču arγ=a=bar Jiq=a-Gambuu=yi qaγačaγsan baraγsan=i qardaju bariju bütügejüküi(alajuγui) j=a tere Jiq=a-Gambuu=yin

ulus=i ükügede ülidken (qarin bürelgen) talbibai (Boγda-Ejen) Jurčidai=yin nögöge tusa inu ene buyu j=a kemen alalduqui edür amin=iyan üregsen=ü tula üküldüküi edür ölömlegsen=ü tula Činggis-qaγan Ibaγ=a-beki=yi Jurčiday=a soyorqaju öggörün Ibaγ=a=ta surγal ögülerün čimayi=yi aburi üyile čegeči činu ösküi=tür üjesgüleng=tei maγui ese kemebe bi köl=i čin=u siberi=tei kölösün čin=u ünür=tei ese kemebei j=a bi ebür=tür köl=tür oroγsan jerge=tür jergelen saγuγsan čimayi=yi Jurčiday=a soyorqar=un yeke törö=yi sedkijü Jurčidai=yin qadqulduqan edür qalq=a boluγsan=u tula dayisun kümün=tür dalda boluγsan=u tula qaγačaγsan ulus=i qamtudqaγsan=u tula butaraγsan ulus=i bütügeldügsen=ü tusayin tula törö=yi sedkijü čimayi=yi ögbe mön=e qoyina minu uruγ bidan=u oro saγuju ene metü tusa kigsen törö=yi sedkijü minu üge busu ülü bolγan uruγ=un uruγ kürtel=e Ibaγ=a=yin üliger büü tasultuγai kemen jarliγ bolba basa Ibaγ=a=ta ögülerün Jiq=a-Gambuu ečige činu nimada (nadur) Asiγtemür baγurči Alčiγ=a-u qorči qoyar

jaγun yeren ulus ögčü bölüge edüge Alčiqai irgen yaγun=i abču odču ünür=ün sayin=iyan nada , injes=ečegen Asiγ-Temür baγurči ta nigen jaγun talbiju jorči (od) kemebe basa Činggis-qaγan Jurčiday=a ögülerün Ibaγ=a=tur nigen jaγun=i tu ögbe uridu törö <dörben> mingγan Uruγ=ud=iyan či medejü ülekü (yabu) aqu či kemen jarliγ bolba Qubilai=a ögülerün küčütü=yin küjügün böke=yin bögsen bütügeldü=be či ede Qubilai , Jelm=e , Sübegedei , Jebe , ta dörben sutaγan=iyan sedkigsen(töröl=iyen sanaγsan)=tür jaruju ilegebesü kü kür kemegsen=tür kürü kemkel=ün qal kemegsen=tür qada qaγal=un čeüken čilaγun=i čoro čegel usun=i nidul=un ögbei j=a ta Qubilai , Jebe , Jelm=e , Sübegedei ta dörben ünen=iyen joriγsan γajar=a ilegejü Boγorči Tulai , Boroqul , Čilaγun-baγatur ede dörben külüg=üd=iyen derge=tegen abubasu qadqulduqun edür bolbasu Jurčidai , Quyildar qoyar Uruγud Mangγud=iyar=iyan uduridqan bayiγulbasu bükü sedkil=iyer amuqu bölüge bi kemebe Qubilai čirig=ün üyile bügüde=yi

qaγalju ülekü (ilγaju medekü) aqu kemen , soyorqaju jarliγ bolba Bidügün=i mujiraγad , Tulai=yi maγulaju yabuju mingγan=i nimada (nadur) ese ögbe či nimada jöb bui j=a čimaluγ=a mingγalaju eyedeldüjü yabuγdaqu kemebe basa mön qoyina Bidügün=i nuγud=da basa Činggis-qaγan Degedei-Γou=a=da ögüler=ün ta Boγorči Muqalai terigüten noyad=ta Tödei Doγolqu=tan , čerbin , ene qara šöni görgögentü čino=a gegegen edür qara keriy=e bolju negüküi=tür ese negügsen nökčiküi=tür ese nökčigsen bulq=a kümün=lüge büsi (busud=un) niγur ese jobčiγsan (qaraγsan) östü kümün=lüge öbere niγur ese jobčiγsan (urbaγsan) Γou=a , Köke-Čos qoyar=ača ey=e ögekü büü üyiledüdkün kemen jarliγ bolba köbegüd=ün minu aq=a Joči bui j=a Γou=a Genigen=iyen terigülejü Joči=yin door=a tümen=ü noyan boltuγai kemen jarliγ bolba Γou=a , Köke-Čos , Dekyi , Üsün ebügen , ede dörben üjegsen=iyen ülü niγun sonosuγsan=iyan ülü qabčiqun tede bui j=a basa Jelm=e=te ögüler=ün Jarčiγudai ebügen kögörge=ben ügürčü Jelm=e neretei ölögei=tei ene Burqan-Qaldun=a=ača baγuju irejü Onan=u Deligün-boldaγ=a

namayi=yi töröküi=tür bulγan ölögei ögčü bölüge tere nököčegsen=ber bosoγ=a=yin boγol egüden=ü emčü (jaruča) bolbai j=a Jelm=e=yin tusa olan bui j=a töröküi=lüge töröldügsen ösküi=lüge ösölčegsen bulγan ölögei ijaγur=tu öljei=tü qutuγ=tu Jelm=e yisün endel=tür aldabasu eregü=tür büü orotuγai kemen jarliγ bolba Tolui=a ögülerün ečige=eče köbegüd öbere mingγan=bar medekü bölüge či ulus quriyatala ečige=teče öbere jigür bolun jögeldüjü ulus quriyalduγsan=u tula čerbi ner=e (ejen noyan) ögbei j=a edüge öberün oluγsan jögegsen=iyer=iyen öbere mingγan bolju Torγud=tur eyedeldüjü ülekü (medekü) aqu či kemen jarliγ bolba basa Öggör baγurči=tur jarliγ bolurun γurban Toqoraγud tabun Darqud Mengge=tü-kiy=a=u köbegün či Önggör Čangsiγud Bayaγud=iyar atuγai nigen küriy=e bolju či Önggör budang=tur ese tögerübei j=a či bulq=a=tur ese qaγačabai j=a či noyitan=a nobsilduju küyiten=e köbsildüjü yabubai j=a či edüge yambar soyorqal abqu kemebesü Önggör ögüler=ün soyorqal songγoγulbasu Bayaγud aq=a

degüü minu qari tutum=tur bura tara bui soyorqabasu Bayaγud=yügen čiγulγasuγai kemebesü j=a teyin bögesü aq=a degüü=yügen čiγulγaju či mede mingγan=i (mede) kemebe basa jarliγ bolurun Önggör Boroqul qoyar baγurčin baraγun jegün eteged=ün qoyar baγurčin idegen tügeger=ün baraγun eteged bayiγsad saγuγsad=a jegün eteged jergelegsen aγsan=a ülü dutaγul=un ta qoyar=i teyin tügegebesü minu qoγolai ülü qučin sedkil amuyu edüge Önggör Boroqul qoyar morilaju yabuju olan kümün=e tügegdekün kemen jarliγ bolba saγuri saγur=un yeke tüsürge=yin baraγun jegün eteged idege bisilγan (činan) saγudqun Tülüi=ten=lüge töblen saγutuγai kemen saγurin jiγaju ögbe Boroqul=a ögülerün eke minu Siki-Qutuγ Boroqul , Küčü , Kökečü , ta dörben=i irgen=ü nutuγ=ača köser=eče olju köl=tür=iyen töröjü köbegünčilen asaraju tejiyer=ün küjügün=eče tan=u tataju kümün=lüge sačaγu bolγaju egem=eče tan=u tataju ere=lüge sačaγu bolγaju köbegün=degen nadur nökör bolγasu kemen tejigebei j=a tejiyegsen ači

eke=te ba nadur tusa qariγulbai ta qadqulduqui dayisun=tur qoγosun ese qonoγulbai sidüldüjü büküi dayisun=tur silün ügei ese qonoγulbai j=a či basa ebüges ečiges=i baraγsan östü kis=tu Tatar irgen=i doroyitaγulju ösil ösin kisil kisa<n> Tatar irgen=i čigün=tür ülijü ülidkün kidüküi=tür <kiduqui=tur> alaγdar=un Tatar=un Qargil-Sira oγorčuγ bolun γarču jiči yadaju ölösčü oroju irejü eke=tür ger=te sayi erigülsün (erigül=ün) buyu bi kemebe sayi erigülsün bögesü tende saγu kemegdejü öröne či iseri=yin üjügür=e saγuju büküi=tür Tolui tabun nasutu γadan=a=ača oroju irejü jiči güyijü γarču odun büküi=yi Qargil Sira bosoγad köbegüken=i suγu=tur=iyan qabčiju γarču yabuju ayisur=un (iren) kituγ=a=ban temtüljü juγulun <suγulan> yabuqui=tur Boroqul=un gergei Iltai eke ger=ün dotora bölüge eke qayilaju köbegün bariba kemeküi=lüge Iltai eke ger=teče udaγa=raldun (daru=daγan) güyijü γarulčaju Qargil-Sira qoyina=ača güyičejü sibelger inu bariju nögöge γar=iyar=iyan γituγ=a <kituγ=a>

juγulun büküi=tür γar=i inu bariju tataqui=luγ=a γituγ=a=ban aldajiqu ger=ün umara Jedei Jelm=e qoyar muγuljir qara üker jimalan alaju büküi=tür Iltai=yin daγun=tur Jedei , Jelm=e qoyar süke γituγ=a bariju nuduraγ=iyan ulaγdaju güyijü irejü Tatar=un Qargil-Sira=yi süke γituγ=a=bar mön tede alajuqu Iltai , Jedei , Jelm=e γurban , köbegüken=i amin aburaγsan jiltü (jöb=iyen jergečen) temečeldübesü Jedei Jelm=e qoyar ögülerün man=i ügei bögesü ödter güyičejü ese alabasu Iltai em=e kümün (yaγakiqu) bölüge köbegüken=i amin=dur qoor ülekü (ülü) kürkü (kürgekü) bölügei üü jil=tü (jöb) manuqai bui j=a kemebe Iltai ögülerün minu daγun ese sonosbasu ta ker üjekün bölüge namayi güyičejü sibelger inu bariju γituγ=a juγuluγsan γar inu tataju γituγ=a ese aldaγsan bögesü Jedei Jelm=e qoyar=i kürčü iretele köbegüken=ü amin=tur qoor ülekü kürgekü bölügei üü kemebei ögülen barabasu jil=tü Iltai=yin bolbai Boroqul=un gergei Boroqul=tur nögöge jigür bolun Tolui=yin amin=tur tusa bolba basa Boroqul Kereyid=lüge Qalaγaljid-Alus qadqulduqui=tur Ögedei qoyisiban sumun=a

tusdaju unabasu Boroqul degere baγuldaju (baγun) aqusan čisun inu amaγar=iyan simijü šöni qaγačilduju manaγarsi morin=tur unuγulju saγun yadaqu=yi sundalaju Ögedei=yin qoyina=ača teberijü böglegsen čisun=i inu simin simin aman=u jabajin=iyar ulγaγdaju Ögedei=yin amin=i esen kürgejü irejü bölüge eke=yin minu jobaγsan ači qoyar köbegüd=ün minu amin=tur tusa bolbai j=a Boroqul nadur nököčejü tarbaγan uriq=a=tan daγun=tur dem=eče ese qojidabai j=a Boroqul yisün endel endebesü büü aldatuγai (erigü=tür büü orotuγai) kemen jarliγ bolba basa ökin uruγ=taγan soyorqal ögeküy=e kemebe basa Üsün ebügen=e ögülerün Üsün-Γou=a , Köke-Čos , (Degei) ede dörben üjegsen sonosuγsan=iyan ülü niγun , ülü qabčin jiγan aqun bölüge Mongγol=un törö noyan mör beki bolqu yosun ajuqu Baγarin aq=a=yin uruγ bölüge beki mör bidan=u dotora degere=eče beki mör Üsün ebügen=tür boltuγai beki ergürün čaγan aγta unuγulju čaγan degel emüsgejü saγurin=u degere saγulγaju degedü ene siren=tür sitejü takin atuγai kemen jarliγ bolba basa Činggis-qaγan

Quyildar anda qadqulduqan=dur amin=iyan ürejü urida aman negegsen tusa=iyan tula uruγ=un uruγ=a inu kürtele önečid=ün abliγ(alba)=a abun atuγai kemen soyorqal jarliγ bolba basa Čaγan-Γou=a=yin köbegün Narin-Toγoril=a jarliγ bolurun ečige činu Čaγan-Γou=a minu emün=e kičigejü qadqulduqu bolun Dalan-Baljud=ta qadqulduqui=tur Jamuq=a=da alaγdaluγ=a edüge Toγoril ečige=yügen tusayin tula önečid=ün abliγ=a abun atuγai kemegdejü Toγoril ögülerün soyorqabasu eküs aq=a degüü qari tutum bur=a tara bui eküs aq=a degüü=yügen čiγulγasuγai kemebesü jarliγ bolurun teyin bögesü eküs aq=a degüü=yügen čiγulγaju či uruγ=un uruγ kürtele mingγan=i medejü ülekü (ejelekü) aqu kemen jarliγ bolba basa Torγan-Sira=ta jarliγ bolurun namayi=yi öčüken čaγ=tur Tayičiγud=un Tarγutai-Kiriltuγ aq=a degüü=te egerigdejü bariγdabasu tende aq=a degüü=tegen nayidaγdamu (ilaγdamu) kemen Torγan-Sira Čilaγun Čimbai köbegüd=türiyen Qadaγan neretei ökin=tegen asaraγulju niγuju aju namayi=yi talbiju ilegebei j=a ta tere tusayin sayin=i

čin=u sedkijü qara šöni jegüdün=tür gegen edür čegejin=dür sedkijü yabubai j=a bidan=i edüi Tayičiγud=ača udaγan irebei j=a ta edüge bi tan=i , soyorqasu yambar soyorqal taγalaqun ta kemebe Torγan-Sira Čilaγun Čimbai köbegüd=iyer=iyen bolun ögülerün nutuγ darqalasu Merged=ün γajar Selengge=yi nutuγlaju darqalasu kemebei basa busu soyorqal qaγan=u jarliγ medetügei kemebei tegün=dür qaγan jarliγ bolurun Merged=ün γajar=i Selengge=yi nutuγlaju darqalaγad uruγ=un uruγ=a kürtele qorčilaγulju ötökelgüljü darqalaju yisün endel=tür erigü=tür büü orotuγai kemen jarliγ bolba basa Čilaγun Čimbai qoyar=un ögülegsen üges=i sedkijü ker aγdaqu Čilaγun Čimbai ta qoyar edüge sedkil=iyen ögüledkün ögülekü bögesü dutaγuban γuyuqu bögesü jaγur=a kümün=e büü kelelegülüdkün öber=ün beyes=iyer amaγar nadur öbesüben sedkigsen=iyen keledkün dutaγu=yuγan öbesüben γuyudqun kemen jarliγ bolba basa Torγan-Sira , Badai Kisiliγ ta qoyar darqud basa darqalar=un

olan dayisun=tur olja olbasu oluγsabar abudqun oroγ=a görögesün=tür abalabasu alaγ=sabar abudqun kemen jarliγ bolba Torγan-Sira kemebesü Tayičiγud=un Tüdüge=yin aran ajuqu j=a Badai Kisiliγ qoyar kemebesü Čeren=ü aduγuči ajuqu j=a edüge minu turuγ qorčilaγulju ötekelgüljü darqalan jirγadqun kemen jarliγ bolba basa Nayaγ=a=ta ögülerün Sirgetü ebügen Alaγ Nayaγ=a köbegüd=lüge=ben ta Tarγutai-Kiriltuγ=i bidan=tur bariju ayisur=un jaγur=a Qudqul=nuγuda kürčü tende Nayaγ=a ögülerün tus qaγan=iyan ker tebčijü bariju odqu bida kemejü tebčin yadaju talbiju ilegejü Sirgetü ebügen Alaγ Nayaγ=a köbegün=lüge=ben irejü tende Nayaγ=a biltaγur ögüler=ün tus qaγan=iyan Tarγutai-Kiriltuγ=i qardaju ayisur=un jiči tebčin yadaju talbiju ilegejü bi Činggis-qaγan=a küčü öggör=ün irebei tus qaγan=iyan qardaju irebesü tus qaγan=iyan qardaγsad arad mön=e qoyina ker itegegdekün ede kemeküi bölüge qaγan=iyan tebčin yadabai kemebesü tede tus qaγan=iyan tebčin yadaγsan yosu yeke

törö=yi sedkijüküi kemen üge inu jöbsiyen čü nigen üyile=tür tüsiy=e kemelüge edüge Nayaγ=a töb=ün tümen=i medetügei kemen jarliγ bolba naiman siraγ=a morin=i nekeküi=tür naran=i kiltus kijü γarqui čaγ=tur učaraju nasun büri küčüben ögbei kemen edüge Boγorči=ta baraγun γar=un tümen=i medegülbei dayisun=i darulčaγsan olja=yi oroγululčaγsan morin=iyan del degere naran γarγaju segül degere budang talbiju dayisun=u mör=i tögörigüljü esen mendü abču iregsen Jalayir=tai=yin sayin Muqali küčün öggögsen olan bui kemen küi-ong-čingsang-tayisi čola ögčü jegün γar=un tümen=i medegülbei Jebe Sübegedei qoyar öberün oluγsan jögegsen=ber=iyer mingγalatuγai kemebe basa Degei , qoniči=ta bügdügüli čiγulγaju mingγan=i medegülbe Küčü-Gür möčede irgen dutaγdaju endeče tendeče γubčiju jerge=teče Muluγalaqu jüg=iyer nököčelügei Küčügür Muluγalaqu qoyar nigen=e mingγalaju eyedüldüjü aγdaqun kemebe ulus bayiγululčaγsan=i jokildügsed<jokilduγsad>=i anu mingγad=un noyad bolγaju mingγ=a mingγalaju mingγad=un noyad jaγud=un noyad arbad=un noyad=ta tümed=ün

noyad=ta soyorqal ögdekün metüs=e soyorqal=i ögčü soyorqal jarliγ bolqun=a bolju jarliγ bolurun urida nayan kebtegülsü=tü dalan torγas=ud , kesig=ten=tü bölüge edüge möngke tngri=yin küčün=tür tngri γajar=a küčün auγ=a nemegdejü kür ulus=i soyorqaγdaju γaγča jiloγ=a=tur=iyan , oroγuluγsan=tur edüge nadur kesig=ten torγas=ud mingγad=ača ilγaju oroγuludqun (yabuγuludqun) kebtegül qorčin torγas=ud oroγulurun tümen dügürgen oroγuludqun kemen jarliγ bolba basa kesig=ten oroγulqui=tur jarliγ bolba mingγad mingγad=da tungγaγar=un (ilγan) bidan=tur kesig=ten=i oroγulur=un (yabuγul=un) tümed=ün mingγad=un jaγud=un noyad=un köbegüd töri=yin kümün=ü köbegüd=i orur=un (yabuγul=un) erdem=üd=ten sil sayitan bidan=u dergede yabuqun metüs=i oroltuγai (yabuγultuγai) mingγad=un noyad=un köbegüd anu arban nököd=tü nigen degüü=yi daγaγulju iretügei jaγud=un noyad=un köbegüd=i anu oroγulur=un tabun nököd=tü nigen degüü=yi daγaγulju iretügei arbad=un noyad=un köbegüd=i anu töri=yin kümün=ü köbegüd=i oroγulur=un γurban nököd=tü

nigen degüü=yi daγaγulju ijaγur=un kü mingγan olan=a küčü jasaju iretügei bidan=u dergede yabuγulqun=i böged=ün mingγad=un noyad=un köbegüd=te arban nököd ijaγur=un mingγan jaγun=ača γubčiju (qubilaju) ögtügei ečige=yügen öggögsen qubi kesig bögesü bey=e qad(γar)=iyar oluγsan jögegsen er=e aγta kedüi bögesü inu nemejü qubi=ača anggida bidan=u kemlegsen kem=iyer γubčiju (qubilaju) teyin jasaju jaγud=un noyad=un köbegüd ta tabun nököd bolγan arbad=un noyad=un köbegüd ta töri=yin kümün=ü köbegüd ta γurban nököd mön yosuγar nemejü qubi=ača anggida mön teyin γubčiju (qubiyaju) ögtügei kemen jarliγ bolba mingγad=un jaγud=un arbad=un noyad olan kümün bidan=u ene jarliγ kürgegülüged sonosuγad bürün dabaqun arad aldaltan (gem eregüü=tü) boltuγai bidan=tur keseg oroqun (yabuqun) aran bultariju ülü bolqun bidan=u dergede yabuqui=ban berkesiyebesü busu kümün=i oroγulju tere kümün=i erigülejü nidün=ü ečen=e qola γajar=a ilegey=e kemen jarliγ bolba dotona bidan=u dergede yabuju surulčasu kemejü irekün arad=i büü idqatuγai kemebe qaγan=u jarliγ boluγsa=bar

mingγad=un jaγud=un arbad=un noyad=un köbegüd=i mön kü jarliγ=un yosuγar ilγaju γarγaju irejü aran kebtegül bolba tegüni naiman jaγun bolγabai naiman degere mingγan dügürgetügei kemebei kebtegül oroqun=i büü udaγatuγai kemen jarliγ bolba kebtegül=i Yeke=Negürin aqalaju mingγan medejü atuγai kemen jarliγ bolba urida dörben jaγun qorčin=i ilγabai ilγaju qorčin=i Jelm=e=yin köbegün Yisütüge aqalaju Tödei=yin köbegün Böketei tan=luγ=a eyedüldüjü atuγai kemebe torγas=ud=luγ=a qorčin keseg kesig=tür oroldur=un Yisütüge nigen keseg qorčin=i aγalaju orotuγai urad=tan nigen keseg qorčin=i aγalaju orotuγai albalan albalan nigen keseg qorčin aqalaju orotuγai qoor aγsaquy=a torγas=ud keseg keseg qorčin=i teyin aqalaju oroγultuγai qorčin=i mingγan dügürgejü Yisütüge aqalaju atuγai kemen jarliγ bolba urida Egüle-čerbi=luγ=a oroγsan torγas=ud degere mingγan dügürgejü Boγorči=yin uruγ=ača Egüle-čerbi medetügei kemebe nigen keseg torγas=ud mingγan=i Muqali=yin uruγ=ača Buq=a medetügei kemebe Ilükei=yin uruγ=ača

Alčidai nigen mingγan torγas=ud=i medetügei kemebe nigen mingγan torγas=ud=i Tödei-čirbi medetügei kemebe nigen mingγan torγas=ud=i Doγolqu-čirbi medetügei kemebe nigen mingγan torγas=ud=i Jurčidai=yin uruγ(töröl)=ača Čanai medetügei nigen torγas=ud=i Elči=yin uruγ=ača Aqudui medetügei kemebe nigen mingγan torγas=ud=i Arqai-Qasar nigen mingγan ilγaγsan baγatud=i medejü olan edür=tür qas bolju altan amin minu sakituγai qadqulduqan edür urida bayiju baγatud bolju qadquldutuγai kemen jarliγ bolba mingγad mingγad=ača ilγaju iregsed naiman mingγan torγas=ud bolba kebtegül qorčin=luγ=a qoyar kü mingγan bolba tümen kesig=ten bolba basa jarliγ bolurun bidan=u čaγada (činadu) tümen kesig=ten=i bökeljü yeke γool bolun atuγai kemebe basa jarliγ bolurun torγas=ud dörben keseg=üd=ün edükülekün=i tüsir=ün Buq=a nigen keseg kesig=ten=i medejü kesig jasaju orotuγai (yabutuγai) Alčidai nigen keseg=i medejü kesig=ten=i jasaju orotuγai Tödei-čirbi nigen keseg kesig=ten=i medejü jasaju orotuγai Doγolqu-čirbi nigen keseg kesig=ten=i jasaju

orotuγai kemen kesig oroqui jarliγ tungγaγar=un (ileger=ün) kesig oror=un kesig=ün noyan öber=tür=iyen kesiglegsen kesig=ten bütügejü kesig oroju γurban qonolduju yegüdketügei kesig=tü kümün kesig oγarabasu tere kesig oγaraγsan kümün=i γurban beriyes šüyitügei (göbsitügei) mön kesig=tü nögöge kesig oγarabasu doloγan beriyes šüyitügei mön kümün bey=e qad (qar) ebečin ügei kesig=ün noyad=ača ey=e ügekü mön kesig=tü γurban=ta kesig oγarabasu γučin doloγan beriyes šüyidked bidan=tur yabuqui=ban berkesiyen ajuqu ečin=e qola γajar=a ilegey=e kemen jarliγ bolba kesig=üd=ün noyad öteges γutuγar kesig=tür ene jarliγ kesig=ten=e sonosuγad ese sonosγabasu kesig=üd=ün öteges aldal=tan boltuγai kemebe jarliγ sonosuγad bürün dababasu jarliγ=un yosuγar kesig oγarabasu kesig=üd=ten aldal=tan boltuγai kemen jarliγ bolba kesig=üd=ün öteges endebe ele kemen sačaγun oroγsan minu kesig=ten=i nada=ača esi ügekü büü jasaγdaqun jasaγ köndebesü nada jiγadqun mökörigüldekü (alaγulqu) yosutu bögesü bida mökörigülüyü nisiγdaqun (göbsigdekün) yosutu bögesü kebtegül=ün

nisiqun j=a alabai ele kemejü sačuγun kesig=ten=i minu öber=ün γar köl kürgejü beriy=e beriyedebesü beriy=e=yin qariγu beriy=e kü nidurγ=a=u qariγu nidurγ=a=bar qariγultuγai kemebe basa jarliγ bolurun γadaγadu mingγad=un noyad=ača minu kesig=tü degere bui j=a γadaγadu jaγud=un arbad=un noyad=ača minu kesig=tü=yin köteči degere bui j=a kesig=ten=tür γadaγadu mingγaliγ=ud sačaγun bolju tenggečin minu kesig=ten=tür kereldübesü mingγaliγ=ud=un kümün=i eregüley=e (jasaγlay=a) kemen jarliγ bolba basa jarliγ bolurun kesig=üd=ün noyad=a jarliγ tungqaγar=un qorčin torγas=ud kesig oroju edür=ün yabudal jüg jüg mör mör=tür=iyen yabuju naran=u γaltai=a kebtegül=e jayilaju γadan=a γarču qonodqun bidan=tur šöni kebtegül qonotuγai qorčin=tur qoyar baγurčin=i ayaγ=a saba kebtegül=e daγalγaju odtuγai γadan=a qonoγsan qorčin torγas=ud baγurčin bidan=i silü idetele kirüge(ködöge)=tür saγuju kebtegül=tür kelelejü (ögülejü) silü iden barabasu qorčin qoor=tu torγas=ud=tur=iyan baγurčin ayaγ=a saba=tur=iyan daγalγadutuγai

kesig mön mön ene quli=bar teyin kitügei kemen jarliγ bolba naran singgegsen=ü qoyina ordo=yin qoyiqun (qoyina) urduqun (emüne) getügeljin yabuqu kümün=i kebtegül bariju qonoju manaγar kebtegül üges=i inu asaγtuγai kebtegül kesig yegüdkeldür=ün bey=e anu toγolaju oroju iretügei yegüdkejü γarqun=a kebtegül toγolaju γarču toγolaju oroju odtuγai kemebei kebtegül šöni ordo orčin kebtejü egüden daruju bayiγsan qoyina kebtegül šöni oroqun aran=i ekid (terigün=i) anu (qaγ=a) talbiru möris anu (mören=tür kürtele) baγutala čabčiju oqordaqun (orkiγdaqun) yaγaral (yaγaraqu) keleten aran irebesü kebtegül=tür kelelejü ger=ün umara=ača kebtegül=lüge qamtu bayiju kelelegültügei kemebei kebtegül=eče degere saγuri ken=ber büü saγutuγai kebtegül=eče kelen ügei ken=ber büü yabutuγai kebtegül=ün degekün ken=ber büü orotuγai kebtegülün jiγaqun ken=ber büü yabutuγai kebtegülün toγ=a büü asaγtuγai kebtegülün degekün yabuqun aran=i kebtegül barituγai jiγaqun yabuqun aran=i kebtegül barituγai toγ=a asaqun kümün=i kebtegül tere edür unuγsan aγta emegel qajaγar=tu=yi emüsügsen qubčisun

selte=yi kebtegül abtuγai kemen jarliγ bolbai Iljigedei itegel=tü bögetele jilte (jergečen) kebtegülün degekün yabuqu bolun kebtegül=ber bari=luγ=a basa jarliγ bolurun egületei šöni erüke=tei ger=i minu egeren (ergičen) kebtejü oron=tur nuta untaγulju qan oron=tur kürgegsen öteges kebtegül minu odu=tai šöni ordo ger=i minu orčin kebtejü oron dotora ese untaγsan öljei=ten kebtegül minu öndör oron=tur kürgebe # siγurγan boroγan=a silgüdken büküi jösgen=e čidqun büküi qura=ta sidesütei ger minu orčin čiram ülü kin bayiju jirüken amuγuluγsan čing sedkil=tü minu jirγalang=tu oron=tur kürgebe # ibül=ün büküi dayisun dotora erüke=tei ger=i minu orčin irmes ülü kin idqaju bayiγsad itegel=ten kebtegül minu üyiles=ün qoor obiskiküi(örbidkeküi)=tür udal ügei barilaldan uriyarqun kebtegül minu qud qubis kiküi(qudqulaqui)=tür qojid ese bayiγsan qurdun yabudal=tan kebtegül minu öljei=ten kebtegül=i minu öteges kebtegül kemedkün Egüli-čirbi=luγ=a oroγsan dalan torγas=ud=i yekes torγas=ud kemedkün Arqai=yin

baγatud=i öteges baγatud kemedkün Yisütüge Bökedei=ten qorčin=i yekes qorčin kemedkün kemen jarliγ bolba yeren tabun mingγad=ača minu bey=e jiγada (sidar) amalan ilγaju iregsed tümen kesig=ten=i minu mön=e qoyina minu oro saγuγsad köbegün uruγ=ud ta minu ede kesig=ten=i geriyes metü sedkijü ülü kemürigülün sayitur asaradqun ede tümen kesig=ten=i minu ertegid (erten=ü) qutuγ=tan kemejü ülekü (ülemji) aγdaqui kemebe basa jarliγ bolurun ordo=yin čirbi ökid=i ger=ün köbegüd temegečin ükerčin=i kebtegül baγsilaju (tobčilaju) ordo ger tergen=i asaratuγai ayaγ=a saba kebtegül kü asaratuγai bidan=u undan idegen kebtegülkü daruγalatuγai idegen miq=a=yi kebtegül daruγalaju bolγatuγai undan idegen qoor qomsa bolbasu daruγalaγsan kebtegül=eče eriy=e kemebei qorčin idegen undan tügeger=ün daruγalaγsan kebtegül=eče esi ügei büü tügegetügei kemebei ordo ger=tür oroqu γarqu=yi kebtegül jasatuγai egüden=tür kebtegül=ün egüden=eče ger čaγada (jiqada) bayituγai kebtegül=eče qoyar kümün oroju tüsürge barituγai kemebei kebtegül=eče nutuγučin yabuju ordo ger baγulγatuγai kemebei bidan=i sibaγulan

abalan yabuqui=tur kebtegül bidan=luγ=a abalaldun yabutuγai ger tergen=tür jarim=ud=iyan čaγlaju talbituγai kemebei basa jarliγ bolurun bidan=u bey=e čirig ese γarbasu kebtegül bidan=ača anggida čirig büü γartuγai kemebei eyin kemegülüged jarliγ dabaju kebtegül=e nayidaju čirig γarγaqun čirig medekü čirbi aldal=tan boltuγai kemen jarliγ bolba kebtegül=i čirig ker ülü γarγaqui kememüi ta kebtegül minu altan amin sakimu sibaγulan abalan yabuqui=tur jobaldumui ordo ger qadaγalalduju negüküi=tür örüg=tür ger tergen asaramui minu amin sakiju qonoqu kilbar uu ger tergen yeke aγuruγ sakiqui=tur asaraqu kilbar uu teyin dabqur qaγas qaγas yabudal kemejü bidan=ača anggida öbere čirig büü yabutuγai kemeküi inu teyimü buyu j=a kemejüküi basa jarliγ bolurun Siki-Qutuγ=luγ=a kebtegül numu quyaγ jibe <jebe> asaraju tügegeldütügei aγtas=ača ačiraju ögesin ačiju yabutuγai kemebei kebtegül=eče čirbi=luγ=a aγurasu tügegeldütügei kemebei qorčin torγas=ud=un nutuγ jiγar=un Yisütüge Bökedei=ten qorčin Alčidai Egüle Aqudai=tan

torγas=ud ordo=yin baraγun eteged yabutuγai Buq=a Tödei Doγolqu Čanai=tan čirbi ordo=yin jegün eteged yabutuγai kebtegül ordo ger tergen=ü baraγun jegün eteged yabutuγai Arqai=yin baγatud ordo=yin urida yabutuγai kemebei kebtegül ordo ger tergen asaraγad ordo=yin dergede baraγun jegün eteged yabutuγai kemebei bürin kesig=ten torγas=ud=i ordo orčin ordo=yin gerün köbegüd=i aduγučin temegečin ükerčin qoničin=i ordo ger=ün Tödei-čerbi uqaju atuγai kemen tüsigülbe Tödei-čerbi darun aju ordo=yin qoyina=ača qoγ abču qomoγol tülejü yabutuγai kemen jarliγ bolba # erketü Qormusta tngri=eče Ejen-Boγda=tur erten=ü buyan=u küčün=ber erdeni qas ayaγan=tur rasiyan araki dügürgen soyorqabai ayuqu metü Ejen-Boγda inu abču joγoγlan saγuqui=tur ayiladqan öčibei dörben degüü inu # aq=a=tu arba bolusa degüü=dü dörben gele ee ejen inu yeke kini joγaγlaqu bolusa asaraju man=dur öčügüken=i öggön soyorq=a ayiladču gegen=degen medegesei gejü ayiladqabasu # Ejen-Boγda dörben degü=tegen jarliγ bolurun erte törögsen=tür

minu baraγun γar=tur minu luusun oron=ača qasbuu tamaγ=a burqan=u jarliγ=iyar učarabai edüge erketü Qormusta tngri=eče qas ayaγan=tu rasiyan araki dügürgen soyorqabai jayaγ=a=tu ejen inu bi bolbau gejü sanala uuγuqu bolusa ma gejü soyorqabai dörben degü inu abču uuγubasu=bar aman=tur oroγad qoγolai=tur inu ese ečibei # tendeče dörben degü inu ejen=dür öčirün jayaγ=a=tu ejen=lüge jayaγ=a ügei bida buruγu buliyaldubai ayil=un činu alba medekü noyan bolsu ejen joγoγla kemen mörgön öčijü baribai ejen abču joγoγlabai tere rasiyan=dur Ejen-Boγda kölčigüren bolisču jarliγ bolurun erte töröküi=tür minu burqan=u jarliγ=iyar luus=un qaγan=u tamaγ=a učarabai edüge erketü Qormusta qas ayaγan=tur rasiyan araki dügürgen soyorqabai tngri=teče jayaγatu ejen bi buyu kemen jarliγ bolba # sodu boγda Činggis-qaγan Čaγadai köbegün=ečegen qurim=un degedü qurim ali bui kemen asaγbasu Čaγadai ögülerün qaγučin on bidan=u qanggirisču odqu kemen sine on bidan=u siljerejü irebe gejü öljei=tü

qutuγ=tu kemen qurimlalduju qurim=un degedü tere bui j=a kemen ögülebesü boγda Činggis-qaγan jarliγ bolurun tede busu nirai=ača qaγačaγsan ner=e ese ögbesü kebeli=eče unaγad gegegen=i ese üjebesü ken=ü sine=yi sinelekü ta ken=ü nere=yi nerelekü ta egün=eče qoyinaγsi=da ečige=eče edüjü eke=eče törögsen edür=iyen olju kündüleldün uγuldubasu degedü qurim tan=u ene bui kemen jarliγ boluγsan ajuqu # Ögedei qaγan=u törögsen edür bolbasu Ögedei qaγan umurtaγsan ajuqu boγda Činggis-qaγan ai Ögedei manaγar=si erte ire kemegsen ajuqu Ögedei erte ayisuqui=tur qurim=ud jolγaju qaγan=u sarqud bui ama kürčü uγuγdaqui kemebesü tende baγujuqu boγda Činggis-qaγan idegen beledčü saγubasu Ögedei udaγdar=un qaγan masi ayimasuγsan ajuqu ai Ögedei ečige eke=ber ür=e=yin tula bey=e sedkil jobaγsan=i ür=e ülü durad=un bui ajuqu kemen ögülen bükü=yin jaγura üdesi sarqud morin=u terigün idegen=i abuγad kürbesü γadan=a ken bui kemen asaγba Ögedei buyu kemebesü orotuγai kemebe Ögedei orobasu

qaγan jarliγ bolurun ai Ögedei bi čimai=yi erte ire kemegsen bögetele udaγan irebe či kemebesü Ögedei ögülerün erte irekü bölüge bi jaγura qurim=ud jolγaju udaba nasuda qaγan ečige minu ögülen bölüge boluγsan idegen=eče bultaribasu buta teberiküi kemekü bölüge tegüber oroyitaba kemen öčibesü aγurlaγsan čirai=ban jaliraju morin=u terigün=i baraγun eteged=i uγujai inu etegejü ideged ögülerün minu jasaγ jarliγ=i γaγča kü Ögedei ele yabuγulba , mön qoyina ene kü metü bolumui j=a kemen jarliγ boluγsan ajuqu # tere qurim(erte urid čaγ=tu sodu boγda Činggis-qaγan Börtegüljin neretü qatun=iyan abqui)=tur yerü yisün örlög tabun tayisi tabun öngge dörben qari ulus quriyaju quran saγuqui=tur Sülden=ü Torqon-Sira kelebe degedü qaγan ejen minu ayiladun soyorq=a delger yeke qural čiγulqui=tur činu umdan darasu ügei bolbasu ütele ülü quran čulγui bolumu gebe Jalayirdai=yin Γou=a-Muquli uγtuju abuγad kelebe baralduγsan üges=i minu bayilγadaγ bisiü bardam degerükei sedkil=i törögüldeg bisiü čiγulalaγsan üges=i mini čučaludaγ bisiü čuγlaγsan ene bey=e=yi man=i temečigülüdeg bisiü uliγ=tu maγu

umdan darasun=i tebčibesü üge mani beki bey=e mani inaγ bayija gejü čoγtu törögsen sodu boγda=tu Γou=a-Muquli kelebesü Jürčid=ün Čuu-Mergen uγtuju abuγad kelebe sanaγsan üges=i mani sandaγadaγ bisiü sayin maγu qoyar=i medegülüdeg bisiü dotora=yi üge=yi γarγadaγ bisiü door=a deger=e qoyar=i ilγadaγ bisiü erte=eče iregsen ene yabuqui=tur jirγal egün=eče qoyina duradqal bisiü edüge egün=i tebčibesü ene qural čulγui bolqu jöb buyu gejü ačitu törögsen boγda=tu Čuu-Mergen ayiladqabasu Arlad=un külüg Boγorči uγtuju abuγad kelebe aman=dur oroqui=tur altan simaγul metü aman=ača γarqui=tur arslan jaγan bosoγsan metü kelen amsaqui=tur kedegen=e simaγul metü kelen=eče γarqui=tur geser jaγan bosoγsan metü onol bilig=i umurtaγuludaγ bisiü oluγsan jögegsen=iyen baraγuludaγ bisiü sarqud=tu büü simteyele sayin maγu qoyar=i ilγan kelelčeyele arikin=tu büü amtasiyala aliba küsel=iyen qanulčan tarqayala gebe Uriyangqan=u Jelm=e uγtuju abuγad kelebe boro darasun=i joriγ buyu Boγda-Ejen=i man=i jasaγ ügei buyu qara arakini [78Aa] dura bileü qan ejen=i man=i čeče ügei buyu umdan darasun=i quriyay=a unaγ=a daγ=a metü čenggeyele urid qojid soγtayala unatala bostala uγuman=i kebteyele arakin darasun=i quriyala anggir γalaγun metü uγuyala aliba küsel=iyen qanulčan tarqayala gebe Besüd=ün Jebe uγtuju abuγad kelebe umdan darasu ügei bolqula uruγ ügei bisiü , učaraldun saγuγči ene bey=e man=i jirγal ügei bisiü araki ügei bolqula amaraγ ügei bisiü amaraγlan saγuγči ene bey=e man=i jirγal ügei bisiü qara arikin=i tebčiyele qaγan ejen=iyen emüne üneker jidküyele qan yeke törö=yin yaγumai=yi jöblüyele qarsilaqu dayisun=i üyile=yi beledüyele gebe Oyirad=un Qara-Kiru kelebe quraγsan bügüde uγubasu jirγal bisiü qola oyira sonosqula küsel bisiü amalan yadaqu ügen=tü čimeg nemedeg bisiü alalduqu dayisun=tu jirüken=i man=i qataγadaγ bisiü Boγda-Ejen=i ene kesig boro darasun=i baγ=a yeke ügei jerge=ber uγuman=i bayasqulang=tu yeke küri üjeyele gebe Boroqul uγtuju abuγad kelebe amaraγ=ača alγasaγuludaγ bisiü aliy=a maγu sedkil=i törögülüdeg bisiü qamtu [78Ab] yabuqu nökör=eče qaγačaγuludaγ bisiü qargis degerükei sedkil=i törögülüdeg bisiü boro darasun=u erdem ni yerü čuqaγ burčiju ebdekü gem ni yerü olan bayija gebe Siki-Qutuγ uγtuju abuγad kelebe qutuγ=tu törögsen Boγda-Ejen=i ene kesig=i qun γalaγun metü daγun=iyan nigedčü qula čikitei metü jisü=ben neyilejü quraγsan bügüde jirγaldun čenggeyele ačitu törögsen qaγan ejen=i ene kesig=i anggir γalaγun metü daγun=iyan nigedčü arγal=i maral metü jisüben neyilejü amaraγ sayiqan nököd=iyen abun jirγayala gebe # yisün örlög=ün üge temečeküi=tür egüden=tü saγuγsan önöčin köbegün öndeyijü ireged kelebe yekes=ün jerge=tür oroγsan bolusa bi yerü üge=ben kelese bi sayid=un jerge=tür oroγsan bolusa bi sanaγsan sanaγaban kelese bi gejü bayiba Boγda-Ejen tere üge=yi inu sonosuγad bolul ügei öčüken köbegün yaγun ögülemüi či gebe tere köbegün kelebe Boγda-Ejen man=i gegen sürtei ajila ene quraγsad=un dotora üge kelekün=i berke ajila qaγan ejen man=i gegen sürtei ajila qamuγ quraγsad=un dotora üge ögülekün=i masi berke ajila oyin=du minu üge=ber bolbači onoju

kelekün=i berke bolumu gem bi gebe Boγda-Ejen jarliγ bolbai üge=tei bolbasu öčijü qosing=tai bolbasu qolbaju γayiγui kele gebe Boγda-Ejen=iyen teyimü jarliγ=i sonosuγad tere köbegün bayasču öberün oyun=u činege=ber umdan darasun=i učir=i kelebe balai yeke uγubasu ebedčin bisiü baqan uγubasu önöčin bisiü basa quran uγubasu jirγal bisiü balamad yeke soγtabasu mungqaγ=un sünesün bisiü ürgülji uγubasu uliγ bisiü ösüd egün=i tebčibesü bilig bisiü učirtai sayiqan uγubasu jirγal bisiü ütele yeke soγtabasu mungqaγ bisiü qun sibaγun metü qurulčasa qudalči maγu kümün=i üge=yi büü ajiγlan soγtasa ta quraγsan bügüdeger jirγasai qudqulqu dayisun=tu bey=e=ben büü tebčisei čin sibaγun metü čenggegese sečed merged=iyen abun jirγasa čalča kümün=i üge büü ajiγlan soγtasa ta čečilekü dayisun=tur jerge=ber orusai anggir sibaγun metü amabar abulčan aliy=a maγu kümün=i üge=yi büü ajiγlan soγtasa ta aliba küsel=iyen qanulčan čenggegese alalduqu dayisun=tu nigen nigen=iyen büü orkilčasai ölüng qudqur metü egüber abulčasai

öskü ötelkü=ben abun jirγasa üktem maγu kümün=ü üge=yi büü ajiγlan soγtasa ösiyeten dayisun=tur mital ügei sirγusai gebe # Čidana-Čičin-Qubsur uγtuju abuγad ögülebei yisün örlög=ün üge=yi buruγu gejü yerü či üge ögülekü buyu qamuγ quraγsad=i čičin <čečen> ügei gejü qaγan ejen=tü či üge ayiladqaqu buyu öčüken keüken=tü üge bileü ürgüdeg morin=tu güyidel bileü nuγusun metü jamaγ čölbesei či noqai metü yasu buliyaldusai či gebe tere keüken ögüler=ün Čidana-Čečin tere činu busu činar maγu sedkil bayija yisün örlög=ün üge=yi buruγu gebüü bi yerü minu üge jöb gebüü bi qamuγ quraγsad=i čečin ügei gebüü bi qaγan ejen=iyen jarliγ=ača daba yadaju kelele bi öčüken kümün=i örgöjü qayiralaqula ösüdeg ügei biyü ürgüdeg morin=i örgöjü tejiyeküle tarγuladaγ ügei biyü gebe Čidana-Čečen-Qubsur kilinglejü ögülerün qolbaju kelekü üge=tei ajila či qosalju sanaqu čečin=tei ajila či quluγun=a bidur bey=e=yi čin=u quγučinam bi quraγsan bügüde=tü inigedüm bolγanam bi čučali metü bey=e=yi čin=u

čuγučinam bi čuγlasan bügüde=tü eleg bolγanam bi maγu köbegün ügeben tata maγuqai yeke ebedüm či baqan köbegün üge=ben čene či balai yeke ebedüm či gebe Čidana-Čečen čimadu kelegsen bisi bile boγda Činggis-qaγan=a ayiladqala qubsur čečen činu üge buliyaγsan bisi bile qubi=tu öberün sanaγaban kelelebi buruγu jöb qoyar=i ilγadaγ ügei biyuu či bulunggir ügei dalai=yi ömčirkedeg biyuu či Boγda-Ejen=i qayirai=yi kögerkedeg biyuu bolul ügei nada=luγ=a üge temečideg biyuu qamiγ=a ügei ügen=tü aγurladaγ biyuu qas yeke dalai=yi qaramladaγ biyuu qaγan ejen=ü man=i qayirai=yi ömčirkedeg biyuu qariγu ügei maγu nadaluγ=a üge temečideg biyuu Onon-mören=i qoboγon=iyar sirgedeg buyu oγtarγui=yin solongγ=a=yi γar=iyar baridaγ biyuu Eder-mören=i elesü=ber boγodaγ biyuu či erdem=tü sayin kümün=i namayi sanaγabar činedeg biyuu čulu sedkil=i barisai jöb ügen=tü bayasasai či busučar maγu sedkil=iyen tebčiyesei či buruγu üge=yi man=i selbijü ögüsei gebe # Boγda-Ejen

tere ügen=tü inu Čidana-Čečen=tü jarliγ bolurun quduγ=un usun=i jasaju ariγudqabasu qurquju degegsi dabulun yadaγad mön saban=tegen aqu ajila qoboγon=iyar udquju abubasu düledte sirgeged γutumsiγ maγu sibar inu iroγar=ača γarqu ajila bulaγ=un usun degereči bolusa bulunggir ügei ajila tegün=i sirgekün=i masi berke boluγad dabulun urusbasu ariγun sayiqan tungγalaγ ajila qarabtur sibaγun=i tejiyejü qarčaγai sibaγun=tu talbibasu qarin tegün=eče ayuju daldariγad γajar=tur baγuju quluγun=a=yin nüke sakin ajuqu qarčaγai sibaγun=i tejiyejü qariγun=a sibaγun=tu talbibasu qarin degegsi qaliju qačir ölüg=tü qal=un ajuqu kemen jarliγ boluγad badarangγui čaγan tngri=yin köbegün Ejen-Boγda basa tere köbegün=i dergede=ben saγulγaju bal metü rasiyan=u kesig=iyen ögčü bayasqulang=tu čarai=bar üjen örösiyejü qayiralan örgöbei # yere yisün tngri=yin oron=ača baγuju yeke auγ=a küčün=lüge čoγtu törögsen yerüngkei bügüde=yi sayitur ejelegsen Yisükei=yin köbegün

sodu boγda Činggis-qaγan mani # oγtarγui=ača baγuγsan badarangγui čaγan tngri=yin osoldal ügei γučin tabun erdem=i tegüs suruγad olan kelkü bügüde=yi jiloγadun tegüsügsen Üjin-Ölen qatun=ača saluγsan tere Boγda mani # tngri=eče inaγsi=ta qorin nigen üy=e boluγsan=u qoyina tere kü Boγda qubilju töröged Töbed=ün Nangkiyad=un qan oron=i buliyaγad tende tabun öngge dörben qari=yi emün=e=ben čiγulγaju # jülge kiged eldeb čečeg=iyer dügürügsen Kerülen=ü mören=tü jun=u ekin sarayin naran edür unaγ=a=ban bariju julaγ sačuli=ban sara dügüreng edür sačuγad jula küji tülejü tngri ečige=yuγan takiγad # narmai yeke uluγ<ulus>=iyan ende tende=ben quriyaju naγur dalai metü qurim=iyan sayitur delgeged neyite baγ=a yeke ügei jerge=ber jirγaju saγuγad Naqu-bayan=u köbegün külüg Boγorči=tur Boγda-Ejen jarliγ bolur=un # bey=e=eče minu uyidqar ügei daγaγči üde=iyen següder minu bayilduqu čaγ=tu ülü ködölügči qas qada minu baralduγsan ügen=eče ülü süldügči kib=ün janggiy=a minu

berke kečegü üyile=tür minu qaril ügei üneker jidküjü yabuγči bulγatu šar (buγulγ=a=tu üker) metü Boγorči minu či nigen üge ögüle gebe Boγda-Ejen=iyen teyimü jarliγ=i sonosuγad Boγorči bayasču qariγu inu maγtan eyin kemen ögülerün eldeb erdenis=iyer čoγčalaγsan Sümbür-aγula minu ende tende=eče olan mören čidqulang=tu Anabad-dalai minu edür šöni odun γraγ=iyar küriyelegsen oγtarγui=yin čindamani minu erketü tngri=yin köbegün sodu Boγda-Ejen minu gejü maγtaγad eyin öčir=ün qaγan kümün=ü γučin tabun erdem=i tegüs suruγad qan yeke törö šajin qoyar=iyan aldal ügei töbsin=e bariγad qaritan dayisun=tu qatan jirüke=ben ülü uyid=un qalaγun jaγura=yin ey=e eb bi kičiyekü kereg bayija gebe # kümün=ü erketü sodu boγda Činggis-qaγan küi-ong-čingsang-tayisi=tur jarliγ bolurun tüyimer dayisun=tu türidkel ügei sirγuγči soγtaγu jaγan minu tuγ süldei=yi minu bariju ülü ködölügči čilaγun kösige <kösiy=e> minu tölöb yeke qurim=tu minu qušuγučilan bayiju kürgegči delger bayan minu temečiküi mörö=tür

mösün bolod=i minu bariju ayilaγaγči Γou=a-Muquli minu či nige üge ögüle gebe čoγtu törögsen sodu boγda=yin teyimü jarliγ sonosuγad Jalayirdai=yin Γou=a-Muquli bayasču qariγu inu maγtan eyin kemen öčirün amta=du olan jimis delgeregsen galbiravaras modun minu asuru erke küčün tegüsügsen časutu aγula=yin čaγan arslan minu arγ=a küčün qoyar=i tegsi čidaγči garudi kölgetü minu aldar=tu törögsen sodu Boγda-Ejen minu gejü maγtaγad eyin öčirün gün yeke dalai metü sedkil=i ülü dolgidun kündü yeke törö šajin=iyan degere tngri=eče γuyuγad kümün=ü ösiyeten dayisun=i qataγu jasaγ=iyar türidkeged köbčin yeke ulus=iyan čulu aburi=bar duran=i abqu kereg bayija gebe # qan möngke tngri=yin köbegün sodu boγda Činggis-qaγan qayiratu Boroqul=tur=iyan eyin jarliγ bolurun boljoγol=tur minu bosču ülü ködelügči köndölen küküi minu bulγan=u sumun=tu minu uγtuju bosoγad qadqulduγči urin=tu asuri minu busqul ügei čing joriγ=tu baγurči külüg minu

bultaral ügei qurdun yabudal=tu qatan morin metü Boroqul minu či nige üge ögüle gebe Boγda-Ejen=iyen teyimü jarliγ=i sonosuγad Boroqul bayasču qariγu inu maγtan eyin kemen ögülerün ese bülitügsen debülge <dabalγ=a> yeke=tü Mafam-dalai minu eldeb jiran jigür=lüge tegüsügsen yeke küčütü garudi minu eriküi yisün küsel=i qangγaγči tunumal čindamani minu er=e=yin er=e törögsen sodu Boγda-Ejen minu gejü maγtaγad eyin öčirün arγ=a küčün qoyar=i tegsi čidaγad asuru yeke küčün=iyen ürgülji ülü omorqan aliba öčüked=i ey=e=ber nökör tataγad alusdayin sonosdaqu sayin ner=e kičiyekü kereg bayija gebe # tngri=yin köbegün sodu boγda Činggis-qaγan Tatari=yin Siki-Qutuγ=tu jarliγ bolur=un bayilduqu čaγ=tu büriy=e=yi minu sürdel=ügei daγurisqaγči luu minu bekilen kelelčegsen üges=i minu γadaγsi ülü ögülegči bitegüü longqu minu baldaγ=tu šoro terigüten meses=i minu qurčadqaγči čilaγun bileü minu baγuča nutuγ=i minu jasaγči Siki-Qutuγ minu či nige üge ögüle gebe sodu boγda=yin teyimü

jarliγ=i sonosuγad Siki-Qutuγ bayasču qariγu inu maγtan eyin ögülerün gügürge ülü talbiγdaqu örgen yeke Kerülen-mören minu külüg=tü ülü dabaγdaqu öndör yeke qas tasa aγula minu köbčin bügüde=yi asaraγči altan umai=tu=yin köbegün minu kümün=ü erketü törögsen sodu Boγda-Ejen minu gejü maγtaγad eyin öčirün ülemji yeke jirγal=taγan ütele büü tasiγur=a ünen törö šajin=iyan tula amin bey=e=ben tebči ürgülji küčü öggügsen nökör=iyen büü marta öčüken bolul ügei yaγuman=tu oroqu=ban tebčilteyile bayija gebe # uqaγantu törögsen sodu boγda Urangγan=u Jelm=e=tür jarliγ bolurun ulus=un urida tursiγul boluγsan meketü baγatur minu unuqu ügei=tür morin=i unuγuluγči arγ=a=tu bayan minu undan ügei=tü minu taraγ uγulγaγči belen idegetü minu učiraγsan Börtügeljin=i minu ačiruju ögügči yeke ačitu minu či nige ögüle gebe čoγtu törögsen sodu Boγda=yin teyimü jarliγ=i sonosuγad Jelm=e bayasču qariγu inu maγtan eyin ögülerün čilger γang=i serigüčegülügči jandan

oi minu činadus=un dayisun=i tüyimer metü tülegči čandalin γal minu čaγlasi ügei auγ=a küčütü masi töbsin jaγan minu činar esi ner=e abun törögsen sodu Boγda minu gejü maγtaγad eyin ögülerün gegen uqaγatu čečed merged=iyen bey=e siqam=iyan abuγad gem=tü maγu arad=i jasaγ=iyar ödter gesegejü kereg=tü üyile=ben osoldal ügei kičiyejü ken ken=i=ber alγasal ügei asaraγulan kereg bayija gebe # badarangγui tngri Ejen-Boγda Besüd=ün Jebe=tür jarliγ bolurun qada metü dayisun=tu qaril ügei sirγuγči qarbuγsan sumun minu qari ataγatan=i üjebesü jidkün iregči boroγčin qarčaγai minu qataγuda joriγsan üyiles=i ülü osolduγči temür dege minu qamuγ=tur jokildun čidaγči jögelen mindasun metü Jebe minu či nige üge ögüle gebe qaγan ejen=iyen teyimü jarliγ sonosuγad Besüd=ün Yeke <Jebe> bayasču qariγu inu eyin öčirün olan čöges=iyer čoγčalaγsan bal yeke=tü badm=a linqu=a minu osoldal ügei sine=tür dügürügsen

gerel yeke=tü kümüde=yin sadun minu omoγ yeke=tü dayisun=i ünesün tobraγ metü keyisgegči sorinjin kingγa minu auγ=a küčün tegüsügsen sodu Boγda-Ejen minu gejü maγtaγad eyin öčirün qutuγ=tu γurban erdeni terigülen deger=e tngri=ner=i ürgülji jalbarin qoyar jayaγan=tur tusatu törö šajin=iyan aldal ügei töbsin=e bariγad qoor=tu dayisun=i qola oyirugel <oyir=a gel> ügei bükü bey=e=ben bekilen seriged qoyitu=du quuli bolqu sayin ner=e=yi kičiyekü kereg bayija gebe # sodu boγda Činggis-qaγan Sülden=ü Torγon-Sira=tu jarliγ bolurun üsün kiged ungγasun=u tergen=tü niγuγsan aqai minu ulus Mongγol=un ejen bolγaγad qaγan oron=tu kürgegsen yeke ačitu minu usqal jokis=iyan ösüd ülü suladuγči gürü jirüketü minu ösüd gem ülü talbiγči jögelen yongqor metü Torγon-Sira minu či nige üge ögüle gebe degedü qubilγan tere Boγda=yin jarliγ=i sonosuγad Torγon-Sira eyin maγtabai , qadan=ača qas abuγsan ele qulaγan minu qan tngri=eče altan ayaγ=a=tu

rasiyan baγulγaγsan yeke čoγtu minu qamuγ bügüde=yi erke=tür=iyen quriyaγči güjir küčütü minu γayiqamsiγ=tu törögsen sodu Boγda-Ejen minu gejü maγtaγad eyin öčirün kündü yeke bey=e=ben kündü=de büü sedki güjir yeke küčün=iyen suladqan büü yabuγul güjermeg gem=ten=i ene bey=e=eče ötür qolodaγuluγad küsekü metü sayin üyile=yi kičiyekü kereg bayija gebe # čoγtu törögsen Boγda-Ejen Čuu-Mergen=tür jarliγ bolurun jüg=iyer yabutala čiqulun dutaγaγči ünege minu jakirču irebesü ösin sirγuγči γunan bars minu jiγaju ögügsen=i minu aldal ügei qarbuγči ayungγ=a=yin sumun minu joriju iregsen dayisun=i nuγulan qarbuγči Čuu-Mergen minu či nige üge ögüle gebe jibqulang=tay=a törögsen tere Boγda=yin jarliγ=i sonosuγad Jürčid=ün Čuu-Mergen eyin ögülerün qorin naiman engγder kiged arban γraγ=iyar dügürügsen tngri=ner=ün oγtarγui minu qotala eldeb jüyil jimis delgeregsen galbaravaras modun minu qoor=tan dayisun=i tariyan metü kemkelügči altan tegerm=e minu qubi belge tegüsügsen

sodu Boγda-Ejen minu gejü maγtaγad eyin ögülerün keli uda sedkil=iyer yerü=yi baγtaγ=a gem=den maγu arad=i jasaγad mör=iyer gesege ketürkey=e yeke ulus=iyan duran=i abuγad keb kejiy=e aldarsiqu sayin ner=e=yi kičiyekü kereg bayija gebe # qan möngke tngri=yin köbegün sodu boγda Činggis-qaγan Qara-Kiru=tur jarliγ bolurun ösiyeten dayisun=i örölen daruγči qara ötüge minu ösüd qajaγai ügei sedkil=tü jalaγsan mösü minu ürgülji γadaγadu üyiles=i kičiyegči bolod gürü jirüketü minu ünen=iyer jidkün yabuγči Qara-Kiručai minu či nige üge ögüle gebe osoldal ügei tere qubilγan Boγda=yin jarliγ=i sonosuγad Oyirad=un Qara-Kiru bayasču maγtaγad ögülerün tegsi qamuγ bügüde=yi örösiyeküi sedkil=tü bodisung minu delekei degere=ki=yi erkedür=iyen quriyaγči Qormusta tngri minu tegüderel ügei ünen qudal qoyar=i ilγaγči erlig=ün noyan minu tegüs auγ=a küčütü sodu Boγda-Ejen minu gejü maγtaγad eyin öčirün öteges yekes=iyen kündülen tedküjü önöčin öčüken=iyen

asaran örösiyejü ömčitü yeke ulus=iyan duran=i abuγad egüride aldarsiqu sayin ner=e kičiyekü kereg bayija gebe # ami yisün örlög=ün üge=ni ali=ba qoyitus=iyan tulada abun kelelčetügei yerü bügüde ta asida qad noyad üjetügei kemen jarliγ boluγsan=tur gegen uqaγantu čečed merged bügüdeger ketürkey=e yisün örlög=ün üges=i kereglen emegel=ün daγun=tur abubai # basa Qubilai-noyan=i Qarluγud=tur čaγuraγulbai (čeriglegülbei) Qarluγud=un Arslan-qaγan Qubilai=tur ilsen irejüküi Qubilai-noyan Arslan-qaγan=i abuγad irejü boγda Činggis-qaγan=tur aγuljiba ey=e bolγaldaba kemen Arslan=i soyorqaju Alq=a-beki=yi ögbe Qarluγud=un Arslan=tur Alaq=a-beki=yi ögčü egüsgeküi=tür boγda Činggis-qaγan soyon jarliγ bolurun örögele köl minu bolun qangγariqu=yin minu sitügen qaltariqu=yin minu daγ=a bolju ögküi=ben či qataγuji basa ödter nökčikü bey=e öni aqu ner=e öber=ün uqaγatu sedkil=eče sayin nökör ügei urin kiling alaγčin qoor=tu maγu sedkil=eče

dayisun ügei itegel=ten olan bui j=a öberün bey=e metü itegel=tü ügei dotonalaγdaqu olan bui j=a öber=ün sedkil=eče doton=a ügei qayiralaγdaqu olan bui j=a öberün amin=ača qayiran ügei ariγun=a yabubasu aburita uda ayu serejü yabubasu nasuda tögel ayu qataγujibasu nasuda ayul ügei ayu edüi kü qataγuji kemen soyoγsan ajuqu # basa Sübegedei-baγatur=i temür telgetü Merged=ün Toγtaq=a=yin Qudu Čilaγun terigüten köbegün=i inu ayan čiqurlaju (mordaju) Čui-mören=e güyičejü moqodqaju (daruju) irebe # basa Jebe Naiman=u Külüg-qaγan=i nekejü Kiris-γoola güyičejü Külüg-qaγan=i moqodqaju irebe # Uyiγud=un Iduγud boγda Činggis-qaγan=dur elči ilegejükü Abirq=a Tarbai qoyar elčin=iyer öčejü ilegerün egülen arilju gegen naran üjegsen metü möyilsün qayilaju mören usun oluγsan metü boγda Činggis-qaγan=u ner=e aldar=i sonosču masi bayasba qaγan soyorqabasu altan büse=yin γorkis=ača al degil<degel>=ün ürtesün=eče olbasu tabdaγar köbegün činu bolju küčü

ögsü kemen öčijü ilegejüküi tere üge=tür boγda Činggis-qaγan soyorqaju ögülejü ilegerün üge ögküy=e tabdaγar köbegün boltuγai altan mönggön subud tanas dardaγ , način , torγod abuγad Iduγud iretügei kemejü ilegebesü Iduγud soyorqaγdabai kemen bayasču altan mönggön subud tanas , torγod , način dardaγ aγurasun abuγad irejü Iduγun , boγda Činggis-qaγan=a aγuljaba Iduγun=i soyorqaju Ilγaltun-beki=yi ögbe Uyiγud=un Iduγud=tur Ilγaltun-beki=yi ögčü egüsgeküi=tür boγda Činggis-qaγan soyon jarliγ bolurun qatuγ=tai kümün γurban ere=tü bolai ali γurban ere kemebesü terigün törö er=e bui tegün=ü qoyina ner=e er=e bui tegün=ü qoyina abuγsan er=e bui γurban er=e kemegdekü ene törö er=e=yi qataγujibasu ner=e er=e belen ese kü bui belen ner=e er=e=yi bekilebesü abuγsan er=e qola anggida alus ketüs qamiγ=a odqu kemen jarliγ boluγsan ajuqu # basa taulai jil=e Jöči=yi baraγun γar=un čirig=üd=iyer oi=yin irgen=tür morilaγulbai Buq=a γajarčilaju odba Oyirad=un Qutuγ=a

beki tümen Oyirud Urad ilsen oroju irebe irejü Jöči=yi uduridču tümen Oyirad=tur γajarčilaju Singsing=tür oroγulba Joči Oyirud , Buriyad Barγud Ubsus , Qabsaγ Tumbas=i oroγuluγad tümen Keirgisüd=tür kürbesü Keirgisüd=ün noyad Jidai Inal Altai er=e Örbeg Tigid=ün noyad ilsen (ey=e=dün) oroju čaγan šongqor čaγan aγtas qara bulaγan abuγad irejü Joči=ta aγuljiba Siber Kešdem Bayid Tuqas Teleng Tögöles=ten Bijeged=eče inaγsi=da oi=yin irgen=i Joči oroγulju Kirkiγud=un tümed=ün mingγad=un noyad oi=yin irgen=ü noyad=i abuγad irejü boγda Činggis-qaγan=tur čaγan šongqor čaγan aγtas qara bulaγad=iyar aγuljiba Oyirud Qutuγ=a-beki=yi uγtun urida ilsen (eyedün) tümen Oyirad=iyan udurid=un irebe kemen jarliγ soyorqaju köbegün=e inu Inalči=ta Sečeyiken=i ögbe Inalči=yin aq=a Törölči=te Jöči=yin ökin Quluyiqan=i ögbe sodu boγda Činggis-qaγan Jöči=yi soyorqaju ögülerün köbegüd=ün minu aq=a Jöči či ger=teče sayi γarču mör sayitu oduγsan γajar=a er=e aγta=yi

ülü sirkiyen ülü jobaγan öljei=tü oi=yin irgen=i oroγulju irebe či irgen čimada ögsü kemen jarliγ bolba boγda Činggis-qaγan Sečeyiken-aqai=yi Oyirad=un Inalči=ta ögčü egüsgeküi=dür Boγorči-noyan=i soyo kemebesü Boγorči-noyan soyor=un Sečeyiken-aqai sonos qaγan ečige činu čimayi ökin törögsen=ü tulada Oyirad irgen=i daruγulun nutuγlaba erte bosču oroi kebten öber=eče yekes qadumud=iyan , egüri γadan=a büü bayilγ=a edür šöni nigen sedkil=iyer qataγuji aman=u uqaγan bilig=iyen toγtaγa alan=u burtaγ=iyan qadaγala ese suruγsan maγu=yi ende talbiju od surqu=yin sayin=i abuγad od Oyirad irgen=iyen selbin qolban soyodqun soyoγsan ajuqu # basa Boroqul-noyan=i Qori-Tümed irgen=tür čuγurlaγulba (čirig mordaγulba) Tümed irgen=ü uran Dayidaqul-Saqori ükübesü em=e inu Botoqui-Tarγun Tümed irgen=i medejü ajuqu Boroqul-noyan kürčü γurban aran yeke čirig=ün urida yabur=a odču üde jilden uqamsar berke oi=dur orom=iyar yabuqun (yabun) bolun (atala) qaraγul inu qoriγad (genedte) tarumtataju oron baγuju Boroqul-noyan=i bariju alajuqu

Tümed irgen Boroqul=i alaba kemen medejü boγda Činggis-qaγan masi kilinglejü öbesüben morilan tuγurbibasu Boγorči Muqali qoyar bayilγan idqabasu , Jiči Dörbedei Dörbei-Tünesin=i tüsijü ilegerün čirig qataγun=a jasaju möngke tngri=yi jalbariju Tümed irgen=i oroγulun sori kemen jarliγ bolba Dörbei čirig jasar=un urida čirig=üd yabuqu qaraγul=un saγuqu mör orom subaγ=tur oγtarqu ibegel sakiγulju ulaγan buq=a=yin yabuγsan mör=iyer čirig=üd jasaγulur=un toγ=a=tu kümün irüken <jirüken> yadabasu nisiquy=a er=e=tür arban mösüd ergügüljü süke oli kirüge čügüči ere=yin jer jebseg jasaγulju ulaγan buq=a=yin yabuγsan mör=dür bayiγsan modun=i oγtal=un čabčiju kirügedegüljü mör bolγaju aγulan degere γarbasu Tümed irgen=ü erüke degere=eče gerüd=tür qurimlan saγuqui=dur daulibai (dobtolbai) urida Qorči-noyan Qutuγ=a-beki qoyar tümed=e bariγdaju Botoqui-Tarγun=dur ajuqu Qorči=yin bariγdaqu yosun Tümed irgen=ü ökin γoγas=ta γučin em=e abtuγai kemen jarliγ boluγsan=tur Tümed irgen=tür ökin abqu kemen

odqu bolun urida ilenegsed (eyedügsed) irgen jiči bulq=a (dayisun) bolju Qorči-noyan=i barijuqu Qorči-Tümed=e bariγdajuqu kemen boγda Činggis-qaγan medejü oi=yin irgen=ü yabudal Qutuγ=a medejü j=a kemejü ilegebesü Qutuγ=a-beki basa bariγdajuqu Tümed irgen=i oroγulun barabasu Boroqul=un yasun=u tula jaγun tümed=i ögbe Qorči=tur γučin ökin ögbe Qutuγ=a-beki=te Botoqui-Tarγun=i ögbe # basa Enggüd=ün Uran-Čenggüi γučin nigen otoγ=i abču unaqu naran=u qoyiγur qari bolum gejü ečibei ejen Qasar qoyar nekejü güyičebei tegün=tür ejen=ü sayin samujin=i Qasar unuju köbegün=iyen Toγtongγ=a-baγatur=i uduriddun qosiγulaju samujin=i čisun jegerde boltala urulduju daruγad abču irebei Qasar Bumbul=un neretü em=e=yi šang abubai # tegün=ü qoyina Uran-Činggüi Qubilγan-Sečen-qaγan=tu sil suburγ=a kürgegsen=tür Nal-Altan neretü ökin=iyen ögbei Altan-Γurγuldai neretü ökin=iyen Solongγud=un Narin-qaγan=tur ögbei gekü # Boγdan-Ejen=ü dörben degüü anu Qasar , Belgetei , Očiγu , Qačiγu buyu Bötegeljin-Γou=a qatun=ača Jöči ,

Čaγadai , Ögedei , Tolui kemekü dörben köbegün buyu basa Alaq=a-beki , Ilγatun-beki , Sečeyiken kemekü γurban güngjü bölüge Qulan-qatun=ača Külüge-güngjü Yisüi-qatun=ača Yüčibei-güngjü buyu Yisügen-qatun=ača Qaračar , Qarγadu Čaqur ede γurban bölüge # sodu boγda Činggis-qaγan jarliγ bolju eke=de köbegüd=e degüü=ner=e irgen ulus ömči öggöy=e kemen öggör=ün ulus quriyan yabuγsan eke bui j=a köbegün=ü minu aq=a Jöči bui j=a degüü=ner=ün minu nilq=a Odčigen bui j=a kemejü eke=de Odčigen=u qubi=luγ=a tümen irgen=i eke odqan degüü qoyar ögbe eke čimadču <čimalaju> ese dongγodba Jöči=de yisün mingγan irgen ögbe Čaγadai=a naiman mingγan irgen ögbe Ögedey=e tabun mingγan irgen ögbe Tuluy=a tabun mingγan irgen ögbe Qasar=a dörben mingγan irgen ögbe Alčidai=a qoyar mingγan irgen ögbe Belgetei=e nigen mingγan tabun jaγun irgen ögbe Daridai=a Kereyid=lüge bolulčiba kemen nidün=ü ečin=e ečüdkey=e kemebesü Boγorči Muqali Siki-Qutuγ γurbaγula duradqar=un

γal=iyan sönügekü metü öber=ün ger=iyen ebdekü metü sayin ečige=yin činu geriyes abaγ=a činu qočorču amu ker tebčikü ese uqaγsan=tur bütügei (barituγai) sayin ečige=yin činu nilq=a nutuγ=gini butaraγulčaju atuγai kemegdejü qabar=ača öni senggetele qaγan kelelegdejü j=a teli kemen sayin ečige=yi sedkijü Boγorči Muqali Siki-Qutuγ ede γurban=u kelen=tür amurliba j=a eke=de Odčigen=e tümen irgen ögčü noyad=ača Küčü Kökečü , Jongqor Qorγasad dörben=i tüsibe (ögbe) Jöči=de Quna Möngkür , Kete γurban=i tüsibe Čiγadai=tur Qaračar Möngke Induγtai , γurban=i tüsibe basa jarliγ bolurun Čaγadai kečigü buyu Köke-čos üde manaγar dergede aju sedkigsen=iyen kelen atuγai kemen jarliγ bolba Ögedei=tür Ilüge , Degei qoyar=i tüsibe Tolui=tur Jedei , Bala qoyar=i tüsibe Qasar=tur Jebege=i tüsibe Alčidai=tur Čaqurqai=i tüsibe # sodu boγda Činggis-qaγan dörben köbegüd=iyen soyon jarliγ bolurun öndör aγula=yin kötel jori örgen dalai=yin olom jori qola kemen büü čöke yabubasu

kürüyü kündü kemen büü čöke örgöbesü daγaγdayu miq=a idekü sidün aman=tur ayu kümün idekü sidün sedkil=tür ayu bey=e böke bögesü γaγča=i ilaquyu sedkil böke bögesü olan=i ilaquyu kemen jarliγ boluγsan ajuqu # sodu boγda Činggis-qaγan dörben külüg=üd=iyen soyon jarliγ bolurun γurban Merged=e aquldaju Burqan-Qaldun=a deger=e buruγud=un γarču emüne=eče jidkügüljü qoyina=ačaγan qočoγulju aru bari boluγsan=tur möngke tngri=de ibegegdejü egüden jiloγ=a negejü ede irgen=i čiγulγaju ta=bar urtu čilbur=a daki bariquy=a abqai egüden=i negüküy=e nigen qoyar kümün=tü bolγaju qamuγ=un qaγan ulus=un ejen bolbai j=a bi manaγar=un qoyina ta uruγ=ud minu qaltariču oluγsan qaγan ner=e=yi minu qayiralan sakidqun toγoriču oluγsan tögerükei törö=yi minu töbsin=e bekiledkün kemen jarliγ boluγsan ajuqu # sodu boγda Činggis-qaγan dörben köbegüd=iyen soyon jarliγ bolurun urγuqui=ača singgeküi=tür kürtele ulus irgen=i quriyaju yabuju eng

olan busu elige=tü=yi elige=yi nigedkebei j=a bi tung busu toloγai=tu=yin toloγai=yi nigen bolγabai j=a bi sedkil maγu=tan uyidqu tede oi maγu=tan čilekün tede uruγ=ud minu ta oyin=taγan ülü uyid=un sedkil=tegen ülü čilen qataγujidqun kemegsen ajuqu # basa degüü=ner köbegüd=iyen soyon jarliγ bolurun urγuqui=ača singgeküi=tür kürtele tngri=de delekei=yi tegüs soyorqaγdaqun bögetele , törö=yi tedküldekü degüü=ner köbegüd töröldüjü ulus jasaldaqu ötögös buγun ögdejü qamuγ törö=yin γadasun olan ulus=un arγamji bolbai j=a bi γadasun bolju törö=yi bekilen sakiju arγamji bolju ulus=i barin qataγujisu degüü=ner köbegüd minu ta töb ijaγur=i sakin törö=yin tula törildün soyon qataγujidqun ötegüs=nuγud minu ta öber=iyen ülü sanan ulus=un tula ögülen duradqan aγtun (aγdaqui) erdem=tü bileg=tü kümün=i olbasu ta öber=ün bey=e=tečegen qola ülü bolγaγdaqui ker=ber erdem=tü bileg=tü=yi olbasu erdeni ögčü ulumlan duran=i inu abubasu ači tusa inu tan=dur

yeke bolqu qan tngri=de qamuγ bügüde törö=yi tegüs ögtebei j=a bi ta köbegüd uruγ=ud minu mön qoyina joban bütügsen törö=yi minu jongkilan , egüdün bütügegsen=i minu sakin manan qataγujidqun ta egüdčü bütügejü sakin ese qataγujibasu ödter ebdereyü egüdügsen=ber jobaγsan tan=u tusa ene boluyu bütügegsen=eče sakiγsan minu degere buyu ta uruγ=ud minu bi kemen sedkitele bilig=iyen toγtaγaγdaqui yeke duran baritala jöb jöb sayin=iyan jasadqun # aman=tur kürküi aγušgiban darun čidabasu arslan=i daruγsan metü ülükü (ülemji) bui aman=tur kürkü aγušgiban darun yadabasu aγurlaju küčülejü ken=i čidaqu ta # küjügün=tür kürkü aγušgiban darun čidabasu küčütü jaγan böke=yi daruγsan sidü ülükü (ilegü) bui küjügün=tür kürkü aγušgiban darun yadabasu küčülejü aγurlaju ken=i čidaqu ta uruγ=ud minu aγula metü öndör büü aburiladqun aγula kedüi=ber öndör bolbasu amitan=a abariγdaju degere=ben γartayu # dalai metü gün aγuu sedkil=tü bolbasu deger=e kümün ülü

üküyü kümün=e ülü dabaγdaqu bolbasu kümün törögsen=ü belge tere bui # aman tan=u kedüi=ber olan bolju ayalγus tan=u čögen bolbasu tusa ügei ali=bar yosu=ban adalidqan aburilan suruγdaqu ali=bar üyile=teče ayalγu=tu bilig=tü kümün kereg=tü # tümen tümen kümün=eče nigen törö yosun=i medekü kümün deger=e bui qara oi=yi abalabai j=a qaban böke=yi qayilatala bariju ögbei j=a bi qaban=u uruγ=ud=i qaralan asaran yadabasu qara oi=tur=iyan qatariču γarču odbasu qara kü bey=e=tür tan=u emgeg bui j=a # öndör aγula=yi abalabai j=a bi ötege=yin köbegüd=i ürkiretele bariju tan=a ögbei j=a bi ötege=yin köbegüd=i ulumlan ese asarabasu öndör aγula=tur=iyan γarču odbasu öberün bey=e tan=u jobalang bui j=a # qaγučin degel qaγaran udarabasu qaraγan=a butan=tur toruyu qari siri qoyar teskin qaγačabasu qan qaraču qoyar sačaγu boluyu # sini degel seterin udarabasu siraljin butan=tur toruyu siri qari qoyar teskin qaγačabasu sibegčin qatun qoyar sačaγu boluyu # arγ=a

bilig=i ese medebesü alan doora=ki imaγan=u ünükün=i alaju ideküy=e berke bolai , arγ=a bilig=i medebesü aγulan=u=tur bükü yabuqu arγali=yin juljaγan=i alaju ideküy=e kilbar bolai # qari=yi öčügüken kemebesü qatud=i uyilaγuluγsan olan bui j=a qadara jiγasun=i öčügüken kemebesü γar=un alaγan=i gürülgen esgegsen olan bui j=a # omoγ küčün=i tarqaγaju olan arγ=a=bar bariγsan=u tula olan=u ejen bolqu bui j=a qada sayitu ünege berke boroljin sayitu taulai berke buruntuγ sayitu üker berke qan sayitu qaraču=yin öngge ulaγan qada sayitu imaγ=a=u ulquraqai dügüreng # qan kümün jirγar=un töröben sayin=dur jirγayu qaraču kümün jirγar=un qan=iyan sayin=dur jirγayu qaγalγ=a=tu ger=de saγuγsan qatun kümün jirγar=un er=e=yügen sayin=dur jirγayu qamuγ bügüde jirγar=un eb ey=e=ben sayin=tur jirγamui j=a qaγan=iyan sayin=i qaraču ülü medeyü qaγan=ačaγan qaγačan baraγsan=tur qaγan=yuγan sayin=i tende medeyü er=e=yügen sayin=i em=e ülü medeyü er=e=tečegen

qaγačan baraγsan=tur er=e=yügen sayin=i tende medeyü # qan kümün qaraču kümün=ü aburi aburilabasu qamuγ ulus=iyan aldayu qaraču kümün qan kümün=i aburi aburilabasu qara terigün=iyen barayu qan tngri=yi sitübesü boluyu qara usun=i činabasu ülü boluyu qatun emes=i itegebesü ülü boluyu kemen soyojuqui # basa sodu Činggis-qaγan Qasar ekiten degüü=ner=iyen soyon jarliγ bolurun Onon-mören=ü ergi=gi uqun čabčiju olom bolγar=un uruγ=un uruγ=iyan tulada ordo ger=iyen tula olom bolγabai j=a bi # Kerülen-mören=ü ergi=gi kemkeljü getülgen bolγar=un kereg=tü uruγ=iyan tulada ger tergen=iyen tula getülgen bolγabai j=a bi # mön qoyina ta degü=ner minu uruγ=bar bolju orosiγuluγsan olom=i minu büü oγtaludqun olan=u üge=tür oroju oγtalun sedkibesü olqun metü beyes=iyen oγtalduqun ta tngri=yin ibegel=iyer boluγsan möri minu büü mösiyedkün , busu sedkil=ten=ü üges=tür oroju möküdegülün sedkibesü mön jarliγ jasaγ=tur inu möküsdükün ta busu boluγsan

aq=a degüü=tegen ičirig boluγujai # boγda Činggis-qaγan Mengge=tü-Sečen=i ögüle kemen jarliγ bolbasu Mengge=tü-Sečen öčirün erte mingγan terigütü γaγča segül=tü moγai ajuqu olan terigün inu jüg jüg tatalaldaqui=tur tergen=e daruγdaju alaγdajuqui basa mingγan segül=tü γaγča terigütü moγai ajuqu segül inu γaγča terigüben qoyina=ača daγaju nigen nüken=tür oroju tergen=e ese daruγdajuqui tegün=ü (tere) metü mingγan segül činu bolju küčün ögküi=ben qataγujisuγai kemen öčiged qurim=i ebdegči qor=a aba=yi ebdegči nur=a jangγu=yi ebdegči ünege jegüdü=yi ebdegči maγu eliy=e # boγda Činggis-qaγan=a Odčigen-noyan salqui=tur=iyan bisiren öčigsen ajuqu qaγan aq=a=yuγan daγan yabuju saγadaγ=tu sumun bolju suγus ese qočorbai j=a kötel morin bolju čabčin ese tatabai j=a sibtüs geküi=dür ebesüleldübei j=a jeldüs geküi=dür usulaldubai j=a čino=a=yin börte börteleküi=tür börteleldebei j=a ünegen=i sayin sira siralaqui=tur siralaldubai j=a teyin yabulčiju tümen irgen=i daruγlaγulbai j=a

kemen bisiren öčegsen ajuqu # boγda Činggis-qaγan degere tngri=yi bisiren jarliγ bolurun öber=ün törö=ber etüken=ü degere nada=ača busu degere küčütü ese bolγabai či minu degere malaγ=a minu bui j=a kemen malaγ=a=ban tayilju abču qoyimar=a talbiju mörgöged tere edür darasun=i yeke=de qalaγučitala joγolaγasan ajuqu # sodu boγda Činggis-qaγan degüü=ner köbegüd=tür=iyen irgen ögčü ulus=un tačiyal törö=yin onisun tobčilaju soyon jarliγ boluγsan eyimü bölüge # Činggis-qaγan=ača Odčigin-noyan salju γaruγsan=u qoyina Tangγudtai Γou=a-Sečen=eče asaγur=un qaγan aq=a=tur=iyan salγaγdaba bi qan kümün=ü ulus jasaqu yosun yambar bui kemen asaγbasu Γou=a-Sečen ögülerün jöb asaγba či qan kümün=ü ulus jasaqu yosun inu naran metü ülü qojidaγulqu naγur metü ülü γolon qataγujiqu bui kemegsen ajuqu tere üge=yin tayilbur inu γurban edür ese olju Odčigin-noyan ögülerün Γou=a aq=a ene üge=yin čin=u tayilburi ese ese olba bi

yaγun üge bölüge , kemen asaγbasu Γou=a-Sečen ögülerün qan kümün=i naran metü büü qojidaγul kemekü minu naran urγubasu sayin ba maγu=dur amidu ba ükügsen=tür tegsi qalaγun gegegen=iyen kürgeyü qan kümün tere metü tegsi sedkil=tü bolbasu yeke ulus=un duran yakin qočirqu # naγur metü büü γolo kemekü minu naγur=tur sayin ba maγu=bar usun oroyu sayin maγu=bar aduγusun usulan oroγad burtaγlabasu naγur tede bügüde=yi ülü γolon singgeyü qan kümün tere metü sedkijü sayin maγu=bar üge sonosbasu ünen=ber qudal yenggüken üges sonosbasu örgesün qadquγan üge=tür ülü oron tegsi bolγaju sonosbasu yeke ulus yakin ebderekü kemegsen ajuqu # Odčigin-noyan=a Tangγudtai Γou=a-Sečen ögülerün küyiten qojiγula=bar γal=i köndöbesü kürkeren büküi γal=i sönögeyü köbegümerküi aran=i üyile=tür tüsibesü kür ulus=i jobaγayu usu=tu qojiγula=bar γal=i köndöbesü ürkiren büküi γal=i sönögeyü öčüken aran=i üyile=tür tüsibesü ulus irgen baraγdamui j=a kemen ögülegsen ajuqu #

Qongqotan=i Menglig ečige=yin doloγan köbegüd bölüge doloγan=u dumdadu Kökečü-Teb-Tngri bölüge doloγan Qongqotan Qasar=i ömegsijü jančiba Qasar doloγan Qongqotan=a jančiγdaba kemen boγda Činggis-qaγan=a sögödbesü boγda Činggis-qaγan busud=a kilinglejü aγur dumda kelelekü bolun qaγan kilinglejü Qasar=tur ögülerün amidu=da ülü ilaγdaqui=ača bölüge či yakin ilaγdaba či kemebesü Qasar nilbusu aldaγad bosču orčiju Qasar maγuyilaju γurban edür ese irebe Teb-Tngri boγda Činggis-qaγan=a irejü möngke tngri=yin jarliγ qaγan=i jiγan eyin ögülerün nigen=te Tümüjin=i ulus barituγai (kememü) nigen=te Qasar=i kememüi ese medebesü medege ügei bui j=a kemegdejü (kemen jančiba bi) boγda Činggis-qaγan morilaju mön šöni Qasar=i barir=a odbasu Küčü Kökečü qoyar Qasar=i barir=a odba kemen (eke=de) jiγajiqui eke medeged šöni böged udaγaran (yaγaran) čaγan temegen küljü qarqutai tergetei šöni=te dölin jorčiju naran urγuqui=luγ=a kürbesü boγda Činggis-qaγan Qasar=un qančun=i uyaju malaγ=a büse inu abču üge inu asaγun büküi=tür

eke inu kürčü boγda Činggis-qaγan geyekčü (sočin) eke=teče emiyebe eke aγurlaju kürčü tergen=eče baγuγad eke öbesüben Qasar=un uyaγsan qančun=i tayilju talbiγad malaγ=a büse inu Qasar=a ögčü eke kilinglejü aγur=iyan darun yadaju jabilan saγuju qoyar köken=iyen γarγaju ebüdüg degekün bisaγari=γulju öber=iyen üjebesü kökegsed (kökegsen) köked (kökö) tan=u ene bui ede qadaqun qarbisun=iyan (qajiγsan küyilsün=iyen) tasuluγsan Qasar yakiba Tümüjin ene nigen köken=i minu baraqu bölüge Qačuγun Odčigin qoyaγula bolju nigen=i baraqu bölüge Qasar bürün qoyar büri köken=i minu baraju čigeji minu maqui bolqu bölüge čegeji erdem=tü Qasar minu qara küčü erdem=tü=yin tula qarbučiju γaruγsan=i qarbuju oroγulqu bölüge öčijü qaruγsan=i uγtudču oroγulqu bölüge edüge dayisun kümün=i moqodqaba (ečülgebe) kemejü Qasar=i üjen yadamui ta kemebe eke=yi amurliγulun baraju boγda Činggis-qaγan ögülerün eke=yi genedte ireküi=lüge ayuqu=bar ayuba ičekü=ber ičebe bi kemejü ničuy=a bida kemen ničubai eke=te ülü medegül=ün ečinekün Qasar

irgen=iyen abču mingγan γurban jaγun irgen dayijiba eke medejü tere sedkil=iyer ödter tüliγsan yosun teyimü bölüge # Qasar ejen dayijin dutaγaqui=tur ulus=un ejen jarliγ bolurun Sübegedei-baγatur=i nekegülküi=tür erte manaγar ögülerün aγta=yin terigün γarču ireküi=tür adali manglai=yin sar=a malaγai=yin očir boluγsan čing metü ebkegsen čilaγun metü janggiduγsan auγ=a nököd següder minu # qulusun metü jergelegsen qota metü küriyelegsen albatan čirig minu sonosuγtun ta # ötele yabuqui=tur idem biruγu metü yabu idebkilekü toγoliqu üyiles=tür idelkü sibaγun metü dobtolun yabu naγadun čenggen yabuqui=dur nilq=a unaγ=a metü yabu naγadu čaγadu=luγ=a čabčilalduqui=tur način sibaγun metü toγolin dobtol=un yabudqun ta # saγun bayin yabuqui=tur solongγ=a biruγu metü yabu sorobkilaqu idebkilekü üyiles=tür šongqor sibaγun metü dobtolun yabu qanisan eyedüldün yabuqui=tur qašang biruγu metü qanilan yabu qaritan dayisun=luγ=a qarbulalduqui=tur

qarčaγai sibaγun metü dobtolun yabu ta # ölösügsen bars öyegergegsen bürgüd metü yabu gegen edür gentü čino=a metü genedte yabu qarangγui šöni qara keriy=e metü qataγujin yabu jidkerči (jidügerči) qatun kümün metü qataγujin yabu ta kemen jarliγ bolbasu Sübegedei-baγatur öčirün čidan yadan nekey=e čidaqu yadaqu=bar yabuju üjey=e ejen=i minu buyan medetügei gejü ayiladqan nekejü güyičeged Qasar ejen=tü baγatur Sübegedei üge öčirün küyi eligen=eče qaγačabasu köndelen kümün=ü idesi bolum j=a uruγ eligen=eče qaγačibasu ulus Mongγol=un idesi bolum j=a # önör kümün qaγačabasu önöčin kümün=ü idesi bolum j=a olan ulus ebderebesü oγorčoγ kümün=ü idesi bolum j=a # ködelkü bügüde oldam j=a küyi eligen ülü oldam ulus irgen oldam j=a uruγ töröl törögsen ülü oldam gejü kelebe ene üge=yi Qasar jöbsiyebe Jalayirdai-Jebege tegün=eče süljijü Baraγujin oron jüg buruγudba # tegün=ü qoyina yisün keleten Teb-Tengri=tür quyiju <quraju> Činggis-qaγan=u kerüge(ger)=teče Teb-Tngri=dür

quraqun bolbai teyin quraqui=tur Temüge-Odčigen=e qariy=a=tan irgen Teb-Tngri=tür odčuqui Odčigen-noyan oduγsan irgen=ben γuyur=a Soqor=a neretü elčin=iyen ilegejüküi Teb-Tngri Soqor elči=te ögülerün Odčigen ta qoyar (sayin) ačitan boljuqui kemejü Soqor elči=yi inu askiju jobaγan emegel inu ürgügüljü qariγuljuqui Odčigen Soqor elči=ben askiγdaju jobaγan ilegegdejü manaγarasi Odčigin öbesüben Teb-Tngri=tür odču ögülerün Soqor elčin=iyen ilegebesü askiju yabaγan ilegejüküi bi irgen=ben γuyur=a irebe kemegdejü (kemebesü) doloγan Qongqotan Odčigen=i endeče tendeče qaγaju Soqor elčin=iyen ilegekü činu jöb=tü (buyu) kemen bariqui tusqui=ača kigder=ün (alaγdaqun=ača) ayuju Odčigen-noyan ögülerün elči ilegekü minükei buruγu kemejükü doloγan Qongqotan ögülerün buruγu bögesü namančilan sögöd kemen Teb-Tngri=yin qoyina=ača sögödkejiküi irgen=iyen=ben ese ögdejü Odčigen manaγarasi erte Činggis-qaγan=i bosoγ=a edüi oron dotora büküi=dür oroju uyilaγad sögödčü ögülerün yisün keleten irgen Teb-Tngri

čiγulju nada (minu) qariy=a=tan irgen=iyen=ben Teb-Tngri=teče γuyur=a Soqor neretü elči=yi ilegelüge Soqor elči=yi minu askiju jobaγan emegel ürgügüljü ilegegdejü bi öbesüben γuyur=a odbasu doloγan Qongqotan endeče tendeče qaγaju namančilaγulju Teb-Tngri=yin qoyina=ača sögödkegülbe kemen uyilaba Činggis-qaγan=i dongγod=duγ=a (ögüleküi=yin) edüküy=e (urida) Börte-Üjin oron dotora öndeyijü saγuju könjilen jiq=a=bar ebčegü=ben tüyidčü Odčigin=i uyilaqu=yi üjejü nilbusun aldaγad ögülerün yakiγsan Qongqotan teden=i (urida Qasar) ömöglejü jančiqu edüge basa ene Odčigen=i yakin qoyina=ačaγan sögödkemü yambar yosun bölüge bel čimayi ene metü büküi=dür čigüd (köbegüd) naran metüs degüü=ner=i čin=u eyin ösöldümüi üne=ber mön=e qoyin=a egülen metü bey=e čin=u negün odbasu itegel metü ulus=i čin=u ken=e medegülkün tede toli metü bey=e činu tolbas odbasu tün metü ulus=i čin=u ken=e medegülkün tede čigüd narad metü degüü=ner=e činu eyin ösöldümüi j=a ede aran γurban öčüked sirqud=i (nilqas=i) minu mendütele yaγun medegülüm

tede yakiγsan Qongqotan bölüge degüü=ner=iyen teden=e teyin kigüljü ker üjejü amu či kemeged Börte-Üjin nilbusun aldaba Börte-Üjin=ü ene üge=tür Činggis-qaγan Odčigin=e ögüler=ün Teb-Tngri edüge irekü bui čidaqui=ača ker=ber üyiledbesü či mede kemebe tegün=tür Odčigin bosoγad nilbusun arčiγad γarču γurban bökes=i beledčü bayiba qorom=ud atala Menglig ečige doloγan köbegüd=lüge=ben irejü doloγan büri oroju Teb-Tngri tüsürge=yin baraγun etüged saγuqui=luγ=a Odčigin Teb-Tngri=yin jiq=a inu bariju öčügü=tür namayi=yi namančilaγulun bölügei či sorilduy=a kemejü jiq=a inu bariju egüden jüg čirbei Teb-Tngri Odčigen=i esergü jiq=a inu bariju barilduba Teb-Tngri=yin malaγ=a barilduqui=tur γolomtan=u terigün=e unaba Menglig ečige malaγ=a inu abču ongsiju (γasiγudan) ebür=tür=iyen dürübe Činggis-qaγan ögülerün γarču böke küčü=ben temečeldüdkün kemebe Odčigin Teb-Tngri=yi čirčü γarur=un egüden bosoγ=a alqur=a edüküy=e urida

beledügsen γurban bökes esergü Teb-Tngri=yi bariγad čirčü γarču niruγun=i inu quγulju jegün eteged=ün terged=ün üjügür=e oqorču Odčigin oroju ögülerün Teb-Tngri namayi=yi namančilaγulun bölüge sorilduy=a kemebesü ülü bolun arγalaju kebtemüi čaγ=tur nökör ajuqu kemebesü Menglig ečige uqaju nilbusun aldaγad ögülerün dayir etüken=ü degelsün=ü tedüi büküi=eče dalai mören=i γoroqan=u tedüi büküi=tür nököčibe bi kemeküi=lüge doloγan Qongqotan köbegüd inu egüden=tür bosču γolomta toγorin bayiju qančun=iyan simalaγdarun Činggis-qaγan gerlejü (ger siqam) siqaγdaju yaγaran γaruy=a kemeged γarqui=luγ=a Činggis-qaγan=u orčin qorčin torγas=ud toγorin bayibai Teb-Tngri=yi tergen=i üjügür=e niruγun=i quγulju oqoruγsan=i Činggis-qaγan üjejü nigen bor=a qosiliγ abčiraγulju Teb-Tngri=yin degere inu talbiγulju edüge negüy=e kemejü tendeče negübei Teb-Tngri=yi talbiγsan qosiliγ=un erüken dülijü egüden daruju aran(kümün)=iyar sakiγulbai γutaγar šöni edür sira erüke

negejü bey=e inu γarjuqu bolγabasu (barildubasu) maγad Teb-Tngri inu tende bolγaγdaba (alaγdaba) Činggis-qaγan ögülerün Teb-Tngri degüü=ner=tür minu γar köl kürgegsen=ü tula degüü=ner=ün minu jaγura oro ügei jenggügdegsen=ü (qob ögülegsen=ü) tula tngri=de ese taγalaγdaju amin bey=e selte abču odbai j=a kemebe Činggis-qaγan Menglig ečige eke=yi tende dongγoddur=un köbegün=tegen aburi ülü idqan tenggečin sedkikü bolun Teb-Tngri=yin terigün=tür kürbei ta tan=i teyimü=yi uqaγsan bögesü Jamuq=a Altan Qučir tan=u yosutan bolγaγdaqun bölüge tan=i kemejü Menglig ečige=yi dongγodču dongγoddun baraju jiči manaγarasi ögülegsen=i üdesi udarbasu üde=yin ögülegsen=i manaγarasi udarbasu jajiru maq=a kemegdekün urida üge baraldu=luγ=a teli kemen soyorqaju jiči jaliraba alus aburi=iyan tataγsan bögesü Menglig ečige=yin uruγ=tur ken tenggečen bölüge Teb-Tngri=yi ügei boluγad Qongqoran=u čirai sibturujuqui # sodu Boγda-Ejen=tü Büriyad=un Oro-Sigüsi yeke Bayiγal=ača

način=i bariγad ejen=tü kürgebei Oro-Sigüsi=tür Buriyad=i ejilegülbei tegün=ü qoyina ejen način sibaγun=iyan Olqui=yin-γool=ača Ula=yin-γool=tu orkin yabuqui=tur=iyan Jurčid=un Jangjun-qaγan=i üjeged daγudaqui=tur buruγudču ese irebei ejen qariγad qoriγlaju čireglebei Ula=yin-γool olom ügei aju tegün=tür Qasar=un ači Qadu-Sira , Γaljiγu-čing-tayiji , tümen aγtan=u čaγariγ qolban qaškirču γaruγad qota=yi quriyaju bayiju tümen qariyačai mingγan miγui alba ača gejü abuba qariyačai=tur köbeng olidqaju (oriyaju) uyabai miγui=tu köbeng uyaju γal sitaγabai qariyačai egür=tegen orobai miγui bayising degere γarbai miγui qariyačai qoyar=un γal=iyar tüyimeridčü abubai jig buyu miγui buyu gejü Jangjun-qaγan ene üge kelebe Boγda-Ejen Jangjun-qaγan=u ökin Jaliqai-qatun=i abubai tere qatun jaγura qalibai gekü buyu # Činggis-qaγan tere ayan ayalaju qariju ayisuqui=tur Altan-Kiy=a degere baγuγsan=tur köbegüd=iyen soyon jarliγ bolurun mön qoyina ta öndör aγula dabaju örgön

mören=i getüljü sur dörögöben suntala temür dörögöben kiy=a dölörötele jigyijü yabur=un ta olan ulus=i barisu bey=e inu quriyatala sedkil=i inu quriyaγtun sedkil=i inu quriyabasu bey=e inu qamiγ=a odqu kemegsen ajuqu # basa sodu boγda Činggis-qaγan naran urγuqui jüg Solongγ=a ulus=tur ayalaju ečitele Ünegen-mören üyerlejü ejen=ü bey=e eng yeke čirig entege saγataju saγubai elči ilegebei Ejen-Boγda alba ača gejü irelüge gejü Solongγ=a=ud=un qaγan=tu kelebei ejen=ü tere ügen=tür Solongγ=a=ud=un Buq=a-Čaγan-qaγan öber=ün Qulan neretü ökin=iyen öggün ergüjü Bars gertei Buq=a Solongγ=a qoyar otoγ injitei=ber ongγoča=bar abču irebei tendeče Ejen-Boγda Solongγ=a=ud=un Buq=a-Čaγan-qaγan ekilen noyad sayid bügüdeger=tür mören ketü daγudaju jarliγ bolbai tegün=ü qoyina Ejen-Boγda Qulan-qatun qoyar dere nigedküi=tür keger=e dere nigedbesü keb ügei bolunam j=a gerte kürčü asaraqulan yambar bui gejü bügüde sayid ayiladqaba teyimü

ügen=tür ese boluγad ejen dere nigedbei mön tere Solongγ=a ulus=tur γurban jil tüdejü saγuba Arγas=un-qorči=yi ulus=i jasa gejü saγulγaγsan aju ger=teče Ejen-Boγda yaγun=tu saγatabai gejü Arγas=un-qorči=yi elči ilegeküi=tür Arγas=un-qoorči γurbalγud jegerde=yi unuju γurban sar=a yabuqu γajar=a γurban qonoγ=tu kürčü ejen minu mendü buyu kemen asaγba mendü kemen tüsimed kelebe mön tüsimed=ber qatun köbegüd qamuγ ulus bügüde mendü buyu gejü asaγbai qoorči ögülerün qatun köbegüd činu mendü bayinam qamuγ ulus=un činu jang aγasi ese medebe em=e köbegüd činu mendü bayinam eng yeke ulus=un činu jang aγasi ese medebei # qaγarqai aman=daγan qolisun qalisun olju idebe qamuγ ulus=un činu jang aγasi ese medebe undaγarqu aman=daγan usun časun olju uγuba ulus Mongγol=un činu jang aγasi ese medebei kemen öčibesü ejen ese uqaju basa ögüle kemebe Arγas=un-qoorči öčirün sala modun=tur salbar sibaγun öndegelebe gele mön sala modun=tur itegejü saγusaγar sar sibaγun=tu egür=iyen

ebdegdejü öndöge juljaγaban idegdebe gele # qulusu=tu naγur=tu qun γalaγun öndegelebe gele mön qulusun=tur itegejü saγusaγar quladu maγu sibaγun=tur egür=iyen ebdegdejü öndege juljiγaban idegdebe gele qutuγ=tu ejen minu gegen=tegen ayilad kemen öčibesü ejen qoorči=yin ene üge=yi uqabuu ta kemebe tüsimed ese medebe ejen öber=iyen medejü jarliγ bolba sala modun gegči qamuγ nököd minu buyu salbar sibaγun gegči minu bey=e buyu sar sibaγun gegči Solongγ=a=ud=un ulus buyu öndege juljiγ=a gegči qatun köbegüd minu buyu egür gegči engke törö minu buyu # qulusu=tu naγur gegči qamuγ ulus minu buyu qun γalaγun gegči minu bey=e buyu quladu sibaγun gegči Solongγ=a=ud=un ulus buyu öndege juljiγ=a gegči qatun köbegüd minu buyu egür gegči engke törö minu buyu kemen jarliγ bolju altan joloγaban (jiloγ=a=ban) jalabai Boγda-Ejen jarliγ bolba Börtegeljin-qatun minu baγ=a čaγ=tur učiraγsan bölüge niγur inu üjekü berke ger=de orobasu ger inu čiqul bolum j=a ger=deki kümün=lüge ese jöbleldele (jöbleküle) qari kümün

bayitala ilete aγurlan kilinglen saγubasu ičekü emiyekü metü buyu yisün örlög=üd=ün minu nigen inu üge barilduju irekülen čiqula sanam j=a gebe Jalayir=un Muqali ejen=ü jarliγ=iyar oduγad kürčü Börtegeljin-qatun=tur mörgön saγubai tendeče qatun eyin jarliγ bolurun ejen mendü buyu či yaγun=tur irebei gejü asaγbai ejen jarliγ=iyan medegül gejü ilegebei # bayiγuluγsan törö=ber ese bolba batu törö=yin erke=ber bolba baγsilaγči sayid=un ügen=tür ese oroba baras ger=ün öngge=tür bolju Boγda-Ejen Qulan-qatun=luγ=a dere nigedbe gebe Börtegeljin-qatun jarliγ bolurun qaγan ejen=ü minu küčün bui j=a qarmai Mongγol=un duran buyu Ejen-Boγda=yin minu küčün bui j=a edün bügüde=yin duran buyu # ergi mören=tür qun γalaγun olan genem erkei=ben čintele namlaqu=ban ejen inu medenem j=a eng yeke ulus=tu ökid emes olan genem erijü abqui=ban ejen minu öber=iyen medenem j=a # qulusu=tu naγur=tu qun γalaγun olan genem quruγu=ban čintele namlaqui=ban ejen minu medem j=a qotola yeke ulus=tu ökid emes olan

genem qutuγ=tu ejen minu erijü abqui=ban öber=iyen medenem j=a # erikei=tü mergen ergi nuγusu qoyar=i qamtu qarbum gele ere kümün duralaqula egeči degüü qoyar=i abum gele # emnig morin tere degere=ben emegel toqotuγai gemü em=e kümün degere=ben eme abtuγai gemü ilegütü maγu buyu dutaγu=tu sayin buyu degel=ün dabqur ülü daγaraγulum gele degesün=ü γurmusun ülü tasuram gele gejü jarliγ bolba # Boγda-Ejen Qulan-qatun=i abču ireküi=tür Arγas=un-qoorči arajan=tur soγtoju altan qori (qoromsaγ=i) abču öbere qonoba gejü Ejen-Boγda Boγorči Muqali qoyar=i ire gejü Arγas=un-qoorči=yi daγun ügei doki dongγodqul ügei tebči gejü ilegebe Boγorči Muqali qoyar ečijü Arγas=un-qorči čimayi=yi arajin=tu soγtaju altan qori abču öbere qonoba gejü daγun ügei doki dongγodqal ügei tebči gejü ilegebe geküdü Arγas=un-qorči üge kelebe alaqu kümün=ü ayalγu=yi abum gele üküküi kümün üge=ben kelem gele ejen=tü üge=ben keleyele geküdü tere qoyar tüsimed ese alaju sodu=yin sarqud=i

suγun=tur inu erketü=yin sarqud=i ebčigün=tür inu bariγulju abču irem geküle ejen noyirsaγ=a ajuqu Boγorči Muqali qoyar γadan=a=ača üge ayiladqaba gegen yeke ordo=tur činu gerel oroju bayinam ger=de=ki ökid köbegüd=iyen serigülesei gem=ten jim=ten činu quraju bayinam gegen yeke jarliγ=iyan ögčü tarqasai # qas yeke ordo=tur činu gerel oroju bayinam qaγalγ=a=tu ger=iyen egüden erüke negelgesei γasiγutan jobalang=tan čin=u quraju bayinam qas yeke jarliγ=iyan ögčü tarqaγasai gejü ayiladqaγsan=tur ejen ögede bolba Arγas=un-qorči=yi emüne=ben abču oroba ejen jarliγ ese bolba Boγorči Muqali qoyar daγun ese γarba mön Arγas=un-qorči öbesüben ayiladqaba dalan keletü čaγčaqai čalčin dongγodqui=tur jaγalmai mergen=i toqolin ireküi=tür yang kikü daγun=iyan γarγan ese čidaba gele jayaγ=a=tu ejen=iyen janun kinan saγuqui=tur yang gekü üge=ben öčin ese čidaba bi # arban nasun=ača altan qori čin=u qadaγalam bile arγ=a bilig=i čin=u surum bile aliy=a maγu aγasi=ban ese oladaju bile arajin=tu

endegsen minu ünen arajin=tu endejü altan qori činu abču alus sanaγsan minu ügei bölüge # qorin nasun=ača qotong qori činu qadaγalam bile qošang bilig=i činu surum bile qolčiraqan maγu aγasiban ese oladaju bile qorojan=tu endegsen minu ünen qorojan=tu endejü qotong qori činu abču qola sanaγsan minu ügei bölüge kemen öčigsen=tür aman=iyan sayin=tu γaruγsan Arγas=un minu qosing=iyan sayin=tu γaruγsan qorči minu gejü alaqui=ban bayiju tungqaγ jarliγ=iyan ögčü tarqaba # sodu boγda Činggis-qaγan ulus=daγan ejelen Onon=u terigün=e yisün köl=tü čaγan tuγ=iyan bayiγulqui=tur Jalayirdai-Muqali=da küi-ong-čingsang-tayisi čola ögbesü Tangγudai-Γuyilidar=un köbegün Möngke-Qalčaqu ögülerün küi ner=e=tür=iyen büü kündürke ong ner=e=tür=iyen büü omoγsi čingsang ner=e=tür=iyen büü čad tayisi ner=e=tür büü damla # undan soyorqal=tur büü soγta darasun=tur büü daγamjir=a ulamalan küčün=iyen ög kemen ögülegsen ajuqu # Činggis-qaγan

uruγ=ud=iyan soyon jarliγ bolurun urusun bükü mören=ü jaγasun uqamsar seremser ügei büküi=tür=iyen udquju jedküjü abtayu uqan seren baribasu turuγ (gün) usun=tur=iyan turuγ(gün)=taγan oroyu # uqaγatan=a ögülebesü ulam uqaju bilig bolγayu uqaγan ügekün=e ögülebesü oγtas γarču oduyu # čegel usun=u jaγasun seremser uqamsar ügei büküi=tür=iyen serege=ber selbijü kürčü abtayu seren uqan barabasu čegel usun=tur=iyan turuγ=taγan oroyu čigeji=ten=e ögülebesü serijü uqaju bilig bolγayu čigeji ügekün=e ögülebesü setes γarču oduyu sedkigdekü uqaγdaqui bui teden=i kemen jarliγ boluγsan ajuqu # Činggis-qaγan Jamuq=a=tai qamtu yabutala Boγda-Ejen=ü morin büdüribesü ejen morin=u terigün=i minaq=a=bar (tasiγur=iyar) deledügsen=tür Jamuq=a inigebesü ejen jarliγ bolurun Jamuq=a čimadur yambar bayar bolba kemebesü Jamuq=a öčirün boro etüken eke=yin darulγ=a Burqan-Qaldun bui j=a bükü ulus=un ejen boγda či bui j=a # köl=ün endegsen=i terigün=eče abqu buyu

köbegün=ü endegsen=i ečige=eče abqu buyu boro etüken=i endegsen=i Burqan-Qaldun=ača erikü buyu bükü ulus=un endegsen=i Boγda-Ejen=eče erikü buyu kemen öčibesü ejen jöbsiyegsen ajuqu # Činggis-qaγan=ača Jamuq=a buruγu sedkijü buruγud=un γaruγsan=i nököd inu bariju abču irejü (irebesü) qaγan jarliγ bolurun Jamuq=a anda ögüle kemejükü Jamuq=a öčir=ün sečen anda ta endegdekü yaγun aqu qarabtur sibaγun qaru ögede niskü bolun qariy jigür=iyen quγuraγdayu # qaruču maγu boγol qaγan ejen=tür=iyen esergülekü bolun qara terigü=ben oγtaldayu # bi Jamuq=a buruγu sedkikü bolju nököd minu namayi=yi edüge bariju irebe budara edüi boro toroγun=i bariba namayi=yi budaraču köbsilebesü qun toγoruγun=i barimui j=a # namayi=yi teski (=yi ala) nököd=i minu asar=a kemejükü Činggis-qaγan jarliγ bolurun jöb bui kemeged olan=i qauli bolγay=a ene büküi=tür bidan=u nököd mani mön qoyina eyin kim teki (qarin) surγaγuli boltuγai kemeged nököd=i inu (asaran) mön tende böged nökčigsen ajuqu (Jamuq=a=yi ükügülügsen) # Činggis-qaγan dörben köbegüd=lüge=ben

darasun uγuldubasu angqan=u urida Joči soγtaju tegün=ü qoyina Čaγadai soγtaju tegün=ü qoyina Tolui soγtaju angqan=u qoyina Ögedei qaγan=luγ=a qamtu qalamučiju tarqaldügsen ajuqu manaγar erte inu quraju öčögödür edür=ün soγtaldügsen siltaγan=iyan ögüleldüged (ögüleldübesü) qaγan jarliγ bolurun köbegüd minu ta ende saγuju öčügüdür=ün baγmur=iyan delgedkün (sanaγsan=iyan γarγaba) (bi) uridu tus=tu saγuju ötegüs yekes=lüge ulus=un üyile ögüleldüsügei kemen uridu tusa=tu saγuju qaridqun ta gejü (qariγulbasu) nigen sigürči kümün odču uqaju iretügei köbegün minu yaγun üge ögüleldümüi kemen ilegebesü köbegüd inu üge=yin ulam=ača ögüleldüged jirγalang=un sayin ali bui kemebesü Jöči ögülerün nadur uqabasu olan aduγu=ban kičiyen aduγulan tarγulaγulju ordo ger=iyen baγudal jokiyaju qurimlan čenggeldün saγubasu jirγalang=un sayin ene aqu kemen ögülejükü # Čaγadai aq=a ögülerün nadur uqabasu dayisun kümün=i daruju bulq=a kümün=i burčiju botoγ=a=tu=yi buyilaγulju boγdatai=yi

uyilaγulju abču irebesü jirγalang=un sayin ene aqu kemen ögülejükü # Ögedei ögülerün nadur uqabasu sodu qaγan ečige=yin bidan=u joban jögegsen yeke ulus=i amuγulun köl kösere γar γajar=a talbiγulju ulus irgen=iyen ordo=da aγulju törö yosun=iyan töbsin=e bariju ötögös yekes=i jirγaγulju öskü jalaγus=i amuγulbasu jirγalang=un sayin ene aqu kemen ögülejükü # Tolui ögülerün nadur uqabasu köbegüd külüg=üd=iyen jasan deyilegüljü köbsin qarčiγai=ban bariγulbasu gün naγur bidün yabuju kökegčid nuγud=i bariγulbasu alaγ=ud külüg=üd=iyen jasan deyilegüljü al način=iyan bariγulbasu aγula γoraqun=i bidün yabuju alaγačiγud nuγud=i bariγulbasu jirγalang=un sayin ene aqu kemen ögülejükü # ene üge=yi tere sigürči kümün odču Činggis-qaγan=a tegüs öčibesü qaγan jarliγ bolurun Joči öčüken=eče aduγusun=tur amaraγ bölüge tere=ber teyin kü ögülejükü Čaγadai öčüken=eče nada=luγ=a qamtu ulus bayiγulduluγ=a tere=ber teyin kü kemejükü Tolui öčüken kümün=ü

üge ögülejükü Ögedei=yin üge masi jöb aqu kemen jarliγ boluγsan ajuqu # degere tngri=yin jayaγa=bar törögsen sodu boγda Činggis-qaγan jarliγ boluγsan ajuqu qoyar sedkil=tü kümün=ü ner=e=yi er=e busu em=e kemegtei nigen sedkil=tü ere bolbasu ere busu erdeni kemegtei nigen sedkil=tü em=e=yi em=e busu er=e kemegtei qoyar sedkil=tü em=e=yi em=e busu noqai kemegtei # teyimü=lüge ker nököčegdekü kemen jarliγ boluγsan ajuqu # Činggis-qaγan jarliγ bolurun qaruču kümün qara darasun uγubasu qamuγ=ača degere kemen sedkin ajuqu qataγu jasaγ=a qaγaγdaju kürtebesü qara noqai=ača maγu bolun ajuqu # qara quluγan=a qara qorusun=i amsabasu qad=luγ=a sačaγu bui kemen sedkin ajuqu qara qosiγutu ünegen=i qatariju ireküi üjebesü qara nüken=iyen amsar temečin ajuqu # basa Činggis-qaγan jarliγ bolurun qaγalγan=ača unaγsan čisun<časun>=i qotad=un sirui aburayu qatqulduγad üküldükün dayisun bolbasu qaγučin uruγ aburayu # emüne=eče čisun unabasu ölge=yin sirui aburayu

üküldüged qadqulduγad dayisun bolbasu üdükü ori uruγ aburayu nomoqan il ilseldüküi(ey=e eyedüldeküi)=tür qurča bolqui=tur jarγu büü nariludqun kemen soyon jarliγ boluγsan ajuqu # Činggis-qaγan Γou=a-Sečen=i ögüle kemebesü Γou=a-Sečen ögülerün arγ=a bilig minu aγula ködege γarba gegen bilig minu keger=e tala oroba kedüi=ber oyin=tur minu ügei ele bolba # qurča bolod moqobasu bilegüü ügei ülü daγam ajuqu qurdun külüg ečibesü miq=a ügei ülü güyim ajuqu kürkirekü küčütü arslan ötelbesü güčügün=e=yin nüke sakin ajuqu külüg=üd sayid ötelbesü kümün=ü üge daγan ajuqu kemen ögülebesü Činggis-qaγan masi jöbsiyen jarliγ boluγsan ajuqu # Činggis-qaγan basa ögülegdekün kemen jarliγ bolba Γou=a-Sečen öčirün degel=ün sayin quyaγ bögetele qurim=tur ese emüsdejüküi üge=yin sayin toγ=a bögetele daγustala ese ögülegdejüküi kemen öčibesü qaγan jarliγ bolurun üge=yin dotor=yi inu böged ögülebe basa ögületele egün=eče ügei kemen jarliγ boluγsan ajuqu # Činggis-qaγan=a Tangγudai-Γuyilidar-Sečen

öčirün aγula=yin tedüi altan quriyaju sakin atala amun=u tedüi erdem bilig=i amin=iyan γartala sakiγdaqui bui iregsen učir=dur amin=ača dotan=a ügei # jaγun üge=yi ögületele jang=yi nigen=i sakiγdaqui tümen üge=yi ögületele töb nigen=i qaraγdaqui tümen üge=yin töb nigen jaγun üge=yin jang=yi nigen bui kemen öčigsen ajuqu # Činggis-qaγan jarliγ boluγsan ajuqu altan bey=e=ben amusu kemebesü aqu törö minu aldarγujai bütün bey=e=ben amusu kemebesü bürin ulus minu samduraγujai altan bey=e minu aljiyabasu aljiyatuγai , aqu törö minu büü aldaratuγai bütün bey=e minu jobobasu jobatuγai bürin ulus minu büü samduratuγai kemen jarliγ boluγsan ajuqu Činggis-qaγan Γuyilidar-Sečen=eče asaγur=un , ede ele amitan=tur ečesi ügei külüg yaγun güyičesi ügei sečen yaγun kemen jarliγ bolbasu Γuyilidar-Sečen öčirün arqul ayan amidu=yin külüg öber=ün aburi=ban öbesüben uqaju činejü yabubasu güyičesi ügei sečen kemen öčigsen ajuqu # Činggis-qaγan jarliγ bolurun Aramja-Sartaγul či jarimun jaγasun

bol Uriyangqadai-Jelm=e či aldar=tu küi singqor bol ta qoyar bey=e=ben ünür=ün uγturildun ögüleldü kemen jarliγ bolbasu Aramja-Sartaγul ögülerün aru möri toγorin yabuqui=tur alaγ qan itaγu=tur ilbegesü (ögesi) orkiju al torγun toor=iyan delgejü aldar=tu küi singqor aru möri toγorin ireged aγlaγ qan itaγu=yi idekü bolun al torγun toor=tur minu torju Aramja-Sartaγul=un γar=tur oroju amin=i inu tejigejü nidün=i inu tumulaju köl inu tusiju ariγulan boγolčilan jaruju asuru masi jobaγaγsan ajuqu kemebesü Uriyangqadai-Jelm=e ögülerün erte nigen tenggis γoroqun=tur jarimun jaγasun aju üde manaγar oyimaju jigü mörö minu tulqu kemen yeke dalai=tur oroju durabar oyimasu kemen γoroqun uruγu odtala jaγura inu olom=un qargi tübejü od=un qarin yadan atala usun abqu sibegčin jolγaju terigün=i inu sidurγ=a=bar bilča deledčü arusun selte=yi minu ayil jaγura eres emes=ner tügejü qubiyaju idegsen ajuqu aldar=tu küi šongqor=i Aramja-Sartaγul darun yadaju qamuγ=un qaγan ulus=un ejen=dür

kürgejü ögčü qaγan=i qaliγu=tu qančun degere saγulγaju qabar=iyar ünüsčü qamuγ ulus γayiqulduju qabur=tur qaraqun=a nuγusun=i bariju namur=tur nuγud γalaγun qun čin=i qurimlan činggin <čenggen> bariju aldar=tu küi šongqor aldarilan asuru masi asaraju Aramja-Sartaγul qaramji=ban abum gejü qabur=iyan qongqoyiju saqal=iyan sirbeyijü kükür=iyen qataγaju morin=iyan ečigejü basar=un terigüber=iyer (balγad=un degegür) qalin yabuγsan ajuqu kemebesü Činggis-qaγan jarliγ bolurun Uriyangqadai-Jelm=e=tür jaγurm=a bilemön (bile mön) ögbe čimada kemebe # Činggis-qaγan köbegüd degüü=ner uruγud=iyan soyon jarliγ bolurun tarqu=yin böke=yi urida jögen atala tariγ=un böke=yi urida jögegdeküi tarqu=yin böke=yi urida jögebesü tngri=yin nigen daγun=tur daγuju odbasu tariγ uruγ=tur kürčü odbasu daγuju gelijü küljü ačirabasu tariγ=un böke=yin ilegü inu ene bui # unuqu=yin böke=yi kemen urida jögen atala uruγ=un böke=yi urida jögen qataγujiγdaqun unuqu=yin böke=yi urida jögebesü tngri=yin yosun časun daγariγdabasu uruγ tariγ=tur kürčü odbasu unuqu

külkü=yi abču irebesü uruγ=un böke ene ilegü bui kemen jarliγ boluγsan ajuqu # Uqurdai=yin Saraman qonoγ=un kesig (jisiq=a) dutabasu qaγan ečige=yügen jarliγ boluγ=a edüi olan qaračus=tur dongγoduγ=a edüi (ögüleküi urida) Čaγadai aq=a ögülerün Saraman=i teskijü (alaju) olan ulus=a qauli bolγay=a Saraman=i teskin ese čidabasu olan ulus=i ker jasan čidaqu kemebesü Uqurdai-Saraman ögülerün Čaγadai čimay=yi töröge edüi olan qaračus=i quraγ=a edüi qan ečige=tür činu küčün öggör=ün bi körjim=tü časun=i köl=iyer etüjü kölösütü toqom=i següji=ber egsiyejü sidün=ü sigidüsün=i tedüi=ber qonoγlaju silüsün=ü tedüi=ber undalaju tosutu yeke toi(qurim)=dur činu toqoi činegen tosudaju tung busu ulus=tur činu tügejül (tügegel) ögkü=lüge čisutu yeke bulq=a(dayisun)=dur čin=u suγu činegen čisudaju sur metü sunju suqai metü ulayiju süg dura=tu=yi činu sakin küčüben ögbei j=a bi # qaγan ečige čin=u yekes=i minu aγta=yuγan unuγulju aluq=a=yuγan bariγulju altatu=yuγan emüsgejü aman=tu=yi=ban γarγaju ögčü aqu bügüde=yi

terigüler=ün asuru masi asaran bölüge # öčüken=i manu köl=tegen türüjü kötel morin=iyan unuγulju kököl(terigün)=i manu ilbijü köbegün=čilen asaran bölüge qan ečige činu bidaγu töröjü čögen ulus=i quriyaju oqor bariba či ečige=eče nebterkei sečen töröbesü olan quriyan ordo=da bari namai=yi teski öterle kemen öčibesü Činggis-qaγan jarliγ bolurun ken=ü jögegsen=i ken jobaγaqu bölüge ken=ü quriyaγsan=i ken tarqaqu bölüge ta namai=yi γadaγan=a oduγsan=u qoyina tende jobaγ=a minu amidu=tu jögegsen (jögen) jongkilan quriyaγsan ulus=i minu büü jobaγadqun ta kemeged Čaγadai aq=a=yi γaruγsan=u qoyina Činggis-qaγan jarliγ bolurun Čaγadai=yin jöb bui Sirama činei buruγu bui olan=da küčün öggögsen=ü tula nigen=de endebesü aburaba olan qaračus daγuriyaγujai kemen jarliγ boluγsan ajuqu # Činggis-qaγan jarγu=yin üyiles=tür jaruqu kümün=i soyon jarliγ bolurun qan kümün=ü törö qarangγui=tur ülü tögörigdeyü qani=da ülü endegdeyü γaγča sedkil=iyer

yabu ken=i jüg kelberiküi=ben qataγujidqun üge=yi büü unjiγul büü gendüge=düi=yi büü gendülge (kündü=yi büü kündüdke) daγu=tu kümün=i (büü) darbisq=a üge=tü=yi büü örbisge qormai=tur=iyan qongq=a büü uy=a ala=tur=iyan čirγ=a uyaju büü iregtün ta kemen jarliγ boluγsan ajuqu # Činggis-qaγan Γou=a-Sečen=ü köbegün=i tursiγul jarubasu čirig ayalaqui=tur arγ=a erijü öčügüken sonosun ögülegsen=i anu ečige=eče sübe asaγbasu ečige inu ögülerün ečige=yin surγal ülü bütüm ebčigün=ü sedkil bütüm eke=yin seb ülü bütüm erkei=yin seb bütüm kemeged boγda Činggis-qaγan=u olja=yin tursiγul jaruγsan=i boγol Γou=a yaγun medekü kemeged aldar kemekü aγula=yin subaγ asuru ba boγoni busu arslan=u juljiγ=a amin=iyan körögdemü anggir juljiγan=iyan ideyü qun jigür=iyen sirudayu qulan turuγu=ban alayu <eleyü> edür=ün ilangqu ölösgüleng=iyer daγusuγči γajar=un qola=yi yabaγ=a=bar yabuγči teyimün arγ=a=bar yabuγdaqu γajar buyu boljiyal sayin ele tutum sayin bolum ajuqu čöl γajar=a

yabaγan γaruγsan kümün=i čilaγu=tu γajar=a taq=a ügei taγuluγsan morin kümün=ü sayin=i olqu ayalγu berke kemegsen ajuqu # boljiyal qojidaju budaju kürbesü qural qojidaju qura töbsin kürbesü yaγun γabiy=a erte bayibasu undatai bisiü qojid kürbesü qoqoi čim=a kemejü qojidan baraju Γou=a=yin köbegün jaγura=ača qariju amidu irebe kemetele kürčü üküjü kü kemegsen sayin=iyar čidan yabubasu činu ner=e tügekü qan ejen=eče kümün ner=e=tei=yi ab morin küčütei=yi ab kümün=ü üge qudal bui kürügsen γajar=a ünen bui tököm γajar=a qola bui törö medekü kümün ügei bui idekü künesün ebesün usun=i tegsi uqaju yabu er=e=yin sayin=i yabuqu tutum ni medekü erdeni=yin sayin=i elekü tutum bolum ajuqu # Činggis-qaγan Ong-qaγan qoyar ečige köbegün kemeldüjü amaraγlan yabuqui=tur Kereyid=ün Ong-qaγan=i Nayimaljin emegen ögülegsen ajuqu qoyar naran urγubasu ele quduγ=un usun=bar quγuyu qoyar qad saγubasu , qamuγ ulus=iyan barayu # buγur=a temegen bolγan

yabubasu buruntuγ=iyan setereyü boγol kümün noyan bolbasu qoyitu=yuγan umartayu # usu=tu qojiγula=bar γal=i sönögeyü uqaγ=a ügei maγu kümün=iyer elči jarubasu ulus=iyan ebdeyü ergi tököm=ün ebesün=i esege <isige> tölöge barayu ečige=eče tatal ügei kürülčen aγsan mingγad=un noyad sonosudqun # čisutu dayisun irebesü čing metü ebkijü čilaγun metü muqulidču janggiyasun metü janggidču ese öggögsen jaγud=un noyad sonosudqun # ner=e=yin ejen=eče egülen=i bariju töröküi=eče sedkijü medel=tür orobasu esige=yi daγi ilaγ=un <isige daγ=a=yi ilγan> yadayu qari qari=tečegen yeke omoγ=tu bolbasu qari=yuγan barayu bey=e bey=e=tečegen yeke omoγ=tu bolbasu bey=e=yügen barayu uqun=a eber=i oγloru nidurba kemen ulus=i büü ebdedkün quča=yin eber=i oγloru nidurba kemen qaučin yabuγsan uruγ=iyan büü tebčidkün # buq=a=yin eber=i bulγuru nidurba kemen buruγu=da kümün=tür büü qaludqun saγuju bükü=yin saqal=i büü bari kebtejü bükü=yin kököl=i büü könde # ayil=tur=iyan alaγ biruγun=ača

nomoqan yabuγad alaldaqu edüd kürbesü al način=ača qataγun ködelüdkün irgen=tür=iyen büküi=tür idem biruγun=ača nomoqan yabuγad idebkilekü edüd kürbesü idelkü sibaγun=ača qataγun ködelüdkün qalaγun=tur=iyan büküi=tür qarγan baruγun=ača nomoqan yabuγdaqu qadqulduqu edüd kürbesü qara način=ača qataγuda ködelüdkün # törö=tür=iyen kičiyegsen maγui=bar bögesü töbsin sayin küčün=iyen ögbesü tümed=ün noyad bolγasuγai sayin ese üjegsen sarisun degel=ten bolbasu=bar sayitur ele küčün=iyen ögbesü sandali=tan noyad bolumui j=a kemen ögülegsen ajuqu # sodu boγda Činggis-qaγan=u üy=e=tür uqaγ=a=tan sečid merged selbin qolban ögülegsen kiged=i qoyitu=tur qauli boltuγai kemen edüge debter=tür bičibe # basa sodu boγda Činggis-qaγan qonin jil=e Kitad irgen=tür morilabai Jujo=yi abču Ünegen-dabaγ=a=bar dabaju Sonjidu=yi abču Jibe Küyiküng-batur qoyar=i manglai ilegebe Čabčiyal kürčü Čabčiyal dabaγ=a=yi bekilegdejü tende Jibe ögülerün man=i otoju ködelgejü iregülün

tende soriy=a kemejü qar<i>bai qariγdaju Kitad=un čirig=üd nekey=e kemen Čüke-aγula bütütele nekejü ayisui Sonjidu=yin qosiγun=a kürčü Jebe qoyinaγsi urban tosču dobtolju sandurču ayisuqun dayin=i darubai Činggis-qaγan=u čirig daruju Kitad=i ködelgejü Qara-Kitad=un Jurčid=un Juyin=u erikün (irgen) omoqun čirig=üd=i daruju Čabčiyal kürtele önjikü bayitala kiduju Čabčiyal=un qaγalγ=a Jebe abču dabaγ=a buliyaju dabaju Činggis-qaγan Sir=a-Degter=e baγubai Čungdu=yi egerečü (sakiju) qotad qotad balγasun=tur čirig=üd ilegejü egeregülbei (sakiγulbai) Jibe Düngjü-balγasun=tur kürčü kerejü abun yadaju qariju jirγuγan qonoγ gedergü γajar=a kürčü genedkejü jiči qarin dutaγan qar kötel=te šöni dölildüjü genedte büküi=tür kürčü Düngjü-balγasun=i abubai Jibe Düngjü-balγasun=i abču qariju irejü Činggis-qaγan=tur neyilebe Čungdu=yi egeregder=ün (sakiγulur=un) Altan-qaγan=u (yeke) noyan Ong-ging-čing-sang qaγan=a duradqar=un tngri γajar=un jayaγ=a čaγ yeke oro yegüdkekü čaγ=i kürbei Mongγol masi küčütei irejü bidan=u erikün omoqun

Qara-Kitad=un Jürčid=ün Juyin=ü ergid(irgen)=i čirig=üd=i daruju butaritala kidujuqu itegel=tü Čabčiyal=i buliyaju abjiqui edüge bida basa čirig=ün jasaju γarγabasu basa Mongγol=a daruγdabasu qalaγar balγad balγad=tur butaraγad tede jiči bidan=a quraγulbasu ülü bolun bidan=tur dayisun bolju ülü nököčekün tede Altan-qaγan soyorqabasu Mongγol=un qaγan=tur eteged=tür ilsen oduy=a ey=e=tür oroju Mongγol ničubasu ničuγsan=u qoyina basa busu sedkil bida tende eyedüldüm j=a Mongγol=un ba er=e aγta γajar egüsgejü külčürkemüi kemegdemüi qaγan=a inu ökin öggüy=e altan mönggön aγurasun ed čirig=üd=e inu kündü=de γarγaju öggüy=e ene ey=e=tür man=u oroqu ülekü=yi ker medegdekü kemen duradqabasu Altan-qaγan Ong-ging-čing-sang=un üge=yi jöbsiyejü eyin böged boltuγai kemen ilsen Činggis-qaγan=a Güngji neretei ökin γarγaju altan mönggön aγurasun ed tavar čirig=ün kümün=e küčü medegülün daγaqui=ača Čungdu=ača γarγaju Činggis-qaγan=tur Ong-ging-čing-sang kürgejü ilsen iregdejü Činggis-qaγan ey=e=tür inu oroju qotad qotad=tur egeren baγuγsan

čirig=üd=i qariγulju ničuγabai Ong-ging-čing-sang Mojo Jujo neretü qosiγun kürtele Činggis-qaγan=i üdejü qariba aγurasun ed bidan=u čirig=üd daγui<daγaqui>=ača ačiju keb=üd=iyer ačiy=a=ban tataju yabubai morilaγsan=tur Sansin (Sansi) irgen=tür jorčibai joriju kürbesü Sansin irgen=ü Burqan ilsen (eyedün) baraγun γar činu bolju küčü ögsü kemen Čaγan neretei ökin Činggis-qaγan=a γarγaju basa Burqan ögülerün Činggis-qaγan=u ner=e aldar=i sonosču ayuju qalγuri=ba <qalaγuraba> edüge sülder=tü bey=e činu kürčü iregdejü sülder=eče činu ayuba ayuju ba Tangγud irgen baraγun γar činu bolju küčü ögsü kemebei küčü öggör=ün önjü nutuγ=tan undügsen balγasun ger=tegen ulus nököčijü qurdun ayan ayalaqui=tur qurča bulq=a bulqalduqui=tur qurdun ayan=tur güyičen yadamui j=a qurčan bulq=a=tur bulaqaldun yadamui j=a soyorqabasu ba Tangγud irgen öndör deren=ü emüne=te ösegejü olan temesün (tömösün) <temeged> γarγaju šang bolγaju ögsü örmege nekejü aγurasun bolγaju ögsü toγorqui sibaγun surγaγulju sayid=i inu kürgegülün asuqai kemen öčibei ögülejü

üge=tür=iyen kürün Tangγud irgen=ečegen temesün γubčiju (aγurasun quriyaju) daγan yadatala abčiraju (ačiraju) ögbe Činggis-qaγan tere morilaγsan=tur Kitad irgen=ü Altan-qaγan=i ilsegüljü (eyedügüljü) olan aγurasun abču Sansin (Sasim) irgen=ü Burqan=i ilsegüljü olan temeged (tömösün) abču Činggis-qaγan qonin jil=tür tere morilaγsan=tur Kitad irgen=ü Aγutai-Altan-qaγan=i ilsegüljü (eyedegüljü) Tangγud irgen=ü Iluqu-Burqan=i ilsegüljü Saγari-keger=e baγuba # basa tegün=ü qoyina Čedkün=tür ilsen (eyedür=e) ilegegsed Čau-qan terigüten olan elčin=i Kitad irgen=ü Aγutai-Altan-qaγan=a yedkügdejü (bariγdaju) sodu boγda Činggis-qaγan noqai jil=e Kitad irgen=tür basa morilabai ilsen baraju (eyedün baraju bögetel=e) Čidkün=tür ilegegsen elčin=i yakin yedkükü (bariqu) bölüge kemen morilar=un Činggis-qaγan Tünggüyin amasar joriju Jebe=yi Čabčiyal=iyar bolγaba Činggis-qaγan=i Tünggü=yin amasar=iyar bolba kemen Altan-qaγan medejü Ile , Qadaqu , Bögetör γurbaγula=yi čirig=üd medegüljü čirig bökeljü Ulaγan=Degelen=i megelyilen <manglayilan> jasaju Tünggü=yin amasar=i temečen dabaγ=a büü dabaγuludqun kemen Ile Qadaqu Bögetör γurbaγula=yi čirig=üd

qurdulan ilegejüküi Tünggüyin amasar=a kürbesü Kitad=un čirig=üd γajar kemen daγaju irebe Činggis-qaγan Ile Qataγu Bögetör γurban=luγ=a bayilduju Ile , Qataγu=yi ködelgebei Čigü kürgen Tolui qoyar köndelen=eče dobtolju Ulaγan-Degelen=i ničuγaju (daruju) kürčü Ile Qataγu=yi ködelgejü Kitad=i önjikü bayitala kidubai Kitad čirig=üd=iyen kiduju baraγdabai kemen Altan-qaγan medejü Čungdu=tača γarču buruγud=un Nangging (Nan-Jang) balγasun=tur orujiγui ülegsed čirig=üd=i inu turaju ükürün jaγura kümün=ü miq=a ideldüjeküi Tolui Čigü kürgen qoyar=i sayitur üyiledbei kemen Činggis-qaγan Tolui Čigü qoyar=i masi soyorqaba Činggis Qui-Siyu=yi baγuγad Čungdu=yin Sir=a-keger=e baγuba Jebe Čabčiyal=un qaγalγ=a ebdejü Čabčiyal=i bariγsad čirig=üd=i ködelgejü irejü Činggis-qaγan=tur neyilebe Altan-qaγan Čungdu=ača γarurun Qada neretü noyan=i liosiü bolγan tüsijü oduγsan ajuqu Činggis-qaγan Čungdu=yin altan mönggön ed aγurasun yaγun=i toγoluγulur=un Önggör-baγurči Arqai-Qasar Siki-Qutuγ

γurbaγula=yi ilegebe ede γurban=i ayisui kemen Qada neretü noyan esergü uγtun alta=tai erdeni aγurasun bariγad Čungdu dotora=ača γarču esergü irebei Qada=da Siki-Qutuγ ögülerün urida Čungdu=yin ed mön Altan-qaγan=uqai ajuqu j=a edüge Činggis-qaγan=uqai bui j=a Činggis-qaγan=u ed aγurasun ečinekün (dalda) yakin quluγuju abčiraju (abču) öggümüi či bi ülü abqu kemejü Siki-Qutuγ ese abuba Önggör-baγurči , Arqai-Qasar abubai ede γurban Čungdu=yin ed aγurasun jaγun yisün <yaγun jisün?> toγolaju irebei tedüi Činggis-qaγan Önggör Arqai-Qasar Siki-Qutuγ γurbaγula=ača tan=tur Qada yaγu ögbe kemen asaγba Siki-Qutuγ ögülerün alta=tai erdeni aγurasun öggölüge bi ögülerün urida ene Čungdu=yin ed Altan-qaγan=uqai ajuqu j=a edüge Činggis-qaγan=uqai bolbai j=a či Qada Činggis-qaγan=u ed ečinekün qulγaju yakin öggömüi či kemejü ese abuba bi Önggör Arqai qoyar öggögsen=i inu abuluγ=a kemebe Činggis-qaγan Önggör Arqai qoyar=i masi dongγodba Siki-Qutuγ=i yeke yosun sedkijüküi kemen masi soyorqaju üjekü=yin minu nidün sonosqu=yin

minu čikin bolju ülekü aqu či kemen jarliγ bolba Altan-qaγan Nangging=tur oroju öber=iyen ilsen mörgöjü Tngri neretü köbegün=ben jaγun nököd=tü=yi Činggis-qaγan=tur torγas=ud boltuγai kemen ilegejüküi nimada ilegegdejü Činggis-qaγan ničuy=a kemen Čabčiyal=iyar daban Qasar=i jegün γar=un čirig=üd=iyer dalai kejin ileger=ün Byigying-balγasun=a baγuγad Byigying-balγasun=i ilsegüljü (ey=e=dür bolγaju) čaγan=a Jürčid=ün Vuγaqu=yi daγarin odču Juγan bulq=a (dayisun) sedkibesü aquludqun ilsebesü (eyedübesü) inu balγasun=i inu daγarin Ulan-Anu kejin (kesün) odču Taqur-mören ögede dabaju yeke aγuraγ=tur neyilen iredkün kemejü ilegebe Qasar=luγ=a noyad=un Jurčidai Elči Tölön-čerbi γurban=i ilegebei Byigying-balγasun=i oroγulju Jurčid=un Jöči=yi ilsegüljü (eyedügüljü) mör=tür bükün balγasun=i oroγuluγad Qasar Taqur-mören ögede irejü yeke aγuraγ=tur baγuju kü irebei # sodu boγda Činggis-qaγan=luγ=a tusiyaγsan blam=a inu Senggey=e=yin Gungga-Sningbu neretü bölüge tere blam=a=yin jarliγ=iyar Esru=a=yin neretü qotan=u qoyitu qaγalγ=a tus qoyar lavar (ber=e) γajar=un

üjügür=e Dalai-Daγurisaqui neretü süm=e bosqaba # basa sodu boγda Činggis-qaγan nom buyan=i genetde medeged möngke γajar=a Juu-Sikamuni=tur buyan=iyan ögčü ilegejü Saskiy=a=yin Manjusiri-blam=a=tur minu uruγ=tur nigen bodi=sadu=a=yin qubilγan minu ači ür=e=tür törögül kemen öčijü ilegebe tedüi Manjusiri-bavdida altan qaγurčaγ=un aman inu büü nege gejü jarliγ bolju egüni sodu boγda Činggis-qaγan=tu abču ečijü ög nigen beri inu bodi=sadu=a=yin qubilγan aγsan ajuqu ene qaγurčaγ=i yeke qurim irügel kijü Sümandari neretü beri=tür=iyen negelgejü üjügül kemen jarliγ bolju ögbe tede qaγurčaγ=i takiy=a jil=ün qubi sarayin arban tabun=a yeke qurim irügel kijü Tolui-ejen=ü Esi čolatu beri=tür=iyen negelgejü üjügülbesü dotora inu γurban altan simuγul aγsan ajuqu tere simuγul Esi-qatun=i qabar=un nüke=ber oroγsan ajuqu Esi-qatun=u altan umai=tur oroju arban sara boluγad Qurim=dur-balγasun=tur Čakravarun-Qubilγan-Sečen-qaγan

Ari-baq=a ejen qoyar tegüs töröbe # Boγda-Ejen=ü bey=e berke čilerkergejü basa Tolui ejen čilege boluγsan=tur belgečin iručin ene qoyoγula=yin nigen inu sayin bolbasu nigen inu maγu bui kemegsen=tür Tolui ejen=ü qatun Čuγur-beki tngri=tür öčig öčirün qan ejen ügei bolbasu qamuγ ulus bilbesün bolunam j=a Tolui ejen ügei bolbasu bi γaγčaγar bilbesün bolqu bui j=a kemen jalbaribai tere jalbariγsan=iyar Tolui ejen burqan bolba Boγda-Ejen=ü čilegen degegsi boluγsan=tur tere sedkil=e inu kündülejü öberün nökör=i ülü sedkin ečige=yi kündülejü yeke töröi=yi sedkigsen=ü tula Boγda-Ejen bi čimai=yi beri gejü büü kelesü beki tayiqu gesü siü gejü büü keley=e sutai tayiqu kemey=e gejü čola öggöged naiman otoγ Čaqar tümen=i songγoju ögčü soyorqaba Kereyid=ün Ong-qaγan=u degü Jiq=a-Gambuyin ökin Čaqur-beki ene bölüge # basa Činggis-qaγan Sartaγul irgen Uqun=a terigüten jaγun elčin=iyen yedkügdejü (bariγdaju) alaγdaju Činggis-qaγan

ögülerün altan arγamji=ban Sartaγul irgen=e ker tasuldan bölüge ni kemen Uqun=a terigüten jaγun elčin=iyen ösil ösin (kisal) kisin Sartaγul irgen=tür Činggis-qaγan morilarun Tangγud irgen=ü Burqan=tur elči ilegerün baraγun γar činu bolsu kemelüge či Sartaγul irgen=e altan arγamji=ban tasuldaju olulčan morilaba bi baraγun γar bolun morila kemen ilegebesü Burqan=i dongγoduγ=a edüküy=e urida Esen-Gambu ögüler=ün küčü yadan bögetele qaγan boltala (bolqu) yaγun kemejü čirig ülü nemen yeke üge ögülejükü tende Činggis-qaγan ögülerün Esen-Gambu=ta ker eyin ögülegdekü bölüge kemen naran=ača edüi böged gelbes joriju ilegebesü yaγun berke bölüge öbere man=a kümün=tür joriju büküi=tür j=a dalai mören tngri=te ibegegdebesü altan jiloγ=a batu=da tataju irebesü tende man=a boltuγai teli (oduy=a) kemejü taulai jil=e Sartaγul irgen=tür nalai=tala morilar=un Činggis-qaγan qatun=ača Qulan-qatun=i abun ayalar=un degüü=ner=eče Odčigen-noyan=i yeke qaγuruγ=tur tüsijü morilabai Jebe=yi

manglai ilegebe Jebe=yin gejige Süke-Bedei=yi ilegebe Sükebedei=yin gejige Taqučir=i ilegebe ede γurban=i ileger=ün γadaqun sultan=u čaγan=a γarču bidan=i kürgegülün qamsadqun kemejü ilegebe Jebe tere odču Qaγan-Melig=ün balγasun daγariju ülü könden γadaqun nökčijükü (yabubai) tegün=ü qoyina=ača Sübegedei mön yosuγar ülü könden nökčijükü tegün=ü qoyina=ača Taqučir Qaγan-Melig=ün kijaγar balγasun=i aγulju tariyačin=i daulijuqui (dobtoljuγui) Qaγan-Melig balγad=iyan aγuldaγ=a kemen dayijin küyidüldüjü Jilačin-Bar-sultan=tur neyilejüküi Jilačin-sultan Qaγan-Melig qoyar Činggis-qaγan=u esergü morilajuqui Činggis-qaγan=u urida Siki-Qutuγ manglai yabuju Siki-Qutuγ=luγ=a bayilduju Jilačin-sultan Qaγan-Melig qoyar Siki-Qutuγ=i daruju Činggis-qaγan=tur kürtele daruju ayisuqui=tur Jebe Sübegedei Taqučir γurban Jilačin=i-sultan Qaγan-Melig qoyar=un qoyina=ača oroju Jilači(Jilačin)=ni daruju kiduγad Buqar Semisgeb Ötöger balγasun=tur anu ülü neyilegülün daruju Sin-mören=e kürtele üldejü yaburun Sin-mören=tür

čöbdösčü (unaju) oroqun bolun Sartaγul=iyan tende Sin-mören=tür sönögebei j=a (baraγdabai) Jilačin=i-sultan Qaγan-Melig qoyar amin=iyan qoriγad Sin-mören ögede dutaγaba Činggis-qaγan Sin-mören ögede jorčiju Bedkegsen=i (güyičegsen=i) taγuliju (daruju) odču Eke-γoroqan Gegün-γoroqan kürgejü Baraγan-keger=e baγuju Jalayirdai-Bala=yi Jilačin=i-sultan Qaγan-Melig qoyar=i nekegülün ilegejü Jebe Sübegedei qoyar=i soyorqaba Jebe či Jirγuγadai neretü bölüge Tayičiγud=ača irejü Jebe bolbai j=a Taqučir=i Qaγan-Melig=ün kijaγar balγasun=i öberün durabar aqulju Qaγan-Melig=i dajiγul (dayijiγul) ba jasaγ bolγan (jasaγlaqu bolγan) kü mökörigülüy=e (doroyitaγuluy=a) kemen bariju jiči ülü mökörigülün masi dongγodču čirig medekün=eče inu eregülejü (jimelen) baγulγabai (bayilγabai) tedüi Činggis-qaγan baraγun γar=ača qariju Jöči , Čaγadai Ögedei γurban köbegün=i baraγun γar=un čirig=üd=iyer Amur-mören <Amu-mören> getüljü Urunggeče-balγasun=a baγudqun kemen ilegebei Činggis-qaγan öbesüben Öteger-balγasun baγuba Joči Čaγadai Ögedei γurban köbegün öčijü ileger=ün Činggis-qaγan čirig minu bügüde Urunggeče-balγasun=a kürbe

ken=iyen üge=ber yabuqun bolba kemen öčijü ilegebesü Činggis-qaγan jarliγ bolurun Ögedei=yin üge=ber yabudqun kemejü ilegebe tedüi Činggis-qaγan Öteger-balγasun=ača üldejü Simisanču-balγasun=ača üldejü Baq=a-balγasun=a baγuba tende Činggis-qaγan Bala=yi külčijü (küliyejü) Altan-γoroqan=u niruγun=a Sülden=e jusalang jusaba Urung=geče=eče Joči , Čaγadai , Ögedei γurban köbegün Urunggeče-balγasun=i oroγulju γurbaγula irgen qubiyalduju Činggis-qaγan=a qubi ese γarγajuqui ede γurban köbegün=i baγuju irebesü Činggis-qaγan Joči Čaγadai Ögedei γurban köbegün=i čimadču (buruγusiyaju) γurban edüd ese aγuljibasu tende Boγorči , Muqali , Siki-Qutuγ γurban öčirün önjin meljin (edüi tedüi) aγsad Sartaγul irgen=ü sültan=i doroyitaγulju balγad=un irgen=i inu abubai bida qubiγaju Urunggeče-balγasun=i qubiyalduju abubasu köbegün bügüde qaγan=uqai bui tngri γajar=a küčü nemegdejü Sartaγul irgen=i edüi doroyitaγuluγsan=tur ba olan er=e em=e činu

bayasču erüjü amui qaγan yakin eyin kilinglejü amu köbegün buruγui=ban uqaju ayuba j=a qoyina=iyan surtuγai köbegün aburi=iyan aγsaγujai (ebderegüjei) soyorqabasu soyorqaju saγulčiγulsai Boγorči eyin kemen öčibesü Činggis-qaγan jaliraju Joči , Čaγadai Ögedei , γurban köbegün=i aγuljiγulju dongγoddur=un öteges=ün üges ürkidün qojay=a ügen=i qadaγalaju bayiγsan γajar=a buyantun (buyan=iyan) aldatala manglai=yin kölösün arčin yadatala badaraju čimaliqan (čimai=yuγan) süüger (ögüküi) Tuγula büküi=tür (büküi kürtele kemebesü) Qongγor-qorči Qorir=un-qorči öčirün buruγusiyaqun küliy=e=tür yakin oroqu metü köbegün say edüi qola soyon (surγal) büküi=tü köbegüd=i singtal=un man=a metü yakin eyin dongγodumui köbegün ayuju sedkil=iyen aγsaγujai (qangsaran qariγujai) naran singgeküy=e iruγar=tur kürtele dayin irgen bui mani Töbed odun türijü ilegebesü ba tngri γajar=a küčü nemegdejü altan mönggön aγurasun ed tavar irgen urγun čimadu abčirasuγai (abču iresügei) ali irgen kemebesü aq=a öröne baγuγad Baγdan irgen=ü Qalibar-sultan kemekü bui kememü tegün=tür bi ayalasuγai kemen öčibesü

qaγan ququraju eden=ü ügen=dür jalaraju jöbsiyejü jarliγ bolurun Qongqai Qoγtuqai Čiraqan γurban Adarkedei , Qoriqai γurban Todokedei , Qongduqai qoyar=i minu kürgede atuxai Ötögedei , Čidraγan=i Baqudun üges=tür , qalibai sultun=tur ayalaγulba basa Idus irgen , Baγadud irgen qoyar=un jaγura Aru-Mörö-Madasiri irgen=ü Abatu-balγasun=tur Dörbedei , Dörbei , doγsin=i ayalaγulba basa Sübegedei-baγatur=i , Ümekei , Qangla=yin Kebčaqud Orosad Sangqud Asud , Qasud Sergesüd , Basmir , Bolor , Kerel ede arban nigen ayimaγ qarin irgen=tür kürtele Ajil Yayiqan usud=da mören getülün Kiyu=a Men kerm=e balγasun=tur kürtele Sübegedei-baγatur=i ayalaγulba basa Sartaγul irgen=i abun aburaju (ačiraju) Činggis-qaγan jarliγ bolurun balγad balγad=tur daruγči talbiju Urunggeče-balγasun=ača Yalamča Masaq=ud ečige köbegün qubi qoyar=a Qormegei oboγ Sartaγul irejü balγasun=u yosun törö=yi Činggis-qaγan=a ögülejü yosun=tur qoyar aldatala meden keleldüjü köbegün=i inu Masas=un Qurumsi=yi bidan=u daruγ=a=luγ=a Bulai

Simisgen Urunggeče Uda $išegai Üriyang Küken-Dari terigüten balγasun=i medegülün sitüjü ečige=yi Yaγun=ača abčiraju Kitad Čungdu-balγasun medegülün abču irebei Sartaγtai kümün=eče Yaliča Mangγud qoyar=un balγasun=u törö yosun=i čidaqu=yin tula Kitad irgen=i sakiγui irgen=i medegülün tarbaγan=luγ=a tüsibe Sartaγul irgen=tür doloγan od yabuju tende Jalayirdai-Bala=yi küliyejü büküi=tür Bala Sin-mören=i getüljü Jilačin=i-sultan Qaγan-Melig qoyar=i Indusun γajar=a kürtele nekejü Jilačin=i-sultan Qaγan-Melig=i qoyar jobaγaju Indusun dumda kürtele nekejü yadaju qariju Indusun kijaγar irgen=i toliγad (daruγad) olan irgen temeged (ed aγurasun) abuγad irejüküi tende Činggis-qaγan qariju jaγura Artis jusaju doloduγar on bolju Činggis-qaγan Sartaγul irgen=i abču qariju ayisur=un Ordos=tur elčin=i ileger=ün Qorqoγtai köbegün=i abuγad iretügei kemejü ilegebe Udar-dabaγ=a=bar dabaju ayisuqui=tur basa elčin ilegerün baraγun köbegüd ödter kemejü ilegegdejü ödter ködelüged Činggis-qaγan=i Qara-Jayir neretü γajar=a büküi=tü

kürbei tende Činggis-qaγan köbegüd=te yisüle ačin teged öggögsen Sartaγul köbegüd aγtas kiged ögbe köbegüd yabuqun ülü toγolbasu Qubilai köbegün bügüdeger γarču irejü Sartaγul=un oljan=ača Qubilai köbegün=tür yeke=yi inu ögbe tendeče ködelüged takiy=a jil=ün namur Tuγula=yin Qara- Tün=e (siγui=a) ordon=tur baγubai # sodu boγda Činggis-qaγan köbegün=iyen Joči=yi Kebčaqud=un γajar=a daruγulun salaγaba Čaγadai=yi Sartaγčin=u γajar=a salaγaba Joči Čaγadai qoyar köbegüd=iyen salγaqui=tur soyon jarliγ bolurun bi tan=i öbere busu ulus=tu salγaqu busu ejelegsen=iyen medegülün oroγuluγsan=iyan daruγulun γajar=i aγudkin törö=yi tüsin örögele ger örögesün bey=e bolγan sayin=iyar salγaju ilegebe ayil=ača ayil qaγačan (sal=un) baγuba kemen anggijiran yakin sedkigdeküi ayil=un baraγan üjeltü=gül=ün (üjegdekül=ün) ülekü aγdaqu # sürüg=eče sürüg qaγčiba (salba) sudquran yakin yabuqu ta sürüg=ün činar nigedken ilegü aqun ta uruγ=ud minu aq=a degüü dotora aldar=un qada nebtes dobtolumui j=a qaškirq=a uriyaban ülekü qataγujiγad ta

dalai getün dobtolumui j=a daγun uriyaban yaγun tasululčiqun ta bar bar daγu=bar=iyan urilduju daγu uriy=a=ban yaγun busu boγolduqun ta barul barul malaγ=a=bar=iyar=iyan dalalulčiju qaraγaban yaγun jobaγalduqun ta beger kedün saγuldaju ken=iyen mön ken=iyen bisi kemeldükün ta keleldün ilegü sedkigdekün ta aγula alus saγulduju alin=iyan mön alin=i bisi kemeldükün ta aqalaldun degüleldün amaraγlan yabuγtun ta aqui yeke ulus irgen=i ünen törö yosu=bar yabuγulju aldarsiqu sayin ner=e=yi kičiyekü kereg bui j=a kemen jarliγ boluγsan ajuqu # Činggis-qaγan Joči aq=a=yi Kebčaqud=un daruγulun saγuqui=tur Boγorči-noyan=i soyo kemebesü Boγorči ögülerün Joči köbegün sonos qaγan ečige činu čimai=yi γajir=a aγudkin qari irgen daruγulun salaγamu qataγuji dabasi ügei dabaγ=a bui kemen sonosdamu ker dabaqu bi kemen büü sedki daban ele kemen sedkibesü dabaγdayu tere dabaqui=tur ele daγun siγun ügei dababasu dabaγan=u tere eteged daγun quγur belen

esergü bui # getülüsi ügei mören bui ker getülkü kemen büü sedki getülün ele kemen sedkibesü getüldeyü tere getülküi=tür gemür čimür ese bolbasu getülün barabasu tere eteged ger tergen belen esergü bui kemen soyobasu Joči aq=a ögülerün sodu ejen soyotuγai kemebesü namayi=yi kürüge edüi irgen=tür kürtügei qamuγ=a edüi irgen=i qamtuγai γajar=i aγudkituγai kemen soyon aqu kemen sedkilüge bi či bürin belen irgen=i medegülün bolbasun idegen=i boγorčilaγulun soyon ajuqu či kemebe tere üge=tür Činggis-qaγan jarliγ bolurun Joči či köbegün kemen köbegürkebei üü či bölög irgen=i jasan ese čidabasu bölügen ülü boluyu idegen=i tügegen čidaqu baγurči kümün quraγsan irgen=i ülü qojidaγuluyu qurim dotora ülü dutaγuluyu öber=iyen=ber olju ideyü yeke ulus=i jasaqu inu bolbasun (boluγsan) idegen=tür adali bui Boγorči=yin üge jöb kemen jarliγ boluγsan ajuqu # basa Činggis-qaγan jarliγ bolurun ečige köbegün ey=e yaγun ečine qola ilegekü metü busu ejilegsen=iyen ejilegül=ün

qataγujiγsan=iyan qadaγalaγulun ögüge <örgüge> ger örögele bey=e=yügen tulγ=a bolγan salaγamu töb=i seren tüsigsen=iyen sedkijü engke=yi ülü ebden , büküi=yi ülü burčin üjeküi=yin minu nidün sonosqui=yin minu čikin bolun qataγujibasu köbegün törögsen=ü ači tere bui j=a kemen ögülegsen ajuqu # Činggis-qaγan basa Qokin-noyan=i Orosud Čergisüd=ün γajar=a salγaqui=tur soyon jarliγ bolurun Qokin či budang=tur minu ese bulčiba či buγuruyitala nadur küčün ögbe či čang=tur minu ese čangγabai či čayitala nadur küčün ögbe či jol jögelen aq=a=yin uruγ buyu či mör Joči=yin baraγun eteged sal abaraγan nebte qarbuy=a kemen büü yekemsi čimadaγan ese daγaba kemen büü čöke aru tuγurγ=a bolun yeke ger=tür keyisgelen (gerlen) olan dayin(dayisun)=tur töb qaran ülükü bayiqu či kemen jarliγ boluγsan ajuqu # Činggis-qaγan=a Qokin-noyan salaqui=tur=iyan bisiren öčegsen ajuqu qaγan aq=a=tur=iyan jüg=iyer daγaju yabuγsan=u tula budang=tur ese bulčiba čang=tur minu

ese čangγaba kemejü irgen idegetü ulus umda=tu bolγaju naiman mingγan irgen ögčü γajar aγudkin qari=yi daruγulun salγaγdamui bi irgen=ü idegen=tür erüsdejü ulus=un umda=tur soγtaju altan sedkil=i amuγulun čidaqu buyu bi qaγan aq=a=yin minu gegegen mör medetügei qataγujin küčün ögsügei kemen öčigsen ajuqu # Činggis-qaγan basa Möngke=tü-baγatur=i salγaqui=tur soyon jarliγ boluγsan ajuqu gegürekü alanggir degüü minu Qokin salju odču kürün baraju öčijü ileger=ün aq=a=yi surγabasu ekin minu dereseg elige minu γalasaγ següji minu debisgerseg bolba kemen öčijü ilegejükü jöb=iyer küčün ög kölge etükü urγ=a minu Möngke=tü čimayi jarumui bi sal <sil> dügüreng malaγ=a=ban temterin emüsčü temür dörögöben dölö jigyijü tngri γajar=i daγuristala ülükü yabuqu či tngri=de mör ögdebesü dalai tasu dobtolumui j=a či daγun uriy=a=ban büü tasul qada=yi qaγ=a dobtolumui j=a či qačikirq=a <qaškirq=a> uriy=a=ban ülükü qataγujiqu či qančun qormai tasu odun amu či qoyinaγsi kilinče=yin jigür=e ilege

kemen jarliγ boluγsan ajuqu # Činggis-qaγan basa Joči aq=a=yi minu büü kündüsige (kündüdke) üge=tür ijilidbesü sečen boluyu ildü jida ijilidbesü baγatur boluyu tere sečen kemekü bui γaγča sedki boro darasun büü uγuu baraγun jegün anggida qola dayin (dayisun) gejü basa sedkikü bolbasu tedüi bui j=a ese olbasu sedkil=iyer kürülčebesü tende keleledüy=e kemen soyoju ilegegsen ajuqu # basa sodu boγda Činggis-qaγan Boγorči Muqali qoyar=a soyorqal öggör=ün Kitad irgen=eče tan=tur ese öggölüge Kitad=un Jüyin irgen=i Boγorči Muqali qoyar=tu sačaγu qubiyaju abudqun abču sayid köbegüd=i inu sibaγun bariγulju daγaγulju yabudqun sayin ökid=i anu ösgejü emes=iyen daγaγulju qormai jasaγulju yabudqun Kitad irgen=i Altan-qaγan=u inaγud itegel=ten Mongγol=un ebüges ečiges=i baraγsan Sartaγčin Jüyin irgen ajuqu j=a edüge minu eke=de (üge nigen) keleten ey=e inaγud Boγorči Muqali bui j=a Jüyin irgen=i ta qubiyaju abudqun kemen jarliγ bolba # basa Boγda-Ejen Kitad ulus=i erke=tür=iyen oroγulju

Altan-qaγan=i oro abuγsan=i Tangγud=un Sidurγu-qaγan sonosuγad emiyejü Bayan-Sartaqar=yin köbegün Ere-Durdung=yi baraγun γar činu bolju albai=yi činu ögsü gejü elči ilegegsen bölüge tere elči ejen=tü ayiladqaju qariqui=tur=iyan Boγda-Ejen tngri=yin köbegün gegči ünen bayinam man=u qatun=u gerel=tür inu šöni jula ülü kereglekü bui Mönggöl=ün-Γou=a=luγ=a adali busu gejü ene üge kelejü qariba Boγda-Ejen Tayičiγud=un Jamuq=a=yin em=e Mönggöl=ün-Γou=a=yi tataju yabuqu aγsan aju Durdung=yin üge=yi Jamuq=a sonosuγad ejen=tür ögülerün minu Mönggölün-Γou=a em=e=eče Kitad=un Vangginai-janggini Sečen-Nomitai=yin ökin Tangγud=un Sidurγu-qaγan=u Kürbeljin-Γou=a neretü qatun=u gerel=tür inu šöni jula kereglekü ügei genem tegüni abasai kemen yenggün (olkin) ögülegsen ajuqu Boγda-Ejen tegün=ü qoyina Sartaγul ulus=tur bi ayan mordaba či morda gejü Sidurγu-qaγan=tu elči ilegebei Sidurγu-qaγan tere elči=tür qamuγ=i ülü ejilen atala qaγan bolba kemekü ene yaγun qan kümün=tü nökör yaγun kereg gejü ese bolba tere üge=yi sonosuγad ejen altan amin=iyan ügei bolun

boltala čimayi talbiqu ügei gejü aman abuγsan bölüge tere ebül ebüljijü Tangγud irgen=tür morilay=a kemen sin=e toγ=a čerig toγolaju Tangγud=un Sidurγu-qaγan=u qara qangsiyar=tu sira qongγor Göbelig neretü noqai iruči genem gejü Boγda-Ejen yisün köl=tü čaγan tuγ=iyan jalan qadquju γurban üy=e mordan mordan baγuba tere noqai metü engke esen amuγulang jirγalang gejü qučiqula dayisun ügei uliju qučiqula dayisun bolqu aγsan ajuqu tere noqai ejen=ü mordaqui=yi medejü γurban on ulin qučabai Sidurγu-qaγan noqai minu kögsirejü iru=a inu ügei bolju bayinam gejü serel ügei saγubai tegün=ü qoyina noqai jil=ün namur yabaγan čirig=i yabuγulju Boγda-Ejen Qasar=ača qačar tas=un edü ača gejü boγol Mečin=i ilegebe Qasar ögülerün qamuγ=un ejen qaγan bolbaču qačir tas=un edün abqudu bi sayin gejü keleged qačir tas=un ödü ögbei küdü daruγsan gejü ese abču qaribai qara qaljin=i alaju ača gejü boγol Mečin=i basa ilegebei Qasar qara qaljin sibaγun=i nisčü yabuqui=yi üjeged erkilgen=i mön qamiγ=a=yi qarbuqu bui

gejü boγol Mečin=eče asaγbai boγol Mečin ögülerün qara sira qoyar=un jabsar=a qarbu gebe qangsiyar inu tasu qarbuju ögbei qan kümün=tü yosutu qačar tas=un edü bile ene bisi qara qaljin bayinam čisun qaldaba gejü ese abču qaribai tegün=tür ejen qoriγlaju bölüge γaqai jil=tür Ejen-Boγda Yusui-qatun=i abču moritan čirig=üd=i udurid=un öber=iyen mordabai Ejen-Boγda Mon=a-qosiγun=i üjeged jarliγ bolurun ebderegsen törö=dür qorγulaltai engke törö=tür nutuγlaltai üdekü buγu üdegleltei kemen jarliγ bolba modun degere saγuγsan maγu keletü uγuli=yi üjeged ejen Qasar=i qarbu gejü jarliγ bolba Qasar qarbubai uγuli bosuγad jabsar=tur šaγajaγai oroγad jigür inu tasu qarbuγdabai ejen qoriγlaju ildüben dalayiju bayibai ejen=dür örlög noyan ayiladqaba sayin=u šaldar maγu=yin šarbuγ gem ejen öber=iyen medegesei gebe ejen jöbsiyen jaliraba tegün=ü qoyina boγol Mečin köteči Qasar degü činu arakidaju saγuqui=tur=iyan Qulan-qatun=u γar=ača baribai gejü ejen=dür

ayiladqabai tegün=tür ejen qoriγlaju urida doloγan Qongqatan=a üge nigedčü yabuba tegün=ü qoyina bolusa qačir tas=un edü ese ögčü yeke üge ögülebe edüge bolusa maγu keletü uγuli ala gegsen=i sayin keletü šaγajaγai alaba labta maγu qaratu ajuqu kemen Qasar=i dörben kümün=iyer sakiγulju buq=a görögesün=i künesün ögčü qasiyatu quduγ=tu külijü talbibai Qangγai qaγan=i yeke aba talbiqui=tur=iyan jarlaba börte čino=a γou=a maral oroqui bui tegüni büü ala köke boro mori=tu bujigir üsütü qara kümün oroqu bui amidu bari gejü jarliγ bolba börte čino=a γou=a maral qoyar oroju ese alaju γarγabai köke boro moritu qara kümün=i kümün bariju či kenükei bui gejü asaγba daγun ese γarbai ejen=tür abču irejü ögbe ejen asaγba Mongγolun Boγda-Ejen čirig mordaba gejü Sidurγu-qaγan qaraγul γarγaju bile köl=tü morin=tur ülü γartaqu Kös-Bolod=un köke boro gegči bile güyičegdebe dörben tabaγ minu qubiraquy=a bolba # qara terigütü kümün=tü ülü γartaqu qaduraγči Qara-Bodong gegči bile bi qara

terigütü kümün=dü γartaba qara terigün minu qubiraquy=a bolba gebe Boγda-Ejen ögülerün qaγan činu qubilγan gele ünen=iyen kele gejü jarliγ bolba Bodong ögülerün örlöge qoor=a=tu sijaγan sira eriyen moγai bolqu tegün=tür bariju ülü bolqu üdedü kürin eriyen bars bolqu tegün=tür bariju ülü bolqu üdesi γou=a sira köbegün bolju qatun=luγ=a naγadču saγuqu bui tegün=tür bariju bolqu gejü kelebe tedüi tere kümün=i üge abuγad tendeče Ejen-Boγda Tangγud irgen=ü jaq=a=tu kürčü ečitele Sidurγu-qaγan=u Rngγ=a ijaγur=tu emegen Mongγol=un čirig=i uγtuju ireged ere aγtad=i qariyaju ükügülbei ejen=tür Sübegedei-baγatur öčirün ene emegen ere aγtad=i qariyaju ükügülbei Qabutu-Qasar=i jasaγ=ača γarγasai gejü üge öčibei ejen jöbsiyeged öber=ün jigür=tü qula morin=iyan unuγulju abču irejü qarbuγulbai Qasar=un bey=e bariyan(küliyesün)=tur jobaγsan=u tula keltürkilen bayiju ebüdüg=ün nidün=ü=geče anu qarbubai tere emegen qabirγ=a=bar unaju üküküi=tür=iyen Qasar=un nuγun üre inu

sirqa=tu enggüre boltuγai ökin üre činu eredegen gegegdetügei gejü qariyaju ükübei Činggis Aluš=i joriju kürčü Ese-Gambu=lüge qadqulduju Ese-Gambu=yi abču term=e ger=tü (čeg=e=tei) temegen ačiy=a=tu (=tai) irgen=i inu ünesü=ber keyistele tolibai (dobtolbai) erekün (erküü) omoqan sayid Tangγud=i kidaju eyimü teyimü (edüi tedüi) Tangγud irgen=i čirig=ün kümün bariγsabar oluγsan=iyan abudqun kemen jarliγ bolba Časutu-Takir=ača ködeljü Dörmegei-balγasun=i oroγulju Sidurγu-qaγan=i moγai boluγsan čaγ=tur inu ejen garudi bolbai bars boluγsan čaγ=tur inu ejen arslan bolbai köbegün boluγsan čaγ=dur inu ejen ebügen bolju baribai Sidurγu-qaγan ejen=tür üge ögülerün namayi büü ala čolman=i bariju dayisun (küyiten) ügei bolγasu mečid=i bariju jud (kiraγu) turaqan ügei bolγasu namayi alabasu amin=tur činu maγu ese alabasu ür=e=tür činu maγu gejü eyimü üge ayiladqaba ejen tegün=ü ügen=tür ese boluγad qarbuju čabčiju ese daγalγabai Sidurγu-qaγan ögülerün bey=e=yi minu čabčiju qarbuju ese daγalγabai

ta minu ulan=tur γurba quγuskijü ebkegsen eriyen qosilang bui tegüber boγoju ala gebe mön tere qosilang=i abču boγoju alaqui=tur namayi edüge boγoju alaqu bolusa qoyitu üre činu nadur adali boγomilaγdaqu boltuγai Kürbeljin-Γou=a-qatun=i minu qara kimusun=ača ekilen bügüde=yi nengjidkün gejü keleged ükübei Ejen-Boγda Kürbeljin-Γou=a-qatun=i abubai Kürbeljin-Γou=a-qatun=i öngge=yi ejen ekilen yeke ulus γayiqaldubai Kürbeljin-Γou=a-qatun ögülerün ene öngge minu tan=u čirig=ün toγosun=a kirtübei egün=eče urid ilegüü γou=a bölüge edüge usun=tur ukiyabasu ülemji γou=a bolumui kemebei ene ügen=tür Ejen-Boγda usun=tu ukiy=a gejü ilegebei tere qatun usun=u kijaγar=a yabuγči köke boljomori bariju segül=tür inu bičig bičijü bi ene usun=tur ükükü bui bey=e=yi minu uruγu büü eri ögede eri gejü ečige=tür=iyen ilegebei ökin=iyen üge=ber erijü γool ögede eriged abču ongγolaqui=tur toloγai=yin nijeged tulum=iyar sirui asqaju ongγolabai čoγča (kegür) inu temür olqu gekü tere mören=i

Qatun=u-γool gekü # Tangγud ulus=i oroγulju Sidurγu-qaγan=i alaju Dörmegei-balγasun=i ebdejü Kürbeljin-Γou=a-qatun=i abču Tangγud irgen=i uruγ=un uruγ=a kürtele moqali möšgüli ügei bolγan abuγad Tangγud irgen=eče Yosui-qatun=tur masi olan ögbe tere ayan=tur Luuban-qan=i jusaju Dörmegei-balγasun=a Boγda-Ejen kündü qaluγučiju altan amin=iyan γarqui čaγ=tur jarliγ bolurun küder metü dörben degüü külüg metü dörben köbegüd tabun öngge dörben qari ulus minu sonosuγtun ta sur döröge suntala temür döröge dölöretele jigyijü yeke ulus=iyan joban jögejü jongkilan quriyaqui čaγ=tur ene metü jobalang=yi ese üjilüge bi # eremeg čaγaγčin=iyan unuju e<i>sigen daqu=ban bögtörčü eng yeke ulus=iyan joban jongkilan quriyaqui čaγ=tur eyimü jobalang=i ese üjelüge bi # erte urida töröl=ün öri tölögesü bolbau edüge ene töröl=ün jobalang bolbau kemeged Ejen-Boγda eyin jarliγ bolurun edün bügüde sayid minu qariγu ögügtün ta gejü jarliγ bolbasu Sönid=ün Gölögedei-baγatur

öčirün qas boluγsan törö boγonidum j=a qayiratu Börtegeljin-Sečen-qatun činu üküm j=a Qasar Belgetei qoyar činu bölügedüm j=a qamurun jögegsen olan ulus činu qamiγasi yaγasi tarqam j=a # öndör boluγsan törö činu boγonidum j=a öni=de batu=da učiraγsan Börtegeljin-Sečen-qatun či=nu üküm=j j=a Ögedei terigüten köbegüd činu önöčidem j=a örisün jögegsen olan ulus činu öbere kümün=nei bolun tarqam j=a # aγula boluγsan törö činu boγonidum j=a olju takiγsan (abuγsan) Börtegeljin-Sečen-qatun činu üküm j=a Očiqu Qačiγu qoyar činu bülegedüm j=a olan jögegsen ulus činu aγula tayiγ=a büri tarqam j=a # Qangγai-Qan=i qajuγulaju negüm j=a qatun köbegüd či=nu küyilen qayilan irem j=a tegün=tür nigen sayin surγal üge kelekü ajiyamu # Ölge-öndör=i ölgelen negüm j=a ökid köbegüd či=nu küyilen qayilan irem j=a tegün=dür nigen sayin surγal üge kelekü ajiyamuu # nirai bey=e=yi ničalquy=a berke bolunam j=a kerbede ničalbasu nirvan=u γajar=a jolγaqu man=u

ünen bolbau elegür bey=e=yi ebdeküy=e berke bui j=a kerbede ebdebesü engkejin=ü γajar=a jolγaqu man=u ünen bolbau # örögösün qočoruγsan Börtegeljin-Sečen-qatun=tu činu önöčin qočoruγsan Ögedei terigüten köbegüd=tür činu ködege γajar=a usun jiγaju kötel γajar=a jam jiγaju ögkü ajiyamu kemen öčibesü Činggis-qaγan jarliγ bolurun # edüge büü ükü örögesün qočoruγsan Börtegeljin-Sečen-qatun=tu minu önöčin qočoruγsan Ögedei terigüten köbegüd=tür minu ködege γajar=a usun kötel γajar=a jam jiγaju ög # qas čilaγun=tur arasun ügei qatan tömör=tü turusun ügei qayiran törögsen beyen=dür möngke ügei qaril bučal ügei yabuju qataγujin sedkigtün ta # jaγun üyile=yi üyiledün bütügebesü üyile=yin oki ünen ügen=tür=iyen kürügsen kümün=ü sedkil beki öčüken duran=iyar yabuju olan=luγ=a joki ünen=iyer negün nökčin ečikü bey=e tan=u bui # qoyitu sayin törö=ben sakiγtun ta Qubilai kegüken=ü üge öbere bui tegün=ü üge=ber yabuγtun ta kemen jarliγ boluγad qorin qoyaduγar on ulaγačin γaqai

jil=tür jiran jirγuγan nasun=tur=iyan doloγan sarayin arban qoyar=a tngri bolba # qasaγ tergen=tür külüg=ün küljü qaγan ejen=ü altan kegür=i qasaγ tergen=tür örgön tegejü qariju ögede bolγan ireküi=tür Sönid=ün Gilügedei-baγatur maγtarun # qaliqu qarčaγai=yin jigür bolun odbau či ejen minu qangginaqu tergen=ü tegesi bolbau či ejen minu toγoliqu qarčaγai=yin jigür bolun odbau či ejen minu toγoriqu tergen=ü tegesi bolbau či ejen minu jirgikü sibaγun=u jigür bolun odbau či ejen minu jirkiraqu tergen=ü tegesi bolbau či ejen minu gejü maγtaju iretele Mon=a=yin-köge=ber=tür kürüged qasaγ inu bulu činege sigedčü ködelgen yadaqu=tur tabun öngge=yin külüg=üd=i küljü γarγan yadaju kür ulus jobaqui=tur Sönid=ün Gilügedei-baγatur mörgön öčibei # köke möngke tngri=teče jayaγabar törögsen külüg Boγda-Ejen minu kür yeke ulus=iyan orkiju kürbei či degedü töröl=tegen # töbsin=e bayiγuluγsan törö činu törölen bayiγuluγsan ulus činu tegüs

körögelegsen qatun köbegüd činu törögsen qan γajar usun činu tende bölüge # ariγun=a bayiγuluγsan törö činu albalan bayiγuluγsan ulus činu amaraγ=ud qatun köbegüd činu altan ordo qarsi činu tende bölüge # uran=a bayiγuluγsan törö činu učaralduγsan qatud köbegüd činu uridu jögegsen olan ulus činu uruγ eligen činu tende bölüge # urγumal ulus irgen činu ukiyaγsan usun časun činu olan Mongγol ulus činu Onon=u Deligün-boldaγ=a törögsen γajar činu tende bölüge # keger ajirγan=u kököl=iyer kigsen tuγ sülde činu kenggerge büriy=e uriy=a činu kelkü bügüde ulus činu Kerülen=ü Ködege-arlan qan saγuγsan γajar činu tende bölüge # bütüküyin urida učiraγsan Börtegeljin-qatun činu buyan=tu qan γajar nutuγ usun činu Boγorči Muqali qoyar amaraγ nökör činu bürin yeke yosun činu tende bölüge # qubilγan=iyar učaraγsan Qulan-qatun činu quγur čoγor kög daγun činu qotala bügüde ulus činu qutuγ=tu qan γajar usun činu tende bölüge # Qariγun=a-qan=i

dulaγan gejü qatun Kürbeljin=i γou=a gejü qaritan Tangγud ulus=i olan gejü qaγučin Mongγol=iyan eyin tebčibeü či ejen minu # qayiratu amin činu γarbasu qas erdeni metü kegür=i činu abču qariy=a ni qatun Börtegeljin=tür činu üjügülüy=e ni qamuγ ulus=tur činu kürgey=e ni kemen öčibesü qan ejen enerin soyorqabai qasaγ tergen qangγaris=un ködelbei qamuγ ulus bayasqulang=tu bolbai qan yeke γajar=a tende kürgebei # qamuγ=un möngke kür (kegür) tendeče egüsčü qan jayisang=ud=un tulγ=a bolju qamuγ ulus=un sitügen boluγad qamuγ=un möngke γadasun naiman čaγan ger bolbai j=a # ejen endeče ečiküi=tür baγarγan jarliγ boluγsan=u siltaγabar edüge tuγar qasaγ terge bulu činegen sigedbei eng yeke ulus=tu qudal tungqaγ ögčü emüsügsen čamča örgöge (örögesün) ger uriyasun oyimasun=i tende ongγolaba ünen kegür=i inu jarim=ud Burqan-Qaldun=a=tur ongγolaba gekü jarim=ud Altai-Qan=u aru=tu Kentei-Qan=u ebür=tü Yeke-Öteg neretü γajar=a ongγolaba

gekü buyu # sodu boγda Činggis-qaγan=u ködelüsi ügei küder metü dörben degü anu Qasar , Belgetei , Očiγu , Qačiγu ede buyu siregen=ü yeke qatun Börte-Üjin=eče törögsen Joči Čaγadai Ögedei , Tolui dörbegüle bölüge Alaq=a-beki , Ilγaldun-beki , Sečeyiken γurban güngjü bölüge Qulan-qatun=ača törögsen külüge Yisüi-qatun=ača törögsen Yüčibei Yisügen-qatun=ača törögsen Qaračar , Qarqadu , Čaqur ede γurbaγula bölüge Joči-ejen=i köbegün Urdana Batu Berke Tangγud , Čobai , Qongγočar , Berkečer ede bölüge Qulayiγan (...) neretü nigen abaqai bölüge # Boγda-Ejen=ü törö=yin tüsiy=e boluγsan külüg metü yisün örlög=üd=ün aq=a anu Jalayirdai=yin Γou=a-Muquli Jürčid=ün Čuu-Mergen Arlad=un külüg Boγorči Sülden=ü Torqan-Sira Uriyangqan=u Jelm=e Besüd=ün Jebe Oyirad=un Qara-Kiru Jürken=ü Boqorul Tatar=un Siki=qutuγ yisün örlög=üd ede buyu urida Jelm=e γaγča Muqulidai=ača degü aγsan aju qoyina Bötögeljin-qatun=i Tayičiγud=ača

abču ireküi=tür gem kigsen=ü tula Boγda-Ejen dörben kümün=eče degü bolγaγsan tere bui yisün örlög=üd ede buyu # ede yisün örlög=üd Ejen-Boγda=tur nigen nigen učaraju eng ügei ulus irgen=i quriyaqui tere čaγ=tur Ejen-Boγda=yi daγaju küčü=ben ögčü # qaritan dayisun=tur qaril bučal ügei yabuju qaγan ejen=ü törö=tür amin bey=e=ben tebčijü tusalan qayira kesig soyorqal=tur kürtejü alus ner=e=yi temečin qamuγ=a aldarsiju yisün örlög=üd kemekü ner=e ögdejüküi # Boγda-Ejen=ü yeke köbegün Joči ejen=ü ür=e Kebčiqud Toqmuγ Aγasar-qan Darbis-qan Siban Üleyibe Isger , Toqo , Sangγud tegün=eče inaγsida qotad=i meden ejilebe Čaγadai aq=a=yin köbegün Mengge=tü Yisü Möngke Büri , Moči Bayadar , Baγatur Simün ede bölüge Čaγadai ejen=ü üre jegün jaq=a inu Kemil bui baraγun jaq=a inu Bürγari Simisgen Samurqan ede aγsu jangγačilan tümen qotad meden ejilebe Ögedei qaγan=u köbegün Güyüg-Külüg-qaγan Tolui ejen=ü köbegün Möngke-qaγan , Qubilai-Sečen-qaγan

Aribuq=a ejen ede bölüge yeke γolomtan=tur töblen döčin tümen Mongγol=un ejen boluluγ=a # boγda Činggis-qaγan=u jirγuγan tümen gegči Ordos nige tümen Arban-Qoyar-Tümed nige tümen Yüngsiyebü , Asud , Qaračin nige tümen Baraγun-Γurban-Tümen gegči ede bui Čaqar nige tümen Qalq=a nige tümen Uriyangqan nige tümen Jegün-Γurban-Tümen gegči ede bui Börtegeljin-qatun=u yeke ordo inu Kürüi-ordo Qulan-qatun=u ordo inu Solongγas=un Bars-ordo Yisüi-qatun=u ordo inu Sirγačai=yin-ordo Yisügen-qatun=u ordo inu Qamtudqui=yin-ordo kememü # # Sümbür-aγula=yin emüne=tü tala inu Ulaγan-Li=yin tala bui jambutyib yirtinčü kememü tegün=tür yisün öngge=yin ulus bölüge yisün öngge ulus inu Enedkeg ulus þ čaγan öngge=tü buyu Ökin ulus noγoγan öngge=tü buyu Töbed=ün ulus qara öngge=tü buyu Kitad=un ulus ulaγan öngge=tü buyu Γauli ulus köke öngge=tü buyu Vasa ulus xuva öngge=tü buyu Noqai ulus kürin öngge=tü buyu eriyen

ulus γaγča költü ulus buyu Mongγol ulus sira öngge=tü buyu Mongγol ulus dörben öngge=tü buyu Čaγan-Mongγol Imaγari=yin emüne=tü jüg=tür bui Sira-Mongγol Ačini-čayidam=tur ayu Ulaγan-Mongγol Qara-Kitad=luγ=a qamtu saγun bölüge Qara-Mongγol qoyitu γajar=a ayu # Töbed ulus γurban öngge=tü buyu Čaγan-Töbed degedü Imaγari neretü γajar=a barin ayu Ulaγan-Töbed Γurban-Süngge neretü γajari barin ayu Qara-Töbed Kitad=un jaq=a barin ayu Kitad ulus dörben öngge=tü buyu Čaγan-Kitad Enedkeg γajar=tur ayu Sira-Kitad dalai=yin dumda ayu Qara-Kitad Čangki γajar=a ayu Ulaγan-Kitad Nandai neretü γajar barin ayu Eyeveng=i ulus Kereng neretü γajar barin ayu # basa Γal=un ulus baraγun eteged=ün emüne aγsan ajuqu Mon ulus Γaqai-aγula bariju ayu Balbu=yin ulus Enedkeg Töbed qoyar=un jabsar=a ayu Sartaγul ulus Li neretü γajar barin ayu Mečin ulus oi modun=tur ayu Dörbeljin-Veyisi γajar=a edeger ulus=i eyin kemen qubiyan

bariγsan ajuqu # teden=ü dumda Lxa-Duddari-qaγan=ača inaγsi=da Üsün-Siregetü-qaγan kürtele arban tabun qad saγuba Töbed γajar=a γurban Čakravar=un qaγan töröjem γadan=a doton=a dumdadu=yi γurban jüyil yosun yamun esgebe γurban jaγun jiran jasaγ=iyar yabuγulba yamutan=i titigülbe (malaγ=a emüsgegülbe) tegün=ü qoyina Kitad=un γajar=a Tang-ong=un öröne=eče Čiu-Tai-Jiu neretü qaγan saγuju jirγuγan üy=e bolba # tegün=ü qoyina mön Kitad=un Altabutu-Tangqun-Siqu neretü qaγan saγuju Sidurγu-qaγan kürtele jirγuγan üy=e bolba tegün=ü qoyina mön tere čaγ=tu dorona=tu eteged jambutyib yirtinčü=tür ene γajar deger=e arban qoyar maγu qad töröjü qamuγ amitan=i masi dengsel=ün jobaγaba tere jobaγaqui=yi erketü Sikamuni-burqan medejü Qormusta tngri=yin qubilγan=i Mongγol=un γajar=a Yisükei-baγatur Ögelen-Üjin qoyar=ača qamuγ jambutyib=i medegülün Mongγol=tu sodu boγda Činggis-qaγan tabun yeke ulus=i erke=tür=iyen oroγulba emüne

Kitad=un Aqudai-Altan-qaγan öröne Töbed=ün Sidurγu-qaγan umara Sartaγul=un sultan Qaγan-Melig qoyar dorona Solongγas=un Buq=a-Čaγan-qaγan dörben jüg=ün dörben qaritan tede bölüge # tegün=eče öbere busu öbere öbere erkesigsen arban qoyar maγu qad kemebesü Tayičiγud=un Tarγutai-Kiriltuγ Jürken=ü Sečen-beki Γurban-Merged=ün Toγtaqa-beki Kereyid=ün Ong-qaγan Jajirad=un Jamuq=a-qaγan Qarlaγud=un Arslan-qaγan Oyirad=un Qutuγ=a-beki Qori-Tümed=ün Botoqui-Tarγun Uyiγud=un Idaγud Naiman=u Dayan-qaγan Tatar=un Megüjin-Segül=tü Jirγuγan-Jürčid=ün Jančung-qaγan ede arban qoyar maγu qad=i erke=tür=iyen oroγulju döčin tümen Mongγol dörben tümen Oyirad jirγuγan mingγan Üjiged Ongγoča Osgi , Barγu Buriyad , Tou=a , Uriyangqan , Uruγtan , Qamiγan Enggüd oyin irgen , alaγ aduγutu altan tebsitü bölög čölög ulus kürin noqai ulus terigün ügei ulus eriyen γaγča köl=tü ulus terigüten edün ekiten ulus=i erke=tür=iyen

oroγulju bars metü barilaju ötege metü örölejü öber=ün dura=bar yabuju edün ekitü ulus=un alban abču jambutyib yirtinčü degere burqan=u jarliγ=iyar tngri=yin ibegel=iyer qara terigütü kümün=ü düri bögetele edüi ulus=i jongkilan (tobčilan) tabun öngge=yin yeke ulus dörben qaritan=i erigü buruγutan=i nomoqadqaju engkejegül=ün ulus=i quriyan törö=yi tedküldügsen sayid arad=i tümed=ün noyan mingγad=un noyan jaγuγad=un noyan arbaγad=un noyan bolγan dotoγadu bey=e sakiqu tümen kebtegül naiman mingγan qorčin kesig=ten bolγaju čirig medekü baγatud noyad=iyar čirig medegülün ulus=un alban γubčiγur=un daruγ=a sigüleng demči talbiba jarγu ilγaqu jayisang=ud talbin ulus=i medekü čerbi (türügüü) čirig=i medekü čerbi talbiju tus tus=tur inu tüsin yamu yosun=i tegüsgejü tabun öngge=yin yeke ulus=i köl kösere γar γajar=a kürgen engke jirγaγulbai # # tegün=ü qoyina γutaγar=un on bolju üker jile Ögedei qaγan döčin γurban nasun=tur=iyan

Kerülen=ü Ködege-arala yeke oro saγuba jarim teüken=tür Ögedei qaγan köl=iyen čilegerkejü Saskiy=a-bandida=yi jalaju ire gejü elči ilegebei tere lam=a nigen bögesün nigen keseg sirui nigen šaril γuu dotora kijü öggöged ilegebei Ögedei abču üjeged sirui anu či ükükü gegsen bayinam bögesün öggögsen anu namayi ideküi=tegen oduy=a gejü bayinam šaril öggögsen anu qoyina Mongγol ulus , nom=tur oroqu gegsen bayinam gebe tedüi lam=a irebei Ögedei qaγan uγtuju jolγabai köl=ün čilege=yi asaγbasu , qaγan či uridu töröl=tür Enedkeg=ün qaγan=u köbegün aju süm=e bariqui=dur γajar köndejü modun oγtaluγsan=iyar γajar=un ejen irejü todqarlabai süm=e bariγsan=iyar Činggis-qaγan=u köbegün bolju töröbei kemen maxa=galayin gdorm=a orkiju čilege edegebei qaγan ekilen Mongγol ulus bügüdeger nom=tur orobai olan qubilγan=i üjügülbei Rču-qoton=tur Gamala-Sila neretü suburγan bosγabai Saskiy=a-bandida=dur

nököd bolju ireküi=tür Pagsba-lam=a naiman nasutai daγaju irebe basa Garm=a baγsi irejüküi basa jarim (nigen) teüken=tür inu Saskiy=a-bandida=yin ilegegsen čidqumal burqan=i ene altan buyu yaγun kemejü qaurai=bar ürügsen=iyer erten=ü buyan baγuraju γurban qonoγ čilegerken qaγan oro saγuγsan=ača arban γutaγar on bolju üker jil=e tabin tabun nasun=tur=iyan Üdükü-Qulan=a tngri bolba Ögedei qaγan qonin jiltü ajuqu # Güyüg-qaγan anu jirγuγan on bolju morin jil=dür Örmögetü=de döčin qoyar nasun=a yeke oro saγuba nögöge on qonin jil=e döčin γurban nasun=tur=iyan Semsigide=tür tngri bolba Güyüg-qaγan üker jil=tü ajuqu # tegün=ü qoyina tabdaγar on boluγsan=tur boγda Činggis-qaγan=u odqan anu Tolui-ejen tegün=ü köbegün Möngke-qaγan döčin tabun nasun=tur=iyan γaqai jil=e Kerülen=ü Ködege-arala dörben sarayin γurban sinede yeke oro saγuba blam=a inu Sodnam-Jamsan neretü bui yisün on bolju ür=e ügei tabin dörben nasun=tur=iyan

qonin jil=e Čing-Jenggü neretü qota=tur tngri bolba Möngke-qaγan taulai jiltü ajuqu # tegün=ü qoyina jirγuduγar on bolju mečin jil=e Tolui ejen=ü Kereyid=ün Ong-qaγan=u degüü Jaqa-Gambu=yin ökin=eče törögsen sodu Qubilai-Sečen-qaγan döčin tabun nasun=tur=iyan Kürdü-$angdu=da yeke oro saγuba tere Qubilai-Sečen-qaγan=tur dörben ayimaγ čirig tegüsügsen buyu Yang neretü ulus ba Miqas ulus kiged=i toyin=tur=iyan oroγulbai Kitad=un jirγuγan muji Manji=yin ulus=i toyin=tur=iyan oroγulbai Enedkeg=ün dorona Kitad=un emüne deki Qanjou neretü yeke balγasun ene γajar degere teyimü yeke balγasun ügei bölüge tegün=i toyin=tur=iyan oroγulbai burqan=u šasin nom=ud=i naran metü manduγulun delgeregülbei tere qaγan=u Čambui neretü qatun inu γurban erdeni=yi bisiregči bölüge tere qaγan anu nom ba yirtinčü=yin üyiles=i Čambui-qatun=luγ=a jöbsiyejü üyiledkün bölüge tendeče tere qaγan anu γučin nasun=daγan Pagsba-lam=a=yi

jalaju Pagsba-blam=a arban yisün nasutu bögetele siregen=e γarγaju Kürin-Čandan neretü qota=yin baγana=yi čaγan čilaγun=iyar kijü γurban öngge ulus=i nom=tur oroγulbai Qubilai-Sečen-qaγan Pagsba-blam=a=tur altan kiged subud=un kerše <kirsan> debel erdeni=ber kilgegsen orkimji erdeni malaγ=a altan sigür altan siregen terigüten ed tavar morin temegen=i ergübei Pagsba-lam=a tendeče Kemüs-Gambu oron=tur ögede bolju ubadini aldarsiγsan aldar=un gegen=eče tobčilan doloγan nököd selte=yin šaγsabad üneker abču qarin ögede bolju irebei qaγan=bar včir=tu kölgen=ü nom=un rasiyan=u qurim=i γurban=da eldeküi angqan=u üy=e=tür Töbed=ün γurban tümen=ü určin=i ergübei qoyaduγar üy=e=tür Kitad=un určin=i mon kiged oi=dur Töbed=ün arban určin=i ergübei γutaγar on Ačidasaduru-qaγan=u šaril=un qubi=yin sayibar oduγsan=u arbičiqui šaril=nuγud=i ergübei Pagsba-lam=a=tur bandida Pagsba disari kemekü čola ergübei

Dayidu=da ebüljijü $angdu=da jusaju Sikamuni=yin šajin=i naran metü geyigülbei # nigen üy=e=tür Garm=a baγsi anu usun=a singgiküi oγtarγui=tur nisküi čilaγun adququi terigüten olan ridi qubilγan=i üjügülügsen=tür Sečen-qaγan=bar bidan=u lam=a disari qutuγ=tu anu qubilγan mön bögesü=ber ridi qubilγan kiged onol anu ene qaltar Yügejeri ilegü ajuqu kemen jarliγ boluγsan=i Sečen-qaγan=u qatun sonosču Pagsba-lam=a=tur učar siltaγan=i öčijü Garm=a-baγsi=yi erkin bolγabasu Saskiy=a=yin ijaγur ündüsün=e gem=tü bolqu=yin tula ridi qubilγan=i üjügülün soyorq=a kemegsen=tür qaγan tüsimed ekilen bügüde=yin dumda Pagsba-lam=a ildün=iyer öberün terigün kiged γar köl=i tabun öbere oγtalju tabun ijaγur=tu burqan bolγan adislaju üjügülügsen terigüten olan qubilγan=i nidün=ü qurim bolγan üjügülbei tere Qubilai-Sečen-qaγan anu bursang quvaraγ=ud=i alban=ača γarγaγad qoyar yosun=i tegsi jokiyaju Činggis-qaγan=u

yeke törö=yi batudqan bariγsan=iyar Čigiden=e-Sečen-qaγan kemen olan=a aldarsibai γučin tabun on bolju morin jil=e qubi sarayin qorin qoyar=a nayan nigen nasun=tur=iyan Dayidu=da tngri bolba Sečen-qaγan moγai jiltü ajuqu # tegün=ü qoyina mön morin jil=tür Öljei=tü-qaγan γučin nasun=tur=iyan dörben sarayin arban sinede Sigir-naγur=a yeke oro saγuba blam=a anu Dxarm=a-Bala buyu arban dörben on bolju döčin dörben nasun=tur=iyan qonin jil=e qubi sarayin naiman sinede Dayidu=da tngri bolba Öljei=tü-qaγan üker jil=tü ajuqu # tegün=ü qoyina mön on qonin jil=e Öljei=tü-qaγan=u degü Külüg-qaγan qorin doloγan nasun=tur=iyan yeke oro saγuba blam=a anu Čosgi-Odser buyu tabdaγar on bolju γaqai jil=e Dayidu=da tngri bolba Külüg-qaγan moγai jiltü ajuqu ene qaγan šasin=tur tusa yeke kibe gekü # tegün=ü qoyina γaqai jil=e Buyan=tu-qaγan γučin doloγan nasun=tur=iyan yeke oro saγuba lam=a anu

Donyod-Ba kemekü buyu arban on bolju mečin jil=tür döčin doloγan nasun=tur=iyan Dayidu=da tngri bolba Buyan=tu-qaγan takiy=a jil=tü ajuqu # tegün=ü qoyina mön on Gegen-qaγan morin jil=dür arban naiman nasun=tur=iyan Dayidu=da yeke oro saγuba lam=a anu Sodnam-Rjamsan buyu dörben on bolju qorin nigen nasun=tur=iyan γaqai jil=e $angdu=da Emüne=tü-Morin-Ebčigün=e tngri bolba Gegen-qaγan quluγan=a jil=tü ajuqu # tegün=ü qoyina Yisün-Temür-qaγan γaqai jil=tür γučin nasun=tur=iyan Ködege-arala yeke oro saγuba lam=a anu yeke Bam-Sodnam buyu jarim teüken=tür Aribaq=a-qaγan gekü jirγuγan on bolju γučin jirγuγan nasun=tur=iyan luu jil=e naiman sarayin jirγuγan sinede $angdu=da tngri bolba Yisün-Temür-qaγan moγai jil=tü ajuqu ~ mön tere jil=tür Rajabaγ-qaγan döčin qonoγ saγuγad qalibai ~ basa Güšele-qaγan nigen sara saγuγad yegüdkegsen=tür ~ basa mön tere on=dur Jayaγa=tu-qaγan γučin tabun nasun=tur=iyan luu jil=e

naiman sarayin arban qoyar=a yeke oro saγubai lam=a anu Rinčin-Dinaxa buyu # tegün=ü qoyina moγai jil=tür Qutuγ=tu-qaγan baraγun eteged aldar tegüsčü irejü qubi sarayin arban yisün=e γučin nasun=tur=iyan yeke buu tamaγ=a Altemür-čing-sang=i alaγulju esergüčin inu uγtuγulun ilaju öčijü Güšele-Qutuγ=tu-qaγan Čečeg-naγur=a dörben sarayin γurban sinede yeke oro saγuba lam=a anu Nambai-Rjamsan buyu dörben sara saγuγad mön on naiman sarayin jirγuγan sinede tngri bolba # tegün=ü qoyina mön sarayin arban=a Jayaγatu-qaγan yeke oro saγuba lam=a anu Jisyi-Rinčin bui dörben on bolju mečin jil=e γučin tabun nasun=tur=iyan Dayiduda tngri bolba # mön tere mečin jil=e Irčemel-Erdeni-Čoγtu-qaγan arban sarayin sineyin tabun=a yeke oro saγuba lam=a anu Sangjai-Bal kemekü mön sarayin qorin tabun=a mečin jildü Dayidu=da tngri bolba # tegün=ü qoyina mön on mečin jil=e Dayidu=da Toγon-Temür-Uqaγatu-qaγan yeke oro saγuba lam=a

anu Buyan=u-Luu neretü bölüge (tere qaγan) Činggis-qaγan=u bayiγuluγsan yeke törö=yi aldaba Činggis-qaγan=ača Toγon-Temür-qaγan kürtele Saskiy=a=yin lam=a=nar=i takibai Uqaγatu-qaγan anu Tidsi-Ibsüd-Lu-lam=a=yin jarliγ=tur ese oroju Pagsba-lam=a=yin tangγariγ=ača dabaju Qubilai-Sečen-qaγan=u bariγsan Dayidu qarsi=yi aldaγsan yosun anu eyin buyu tere Uqaγatu-qaγan=u čaγ=tur Jürčid ebügen=ü Joyu neretü köbegün=i töröküi=tür ger=eče solongγ=a tataba tere belge=yi Laγan Ibaqu qoyar medejü ene kegüken qaγan=du man=u sayinči tusatu bui j=a maγuči qoor=tu bui j=a egün=i öčüken=eče ügei bolγaγtun gejü qaγan=tur öčibei qaγan tere qoyar=un ügen=tür ese oroju tere kegüken=i ese alaba Laγan Ibaqu qoyar ögülerün ta egün=i ese alaba egüni qoyina terigü=ben büü kemjelügtün gejü ene üge kelebe tere kegüken=i ösügsen qoyina jegün muji=yin ulus=iyan daruγalaγulba baraγun muji=yin ulus=i Toγtaq=a Qaračang qoyar medekü bölüge tegün=ü qoyina Jüke Buq=a aq=a degü qoyar

Toγtaq=a Qaračang qoyar=i qaγan=tur maγudqaju ene qoyar daruγ=a sang=i činu daruju yeke sayin=i öber=iyen idejü öčüken maγui=yi inu qaγan=tur abču irejü öggöm gejü eyimü üge ayiladqaba ene üge=tür qaγan mön Jükei=yi Toγtaq=a Qaračang=i abču ire gejü ilegebe Jüke ečijü kürül ügei jaγura=ača irejü ese irebe gejü qaγan=tur medegülbe basa ilegebe mön kü uridu üge=ben kelejü irebe qaγan aγurlaju Toγtaq=a Qaračang qoyar=i daruγ=a=ača γarγaba yerü yeke ulus=i Jüke Buq=a qoyar=iyar medegülbe Jüke Buq=a qoyar alba sang=i quriyar=a ečibe γurban jil boltala ese irebe qaγan jarliγ bolurun Jüke=yin köl asuru kündü bolba Jüke ireküle qaγalγ=a büü negejü ög gejü qaγalγačin=tur jarliγ bolba tegün=ü qoyina qaγan jegüdülebe olan čirig=tü dayisun bolju qota=yi minu dabqurlan bayim aju tere dayisun=ača ayuju qota dotora toγoriju güyijü yabun atala γarqu čölöge ülü olom aju basa baraγun qoyisi güyijü yabutala nigen

nüke üjegdem aju tere nüke=ber qan oron=iyan gegejü qamuγ ulus=iyan orkiju γarum gejü jegüdülebe ene jegüdün minu sayin buyu maγu buyu gejü Kitad=un gegen sančin=tu tayilγaba tere sančin qaγan=u jegüdün=i tayilurun qaγan qan oron=iyan aldaqu iru=a buyu gejü tayilba tegün=ü qoyina Mongγol=un Toγtaq=a-čingsang sayin ayalγu=bar tayilba gekü tere jegüdün=ü belge=ber baraγun qoyisi ečijü üjebesü nüke bui aju ene jegüdün minu ünen buyu gejü emiyebei tegün=ü qoyina Jüke Buq=a qoyar tümen qasaγ=tu alba sang tegejü abču irebe olangki qasaγ=tu inu ed tegegsen aju γurban mingγan qasaγ=tur inu quyaγ=dan čirig=üd=i tegejü irebe qaγalγ=a=čin qaγalγ=a ese negejü ögbe qaγalγačin=tur erdeni ed tabar ögčü abču oroγad čirig=üd=i iledte γarγaju qaγan=u altan ordo=yi küriyelem getele qaγan medejü γučin tümen Mongγol=iyan orkiju uridu üjegsen nüke=ber qatud köbegüd=iyen abun od=un bölüge arban tümen Mongγol=iyan abču γarba tere γarqui sübe=tür

Qabutu-Qasar=un üre Toqo-baγatur=un köbegün Tomolqu-baγatur köbegün=iyen Qači-Külüg=i γarγaγad jiran kigiriten nököd=iyen uduridču ireged üge ögüler=ün ner=e=ben quγaraqar yasu=ban quγura gele gejü Kitad=un nekegsen čirig=üd=i uγtun alalduju ükübe qaγan=u üre=tür Qasar=un üre nigen tusa kürgebe gekü tere buyu # moltoγčin=u sübe=ber γarču Bars-qota bariju saγuba Kitad=un čirig=üd Kirsa-qota bariju saγuba tende Uqaγatu-qaγan=u köbegün Bilig=tü jadalaju yeke siγurγan boroγun oroγulju Kitad=un čirig=ün ere aγtad=i bederetele ükügülbe tegün=eče ülegsen čirig=üd qariju ireküi=tür Mongγolun čirig nekejü kerem kürtele čabčiba gekü tegün=eče tarqaju dutaγaγsan čirig inu jaγun jibe=ben tülejü juγuqan=tur=iyan kebtejü ükübe gekü Kitad Kiradu γarba kirsa=yin segül jalaγa bolba gekü tere buyu eldeb jüyil erdenis=iyer siluγuqan sayiqan=iyar bütügsen Dayidu minu erdeni=yin qad=un saγuγsan jusalang $angdu=yin sira tala minu serigüken sayiqan

Keyibüng $ang=tu minu ulaγan qaljin taulai jil=e aldaγsan qayiran Dayidu minu örlöge manaγar öndör degere γarbasu sayiqan uniyar činu Uqaγatu-qaγan minu emüne Laγan Ibaqu qoyar kijü bölüge uqaju medejü talbiju ilegebei qayiran Dayidu=yi uqaγan ügei törögsen noyad ulus=iyan (kü) qaraju ese üjelčebei okilaju qočorbai bi nutuγ=tu qočoruγsan ulaγan biraγun=tu adali bolbai bi eldeb jüyil=iyer bütügsen naiman talatu čaγan suburγan minu yeke ulus=un ner=e törö=yi abun saγuγsan yisün erdenis=iyer bütügsen Dayidu qota minu döčin tümen Mongγol ulus=iyan ner=e törö=yi abun saγuγsan dörben qaγalγatu dörbeljin yeke Dayidu qota minu šasin nom=i delgeregülün yabutala temür šatu quγuraju qayiran tayitu qota minu ner=e törö minu qaγanaki yaγanaki Mongγol ulus=iyan qaraγul=un γayiqaluγči qayiran tayitu minu ebülün ebüljekü ügei balγasun minu jun=u jusalang Keyibüng $ang=tu minu sayiqan sira tala minu Laγan Ibaqu qoyar=un ügen=tür

ese oroγsan qoron minu # qutuγ=tan bayiγulbai qulusun ordo=yi Qubilγan-Sečen-qaγan jusanam bölüge Keyibüng $ang=tu=yi qumiju abtabai Kitad ulus=tur quričaqu maγu nere=yi Uqaγatu-qaγan=tur talbibai # qamuγ=iyar bayiγulbai qan Dayidu=yi qarsilan abulčam bölüge qayiran Dayidu=gi qamuju abtabai Kitad ulus=tur qarsilaqu maγu ner=e=yi Uqaγatu-qaγan=tur talbibai # eldeb=üd=iyer bayiγulbai erdeni Dayidu=yi erkilen jusam bölüge Keyibüng $angdu=yi endejü abtabai Kitad ulus=tur ergikü maγu nere=yi Uqaγatu-qaγan=tur talbibai # qan ejen=ü jögegsen yeke nere törö=yi γayiqamsiγ Sečen-qaγan=u bariγsan qayiran Dayidu=yi qamuγ ulus sitügen tulγ=a erdeni=tü qota=yi qamuju abtabai Kitad ulus=tur qayiran Dayidu=yi # qan tngri=yin köbegün Činggis-qaγan=u altan uruγ qamuγ burqan=u Qubilγan-Sečen-qaγan=u altan qarsi=yi qamuγ bodisung=nar=un Qubilγan-Uqaγatu-qaγan qan tngri=yin jayaγa=bar aldabai qayiran Dayidu=yi # qan ejen=ü qasbuu tamaγ=a qančulaju

γarbai qamuγ dayisun=u dotora=ača qadqulduju γarγabai Buq=a-Temür-čingsang bulq=a (dayisun) dotora=ača qan ejen=ü uruγ=tur qan oron boltuγai tümen üy=e=tür # genedtejü aldabai qayiran Dayidu=yi ger=teče γarqui=tur erdeni šasin nom qočorbai tere čaγ=dur gegen bilig=tü bodisung=nar ilγatuγai qoyitu čaγ=tu kerüjü irejü toγtotuγai Činggis-qaγan=u altan uruγ=tur # tegün=ü qoyina qorin yisün nasun=tur=iyan dörben on bolju noqai jil=tür Ing-Čangbuu neretü qotan=tur tngri bolba olan Mongγol=un törö=yi Tayiming-qaγan=tur abtaju tegün=eče qoyina nom šasin čölöyidegsen bölüge Qubilai-Sečen-qaγan Dayidu=tu saγuγsan=ača inaγsi Uqaγatu-qaγan kürtele nigen jaγun jil degere tabun on jirγuγan sara saγuγad Dayidu=yin qota=yi aldabai gekü # tere törö abtaqui=tur Uqaγatu-qaγan=i Qonggirad qatun γurban saratai köl kündü aγsan aju tere qatun butung dotora oroju qočorba tere butung=i Kitad γang gekü Mongγol butung gekü

tere qatun=i Kitad=un Jüü-Qungqu=a-qaγan abču qan oron=tur saγuba tere qatun sedkirün doloγan sara baraju üjegdebesü dayisun=u köbegün gejü tebčikü arban sara bolju üjegdebesü öber=ün köbegün gejü maγu ülü kikü gejü tngri ečige manu örösiyejü γurban sara nemejü arban sara bolγaju örösiyen soyorq=a gejü jalbarin yabubai tngri örösiyejü arban γurban sara bolju nuγun kegüken üjegdebe Jüü-Qungγuu-qaγan=i Kitad qatun=ača nigen nuγun kegüken töröbe Qungγuu-qaγan=u jegüdün=tür qoyar luu kereldüküi üjebesü baraγun luu=yi jegün luu deyilen bayiqui üjen jegüdülebe ene jegüdün minu sayin buyu maγu buyu gejü iručin=tu üjügülbe tere qoyar luu busu qoyar kegüken činu bui baraγun luu gegči Kitad qatun=u kegüken bui jegün luu gegči Mongγol qatun=u köbegün bui čin=u qan oron=tu saγuqu jayaγatu buyu iručin=i tere ügen=tür Qungγuu-qaγan ilγal ügei mön üre bolbači eke inu dayisun=u qatun bölüge egün=eče törögsen

köbegün minu qan oro saγubasu maγu bayinam gejü qaγan=u ordo=ača γarγaju kerem=ün γadana köke qota bariju tende saγulγaba tegün=ü qoyina Qungγuu-qaγan yeke oro saγuju γučin nigen on bolju ügei bolba # tegün=ü köbegün Jaquy=a-qaγan qan oron=tur saγuju dörben on boluγsan=u qoyina Qonggirad qatun=u köbegün Yunglo-qaγan öberün čögen nököd ölgeyin jirγuγan mingγan Mongγol ulus usun=u γurban tümen Jürčid ulus qara kerem=ün ulus=i abun čirig jasaju kürüged Kitad=un Qungγuu-qaγan=u köbegün Jaquy=a-qaγan=i bariju küjügün=tür inu mönggön tamaγ=a daruju üldejü orkiba # Mön Uqaγatu-qaγan=u köbegün Yunglo-qaγan ejelen saγuba Kitad ulus yosutu qaγan=u man=u üre saγuba gejü Yunglo-Tayiming nere örgöbe küčün=iyen ögbe gejü ölgeyin jirγuγan mingγan Üčiyed ulus=tu γurban jaγun tayitu sang soyorqaba Jürčid ulus=tu jirγuγan jaγun tayitu sang soyorqabai gekü mön Yunglo-qaγan qorin qoyar jil bolju tngri

bolba # mön Yunglo-qaγan=u üre arban nigen üy=e saγuγsan inu ~ Qungsi-qaγan nigen jil saγuba ~ Santa-qaγan arban jil saγuba ~ Jingtung-qaγan arban dörben jil saγuba ~ Jingtai-qaγan arban tabun jil saγuba ~ Čingqu=a-qaγan qorin γurban jil saγuba ~ Quningči-qaγan arban naiman jil saγuba ~ Jingta-qaγan arban jirγuγan jil saγuba ~ Jatang-qaγan döčin jirγuγan jil saγuba ~ Lungčin-qaγan döčin jirγuγan jil saγuba ~ Tinsun-qaγan nigen sara saγuba ~ Tayiming-Čuu-Ting-Tinči-qaγan nigen jil saγuba Qungγuu-qaγan=ača inaγsi=da Tinči-qaγan kürtele qoyar jaγun tabin doloγan on saγuba # Toγoγan-Temür-qaγan=u köbegün Bilig=tü-qaγan mön on noqai jil=tür Ing-Čing neretü qotan=tur yeke oro saγuba yisün on bolju morin jil=tür tngri bolba ~ Usqal-qaγan mön morin jil=tü yeke oro saγuba arban nigen on bolju luu jil=e tngri bolba ~ tegün=ü qoyina mön on Joriγ=tu-qaγan yeke oro saγuba

dörben on bolju qonin jil=dür tngri bolba ~ Engke-qaγan dörben jil yeke oro saγuba # tegün=ü qoyina mön noqai jil=tür Elbeg-qaγan yeke oro saγuba Elbeg-qaγan aba abalaju alaγsan taulai=yin čisu časun=tur tusuγsan=i üjejü času metü čaγan öngge=tü čisun metü ulaγan qačar=tu γou=a ekener bei bolbau gejü Elbeg-qaγan jarliγ bolba Oyiraddun Quuqai-Dayu ögülerün ene metü öngge=tü em=e bui j=a kemebe tere ken bui gejü asaγba üjejü ülü bolqu üjey=e geküle keley=e činu köbegün Qaraγučuγ-Dügüreng-Temür-qung-tayiji=yin Öljei=tü-Γou=a-qung-bigiji (abaqai) beri činu ene metü üjesgüleng=tü bui gebe Elbeg-Nigülesügči-qaγan beri=yügen öngge=tür quričaju Oyirad=un Quuqai-Dayu=tu jarliγ bolba üjedüi=yi üjügülügči qola=yi neyilegülügči küsegsen=i qangγaγči Dayu minu eči gebe qaγan=u jarliγ=iyar ečijü bigiji=tü üge keler=ün činu öngge gerel=i üjey=e gejü namayi ilegebe bigiji aγurlaju ögülerün tngri γajar neyilegči buyu degedü

qad beri=yügen üjegči buyu köbegün činu Dügüreng-Temür qung-tayiji nököčemü qaγan qara boljamu gejü kelebe tere ügen=tür qaγan ese bolju köbegün=iyen qoroγad (alaγad) beri=yügen abuba tegün=ü qoyina Quuqai-Dayu taraγ γuyura irebe qaγan ügei gejü ger=ün emüne saγutala qung-bigiji elči ilegejü qorim<qorom>=iyan qaγan=i küliy=e beyeben urid gerte ire geküdü Dayu irejü oroγsan qoyina bigiji ayaγ=a bariju üge kelebe maγu bey=e=yi minu sayin bolγaba baγ=a bey=e=yi minu yeke bolγaba bigiji nereyigi minu tayiqu bolγaba či gejü nigen amsartai qoyar kebelitei kükegürtü nigen=dü inu araja nigen=tü inu usun kijü öber=iyen usun uuγuju Dayu=tu araja ögčü soγtaγaju unaγaba tayiji=yuγan ös öslen dalda kösige=ben tataju olboγ debisger degere=ben Dayu=yi kebtegüljü niγur=iyan maγajiju üsü=ben tasulju qaγan=tu elči ilegebe qaγan sonosuγad iretele Dayu dutaγaba qaγan kögejü alaldun atala qaγan=u sigiji quruγun inu tasu qarbubai qaγan Dayu=yi alaju jon=u arasun=i Sönid=ün

Jasin-Tayibu neretü kümün=iyer surlan abču irejü bigiji=tü ögbe qaγan=u čisun Dayu=kiyin tosun=i neyilegüljü doloγaγad köbegün=iyen alaγči qaγan čisun öglige=tü bolju ejen=iyen amin=tu qoor kürgegči Dayu=yi=yin tosun öndderlen neyilegüljü em=e kümün=ü abqu ösiy=e ene buyu kejiy=e ükübesü yaγun čima gebe bigiji=yin qaγuruγsan=i qaγan meden atala buruγu=ban medejü bigiji=yi ese gemelged Dayu=yi=yin köbegün Batula-čingsang Ügeči-Qasaγ=a qoyar=tu dörben tümen=i medegülbe qan oro saγuju jirγuγan on boluγsan=u qoyina moγai jiltü Elbeg-qaγan=i Oyirad=un Batula-čingsang Ügeči-Qasaγ=a qoyar qoroγoju tngri bolba Batula-čingsang Ügeči-Qasaγ=a qoyar ekilen dörben tümen Oyirad=i abun qari dayisun bolba Mongγol=un nigen törö Oyirad=tu abtaba gekü tere bölüge # tegün=ü qoyina Toγoγan-qaγan mön on yeke oro saγuba dörben on bolju morin jil=e tngri bolba ~ tegün=ü Ului-Temür-qaγan yeke oro saγuba γurban on bolju

bars jil=e tngri bolba ~ tegün=ü qoyina nögöge on taulai jil=e Delbeg-qaγan yeke oro saγuba tabun on bolju qonin jil=e tngri bolba ~ tegün=ü qoyina mön qonin jil=e Oyiradai-qaγan yeke oro saγuba nigedüger on moγai jil=e tngri bolba # ~ tegün=ü qoyina mön on moγai jil=e Adai-qaγan yeke oro saγuba Adai-qaγan uridu ösiy=e=ber Mongγol=iyan abču Oyirad=tu čirig mordaba tere čirig=ün qaraγul=tur Ongliγud=un Čaγan-Tümen eseküi=yi γarγ=a gebe qaγan jarliγ bolba üriy=e mori qurdun bolbasu kögsin morin qolači bui gejü Sigüsitei-baγatur-ong=gi γarγaba Oyirad=un Γuyilinči-baγatur γarba tere qoyar urida anda aγsan ajuqu Mongγol Oyirad bayilduqula bida qoyar γarumča gebe Γuyilinči ögülerün minu qarbulγan=tu quyaγ ese emüsbeči γai ügei gejü keleküi=tür Sigüsitei ögülerün minu čabčilγan=tu duγulγ=a ese emüsbeči γai ügei gejü kelelčebe tegün=ü qoyina bayilduqui=tur Mongγol=un Sigüsitei-baγatur γurban dabqur quyaγ emüsčü eligen=tegen kürje

büselejü qongγor qaljin morin unuju Qorlad=un Ulqui-Mergen=tü küreng qaljin morin unuγulju baγatur Sigüsitei qaraγul=tur γarbai Oyirad=un Γuyilinči-baγatur dabqur duγulγ=a emüsčü köke qaljin morin unuju qaraγul=dur Boro-Noqai=yin jon degere bayilduba Γuyilinči-baγatur Sigüsitei=yin emegel=ün uridu bügürge dabqur quyaγ kürjetei=yi nebte qoyitu bügürgen degere saγutala qarbubai tendeče Ulqui-Mergen Γuyilinči=yin morin=u qarčaγai=yi quγu qarbuba tendeče Sigüsitei ögüler=ün qongγor morin=u minu qosiγu medetügei qotoγor ildün=i minu ir medetügei gejü törö=tü törögsen=i tala büü qara gele gejü naiman talatu dabqur duγulγ=a=tu toloγai=yi qaγ=a čabčiba tere yabudal=tu Oyirad=i dobtolju Dayu=yin köbegün Batula-čingsang=yi alaju em=e=yi ni qaγan bey=e=tegen abuba köbegün=i inu Toγon=i Aruγtai-tayisi=yin qoni aduγulaγulba Oyirad=un nigen törö=yi Mongγol abuba gekü tere bui # Adai-qaγan tegün=ü qoyina öber jaγuraban čiγulγan bolba Toγon-tayisi

qonin adulaju yabutala čiγulγan=ača qariju irekü kümün učiraba tere čiγulγan=ača qariju irekü qoyar kümün=eče čiγulγan=u kegör (üge) yaγun bui gejü Toγon-tayisi asaγba tere kümün ögülerün čimai ügei gejü ese kelelčebe gejü eleglebe tere kümün=i ečigsen qoyina Toγon malaγ=a=ban abču tan=u ama busu tngri=yin jarliγ bui j=a gejü tngri=tür mörgöbe Aruγtai-tayisi em=e=tegen ögülerün ene Toγon-tayisi sayin kümün=i üre bayinam egün=ü ilede üsüben samlaju beyeben maγajiqui=yi niγultai gebe tere ügen=tür Toγon γadana γaruγad tan=u ama busu tngri=yin jarliγ bui j=a gejü tngri=tür mörgöbe tegün=ü qoyina Unui-aγ=a Toγon-tayisi=yin üsün inu samlaju saγuqui=tur Aruγtai-tayisi=yin degü inu ögülerün ene Toγon-tayisi yeke kümün=ü üre gele üsün inu samlaqui=ban bayiju γool inu samla ese bögesü kögejü orki gejü kelebe ene ügen=dür Unui-aγ=a qoriγlaju ese bolba degü inu basa ögülerün ene ügen=tü qoriγlaqu bolusa terigüben büü kemjelügtün gebe tere üge=tür

Mongγol=un kegüken ekirčü uyilam aduγun=iyan qaškirču quriyam noqai inu uliju qučam eyimü maγu iru=a inu Toγon-tayisi medejü tngri=tür mörgöbe tegün=ü qoyina Toγon=u eke Adai-qaγan=tu öčirün namai asaraju qatun bolγaba či köbegün=i minu Toγon=i kümün=tü yakin jaruγulunam či alaju orki ügei bögesü üldejü orkiyasai gebe qatun=u tere ügen=tür qaγan jöbsiyejü Toγon-tayisi=yi Silamučin Sayimučin neretü qoyar elči=ber γajar=tur inu kürgegülbe Toγon-tayisi=gi kürügsen=ü qoyina Oyirad Ögeled Baγatud Qoyiγ ede dörben tümen čiγulγan bolju Toγon-tayisi=sa <=ača> üge asaγurun Mongγol=un qaγan tayisi ekilen yeke ulus=un jang aγali yambar bui gejü asaγba Toγon-tayisi kelerün Mongγol=un Aruγtai-tayisi öteljü ali ba üyile usqal metü sanaγdam saγadaγ inu qubilju sanaγan inu ese qubilju törö medeküi sayid=iyan γadana saγulγam jebe=yin (quyaγlaqu) morin=iyan ger deger=e unum öčüken medekü kümün=i törö=tür yabuγulum üriy=e morin=i

jibelem bosγaqul kümün=i törö medegülüm borbi kekür=tü sarqud kim buγura ügei temege buq=a ügei üker ajarγ=a ügei aduγu quča ügei qonin metü ene üge=yi ülü itegekü bolusa ügeči qašaq=a bolγatuγai gebe Mongγol=un elči Silamačin Sayimučin qoyar arγabar qaγurču sayin morin bulaγ=a silügüsü sayin ed tavar=i Toγon-tayisi Adai-qaγan=tu kürgejü ulus=ača jaq=a gejü negüdele kürčü irebei qaγan üjejü jarliγ bolurun Toγon-tayisi=yi γajar=tu inu qariγuluγsan ači inu ene buyu Silamačin Sayimučin qoyar Oyirad sejig ügei bayinam qola=ača Toγon-tayisi čilejü albai činu kürgebe γaγča edür önjiyesei gejü ayiladqabai qaγan jöbsiyejü qari kümün=i kündüley=e gejü önjibe Toγon-tayisi=yin qoyina=ača dörben tümen Oyirad čirig irejü Mongγol=i dobtolju Adai-qaγan=i Toγon-tayisi mön degere bariba tendeče qaγan jarliγ bolurun eke=yi činu qatun bolγala bey=e=yi činu ese alala gebe Toγon-tayisi ögülerün eke minu ere ügei bilüü bey=e

minu ečige ügei bilüü gejü qaγan=i qoroγoqui=tur qaγan jarliγ bolurun Silamačin Sayimučin qoyar=un ügen=tür itegejü nigen sumu ese qariγulju ükübesei gebe Adai-qaγan yeke oro saγuju arban dörben on boluγsan=u qoyina morin jildür Oyirad=un Toγon-tayisi=yin γar=tu tngri bolba Mongγol=un nigen törö Oyirad=tu abtaγsan tere gekü # tegün=ü qoyina mön morin jil=tür Tayisung-qaγan yeke oro saγuba qaγan oro saγuγsan=u qoyina Tayisung-qaγan Abkerčin-jonong qoyaγula Mingγan=i-Qara=tu Oyiradla bolčiba Oyirad Mingγan=i-Qara urid kürčü baγuba qaγan jonong=la Oyirad=un Esen-tayisi Abdura-Sečen Sadula eketei bayitala Alaγ-Temür Qatan-Temür Ababurki-dayitung Toγon-Kümeči Lobsi ede tayisi=nar ekilen mingγan kümün dölin yabuju jadabariγad küyiten salkin bolγaju irebe Mongγol=un ere aγtad=i masi daγaraγulba qaγan jonong čiγulγan čiγulju Oyirad tümen=lüge üge nigedüy=e gebe qaγan=i čiγulγan=ača Aquqan=i Sadaγčin-Sečen qojid irejü

üge asaγba Oyirad=un iregsen tayisi=nar ken bui gebe toγolaju ögbe Sadaγčin-Sečen ögüler=ün tngri=yin ögkü ene bui j=a eden=i kiduju olan čirig=i inu dobtoluy=a gebe qaγan jonong qoyaγula qoriγlaju dongγodur=un bayilγam gegsen kümün baran dongγoduγči buyu gebe Sadaγčin-Sečen aγurlaju čaγan morin=iyan toloγai deledčü barasa baray=a tegü gese tegüy=e gejü ečibe Qaraγučuγ-tayiji Sadaγčin-Sečen=ü üge=yi jöbsiyebe Tayisung-qaγan basa qoriγlaju üküküle bügüdeger ükünem j=a aγula bügüdeger anam j=a gejü jarliγ bolba Oyirad=un čiγulaγčin qariba qariγsan qoyina Tayisung-qaγan=ača urida qulan qaraq=a morin=i quyaγ tataγsaγar abun bosču Abkerčin-jinong=tu oroγsan Alaγčuγud=un Čaγan neretü kümün=i qaγan ača gebe jinong ese ögbe Inaγ-Čaγan qadquγan üge kelebe uqun=a kejiy=e oroqu bui γura=yin eber kejiy=e unaqu bui gejü qaγan=ača jinong asaγ genem gebe qaγan aγurlaju oroγči uquna teneg asaγuγči Abkerčin teneg gebe ene üge sonosuγad minu

teneg=i ese medegsen bisi gejü jinong aγurlaba tegün=ü qoyina Inaγ-Čaγan=i buliyaju abuba Abkerčin-jinong ögülerün čimai aq=a gejü ülü sanam bi kemeged ama aldaju qoyina Oyirad=tu urbaqui=tur Qaraγučuγ-tayiji ögülerün uruγ=i qaγaγsan ese ögedelejü umai=yi qaγaγsan ögedelejü gele qari qaγaqula ese ögedelejü gele qalaγun=i qaγaqula ögedelejü gele degedü qan boluγsan bey=e dorodu bolqu terigün boluγsan bey=e segül adaγ bolqu kečegüü bui j=a gejü keletele ese bolju Abkerčin-jinong Ordosi=yin Qatan-Temür Yüngsiyebüü=yin Nekei-Temür neretü qoyar kümün=i Oyirad=tu elči ilegejü üge kelerün bi Tayisung-qaγan aq=a=ačaγan öbere bolba dörben tümen Oyirad tan=luγ=a nigen bolba Qaraγučuγ-tayiji γaγča qosiγu bisiü Sadaγčin-Sečen qoyar=i alay=a gebe Oyirad ese bolju Abdura-Sečen alaγaban adqun saγuju kegüken kümün tere yaγun medem gebe Oyirad=un tayisi=nar noyad ögülerün jinong ey=e nigeddüy=e gekü bolusa jinong či qaγan bol öberün jonong

čola=yuγan man=dur ög ene ügen=tür bolqu bolusa ey=e nigedbesü nigedüy=e gebe tere elči qariju jinong=tur tayisi=nar noyad=un üge=yi büridken kürgebe jinong jöbsiyejü Tayisung-qaγan aq=a=ečegen qari bolun negübe tendeče jonong aq=a=daγan Oyirad=luγ=a čirig nigedün mordaba čirig γal sitaγaqui=tur jonong jarliγ bolurun aq=a minu qaγan aγuliqai bui čirig=ün kümün toloγai=yin arbaγad γal sitaγaγtun gejü jarlaju sitaγalγaba tendeče Tayisung-qaγan=u qaraγulčin jonong Oyirad=un čirig=i medejü qaγan=tur üge kele kürgebe qaγan tendeče öbesüben üjesü gejü üjeged ögülerün eyimü γal bolusa tngri=yin odu γajar=tu baγuju amui yakin dayilan čidaqu kemen Tayisung-qaγan čögeken nököd=lüge Kerülen=tü buruγud=ba urida Čebden=i ökin Altai-qatun Taračin=i Qalčaγai=luγ=a qobtai gejü Qalčaγai=yi alaju qatun=i čikin qabar=i köndejü öggögsen qatun=yuγan törköm Qorlad=un Čebden=tür jorin odqui=tur Sartaγul nutuγ=un Küčüg neretü kümün arγabar

mönggön toγoγa=yi oγtalju orkiba toγoγa gegegsen=i qaγan medeged ilegekü itegel=tü kümün ken bolba gejü jarliγ bolba tendeče Küčüg ečisü gejü qaγan=tur medegülbe qaγan unuγsan qara morin=iyan baγun ögčü ilegebe mönggön toγoγa=yi abun Küčüg jonong=tu urbaba qaγan Čebden=tür kürčü γaruγsan qatun=daγan baγuba Čebden ögülerün Qaraγuna=yin aru urida qalaγun bile edüge yakin küyiten bolba qatun=i öber urida küyiten bile edüge yakin qalaγun bolba Altai-Qan=i aru urida qalaγun bile edüge yakin küyiten bolba Altaγana ökin=tü minu öber urida küyiten bile edüge yakin qalaγun bolba ebesün ügei gejü negügsen nutuγ=tu baγudaγ buyu öngge ügei gejü gegegsen em=e=yi abudaγ buyu Tayisung-qaγan γurban köbegün=dei ajuqu yeke köbegün inu Möngkelei-tayiji urida öbesüben tngri bolba gekü qaγan Ili Dali qoyar köbegün=tei Qorlad=yin Aγbolad Baγbolad qoyar nökör=tei tabuγulai bariju Orčin=u-Čigir mečin jil=tür Tayisung-qaγan Qorlad=yin Čebden=ü γar=tu tngri bolba

~ qan oro saγuju arban tabun on boluγsan ajuqu Aγbolad Baγbolad qoyar=un aq=a Mendü-örlög öbere ayil=tu qonoγsan ajuqu qulaγana=i qaraγana=i neretü qoyar morin jönglejü γajar čabčilan sanaγan aldan bayiba morin=iyan sanaγan aldaγsan=tur Mendü-örlög ögülerün qoor=tan=i yabuqui=tur eyimü gejü Mendü-örlög örlöge bosoγad qaγan=i temečibe kürküi=yin urida qaγan qoyar degütei qoroγoba Mendü-örlög qaγan=i terigün=tür nigen degüben derelegülbe köl=dür inu nigen degüben dere kin ongγolaba # tegün=ü qoyina Mendü-örlög ekilen nigen kedün nököd=dei Čebden=i dobtolju ösiy=e=ben abuba tegün=ü qoyina Oyirad öber jaγuraban čiγulju kelelčer=ün öberün töröl=iyen ese sanaγsan kümün man=u töröl=i sanamu öberün törö=ben ese sanaγsan kümün=ü törö=yi sanamu öberün ner=e=ben ese sanaγsan man=u nere=yi sanamu öber=ün γal=tu usu kibe manu γal=tu tosu kibe ene ken=tü sayin jonong bui gejü qoroγaqui=yin tula arγ=a kijü tendeče Oyirad=un noyad sayid jonong=tur üge

ayiladqarun jonong qaγan boluy=a gejü bidan=u Esen-tayisi=tu öberün jonong čola=ban soyorqay=a gejü kelelčegsen üge manu ünen bisiü gejü jonong=tur qaγan čola öggöre öberün čola=ban Esen-tayisi=tu soyorq=a gejü qurim beleddün jonong=i jalaba Oyirad ger=ün dotora=ban gün yeke nüke uquju nüken degegür tuluγ delgejü jonong ekilen γučin γurban örbelge=ten döčin dörben otoγatan jiran nigen kegeriten=i nigen egüde=ber oroγulju qoyar egüde=ber γarγaju muqur nüken=i dügürtele qoroγoba noyad=un ükül čiγulγan=tu noqai=yin ükül γang(butung)=tu gegči üliger tegün=eče bolba gekü # tendeče Qaraγučuγ-tayiji nökör=tegen Naγačudu ögülerün uridu ger=tür oroγsan jonong ekilen yeke baγ=a noyad yaγu kinem gejü ilegebe Naγaču ečeged üjejü ireged ögülerün jonong ekilen bügüde=yi ese üjebe bi gerün jegün irgeber čisun urusun amui kemen öčibe tendeče Qaraγučuγ-tayiji ögülerün kebtey=e üküy=e gejü irele üküy=e gejü ögüleged γaγča nökör=iyen Naγaču=yi abun qadan=tu qorγolaba qada=yin

qabčiγai=tu nigen jam=iyar qoyar dabqur quyaγ emüsčü čibun ireküi=tür Naγaču dabqur quyaγ nebte qarbuγsan=tur tere kümün qoyitu nökör=iyen abun qoladču unabai basa γurban dabqur quyaγ emüsčü jida bariju ireküi=tür Naγaču kelebe bi ülü čidaqu či qarbu gebe Qaraγučuγ-tayiji uqunan joroγa=bar γurban dabqur quyaγ=i nebte qarbun joroγa daγun γarbai tere kümün qoyitu=ban abun qoladbai Naγaču ögülerün amidu γarbači yabaγan tusa ügei ene Oyirad=ača morin qulaγuy=a gejü ečibe Esen-tayisi salkin degedeken jangči=bar γal=i qalqalaju saγuqui=tur küriyelejü untaγsan kümün=i alquju oroju Esen-tayisi=yin dergede uyaγsan eremeg sirγuγčin gegüü qurdun qula ajarγ=a tayilqui=tur tüg tüg čimege γarqui=tur qaraju üjebesü kümün ügei tayiluγad nigen=i unuju nigen morin=i köteljü yabuqui=tur basa tüg tüg kibei qaraju üjebesü kümün ügei öberün jirüken ayuju tügsigsen=i medebei tendeče čirig=ün küriyen=ü irged či ken bui gejü asaγbai qariγu

kelerün yaγutai sergeg kümün bui či Mongγol=un Qaraγučuγ-tayiji Naγaču qoyar bayinam tegüni bari gejü keleged küriyen=i qarayilγaju γaruγad Qaraγučuγ-tayiji=yin dergede kürüged daγudabasu daγun ese γarbai buruγuduγsan ajuqu tendeče qoyitu daγudaγsan=tur irebei yaγun=tu buruγudba gegsen=tü čimai Oyirad bariju ireküle namayi jaγaju öggönem bolbuu gejü jayilaγsan bile gejü keleged abču iregsen morin unun yabuju Qodoγodu=yin qulusun=tu torγobar morin=iyan arγamjiju saγutala kirsan=u mör möškijü yabuqu kümün=i üjeged buruγudču künesü ügei jayidang yabutala Qaraγučuγ šoo buγu=yi qarbuju alabai qabirγayini emegel kijü miqan=i künesü kijü domoγ=un bayan kümün=tü oroba bayan kümün=ü degü kelebei ene kümün nidün=tegen γaltai nökörlejü ülü bolqu ala gebe ken=i kümün kendü ülü qanilam gejü ese alaba tegün=ü qoyina Naγaču tayiji=tu kelebei γaγčaγar yabuju yaγun bolum bida bi Oyirad=tu ečijü qatun=i činu abču irejü üjesü namayi iretele noyan=iyan büü

medegül kümün=i tüsijü büü bai olan örögesü tasu büü ala gejü ene üge keleged Naγaču Esen-tayisi=tu Qaraγučuγ=i bi alaba gejü gejige=yi inu temdeg abču ečibe qoyina bayan kümün ökin=iyen Qaraγučuγ=tu ögbe aba=tur qorin jigere γaruγsan=tur Qaraγučuγ qoyar=i γarγabai bisi inu tasu alabai basa aba degere tere bayan=u degü ataγarqaju tasiγaraba gejü qoroγoba Naγaču=yi kürügsen qoyina Esen-tayisi=tu eke inu Aγ=a kelebe Naγaču ireküle alaqu buyu či gebe Naγaču ireküle tegüni üjeküle miq=a=yi inu idejü čisun=i inu uγuqu gebe eke inu ögülerün Qaraγučuγ=i qoroqula alaqu buyu gebe činggeküle ülü alaqu gegsen=tür eke inu Naγaču=yi Esen-tayisi=tu jolγaγulba kesig=tü kümün amidu γarbai qoyina Esen-tayisi Tomoγ=tu čirig mordaju tere čirig=tü Naγaču=yi ese abču mordaba Naγaču qoyar morin=i unuju čirig=ün γadaγur yabuba tendeče Oyirad Tomoγ=i dobtolba Oyirad=un aγulaγčin=a Naγaču daγan yabuju nigen sürüg aduγu oljilaju Esen-tayisi=tu ögbe

mönggön čara kerem=ün daqu qoyar=i niγuju eke=tür inu ögbe gejü Esen aγurlaba eke inu kelebe ekeleren ataγatai buyu Qaraγučuγ=i alaju eremeg sirγaγčin=i činu abču irejü ögbe aduγu oljilaγsan=i Esen-tayisi üjejü kümün bisi eliy=e bayinam gebe Naγaču=yin eliy=e nere tegün=eče bolba eliy=e Naγaču tende abai Esen-tayisi=yin ökin Qaraγučuγ-tayiji=yin bigiji siltaγatai bölüge Oyirad=un Urbui-Qojigir abuba ~ Mongγol=i Oyirad abuγsan qoyina Esen-tayisi Sigüsitei-noyan=i uriba tegün=tür Sigüsitei γučin nökör=tei ečibe arban nökör=tei örgögen=tü orba Esen-tayisi kümün ilegejü Sigüsitei=eče Γuyilinči=yi čabčiγči bolad ildüben ača gebe Sigüsitei maγu sedkiküi medejü quyitu ildü=ber kümün=i toloγai čabčitala Olqui-Mergen bariju ese čabčiγulba Sigüsitei ildü=ben ögbe tere kümün ildü abču Γuyilinči=yi čabčiγči ildü mön buyu bisi buyu gebei Sigüsitei ögülerün ed inu mön ejen inu bisi gebei Sigüsitei-ong=yi ekilen Olqui-Mergen arban nökörtei=yi

alaba Oyirad=un kümün sibaγun bariju ene yambar sibaγun bui gejü bayitala ničügün kegüken ireged aman inu yeke alaγan inu aγuu mörön inu derbeger segül inu sibtuγur eyimü sibaγun=i ütege=yin küriyen=tü oroγulju orukidaγ bile ene tas=un juljaγan qačir darbid gegči bayinam gegsen=tür tere kümün ečiged Esen-tayisi=tur kelebei ene sibaγun=i bida ese taniju bile Mongγol=un nigen baγan kegüken tanibai gejü kelebe Esen-tayisi ögülerün tere kegüken ataγtai bayinam abču ire Sigüsitei-baγatur=un kegüken=i erijü ese olju bile tere qačimal=un üre bayinam ökin bolqula üsün inu samla nuγun bolqula γool inu samla gejü elči ilegebei elči=yi üjeged Solongγud=un Sangγuldari=yin em=e Qaraγčin-tayibučin Bolonai=yi büü ködel gejü toγoγa=bar kömörijü degere inu arγal čidqubai endegüregüljü öberün köbegün=iyen ögbei nigen inu baγuju alay=a gejü nüčügülejü küjügün=tür inu boγomi emüsgebei nökör inu tere edür=ün kegüken taulai jotai nidün=tegen γaltai bile ene bisi büü ala gejü talbibai tere elči=yi

γaruγsan qoyina Qaraγčin-tayibučin kegüken=tü surγal kelebe čimai buruγulaγulju talbiy=a či Oyirad=i yekeči jančiba baγ=a či jančiba gem ečige eke nutuγ ayimaγ=iyan baγ=a=tu abtaγsan=u tula ülü medem gejü yabuu gebei tegün=ü qoyina Oyirad=un Ilaču-Bayan=tu talbibai ečige eke=yügen ese medebe či man=u Oyirad=un üre bayinam gejü qayiralan abču yabubai Qaraγčin ere=tegen kelebei noyan=i bidan=u üre bile abču Mongγol=un γajara ečiyele gejü kelebe Sangquldari γajar qola gejü ese bolba či saγu köbegün=iyen abču bi ečinem gejü yeke köbegün=iyen maγasi ilegejü Bolonai=yi qulγaju abču ireged Ünebalad-ong=tu degüdü inu kürgejü ögbe Ünebalad-ong ögülerün aq=a=yuγan čimai ügei=tü yosun ügei bi ejelejü bile yosutu aq=a minu či ejele gejü qara tuγ=iyan ejelegülbei Mongγol=un törö=yi abuγsan=u qoyina Toγon-tayisi yeke duran bariju ejen=ü naiman čaγan ger=tü mörgöjü qan oro abuy=a gejü ireged mörgöjü qan bolbai Toγon-tayisi ejen=ü kesig=tü

soγtaju či sodu boγda bolusa bi sodai qatun=u üre gejü yeke aman kelejü ejen=ü čomčoγ=i qaškir=un daγarilaju deledbei tendeče ergijü γarum getele Toγon-tayisi=yin qabar aman=ača čisun γarču morin=iyan del teberijü bayiju ene yaγun bolba gejü üjebesü ejen=ü saγadaγ=un nidün=tür dürügsen qačir ödü=tü geyibür čisun baγulγaju ködel=ün bayiqui bügüdeger üjebei Toγon ögülerün ere boγda ereben medegülbe em=e sodai=yin köbegün Toγon bi ükübe örgösün minu ariljam Mongγoljin=u Möngke bui tegün=i tebči gejü köbegün=tegen ene üge kelejü ögbe ečige=yin üge=ber Mongγoljin=u Möngke=gi alaba Mongγol=un nigen törö Oyirad=tu abtaba gekü tere bölüge # ~ tegün=ü qoyina Esen-tayisi qan saγuju Oyirad Mongγol qoyar=i abču Usun=u γurban tümen Jürčid=i dobtolju ey=e=tür=iyen oroγulba Esen-tayisi ögüler=ün Jürčid=yin nigen qota=yi morin=u ebčigün=tür adali qosiγun=tur bariγsan=u tula ese abubai nigen qota=yin ulus öčibe abqu

yosun ügei gejü tasu kiduju naγur=tur orkiba čisu=bar urusuγsan=u tula Ulaγan-naγur gekü Jürčid=tü ayan mordaju ečikü jaγura Yüngsiyebü=yin Esen-Sami Tayiming-qaγan=i barim gejü jegüdülebe gejü Esen-Sami Esen-tayisi=tu medegülbe Esen-tayisi ögülerün bariqu boltuγai kerbe bariqula čimadur ögsü gejü kelebe Jürčid=ün törö=yi abču qariju iretele Kitad=un Jingtai-qaγan čirig=üd=iyen abču Mongγol=tu mordaju iretele jaγura učiralduju Kitad γuu küriy=e uquju ese qalγaba Esen-tayisi qariγči boluγad gedergü qaraγul γarγaba Kitad γuu=a=ača γarču yabuba Esen-tayisi ireged Kitad=un čirig=i daruba γurban jaγun kümün ese ködelbe tegün=i tasu čabčiγad nigen kümün=i amidu bariju ta yaγun=tur ese ködelbe gejü asaγba tere kümün qaγan=iyan γajar=tu bulaγsan=i jiγaju ögbe qaγan=i nüken=eče abuγad čabčiqui=tur bey=e=yi inu ese daγaju ildü inu keseg keseg quγuraju unaba usun=tur orkibasu ese jimjü köbjü bayiba alaju yadaγad

Jingtai-qaγan=i jegüden=ü belge=ber Esen-Sami=tu ögbe Esen-tayisi qariju ireküi=tegen ene olja Tayiming-Jingtai-qaγan=i bariγsan=i büü kele gejü jarlaba ken kümün keleküle alay=a gebe Esen-tayisi ger=tegen iregsen=ü qoyina tayisi=yin eke inu olja ügei mendül=e bayinam gejü kelebe či yaγun=tur niγunam yeke olja oljilaju Tayiming-Jingtai-qaγan=i bariba gejü sonosba gejü kelebe ene üge ken kelebe eke inu ögülerün Mongγol=un Yüngsiyebüü=yin Sorson kelebe gejü köbegün=tegen Esen=tü kelebe büü keley=e gejü kelelčijü bile či yaγun=tur kelebe gejü Sorson=i alaju bögsen čegeji kijü bögetör modun=tur elgüjü orkiba tegün=ü qoyina Oyirad baraγun γar=un Alaγ-Temür-čingsang jegün γar=un Qatan-Temür qoyar Esen či qan saγuba tayisi čola=ban mandu ača gebe ene üge=tür tayisi čola=ban köbegün=tegen ögbe gejü ese bolba tede ögülerün Alaγ-Temür=ün baγatur=iyar Qatan-Temür=ün qataγu joriγ=iyar Abduran-Sečen=ü arγ=a=bar Oyirad Mongγol qoyar=un törö=yi abču qan saγubai j=a či γaγča či=nu

küčün bilüü gejü tede čirig quraju irejü dobtolba Esen dutaγaju γarbai em=e köbegün adal mal=i inu abubai tegün=ü qoyina Esen-tayisi γaγčaγar turaju yabuqui=tur Sorson=u ger=de irejü ayiraγ uγuγad γarču ečiküi=tür Sorson=u em=e üjejü ögülerün ene kümün=ü yabudal qorotu Esen=ü yabuqui=tur adali geldüng γuldung gejü yabumu gejü kelebe eke=yügen ügen=tür tere yaγakiju ene metü yabum gejü köbegün inu kelebe eke inu ögülerün Esen-tayisi öber jaγura=ban ey=e ebderejü gele ene mön ču bui j=a sayitur üjeltei aγsan aju gebe tegün=ü qoyina basa irebe Esen=i taniju bariγad Sorson=u köbegün Buγun bariju alaba Buγun aq=a degü yisügüle aγsan ajuqu Jingtai-qaγan=tu Mulu-Yaγatu neretü em=e=yi ögčü Muqur-Següse nere ögčü Yüngsiyebü=yin Esen-Sami jaruju yabuba tere ulus=tur jud turaqan ügei ebečin taqul ügei bögetele Jingtai-qaγan=i jaruγči kümün jöb sijir ügei bolju yabuba untaγsan=u qoyina bey=e=eče gerel γarču yabuba bi ende bai gejü bičig bičijü

qudalduqu nekei=yin üsün=tü niγuju ilegebe tere bičig=i Kitad üjeged bičig bariba Jingtai-qaγan=i ta jaruju yabunam tan=dur ülü jokiqu man=du ača gebe ölge=yin jirγuγan mingγan Öčiyed kürgejü öggöged tayitu (sang) abuba Yunglo-qaγan=tu küčün=iyen ögčü γurban jaγun tayitu (sang) Jingtai-qaγan=tu küčün=iyen ögčü γurban jaγun tayitu ölge=yin jirγuγan jaγun tayitu tere buyu jarim=ud Jingtai-qaγan=i Mongγol kürgejü aru=bar γurban jaγun tayitu γarγaba Mongγol öber jaγuraban ey=e ebderegsen=ü tula saγataju ese abuba ölge=yin jirγuγan mingγan Öčiyed ulus aru=yin γurban jaγun tayitu=yi nekejü abubai tere Jingtai-qaγan=i Mongγol=un γar=ača abuγsan Mulu-Yaγatu neretü em=e=eče törögsen kegüken=i Mongγol abču qočorba kememü tegün=ü üre Asud=un Dalbai-tabunung bölüge # ~ tegün=ü qoyina Maqagürki-qaγan yeke oro saγuba naiman jil saγuγad takiy=a jil=tür tngri bolba Maqagürki-qaγan üre ügei buyu # Tayisung-qaγan=i qoroqudu Muulan-tayiji=yi Čebden öber=ün jige gejü ese qoroγoba #

~ tegün=ü qoyina Čebden=eče Muulan-qaγan=i Kemčigüd=ün Taγadar-tayibu Qorlad=yin Qubčir-Muladai tere qoyar yeke ulus=un jaq=a=tu kürgejü kümün=tür ögbe tere kümün Maquliqai-ong=tu kürgebe Ongniγud=un sayid Maquliqai-ong=i yeke ulus=un törö degedebe či qan oro saγu gebe Maquliqai-ong kelerün qan ejen=ü minu üre ügei bisi ene bey=e qoyitu üre=tü ülü jokim gejü ese bolju Maquliqai-ong Muulan-qaγan=tu küyisütü γou=a morin=iyan unuqui unuγulju altan včir=iyan qadqulju doloγan nasutai=yi takiy=a jil yeke qan oro saγulγaba # tegün=ü qoyina Ordosi=yin Möngke Qada-Buq=a qoyar qadquγad üge kelejü Maquliqai-ong čimai=yi Samandai-qatun=daγan telijü maγu sedkinem gejü kelebe tegün=ü urida bida čirig morday=a gejü čirig mordaba Muulan-qaγan čirig=ün kümün=i üjeged Maquliqai-ong=tu kele kürgebe Maquliqai-ong ese itegejü čirig=ün toγosun=i üjejü medebei Maquliqai-ong čirig=iyen quriyaju tngri=tü sačuli sačuju öčirün degere

möngke tngri či mede ded=i bolusa sodu boγda či mede üre=tü činu bi sayin kile üre činu nadur maγu sedkibe gejü tngri=tür mörgöbe Maquliqai-ong γurban jaγun čirig=tei niγuba öberün Mongγol Jarγuči neretü degü=ben ekilen γurban degüner=i bayilduγulun Muulan-qaγan=i bariju noqai jildür Maquliqai-ong=yin γar=tur tngri bolba # Borboγ=yin Bayan-Örmeger=i amidu bariba bügüde alay=a gebe Muulan-qaγan=i emüne qosiγu oduγči ene bile qaγan=iyan emüne qosiγu oduγsan sayin kümün manu emüne qosiγu ülü oduqu buyu gejü ese alaba talbiγsan=u qoyina Örmeger sira esitü kituγabar qaγan=i kegür=ün γadaγur γajar=i kemjin jiruju ongγolaba Muulan-qaγan=i Möngköldei-qatun γasiγudan uyilaba qayiran yeke törö=yi minu ebderegülügsen qamuγ=un ejen qaγan=ača minu qaγačaγuluγsan Möngke Qada-Buq=a qoyar bütügsen yeke törö=yi minu bürelgegsen bügüde=yin ejen qaγan=ača minu qaγačaγuluγsan Möngke Qada-Buq=a qoyar Muulan-qaγan üre ügei

buyu # Tayisung-qaγan Aγbarčin-jonong qoyar=i Oyirad Čebden qoyar=tu törö abtaγsan=tur öbere eke=tü Manduγuli neretü degüü inu Jisud=yin jon=tu nutuγlaju γaruγsan aju tegün=ü qoyina Manduγul=i-qaγan Qasarandai=yin jon=tur qonin jil=tür yeke oro saγuba Manduγul=i-qaγan qoyar qatun=tai bölüge nigen inu Manduqai buyu nögöge inu Yeke-Qabar=tu-Jöngken buyu Manduqai-qatun=u ečige inu Tümed=ün Enggüd otoγ=un Čorosbyi-Temür-čingsang buyu Yeke-Qabar=tu-Jöngken=ü ečige inu Uyiγud=un Begersen-tayisi buyu Yeke-Qabar=tu-Jöngken=lüge qaγan čilegen=tegen tüdejü dere nigeddügsen ügei gekü Manduγul=i-qaγan qan oro tabun jil saγuju γaqai jil=tür tngri bolba Manduγuli-qaγan=u kegüri Maγu-öndör=tü ongγolaba # Qorčin=ubaγatur Sigüsitei=yin köbegün Ünebalad-ong Mongγol=un törö Oyirad=tu abtaγsan=tu Onon=tu uγtuγlaju <nutuγlaju> γarbai qoyina Muulan-qaγan=u ös öslen sirqul morin=iyan unuju Maquliqai-ong=tu čerig morilaba Ünebalad-ong=i

čerig mordaγsan=i Maquliqai-ong serejü dutaγaju γarbai tendeče Ünebalad-ong ögülerün Yisükei-baγatur ečige man=u nigen bölüge eke manu qoyina Bayan-Möngke-Bolqu-jonong qaγan γaqai jil=tür yeke oro dörben jil saγuγsan=tur Manduγuli-qaγan Bolqu=tur-jonong qoyar jirγuγan tümen=i tobčilan yabun atala tegün=ü qoyina Manduγuli-qaγan=tur olkiy=a ügetü Qongquli üge kelerün degü činu Bolqu-jonong Yeke-Qabar=tu-Jöngken=i čin=u abuy=a genem tere ügen=tür Manduγuli-qaγan ese ünemsijü Bolqu-jonong degü=tegen Qongquli=yin kelegsen üge bošuγalduqui(tokiyalduγulqui)=yin tulada elči ilegey=e gejü jarliγ bolba Qongquli-qaγan=tur olkin ögülerün basa Bolqu-jonong=tu üge kelerün qaγan aq=a činu čimai=yi beyen=tegen adali teng bolum gejü čimadur maγui sedkikü bayinam gejü üge ayiladqaba ene üge=yi minu qudal gejü sanaqu bolusa čimadur tursiγul elči ilegekü bui tende medegerei gebe tegün=ü qoyina Manduγuli-qaγan üge olulčaqui=yin tulada qoyar elči ilegegsen ajuqu tere

elči=yi jonong üjeged urida=ki qadquγan üge=yi ünemsin saγuju maγui sedkikü ünen bayinam gejü buruγu jöblebe qaγan=u tere elči=tür jonong sayin üge=ben ese ögülegsen aju tere qoyar elči qaγan=tur kürčü jonong degü čin=u sayin üge ese ögbe gejü qaγan=tur üge ayiladqaba qaγan sanarun egüber bolusa nadur maγu sedkikü ünen aju bey=e eregül busu bile bi üre ügei buyu namayi ügei boluγsan qoyina qatun beriged qamuγ ulus egünei bile önöge=eče ketü san<a>qun=i maγu bayinam gejü aγurlaγad qaγan čonglam getele jonong serejü γarču Buγurul-günji egeči=tegen kürbe günji Begersen=eče niγuju Nemekü-Čoyang Baγbai qoyar köbegün=tegen Begersen=i qaγuraju üge abuy=a gejü kelebe Begersen-tayisi=gi qaγurču üge asaγba teden=i minu nigen jaq=a (köbegün) ireküle tayisi=tu tüsigülkü ajiyam j=a bi gebe Begersen ögülerün teden=i jaq=a (čaq=a) üjeküle miq=a čisun idekü uγuqu ajiyam j=a bi gejü öbesüben sirbyilgejü qabar=un üjügür=i sirlaγulju janun saγubai Begersen-tayisi

aba mordaba Nemekü-Čoyang Baγbai qoyaγula ese mordaba qoyina jonong=i γarγaju ilegebe Begersen-tayisi aba degere=eče medeged kümün=i ilegejü günji=eče asaγurun čidür=tü sirqul mori ali gejü asaγba günji jarliγ bolurun eligen=tü činu ös bilüü amaraγ uruγ=tu činu adqaγ bilüü čidür=tü sirqul mori γajar=tur=iyan qariba gebe Begersen aba=ača baγuγsan qoyina günji qoyar kegüken=iyen γarγaju jarliγ bolba ene bey=e urid üküjü ülü üjem j=a bi qoyitu üre=yi tan=i ginjileküi irgen üjeküčyile gebe Bolqu-jonong Qutaγ=a=tu-Deresütei neretü γajara saγuqui=tur Sikir-tayiqu=ača Dayan-qaγan=i töröbei Dayan-qaγan=i Balγačin=i Baqai neretü kümün=tür ögbe tegün=ü qoyina Uyiγud=un Smal-tayisi dobtolju Sikir-tayiqu=yi abuγad mön Smal-tayisi asarabai Bolqu-jonong Borboγ=un qajaγar Buludai qoyaγula dutaγaju yabutala Yüngsiyebüi=yin Ögelen eke=teče Temüjin Qasar Qačuγ=un Öčigin bida nigen kebelitei bölüge nögöge Sučigin eke=teče Begter Belgetei qoyar bölüge Begter=i Boγda-Ejen

ekilejü man=u ebüge Qasar=i daγaγulju alaluγ=a tegün=ü ösiy=e=ber edüge Muulan-qaγan=i qoroγoba qaγan=u man=u üre ügei bolbači Qasar=un üre bi nekesü gejü Uluqui=yin keriy=e<keger=e>=eče nekeged güyičejü Maquliqai-ong degü=ner kegüked=dei=i doloγula=yi alabai urida Muulan-qaγan=i qoroγoqudu abtaγsan altan saγulγaγsan bolad duγulγ=a=yi abubai Mongγol Jarγuči ekilen doloγula=yin toloγai oγtalju orkiγsan=u tula tere γajar=i Doloγad=un-toloγai neretü bolba Maquliqai-ong γou=a morin=iyan unuju qubaqai tarbaγan daqu=ban emüsčü Künggüi-Jabaγan=tu aldaγanabar čačir bariju nekei=yi künesülejü qataju kebtejü qoyina irebe kü Qasar=un üre qaγan=u üre=tür nigen tusa kürgebe gekü tere bölüge # Qaraγučuγ-tayiji=yin Oyirad=tu abtaγsan bigeji üjegdebe tendeče Esen-tayisi ögülerün ökin bolusa üsün inu samla nuγun bolusa γool inu samla gejü Ebebürki-tayidung nigen kümün=tür kelejü ilegebe bigeji medeged kegüken=i jaγaγ=ni qoyinaγsi=da tataju ökin metü sigelgebei tere kümün üjeged

ökin bayinam gejü Esen-tayisi=tu kelebe tere kümün=i qariγsan qoyina bigiji kegüken=iyen niγuju ger=de yabuγči Čaqar=un Qulabad otoγ=un Udai emegen=i kegüken=i endegüregüljü ölegeyidbe tere kümün basa irejü ölgei tayilju üjejü ökin=i labta medeged ökin bayinam gejü Esen-tayisi=tu kelebe tegün=ü qoyina Oyirad=un Ögedei baγatur öberün noyan=taγan aγurlaju kelerün bi arban γurban üy=e qosiγulaba ingkijü küčüben ögtele ese qayiralaba gegsen=tür anda inu Eliy=e-Naγaču kelerün či boluy=a gekü bolusa Qaraγučuγ-tayiji=yin bigiji=eče nuγun kegüken törögsen bui či tegün=i Mongγol=tur kürge jirγuγan tümen Mongγol=un jalaγ=a bolqu bui gebe Ögedei baγatur=un egeči=yi Tatar=un Toki-baγatur abuγsan aju tere siltaγabar Toki-baγatur kegüken=i γarγaju ögbe Oyirad=un oi modun=u köbegün Ögedei tayibu Qonggirad=un Eselei-tayibu Qaračin=u Bului-tayisi Sartaγul=un Bayandai-Aγluqu ede dörbegüle kegüken=i abču yabutala Oyirad=un nekegülčin ese güyičegsen=tür Ababurki sayin qaltar morin=iyan

baγuju Eliy=e-Naγaču=tur ögbe Oyirad=un noyad kelerün či ene kegüken=i güyičejü abču ire ayil kümün ajirγ=a=tu aduγu medegülsü gejü nekegülbe tendeče Eliy=e-Naγaču=yi güyičeküi=tür kegüken=i orkin yabuba tegün=i qoyina Eliy=e-Naγaču kegüken=i köbčir=eče numun=u gičir=iyer ölgön abču güyičejü kelerün ta ene kegüken=i orkiju yaγun=u tula ečikü kereg bui ene üge keleged ögčü esergü tesergü qarbulalduju mön tere degere sumun=iyan abul ügei bayiba tendeče qoyitu nököd inu irebe Eliy=e-Naγaču kelerün qadqulduγsan sumun=i üjejü itegejü qariba tedüi tendeče tere dörbegüle kegüken=i abču ireged Uriyangqan=u Qutuγ=tu-Sigüsi=yin dergede yabuba ösügsen=ü qoyina Qutuγ=tu-Sigüsi Sikir neretü ökin=iyen Bolqu-jonong=tu ögbe tegün=ü jaqai=yin ulus=tu kürčü jonong kegere bayiju Buludai=yin üge=gi ab gejü ilegebe Buludai=yin egeči anu jolγaju degü=ben bariju ese ilegebe jonong undaγasču küličen yadaγad ayil=tu baγuju ayiraγ uuqui=tur nigen bey=e=tü ökin jonong=un unuγsan

čaγan sirqul morin ömösügsen kerem=ün dotor=dai mangluγ degel altan büse tere bügüde=yi adaγlaju saγuba jonong=yi mordaju ečigsen=ü qoyina tere ökin usun=u dergede olan kümün bayiqui=yi üjeged ečijü kelebe teyimü adaγtai nigen kümün ečibe gebe Yüngsiyebüyin tabun otoγ=un Keriy=e Čaγan qoyar Temür-Möngke Qara-Badai ede bügüdeger güyičejü jonong=ača yaγuči kümün bui gebe jiγulčin gebe altan büseben ača gebe ese ögbe Yüngsiyebü=yin qatun kümün Bayan-Möngke-Bolqu-jonong=i čilburdaju bariγad qoroγaju bars jil=e tngri bolba Yüngsiyebüyin nigen gem tere bölüge # Dayan-qaγan=i maγuqai tejiyeküi=tür Tangγud=un Tülegeri=yin doloγan köbegün Temür-Qadaγ irejü Baqai=tur kelerün ene köbegün=i sayin kümün<=dür> ög ese bögesü nada ača gejü γuyiju ese ögdebe tegün=i qoyina Temür-Qadaγ=a aq=a degü doloγula sayin ulaγan morin=iyan unuju ečiged buliyaju abču irebei Dayan-qaγan betegi ebedčin boluγsan ajuqu tere ebedčin=i Temür-Qadaγ=un em=e inu yisün tomi čaγan temegen=ü sün=iyer γurban

mönggön ayaγ=a čoγoratala ilin emlebe tere emlegsen=tür jamaγ metü doloγan keseg ebečin unaju sayin bolbai Dayan-qaγan=i nigen jobaγsan tere bui tegün=i qoyina Dayan-qaγan=i Tangγud=un Temür-Qadaγ Sayin-qatun=u γar=tur kürgebei Manduqai-Sayin-qatun erten=ü ösiy=e=yi duradču čirig mordarun yabaγan čirig üker=tü čirig yabuγulju γurban qonoγsan=u qoyina mori=tu čirig=i abču mordaba sayin Manduqai-qatun inu sayibar=iyar saγadaγlaju sandaraγsan ulus=iyan quriyaju sayin Dayan-qaγan=i ükeglejü mordabai kesig=ten=ü Alayidung=iyar γajirčilaγulju dörben tümen Oyirad=i dobtolqui=tur Sayin-qatun=u malaγ=a inu unaju küjügün=tür egeldürčü yabuqui=tur Oyirad=un kümün üjeged qatun=u malaγ=a ügei ali gejü öber=ün malaγ=a=ban qatun=tur ögbei qatun abuγad quruyilaju dabsiγurlaju dörben tümen Oyirad=i dobtolbai Tas-Burtu degere dobtolju Degedün=e degere bayirilalduju tenggelül ügei tas=yin talaγ=a abču degjigülbei jirγuγan tümen ulus=iyar Oyirad=un

nigen törö=gi endegülbei # tegün=ü qoyina Sayin-qatun=i Qorčin Ünebalad anu γal=i činu čakiju nutuγ=i činu jiγaju ögsü gebe Sayin-qatun jarliγ bolurun qaγan=u minu öbi Qasar=un üre či idekü bilüü činu öbi bida idekü bilüü örgöjü ülü bolqu egüdetei alquju ülü γarqu bosoγutai bile qaγan=i minu üre bayitala čimada ülü ečim gebe tegün=ü qoyina Alaγčuγud=un Satai-Doγolang=ača üge asaγurun ene ong=yin üge jöb buyu buruγu buyu gejü asaγba Satai-Doγolang jöb bayinam eči gebe tegün=ü qoyina Qorqun=yin Mendü-örlög=yin Jaγan-aγ=a=ača mön uridu üge asaγba Jiγan-aγ=a ögülerün Qasar=un üre=tü ečiküle qara mör uduridču qamuγ ulus=ečegen qaγačaju qatun ner=e=ben aldayu qaγan=i üre=tü ečiküle qan tngri=tür ibegegdeyü qamuγ ulus=iyan ejelejü qatun ner=e aldarsiyu čaγadu kümün ečiküle čaγan mör tataju Čaqar tümen=i ejeleyü čaγlasi ügei ner=e aldarsiyu Jiγan-aγ=a ene üge ayiladqaba Sayin-qatun aγ=a=yin

üge=gi jöbsiyejü Satai-Doγolang=yin üge=yi buruγu gejü qalaγun čai terigün uruγu asγabai qaγan=i minu üre öčügüken gejü qamuγ ulus=i ejen ügei gejü qatun bey=e=yi minu belbisün gejü Qasar abaqai=yin üre töribe gejü sayin Manduqai-qatun ene üge jarliγ bolju Dayun-qaγan=i γurban dabqur ulatu γutul emüsgejü Alaγčuγud=un ünege<üniy=e>=yin alaγ longqotu araki abču ger=ün noyad=un Menggen-Iraγu=bar sodtu qatun=tu sačuli sačuγulju jarγu=ban jaγabai qara morin=u jisün ülü taniγdaqu γajara berilem bile qaγan=u činu üre aridba gejü Qadar abaqai=yin üre abuy=a geküdü qaγ <qan> ordon=u dergede irebei alaγ morin=u jisün ülü taniγdaqu γajara berilem bile ači üre činu öčüken gejü alusun abaqai=yin üre abuy=a geküdü ayiqu amin=iyan orkiju altan ordon=u dergede irebei bi ayiqu amin minu aldaraba ičekü niγur minu ebderebe örgen yeke egüdei činu könggen gejü öndör yeke bosoγ=a=gi činu narin gejü Ünebalad-ong=tu ečiküle urγ=a činu urtu

qubi činu aγuu bui # namayi urγalaju ab činu üre=yi öčüken gejü basuju abqula Ünebalad-ong=i urγalaju ab gebe qari bürigsen qan köbegün töröjü qan köbegün činu qaliba gejü qara bey=e=ben medejü ečibesü qan <qa> γuy=a=ban qanjalγasu ere Boγda-Ejen minu köbegün töröjü bölüge ejen köbegün=i činu aldaba gejü em=e köbegün beyeben medejü ečibesü Esi-qatun činu emüne ebdegülsü bi gebei ene ünen üges=iyer Esi-qatun=u emüne öčig öčibei tegün=ü qoyina mön Esi-qatun=ača qutuγ γuyuju jalbarirun ene üge=yi minu jöbsiyekü bolusa Esi-qatun eke minu dotoγadu engker=tü minu doloγan köbegün törögül γadaγadu engker=tü minu γaγča ökin törögül gejü minu ene üge=ber doloγan nuγun jayaγabasu doloγula büri=yi Bolad ner=e öggöy=e gejü jalbariju qaribai qatun=u tere jarliγ=i sonosuγad Ünebalad-ong uridu üge=ben bayibai # Dayan-qaγan=i Quluγurun-γool=tu doloγan nasun=tu unaγsan=tu singquju abuγsan

Tangγud=yin Ayin-Temür neretü kümün abuγsan bui # ~ tegün=ü qoyina Batu-Möngke-Dayan-qaγan=i doloγan nasun=tur inu Manduqai-Sayin-qatun beyeben jalγaγulju mön on γaqai jil=tür qan oro saγulγabai tere qutuγ γuyuγsan küčüber Manduqai-qatun=ača doloγan nuγun γaγča ökin töröbei Törö-Bolad Ulus-Bolad qoyar degüs bölüge Arsu-Bolad Barsu-Bolad qoyar degüs bölüge tegün=ü qoyina Sayin-qatun=ača Včir-Bolad Alču-Bolad qoyar=i köl kündü bolju yisün saratai=tur Oyirad dobtolba tegün=tür Sayin-qatun morin=ača siljigsen=tür miraγan=i sayin qongγor morin=tu Baraγud otoγ=un Sayin-Sayiqan bökeljü Balγačin=i Bayan-Böke Asud=un Batu-Bolad-Böke tere qoyar Sayin-qatun=i örgöjü mordaγuluγad dutaγaju γarbai nigen sara boluγad Včir-Bolad Alču-Bolad qoyar degüs üjegdebei teden=ü qoyina Al-Boγora üjegdebei tegüber tere doloγula büri=tü Bolad nere ögbei Uriyangqan=u Qutuγ=tu-Sigüsi=yin ači ökin

Samur-tayiqu=ača Girasanja Ger-Bolad qoyar üjegdebe gekü jarim teüken=tür Urud-tayiji Jalayir-tayiji kemegsen nigen=ü nere bui nögöge Güsi-qatun=ača Geretü Čing-tayiji qoyar üjegdebe gekü Dayan-qaγan=u arban nigen köbegün kemegsen tere buyu # tegün=ü qoyina uruγsi negüjü čaγan ger=tei=tü nutuγlabai erküd=eče qaraγul γarγabai Kitad=un čirig ayisuqui üjejü qaγan=tur kele kürgebei basa Erkegüd=ün Küdüng Boboš qoyar=i qaraγul γarγabai Köke qota=ača čirig joriju γarqui üjebei Küdüng Boboš qaγan=i temečejü ireged nigen inu ger=ün qoyina=ača serigülbei nigen inu uyaγsan mori tayilju abči ireged qaγan qatun qoyar=i unuγulju Ma=yin tala=bar dutaγaju γarbai Čaγačang-qatun beri inu kerem=ün uγjurdai dutaγaju γarbai tere Čaγačang-Qai-bigiji (abaqai) jaγun nasutu tayiqu gekü tegün=ü qoyina Kerülen=tü nutuγlabai ~ Dayan-qaγan Mongγoljin=tu čirig mordaju dölin yabuju Türgen=i-γool=un olom degere qonoba Mongγoljin medeged čerig mordaju ireged

Türgen=ü-γool=tu jolγolduju Mongγoljin=u talad=yin baγatur Ügürekei baraγun jegün eteged=eče qaljin bürege tataγad dobtolbai qaγan=i čirig ürgübei tere ürgügsen=tür Türgen=i-γool=un qaγan=i unuγsan Baγarin=u küyisütü qoquu morin sibardaju unaqui=tur duγulγan=u oroi inu γajara sigidčü bosun ese čidabai Besüd=ün Tuγan sayin qoquu qalčjin morin sibardaju unaba gejü Besüd=ün Čaqan-Maγu-Čirai=yi daγudaju baγu gejü keleged qoyaγula jerge baγuju qaγan=u duγulγan=u oroi=yi suγu tatan mordaγulba qaγan=i mordaγuluγsan Besüd=ün Tuγan Maγu-Čirai qoyar Qorlad=yin Qara-Törö=tü ede tusalabai Dayan-qaγan morilaγad Mongγoljin=i čirig=i darubai Dayan-qaγan Türgen=ü-γool=un ekin=tü baγuju qojim čirig=iyen küliyebei Dayan-qaγan kesig=ten=ü Uyaγtai ečige=yin toγoγa=bar maq=a činaju bučaltala maq=a=yi minu kösere asγaγad toγoγan=iyan abuba qoyitu čirig=yin toγoγa=a=gi kerüged γarču irebe tegün=ü qoyina Uyiγud=un Ismal=tu čirig

mordaγulba Qorqun=i Toγoči-Sigüsi Qaγučid=un Esen-Tügel Čaγan-Aman Čübün Badur Mingγatu Arlad=un Muulan Kesig=ten=ü Berči Naγaqu Labuγ-Sigečin Tatar=i=yin Tarγun-Qara Sira-Batulad Kemčügüd=ün Qori-Bayasqu Qorlad=un Babaqai-örlög Derečin=ü Basuqai Qoni-Qabtaγai Borbaγ=un Möngke-Belgü Tüčigen Beki-Ögedei aq=a Temür=yin-$egüse Mingγatu Saraγud=un Esendei ede bügüde sayid=i ekilejü čirig ilegebe tede čirig=üd Ismal=yin gerün erüke jasaγči Alaγ neretü ekener teden=i čirig=ün töberege=gi sonosuγad Ismal=tur ögülebe γajar ködelümüi yaγun bolba gejü kelebe tere em=e sayin qaltar morin=i tayjiluγad Ismal-tayisi=tu unuγulbai Ismal morin=iyan unuγad tere čimege=yi bolγara ečibei Qorqun=i Toγoči-Sigüsi=tür jolγaba Toγoči-Sigüsi Ismal-tayisi=yi taniγad qarbuju alaba Toγoči-Sigüsi Ismal=yin Qularai neretü aγ=a=gi inu Toγoči-Sigüsi abubai Quyaγ=i Qaγučid=un Badur=Mingγatu abuba Sikir-tayiqu=yi morda gebe uyilaju ese bolba Toγoči-Sigüsi aγurlaju ere činu jonong maγu bilüü köbegün

činu qaγan maγu buyu ulus čin=u Čaqar maγu bilüü či yaγun gejü busu kümün=ü tulada uyilaqu bui gejü ildü temtüljü morin=du örgöjü mordaγuluγad abču irebe Sikir-tayiqu=ača törögsen Babudai Borqai qoyar=i abču irelčebei Dayun-qaγan eke=tegen Siker-tayiqu=tu jolγaqui=tur Toγoči-Sigüsi kelebe ataγatai=yi činu alabai ösiy=e=tü=yi činu oroγulba bi gebe qoyina Sikir-tayiqu Sira-mören=ü sermeger degere qaliba # ~ Uyiγud=un Begersen-tayisi qurim=un idegen činaju saγuqui=tur γadar man=u <miqan=u> tosutu silüü=gi Begersen kürgejü uuqui=tur andan=i Mongγoljin=i Töbsin=ü köbegün Sayin-Tölögeken undaγasču Begersen=eče silü=gi ača gebe Begersen kürgegsen silüü=ben busu ayaγan=tu kijü ögbe qalaγun silüü=yi ese medeged oγočiγsan=tur aman inu qalabai Tülügeken sanarun ene qalaγun silüü=yi jalgim gebe jirüken minu tülekü γarγam gebe ičegüri metü gejü amandaγan oγočiγsaγar körgebe tanglai=yin arasun qaγuraču unabai Tülügeken kelerün ene ösiy=e=yi

ükütele ülü martaqu nigen čaγ=tur sanam j=a bi gebe tere ösiy=e=yi sanaju yabutala tegün=ü qoyina Dayun-qaγan Čaqar Tümed qoyar=i abču Begersen=tü mordaju yabun čiγulγalaba Mongγoljin=u janggi Temür-Aγlaqu=yi tursi gebe janggi Temür-Aγlaqu Begersen=ü ger=de nigen nidü=ben aniju oroba janggi Temür-Aγlaqu yaγakiba gejü asaγba qai ene maγu bey=e minu engke yabutala dayisun bolba eregül yabutala ebedčin bolba gejü janggi Temür-Aγlaqu ögülebei Begersen-tayisi janggi Temür-Aγlaqu=tur mönggön čaran=tu araki kijü ögbe janggi Temür araki uuγun saγuju kelebe uuγuqui=yin minu geriyes gejü mönggön čara öbörlejü γarbai janggi Temür=i γaruγsan qoyina Begersen-tayisi janggi Temür keseg busaγ yambar üge kelebe gejü tölge üjebe qara üker=ün eber=ün üjügür=tür γarbai tölge minu maγu gejü čirig quriyaba naγadu čirig=ün toγosun üjeged yaγu bolba gejü Nemekü-Čoyang köbegün=ečegen asaγba Nemekü-Čoyang kelebe olan aγta=yin činu toγosun bui j=a gebe Dayan-qaγan kürüged

dobtolbai Begersen dutaγabai üjejü kögebe güyičejü ireküi=tür emüsügsen duγulγaban abču köteči=tegen emüsgejü endegüregüljü dutaγabai Tümed=ün Töbsin=ü köbegün Sayin-Tölögeken=i Kitad=yin köbegün Ünügüči-Jaqui-Quraγači qoyaγula duγulγatu kümün=i Begersen bui gejü qaγaba Begersen bisi köteči inu ajuqu noyan činu ali gejü asaγba tere yabunam gejü jaγaju ögbe Begersen=i güyičejü bariγad Gilčer=yin-tököm=tü alaba alaγsan tere γajar=tu dabusu urγuba gekü # Begersen köbegün Nemekü-Čoyang γasiγudan kelebe törögsen=iyen töngkim bile urγuγsan=iyan uqum bile γaruγsan=iyan qajam bile qara terigüben kebtebei či gejü kelebei Ibara=yin degü Uriyangqan=u Bayan-Toγto=yin emlig qula ajarγan tan=i qulaγai kijü yala=yi inu ese ögbe yala ese ögbe gejü aduγu kögejü iretele Ibara=yin degü nekejü irejü qadqulduju alaγdaba tegün=eče ulam yala bolba tere yala=gi jasa gejü Dayun-qaγan=tu Baraγun-Γurban-Tümen=eče Mongγoljin=i Öljei=yin köbegün Ongγoruqui

Ordosi=yin Qaliγučin=i Udaγači-šabi qoyaγula čaγan ger=de tabiγ talbiju amin=iyan γuyura gejü törö=ben jasa gejü elči irebe Dayun-qaγan ese mordaju Ulus-Bayiqu-Abaqai köbegün=iyen Qorlad=un Babaqai-örlöge=i daγaγulju ilegebei nigen elči=yi Ongγoruqui=yi saγulγaba nögöge elči=yi Udaγači-šabi čiγulγačin=a qaribai tendeče Abaqai čaγan gerte kürüged dakin mörgöbe Abaqayila ečigsen nököd inu Uyiγud=un kümün=dür nigen morin=u öri aγsan aju tere öriben abum gejü ečiged kereldüjü jančiγulba Abaqai minu nököd=i yaγun=u tulada jančiba gejü aγurlaju ečiged tere kümün=i čabčiba Uyiγud=un Ibarai-tayisi Ordosun Legüsi-Aγlaqu qoyaγula irejü üjeged aγurlaju dongγodurun törö=yi bidan=u jasay=a geji irejem j=a terigün=i bidan=i jasay=a geji irejü bileü önöge=eče jasaγlaqu eyimü kümün egün=ü qoyina ken=i ilγam gejü čirig irejü alalduqui=tur baγatur Kürisün sayin buγurul morin=iyan Abaqai=tur baγuju ögčü unuγuluγad dutaγalγaba ger=yin noyad kelebe

čin=u degere bida üküy=e gejü ese dutaγalγaba=i Abaqai=i čaγan ger=de qorγodaγuluγad alaldubai geri=yin noyad=i daruγad Abaqai=yi buliyaju abču qoroγobai Mongγoljin=i Qošoi-tabunung=un Doγolang-günji egeči inu sonosču iretele urid qoroγobai günji bügüde Mongγoljin=u ger=i bököyilgejü belbisüregülbei Abaqai=gi qoroγoba gejü qaγan sonosču čirig=iyen quriyaju irebei bügüde tüsimed abču saγuγsan Ongγoruqui=yi alay=a gejü ayiladqabai qaγan tere kümün=i qoyina=ban saγulγaju jarliγ bolba minu köbegün=i Abaqai=yi alabai j=a minu örlög Babaqai=gi alabai j=a tan=u yaγu=gi alaba gejü jarliγ boluγad tngri=tür jarγu=ban jaγabai asqaraju qočorqu čisun=i akiraču kebtekü yasun=i degere tngri ejen či mede ded=i bolusa Ejen-Boγda ečige minu či mede gebe Barsu-Bolad-jonong Doγolang-günji egeči=tegen aγsan aju tere maγu üyile sejiglejü saγun atala Dayun-qaγan=i čirig mordaγsan=i Baraγun-Tümen sonosču Uyiγud=un Ibarai tayisi Ordosi=yin Legüsi-Aγlaqu

Tümed=ün Sayin-Qošoi Bambaqai Sigüsi edügüle kelelčebei šongqor sibaγun=i γar=tur jasan baribasu mön ejen=tür=iyen dobtolum gem ene ken=tür sayitu gejü Mongγoljin basa maγu sedkiy=e geküdü Doγolang-günji egeči inu Barsu-Bolad-jonong=yi Ordosi=yin köbegüd=ün Temür-tayisi Borboγ=yin Elčige-örlög Talad=di=yin Alγači $ongqor=yin Toγto-Bayiqu Toboγ-Tüčiyen Balγačin=i Esen-örlög Qoriγud=un Toboqu ede doloγan kümün=iyer kürgegülbei tere yabudalun jaγura ölögei=dei kegüken=i künesü baraγsan=u tula kömel=i tegüjü tejiyebei tegün=ü siltaγabar nere inu Kömel=i neridbei tegün=i Mergen-Qara-jonong kemekü bui köbegün=iyen Abaqai=yi qoroγoγsan=u tula Dayan-qaγan čirig mordaba Baraγun-Tümen sonosuγad uγtun čirig mordaju Dalan-Terigün=dür jolγalduba Alγačuγud=un Čaγan-Jaγarin Üjümüčin=i Aldüngge-baγsi qoyaγula iru=a üjejü qaγan=tu ayiladqaba Ibara=yin amin=i γal bui γal=tur usun kibesü sayin buyu gebe γal tülejü mönggön ayaγ=a=tu usun=i γal=tu

kibei Ongniγud=un Tölegedei-singči kelebe Borjigin töröltei dörbeljin ulaγan kümün γarču kümün=eče qaril boluγsan qara kümün bars jiloγ=a=dai dörbeljin kümün iregül=tür γarbasu daruqu gebe Qorčin=u Urdaγčaqai-noyan köbegün=iyen Buraqai=yi čaγan qula mori=tai daγaγulju irebe čaγ=i medegči Tabun=i Čegeče ulus=i medegči Maγu-Mingγan=i Ulum baran keletü Tataγaljin=u Baγasuqai olan keletü Kereyid=ün Uldu sayin keletü Altajin=i Sayimaq=a kelebe čaγ edüi üde boltuγai Borboγ=yin Bayan-Örmeger Dayun-qaγan=i tuγ=i niγulγaju Uriyangqan=u tuγ=i qaγurču qadqubai Urdaquqai-noyan=u köbegün Burqai Tabun=i Čegeče Sayimaq=a=yin köbegün Bardung ene γurbaγula ükübe Burqai-ong Baγasun-tabunung Čegeče num=un γurban kümün singsin=tür oroγsan gekü Baraγun-Tümen num=un tülkigür bayiri kijü irebei tegün=tür Dayun-qaγan eyimü bayiri=gi či medejem j=a gejü qara čirig=ün Oyirad=un $egüse=eče asaγbai $egüse kelebei eyimü numun tülkigür=tü buq=a sečigür sayin bile gejü

jiran nigen buq=a sečigür bayiri kibei Baraγun-Tümen qaγan=u tuγ ene gejü Uriyangqan=u tuγ=i tusalju qadquldubai Urdaquqai-ong Burqai köbegün=tegen Uriyangqan=u Bayaqai-baγatur Qorčin=u tümen=i Tabun=i Sayin-Čegeče-baγatur tabun otoγ Qalq=a=yin noyad uruγ=un Baγasun-tabunung tabuγula qosiγu uduridbai tedüi Uriyangqan dutaγabai Tümed=ün čirig kögen yabuqui=tur tendeče qaγan=u qara tuγ=i ile γarγaju bariγad tasulju uruγad Tümed=i darubai Baraγun-Tümen=i olangki čirig=üd qaγan=u qara tuγ=i öberün tuγ=iyan gejü endegüren oroju ireged kiduγdabai tere alaγdaqui=ača Ibarai-tayisi dutaγaju γarbai Dayun-qaγan Baraγun-Γurban-Tümen=ü törö abču öberün erke=tür=iyen oroγulbai gekü Čegeče-baγatur basa ergijü oroy=a gejü duγulγ=a möltöjü toloγai ničügen orobai tere oroqui=daγan Čegeče kelebei ene metü sayin törö edür büri ülü učaram gejü kürčü čabčilaldubai čabčilalduqui=tur Čegeče=yin toloγai qaγ=a čabčiju Čegeče morin=ača unabai kebtege öndeyijü čaγadu kümün=i

temür dörögetü köl=i nige mösün tasu čabčiba kötel=tegen kürčü törö tögörig ken=tü bui gejü asaγba kötečin=i tögörig mandu bui gebe Čegeče bi čaγ=tur ilaγdabai gejü keleged ükübei tegün=ü qoyina Dayun-qaγan Baraγun-Γurban-Tümen=ü bayiri=tu tusalaγsad=i čöm darqalaba Čegeče=yin üre noyan ügei boltuγai gejü darqalaba Oyirad=un $egüse-Aγlaqu=yin üre doloγan üy=e boltala alba ügei boltuγai gejü darqalabai Baγasun-tabunung=tu Sayin-Manduqai-qatun=ača törögsen ökin=iyen ögbe # ~ tegün=ü qoyina Baraγun-Tümen öber jaγuraban dayituju Ordosi=yin Aγlaqu-Legüsi Ibarai=yi alabai Legüsi=gi Erkegüd=ün Kelegei bariju alabai Legüüsi=gi Kelegei Dayun-qaγan=tu ayiladqabai ösiyetü=yi činu örölebe bi ataγ=a=tu=gi činu alaba bi gejü üge duradba qoyina Kelegei=yi Dayun-qaγan darqalaba qoyina Mongγoljin=i Qošoi-tabunung Temürgen qoyar oroju ögbe Qorčin=u Urdaquqai-ong Baraγun-Γurban-Tümen=i qubiyaju abuy=a gejü kelebe januγsan=iyan jaγučilaulbai ösiy=e=tü kümün=i

egüde büri jaruy=a östü kümün=i čuγ talbibasu qoyitu üre=yi manu jobaγanam doloγan otoγ Qaračin=i düng yeke Yüngsiyebüi=gi man=u doloγan otoγ Qaračin=tur neyilegül naiman otoγ Ordos γool bile naiman otoγ Čaqar=tu neyilegül arban qoyar Tümed=i arban qoyar Qalqadu neyilegül gebe ong=yin tere ügen=tür Dayun-qaγan ese bolju Barsu-Bolad-jonong köbegün=iyen Baraγun-Γurban-Tümen=tür saγulγaba Urdaquqai-ong qoyitu üre jobaju ükübe gejü morin=iyan toloγai=yi deledbei tere yabudal=tur Qorčin=u Urdaqui-ong=tur Ordosi=yin Tayiladar qonoγ ese ögbe gejü Tayiladar=i silebe (alaba) gekü Qongquli=gi qob kelebe gejü qosiγu=yi inu oγtalju alaba gekü ene üge bügüde=tür sonosdaγsan bui j=a Dayun-qaγan γučin doloγan jil qan oro saγuju döčin dörben nasun=tur=iyan tngri bolba # Dayun-qaγan=u yeke köbegün Törö-Bolad qan oron saγuγ=a edüi üre ügei tngri bolba degü inu Ulus-Bolad qan oron saγuγ=a edüi Ibarai-tayisi=yin γar=tur

tngri bolba ~ tegün=ü qoyina Bodi-Alaγ=i baγ=a gejü abaγ=a inu yeke oro saγuba # tegün=ü qoyina Bodi-Alaγ qaγan Jegün-Γurban-Tümen=iyen abču naiman čaγan gerte mörgöjü qaγan saγuy=a gejü ečiged Barsu-Bolad-jonong=tur üge kelebei či namayi=yi baγ=a gejü qaγan saγuγsan mön bolbaču qaγan saγuqu yosun ügei bui=yin tula j=a edüge či nada mörgö yosutu ejen mön=ü tula ese mörgöbesü dayisuldunam bi gejü sirügün üge=ber dongγodbai ene ügen=tür Barsu-Bolad-jonong-qaγan jöb gejü sanaγad mörgöbe bi gejü üge kelebei ene üge=ber bolusa basaču jöb bayinam gejü naiman čaγan gerte Bodi-Alaγ=i mörgögülüged qaγan yeke oro saγulγabai # tegün=ü qoyina qariju ireküi=tür Bodi-Alaγ qaγan=tur Qorčin tümen=ü baγatur Moloči boγos qulγači gegütei irejü üge ayiladqaba ene Baraγun-Tümen=ü jaq=a=ača dobtolju qariy=a gebe tere ügen=tür Bodi-Alaγ qaγan ese bolba Moloči-baγatur aγurlaγad

boγos gegüü unuγsan=ača qoγosun yaγakiju qariy=a gejü üge kelejüküi # ~ Tayisung-qaγan=u ösiyegi Sigüsite=yin köbegün Bolonai-ong nekejü iren Buγurul=tur-Čebden=i köbegün Moloči Alčuγudai Aluri ede γurbaγula sibegelejü ese abču qariba qoyina küriyen=tür basa sibegelejü ese abtaba tegün=ü qoyina küliy=e modun=i oγtalju negü<n> yadaju Örgen=e=ki nutuγlam gejü iretele Onon=u Saγačaγan=tu=yin yeke aral=tur učiraba Beder=yin-qosiγun degere yeke bayiri kibe Esebüri=yin köbegün Ebüčei-baγatur boro γajar ködelüm j=a boroγasan Ebečei bi ülü ködelüm gejü baγuju nidüben qarbuγulju unaγsan=tur kümün gedesün=i inu qaγalum getele büsen=tür uyaγsan morin inu tatabai Ebečei bosoγad tere kümün=i bey=e morin qoyar=i sumun=a qarbuju γarbai Tülügüken=ü köbegün Mendüi-darqan uγtuju sayin saγaral morin=iyan köl=i quγu qarbuγulba morin inu γurban köl=iyer yeke modun qarayiju γarba Urdaquqai=yin köbegün Uyangγu-baγatur Mendüi-darqan=tur

saqal=tu sirqul morin=iyan oroγulju ögčü γarγabai Qorčin Tataγaljin-Baiyu Kereyid=ün Bulai qoyar küre degü kürgen aq=a qoyar bölüge Baγarangγud=un Degülei Qoqulai qoyar üyegelid bölüge tede dörbegüle qosiγulaju ükübei tegün=tür ese abtaba qoyina Mendüi-darqan ekilen mordaju Qara=yin-γoroqan=u jida čilaγun degere sibegelejü bayiri kibe Solongγud=un Qarγačin-tayibučin=u üre Saγadayin köbegün Sayin-Tamaγ=a=tu Altajin=u Sayin-Qoqodai qoyar qosiγulaju Ügüdtei-baγatur aq=a=daγan Kököldei-baγatur=tu kelebe qoyaγula γaruy=a gebe qorin kümün=tü deyildem j=a bi qoyar kümün=tür ülü deyildekü či bayiγ=a bi γarsu gebe Tamaγatu=i sumun qarbubai Sayin-Qoqudai nočolalduju yabutala Tamaγ=a=tu bosoγad Kököldei=yin borbi tasu čabčiju alabai tegün=dür ese abču yisün jaγun aduγu inu abču qariju irebei jutaγsan=tur Mendüi-darqan mordaju Örgörgen=e-γool degere oroγulju Aluuri-baγatur=i Burqayin köbegün Arsaqu-Buyim=a-ong

silijü alaba Alčuudai=gi aduγun=a qolbaju yabuqui=tur Alčuudai kelebe Alčuudai=yin ötölügsen qoron Alaγčuγud=un tarqaγsan qoron gebe Alčuγudai=yi süke=ber čokiju alaba Moloči=i morin=a qolban irejü Sarkiγ=un-tököm degere Bodi-Alaγ-qaγan=tur Mendüi-ong kürgejü ögčü alaγulba Mendüi-ong=yi darqalaba Qasar=un üre qaγan=u üre=tür nigen tusa kürgebe gekü tere buyu Bodi-Alaγ-qaγan qorin dörben jil qan oro saγuju qonin jil=ün doloγan sarayin arban=a Jodolong-öndör=tü tngri bolba # tegün=ü qoyina γaqai jil=tür Darayisun-Güdeng-qaγan yeke oro saγuba # tere qaγan=u üy=e=tür törö töbsidčü törögsen nigedčü jirγuγan yeke ulus=iyan engke=jin jirγaγulbai Güdeng-qaγan=u köbegün Kökečüdei-tayiji Dural-noyan Joriγ=tu-tayiji Bügüü-tayiji buyu arban yisün jil qan oro saγuju γučin naiman nasun=tur=iyan moγai jil=e tngri bolba # tere qaγan=u üy=e=tür Barsu-Bolad-jonon=yin

köbegün Gegen-Altan-qaγan Ejen-Boγda ečige=yin man=u joban jögejü jöngkilen quriyaγsan tabun öngge dörben qari yeke ulus Ögedei qaγan Külüg-qaγan Möngke-qaγan=u üy=e=tür oluγsan šajin=u ekin Qubilγan-Sečen-qaγan=u bayiγuluγsan engke törö erdeni šasin nom batulan bariγsan ordo qarsi qota balγasun jayaγan=u küčün=e aldabai tegün=ü qoyina Elbeg-qaγan Adai-qaγan Tayisun-qaγan=i kögejü Aγbarčin-jinong=yi arγ=a=bar qoroγoba gejü erten=ü tede ösiy=e=ten Kitad Oyirad=i dayilan yabuba tere Sayin-Altan-qaγan qataγujin yabuju Tangγud Töbed=ün inadu kijaγar daki Mdova ulus Siraiγur ulus=i erke=tür=iyen oroγulju Ariγ-Sanggar-Časkib Oγlobom-Čoorča Isdaγring-Sereng-Dar ede γurban baγatur=i bariju alba inu abuba Oyirad=i dobtolju Jalaman-Törö=gi alaju Jigeken aq=a=yi ekilen nigen bölög ulus=i oroγulba Kitad ulus=i dobtolju qota balγasun=i ebden yabuqui=tur Kitad=un Tayiming-qaγan emiyejü alba tatalγ=a öggöged Altan-qaγan=tur süi-vang

čola örgöbe # tegün=ü qoyina Jasaγ=tu-Tümen-qaγan yeke oro saγuba erdeni šasin nom=i üyiledčü erten=ü östen Kitad ulus=i dayilaju yabubai Kitad ulus=tur ayalaju čerig učaraγsan=tur küčün=iyen ögbei gejü Nalangki=yi darqalaba # mön tere Jasaγ=tu-Tümen-Sayin-Gegen-Altan-qaγan anu temür qonin jil=tür genedte nom=un sedkil töröged Mjuva-Daki-Sdeg-lam=a iregsen=tür anu qaγan tegün=eče asaγbasu tere=ber qamuγ=i medegči Bsovad-Nams-Rgin-Mjova=yin bey=e jarliγ sedkil terigüten=i narin=a qaγan=tur ayiladqaγsan=tur qaγan=bar qaril ügei süsüg anu jun daki naγur metü debüreged umara jüg=deki yeke γajar ögede bolqu kereg kemen ayiladqaγčin Dayun-kiy=a=tur altan bičig yeke barilγ=a ergün jalar=a ilegebei kürčü ayiladqaγsan=tur qutuγ=tu Qomsim bodisung=yin qubilγan Tamjid-Mčyeba-Bsovad-Nams-Rgin-Mjova kemekü qutuγ=tu Dalai-lam=a ekilen basa qutuγ=tu Včir-bani=yin qubilγan Jamdoo-Rjirung qutuγ=tu terigüten olan merged quvaraγ=ud

ögede bolju ireküi=tür Dalai-lam=a=yi Köke-naγur=tur boljiju uγtun učaraγad alin=i bögesü narin=a jarliγ bolju yekede takil=un lam=a Gdülba-Čos-Rči-Bčovan-Gros-Bsang-Bova=yi yabuγulba # Mongγol=un arban nigen sarayin qorin jirγuγan=tur Gbras-Bung=ača inaγsi ögede bolbai ulam inaγsi yabuγsan=tur čaγan büriyen=ü düritü qadayin qabirγayin sang=ača dung büriy=e=yi abubai tegün=eče inaγsi ögede bolqui=tur Mösün-aγula=yin ejen qoyar jaγun moritan irejü mörgöged čoγoji=tur (qoyar) abdarayin degere tülkigür talbiju tegün=ü degere čaγan kyib talbiju ergüged Qomsim bodisung=yin abisig sonosba Čova=yin ekin=ü ulus γurban mingγan lang altan terigüten=i ergüjü mingγan ilegü kümün toyin bolqui=tur saγuγsan čilaγun tüsilge=tür dörben γar=tu Qomsim bodisung(=yin) bey=e öbesüben bütübei # tendeče inaγsi ögede bolqui=tur Mongγol=un tngri čidkür anu mori temegen min toloγai=tan=u nom=un sakiγulsun Byig-Rja köteljü ireged tangγariγ=tur oroγulbai tegün=eče inaγsi ögede bolqui=tur Ordos=un Sečen-qung-tayiji

Tümed=ün Dayan-noyan ekilen γurban mingγan moritan altan mönggö torγ=a terigüten=i bariju mörgöbei Sečen-qung-tayiji dörben γar=tu Qomsim bodisung=un abisig=i üjebei Gegen-qaγan öberiyen kijaγar daki qarangγui=yi geyigülkü=yin tula beleg=tür čaγan degel emüsčü tümen toγatan daγaγuli kiged öber=ün nököd bügüdeger blam=a=tur bayasqulang=un qurim mörgöküyin beleg jaγun tabun lang=iyar egüdügsen mönggön mandali nigen yeke altan ayaγan=i erdenis=iyer dügürgejü qoriγad büküli čaγan sira ulaγan noγoγan torγan arban čaγan mori emegel=tei jaγun mori altan mönggön kiyb büs terigüten ergüjü mörgöbei Güsi-baγsi kelemürlejü Sečen-qung-tayiji degegsi ayiladqaba tngri=yin erke küčün(=iyer) Mongγol Töbed Kitad=i erkedür=iyen oroγulju Sečen-qaγan Pagsba-lam=a=yin ači=bar šajin=i delgeregüljü amu qoyina Toγon-Temür=eče inaγsi šajin tasuraju onča kilinče=ber yabuju bölüge edüge naran saran metü lam=a qaγan qoyar=un učiraγsan=u ači=bar qamuγ=iyar arban buyan=u yosuγar yabutuγai kemen

čaγajilaju jarlabai # lam=a narin=a jarliγ bolju bayiqui čaγ=tur qaγan tür jaγura medege ügei bolju tendeče telüreged erte Pagsba-lam=a süm=e bariqui čaγ=tur bi Sečen-qaγan boluγad či Pagsba-lam=a boluγsan=tur či süm=e=yi amilaba tegün=ü qoyisi bi edüge boltala qamiγasi tögerijü yabuγsan bui kemen ayiladqaγsan=tur lam=a jarliγ bolju bey=e=yin sakiγulsun=tur tabun ijaγur=tan=i belge=ber tabun öngge kiyb=iyer včir janggiy=a janggidču tamaγalaju erdenis=ün ayaγan=i eldeb üres=iyer dügürgejü qaγan=tur soyorqabai # Sodnam-Rga-Mčova dalai lam=a=yi včira-dara čola ergübei Gegen-qaγan=tur nom=un-qaγan-yeke-Esrua-tngri kemen čola ögbe šasin=u ekin Tümen-Jasaγ=tu-qaγan Qalq=a=yin Včir-Sayin-qaγan ede buyu Gegen-qaγan=u köbegün Sengge-Dügüreng-qaγan tegün=ü köbegün Sümer-tayiji=ača Yondan-Rimčova=yin qubiluγsan eyimü buyu ečige inu Sümer-tayiji eke anu Qasar=un üre Dayun-Üyijeng-noyan=u ökin Biriγan-Jula=yin kebeli=tü oroγad jirγuγan üsüg=ün daγun dotor=a=ača

ilete sonosduγad ger=eče solongγ=a tataγad eldeb čečeg=ün qur=a ba olan belges boljuqui arban sara boluγad sirui üker jil Dalai-lam=a qubilju töröbei temür taulai jil Tümed=ün qaγan jolγar=a irebe jaγuγad čaγajang čai ögčü umdan=i qangγaba Mongγol jirγuγan yeke ulus ergüče terigüten yeke ede aγurasun čaγlasi ügei ergüjüküi # Mongγol=tur Jongkaba=yin šajin=i naran metü geyigülbei tendeče umara jüg=ün sira malaγatan=i noyan terigüten takil=un sara Barasbung γurban (...) ekilen olan keyid=ün elčis irejü jalaγsan=tur möngke γajara ögede bolbai # Gegen-qaγan anu erketü Juu-Sikamuni-burqan=u bey=e erdeni altan mönggön=iyer bayiγulbai tasuraγsan šasin=i jalaju ebderegsen törö=yi jasaju tabun öngge dörben qari ulus=i erten=ü Sečen-qaγan metü aldarsiγulbai # basa tegün=ü qoyina Buyan-Sečen-qaγan erdeni šasin nom=ud=i delgeregüljü erten=ü Tayisung-qaγan=u aldaγsan tamaγ=a abču engke yeke törö=yi ulam bayiγulju eng yeke ulus irgen=e amurliγulbai # Buyan-Sečen-qaγan=u

köbegün Mangγus-tayiji qan oron saγuγadui nökčibei # tere Mangγus-tayiji=yin köbegün Lindan-qutuγ=tu-qaγan buyu Lingdan-qutuγ=tu-qaγan tegüni nereyiddügsen ner=e anu ~ södü Činggis-Tayiming-Sečen jüg=üd=i dayin böged ilaγuγči Tayisung tngri=yin tngri delekei dakin=u Qormusta altan kürdün=i orčiγuluγči nom=un qaγan kemekü bolju sayin jarliγ nom=ud=i mongγolčilan orčiγulju masi yeke=te delgeregülügsen ajuqu Lindan-qutuγ=tu-qaγan=u köbegün Ejei-Qongγor tegün=ü köbegün Abunai-vang bölüge tere Abunai-vang anu Ürčid=ün <Jürčid=ün> Bars-Sečen-qaγan=u ökin Gürün=i-güngji=yi abuγsan bui Abunai-vang=gi=yin qatun Güngji=eče törögsen Burni-vang Lobsang-tayiji ene qoyar buyu # namuva gürü Enedkeg=ün eng terigün Maq=a-Samadi-qaγan=u altan ijaγur=ača ündüsülejü olan üy=e boluγsan=u qoyina Töbed=ün Küjügün-Sandali=tu-qaγan töröbe tegün=ü qoyina tngri=yin köbegün Börte-Čino=a

töröbe tegün=ü qoyina Dobu-Mergen=i töröbe Dobu-Mergen=i önggeregsen qoyina Alung-Γou=a ere ügei yabuju Bodončar=i töröbe urtu nasutu tngri=yin köbegün Bodončar eke Alung-Γou=a=tur urtu nasutu tngri qubilγan=iyar ögede bolun ireged Alung-Γou=a=luγ=a tačiyaqui sedkil töröjü čaγan dusul neyilegsen=tür Kiγud yasutai Borjigin omoγ=tai Bodančar=i töröbe Bodančar=un köbegün Qabiči-baγatur tegün=ü köbegün Begir-baγatur tegün=ü köbegün Maq=a-Todun tegün=ü köbegün Qači-Külüg tegün=ü köbegün Bars-$ongqor-Doγsin tegün=ü köbegün Tumbinai-Sečen tegün=ü köbegün Qabul-qaγan tegün=ü köbegün Bardam-baγatur tegün=ü köbegün Yisükei-baγatur tegün=ü köbegün Ögelen eke=teče törögsen boγda Činggis-qaγan bölüge tegün=ü köbegün Jöči , Čaγadai Ögedei , Tolui kemekü dörben köbegün buyu Boγda-Ejen=ü Jöči=yin üre domoγ=tu bui Čaγadai=yin üre Orosun Čaγan-qaγan bui tere Čaγadai qaγan ečige=tegen maγui sedkiy=e

gejü ireküi=tür Včir-Sečen uγtun ečijü qoor=a ögčü Učir-Sečen qoyaγula ükübe gekü Ögedei=tür ür=e ügei Tolui=yin üre Mongγol=un qad bui Qasar=un üre Sira-qan ekilen Qorčin=u ayimaγ noyad boluγad edüge=yi Qorčin=u baraγun γar=un Tüsiy=e=tü-čin-vang=tan tabun qosiγu jegün γar=un Joriγ=tu-čin-vang=tan tabun qosiγu ede bügüde arban qosiγu bui basa aru Qorčin nige Γurban-Urad Dörben-Keüked , Muu-Mingγan ede (arban) jirγuγan qosiγu Qasar=un üre buyu basa Boγda-Tayisung-Ejen=i tüsijü daγaju oroγsan Qorčin=u jerge=yin ulus noyad dotora basa bui buyu # Belgetei=yin üre Jasaγ=tu-qaγan ekilen Tümen=i noyad boluγad Qoyar-Abaγ=a Abaγar ede dörben qosiγu buyu Qačiγu=yin üre Alčidai Tülügen-noyan nögöge küriyen ekilen , Qara-Čirig , Qoyar-Ongniγud=un vang noyad ede buyu tere dotora Sergeg-qosiγuči Dorgi-amban=tan tede Qačiγu=yin üre buyu Očiγu=yin ür=e

Kegedei buyu tegün=ü üre edüge ken=i=ber medekü ügei jarim nigen teüken=tür Kürlüd=ün noyan bui kemelüge yisün örlög=ün üre inu Jalayir=un Muqulidai=yin ür=e Ordos=tu bui Arlad=un Boγorči=yin üre Burqai-ong bui Jürken=ü Boroqul=un ür=e Čidaγud=un tabunang=ud Ungsin=tu bui Süldüs=tei=yin Torγan-Sira=yin üre Uyiγud=tu bui Uriyangqan=i Jelm=e=yin ür=e Uriyangqan=i noyad bui Jelm=e=i degü Sübegedei-baγatur boγda Činggis=ün ür=e=tür küčün ögčü sayin yabuba Jürčid=ün Čuu-Mergen=ü üre mön Jürčid=ün noyad bui Tatar=un Siki-Qutuγ=un üre mön Tatar=tu tegün=ü köbegün Sibaγ-Temür Toγon-Temür qoyar bui tegün=ü ür=e Kegedei bui Besüd=ün Jebe=yin ür=e Boγda=yin quγur qadaγalju yabuγsan Ordos tümen=tü bui Güšerdei-quγurči neretü buyu Oyirad=un Qara-Kiyru=yin üre inu mön Oyirad=tu bui bölüge # tendeče Dayan-qaγan=u arban nigen köbegün=ü ür=e anu

Törö-Bolad=un köbegün inu Bodi-Alaγ-qaγan Küküčidei-noyan Jasaγ=tu-qaγan tegün=ü ür=e inu edüge Čaqar=un noyad buyu Ulus-Bolad=tur ür=e ügei Barsu-Bolad=un köbegün Mergen-Qara-jinong Kündülen-qaγan , Altan-qaγan , Labuγ-noyan Narin-noyan Bočidara Qojigir-tayiji ede doloγan=u üre inu Bošoγ=tu-jinong-qaγan buyu tegün=ü köbegün Qarqučuγ-tayiji buyu Arsu-Bolad=un köbegün Onon Bujigir qoyar Onon=u köbegün Sengge Boroγčin buyu Bujigir=yin köbegün Dardai=yin noyan bui eden=ü ür=e doloγan tümed=tü Ordos=un noyad buyu Alču-Bolad=un köbegün Qalq=a Quraγči-tayiji , tegün=ü köbegün Tumbinai-tayiji , Noγoγan-Baγurid=un noyad anu Alču-Bolad=un üre bölüge Včir-Bolad=un köbegün Kesig=ten=i Dari-tayiji tabun otoγ Qalq=a=yin tayiji Albur=a=yin köbegün Aju Sira qoyar tegün=ü ür=e Čaγan-Tatar=un noyad buyu Čing-tayiji=yin köbegün Tungsi Čingli qoyar

tegün=ü ür=e Qara-Tatar=un noyad bui ger=e=tü ür=e ügei Urud-tayiji=yin üre Urad=un Lung-noyan buyu Jalayir-tayiji=yin ür=e doloγan qosiγu Qalq=a=yin noyad bölüge # basa qoyina salju ulus ulus=i ejelegsen anu Mergen-Qara-jinong Ordos=tu Altan-qaγan Tümed=tü Kündülen-qaγan Qaračin=tu Labuγ-noyan Ügüsin=tü Narin-noyan Čaγan-Tatar=tu Bodidar=a Yüngsiyebü=tü # Dayan-qaγan=u üre anu edüge ene tabin jasaγ=un dotora Qoyar-Baγarin Qoyar-Jaruγud Odqan Naiman , Kesigten , Qoyar-Üjümüčin , Qoyar-Quučid , Qoyar-Sönid Jegün-Tümed , Köke-qota=yin Tümed Jirγuγan-Ordos ede qorin nigen qosiγu Dayan-qaγan=u ür=e buyu basa=bar Tayisung-Boγda-Ejen=i daγaju tüsijü oroγsan Dayan-qaγan=u üre dotora basa Urud , Jaruγun , Qaračin , Kesigten , Čaqar ede jerge=yin ulus yerü olan bui doloγan qosiγu Qalq=a qaγan noyad čöm bügüde Dayan-qaγan=u ür=e

buyu # basa nigen teüken=tür Barsu-Bolod=un köbegün Kündülen-qaγan buyu Kündülen-qaγan=u köbegün Bayiqudai-qaγan Dayičing , Sari , Bingtü , Odqon-Čügür , Üčed buyu Bayiqudai-qaγan=u köbegün qaγan Aqai-Čoskib tegün=ü köbegün Laskib tegün=ü köbegün Norbo-Qoromsi Norbo=yin köbegün Barang qoyaduγar Dayičing=tu ür=e ügei γutaγar Sarai=yin köbegün Abai ene Abai-noyan=u suburγan kegür Imadu bui tegün=ü köbegün Čoγtu Dai-darqan-Burqatu Čoγtu=yin köbegün Jolbin tegün=ü köbegün Büre , Jamyan Künedüng Dai-darqan-Burqatu=yin köbegün Bančun , tegün=ü köbegün Badmasung dötüger Bingtü ür=e ügei tabdaγar Odqon-Čügür=ün köbegün Buyan-Aqai , tegün=ü köbegün Birasi tegün=ü köbegün Dorji , tegün=ü köbegün Bilig jirγuduγar Üčed ür=e ügei buyu tegün=ü abaqai=yi Jangdan=tu ögbe qaγan=ača ekilen čöm bügüde Kiγud yasutai Borjigin omoγ=tai Sirsüd Asud Qaračin Qaγučin-Qaračin , sayid tüsimed qamuγ Qaγučin

ulus Boronud-Qaračin busu ulus=ača oroju iregsen Mongγol Kitad=i Qarγud-Qaračin gejü nereledeg buyu Tulγur-Čaγar Qaračin qoyar ulus jokis ügei bölüge # tegün=ü qoyina Qaračin=u Laskib Buyan-Čoγtu , Burqatu=tan törö=yin engke čaγ=tur Manju=yin Tayisung-Boγda=tu Olčidai neretü kümün=i jaruju Manju Qaračin bida qoyar ulus nigen ey=e=ber yabuju törö jasaγ nigedüy=e gejü ilegegsen=i Čaqar sonosuγad Qaračin Manju=luγ=a neyileküle erkebesi yeke gem bolqu bayinam ged egün=eče ulam maγu bolju Čaqar Qaračin teyin bolju urulduγsan aγsan aju tegün=ü qoyina Qaračin=ača basa Omi-Sečen=i Tayisung-Boγda=tu jaruba Boγda-Tödei neretü kümün=i Omi-Sečen=luγ=a qamtu Qaračin=tu jaruju Manju Qaračin bida qoyar ulus törö jasaγ nigedüy=e ta nigen sayin kümün=i γarγaju Tödei=luγ=a qamtu ilege gejü jarliγ boluγsan=tur Qaračin=ača Ubali-Sečen=i jaruju bölüge Boγda-Köbegetü-Köke=yin qosiγun=i ejen Piyangqu-kiča beyile Sečen-baγsi

Asi-darqan Nomtu-Jarγuči=tan=i jaruju Ubali-Sečen=luγ=a tngri=tü čaγan mori γajar=tu qara üker alan takiju qoyar ulus ey=e=ber yabuqu=yin tula aman aldaba eyimü=yin tula Qaračin=u noyad ulus=iyan abču Dayičing ulus=tu oroba aman aldaγsan bičig=ün üge Manju Qaračin bida qoyar ulus nigen ey=e=ber yabuqu=yin tulada tngri=tür čaγan mori γajar=tur qara üker alaju nigen ayaγan=tur araki kijü takin mörgöged törö yosun=iyan nigedken üyiledbei # erten=ü qad ijaγur ündüsün Enedkeg Töbed=eče inaγsi Mongγol=un qad eng terigün boγda Činggis-qaγan ači inu Qubilai-Sečen-qaγan=ača saluγsan Dayan-qaγan tegün=eče Lindan-qutuγ=tu kürtele quriyan ögülegsen Altan Tobči kemegdekü šaštir tegüsbe # # ay=a γayiqamsiγ=tu qubilγan boγdas qad=un ijaγur ündüsün edüi tedüi

teüken=eče ayaγ qa takimlig šasin=a ddar=a Blova-Bsang-Bsdan-Gjin kemegdekü güüsi=ber aγui yeke ulus jalγan üjetügei kemen kičiyen bičigülügsen tegüber amitan bükün čaγan buyan=iyar ejelen amin nasun urtu boluγad amuγulang jirγalang=tan boltuγai # erketü tngri=eče esitü qad=un sakiγulsun=bar sayitur tedkün ibegejü ebedčin ada todqar čaγ busu=yin ükül usad=un amurliju ed tavar delgeren ür=e taruan <tariyan> arbid=un nasun buyan nemejü engke esen amur jirγalang öske qur=a metü öljei qutuγ orosituγai # ma gxa la